EPISODE:-13
Prisha ne ankhen kholi...dekha...Rajeev thodi hi duri par khada tha... hathon me uss ke ek beer ka cane tha...
Prisha car se bahar aayi...wohi khadi Rajeev ko dekhne lagi...Rajeev jo uss pahadi ke ek damm sarhad par khada tha...ankhen uss ki kafi dur kisi ko talash rahi thi...
Prisha dhire se uss ke kareeb gayi...khadi rahi kuch der uss ke paas aur kaha:-"janti hun...kuch poochne ka haq nahi rakhti...phir bhi aap se kuch poochna chahti hun...
Rajeev ki nazar abhi bhi samne thi...kuch pal ke baad uss ne kaha:-"hmmm...pucho...!!! par ye xpectation matt rakhna ki...mujhe jawab dena hi padega...!!!
Prisha halke se mushkurayi...dekha uss taraf...jiss taraf Rajeev dekh raha tha...!!! dono pahadi ke choti par khade the n wahan se pura chandanpur dikh raha tha...!!! sham ka waqt tha...aur charo taraf se roshni...uss pahadi ki choti par se yun lagg rahi thi...jaise sitare zameen par hi chamak rahi hain...
Prisha:-"yahan se pura chandanpur...kafi khubshurat dikhta hai...
Rajeev ne kuch bhi nahi kaha...dekhta raha...samne hi...phir thodi der baad bola...
Rajeev:-"tum ne Mitali ko yeh kyoun kaha ki tum hi Prisha ho...
Rajeev ke yun achanak sawal se Prisha hairan hui...aur uss ki taraf dekha...!!! wo kafi normal tha...ankhen abhi bhi uss ke samne thi...aur beer ka cane uss ke honth par...
Prisha:-"tum...tum jante the ki main...
Rajeev:-"haan...
Prisha:-"par kaise...
Rajeev kuch der ruka...aur kaha:-"yeh jyada jaruri nahi hai...!!! jaruri yeh hai ki...tum ne Mitali ko yeh kyoun kaha ke tum hi Prisha ho...
Prisha:-"yeh sawal bhi mere liye jyada jaruri nahi hai...
Rajeev ne kafi gusse se phenki wo beer cane...aur Prisha ki taraf gusse se dekhte hue kaha:-"tumhe mujhe her sawal ka jawab dena jaruri hai Prisha...
Prisha ki ankhon me halke se anshu aaye par chehre par gussa bhi tha... uss ne kaha:- "mujhe ghar jana hai...!!! aur haan...mujhe tumhare her sawal ka jawab dena hai ye uss contract papers par nahi likhe the...isi liye main jawab nahi dungi...
Prisha ne turn kiya jane ke liye...Rajeev ne uss ka hath thaama...kafi zorr se...aur apne kareeb khinch karr kaha:-"mere samne apna attitude dikhana bandh karo...aur main jeetna puch raha hun uss ka jawab do...
Prisha phir bhi chup rahi...uss ke ankhon me ek gussa saaf dekh raha tha Rajeev...par wo aise react karr raha tha jaise use iss baat se koi farq nahi padta...
Rajeev:-"maine tumhe...mujhe ghoorne ke liye nahi...kuch jawab dene ke liye kaha...
Prisha:-"aur main jawab de chuki hun ke...mujhe iss bare me kuch nahi kehna...!!! aap ke business se judi her sawal ka jawab...jo main janti hun wo de sakti hun...par main apne private life me kya karrti hun...kya nahi... uss ke bare me mujhe aap ko koi jawab nahi dena...!!! aap ko jo karrna hai karr sakte hai...
Rajeev ka hath Prisha ke wrist par tight ho raha tha...jiss se Prisha ko taklif ho rahi thi...phir bhi uss ne kuch bhi bina kahe...yun hi khadi rahi...dekhti rahi uss ke ankhon me...
Rajeev:-"tumhe khud ke mann ke karrne ki koi bhi izazat nahi hai... Miss Prisha Sharma...!!! tumhe wohi karrna hai jo main kahunga...aur wohi sunn na hai jo main kahu...!!! aaj ke baad...main yeh tumhe dubara nahi kahunga...
Prisha ko taklif ho rahi thi...phir bhi uss ne bina kuch kahe Rajeev ko dekhti rahi...uss ke ankhon me kai sare sawal Rajeev dekh raha tha... sayad samajh bhi raha tha...uss ne nazar hata li...aur kaha:-"mujhe tumhare kisi bhi sawal ka jawab dene ki koi jarurat nahi hai...
itna kehte hue Rajeev ne Prisha ka hath chod...apna chehra ghuma liya...
Prisha ke chehre par ek halki si mushkaan aayi...uss ne kaha:-" maine dubara tum se kuch bhi nahi poocha Rajeev...!!! yeh tum ho ki...jiss ne mere ankhon me tumhare liye jude sawal...khud hi padh liye...!!! pata hai kyoun...kyoun ke tum abhi bhi meri care karrte ho...!!! wo sab...jo tumhe lagta hai ki hua tha...unn sab ke baad bhi tum...meri care karrte ho Raj...!!! haan... poochna toh main tum se kuch chahti thi...par ab nahi poochungi...aur na hi tumhe hamre bich hui misunderstandings ko le kar koi bhi baat ko clear karungi...!!! yeh tum hoge...jo meri ehmiyat samjhoge apni life me...!! ye tum hoge...jo hamare bich hui unn tamam wo batain jo galat thi...unhe solve karoge...
Rajeev ne aur bina kuch kahe ja kar car me baitha...!!! Prisha ne apne anshun pooche...hala ki uss ke face par ek mushkaan tha...aa kar baithi Rajeev ke paas...
Rajeev ne bina kuch kahe...car start ki...kafi speed se wo car chala raha tha...!!! Prisha ne dekha...Rajeev ke chehre par ek gussa thi...
Prisha ne ankhen bandh ki...aur baithi rahi...!!! achanak Rajeev ki nazar padi...Prisha ke wrist par...jahan uss ke hathon ka nishan kafi gehra nazar aa raha tha...
Rajeev ka hath stearing par aur tight hue...car aur jyada speed se chalne lagi...!!! pahadi ki dhalan se car utar rahi thi...par Rajeev ko iss se jaise koi farq nahi padta tha...wo car apni marzi se...aur kafi speed se chala raha tha...
iss baat se Prisha ko farq paddta tha...wo darrti thi...sayad isi liye uss ne ankhen bandh karr ke khud ko shaant rakhne ka faishla liya tha...
Car dhalan se niche utar chuki thi...sham ka waqt tha...par wahan aas paas jyada log nahi the...!!! car utni hi tezi se aage badh rahi thi...ek mode par achanak ek truck aaya samne...Rajeev ne apni car bachane k liye direction change kiya...aur brk lagaya...car ja kar takrayi paas hi ke ek ped se...
Prisha...car ke samne ki kaanch se takra kar bahar ja kar giri...!!! uss ne seat belt nahi bandhi thi...
Rajeev jaldi me car se bahar aaya...dekha...Prisha road par padi hui thi behosh...!!! uss ke chehre pura khoon se bheega hua tha...uss ke hath aur chehre par kai sare jagah se khun nikal rahe the...
Pahli baar Rajeev ke chehre par darr dikh raha tha...!!! wo kareeb aaya Prisha ke...kafi zorr se hilane laga use...naam le kar pukarne laga...par wo ankhen nahi khol rahi thi...
Rajeev ne usse apni bahon me uthaye...car me dala...
cut to hospital...
Rajeev OT ke bahar khada tha...!!! kafi shant rehne ki koshish karr raha tha...par uss ki bachaini uss ke chehre se saaf nazar aa rahi thi...
thohi der me wahan Mohit jee pahunche...Rajeev ke kareeb aaye aur kaha:-"kya hua Prisha ko...accident kaise hua...
Rajeev ne kuch bhi nahi kaha...sarr jhukaye baitha raha...
Mohit jee:-"kuch bolta kyoun nahi...
Rajeev ab bhi chup tha...!!! OT se bahar doc aaye...Rajeev kafi tez kadam se unn ki taraf gaya...
Doc:-"forehead pe chot lagi hai...lekin hath me kaanch ke kai tukde lage the...unhe nikalna pada...khun jyada nahi baha hai...par abhi bhi wo behosh hai...!!! hum ne bandage karr di hai...jaldi hi unhe hosh aa jayega...
Rajeev ke pair abhi tak kaanp rahe the...!!! Mohit jee ne pehli baar Rajeev ko iss tarah se dekha...!!! jab Dev ki death hui thi...wo khud se gussa tha...aur aaj wo dara hua dikh raha tha...
Rajeev kareeb aaya...Mohit jee ke aur kaha:-"bade papa...aap yahan rukk sakte ho kya...???"
Mohit jee:-"haan...main hun yahan...
Rajeev:-"thik hai...toh main abhi aata hun...
Rajeev hospital se bahar aaya...ek bench par baitha...uss ka dil keh raha tha:-"tu aaj Prisha ko bhi kho deta...!!! kis baat ka gussa hai tujhe...kis baat se narazgi hai tujhe..."
Rajeev ne sare sawalon ko ignore karrne ke liye apni ankhen bandh ki...kuch sochte hue uss ne no dail kiya...Arjun ka...
par uss ka cell 'switch off' aa raha tha...
Rajeev:-"shit...yeh karr kya raha hai...phn kyoun bandh karr ke rakha hai iss ne...
*********
cut to Arjun...
Arjun ek jagah par khada tha...use gher karr kareeb 6-7 ladkiyan khadi thi...
Arjun ne sari ladkiyo ke hath me 500 rupaye ke note thamaye...phir kisi movie ka tickets thamate hue kaha:-"yeh raha Don-2 ka firstday first show ke tickets...!!! pata nahi tum ladkiya 42 saal k uss aadmi... jiss ki biwi itni chote kapde pahti hai ki...wo kisi aur ladki ki taraf na dekh karr sharmate hue uss ka din gujarta hai...jiss ke do bachhe hain... jo kabhi kabhi apni beti ka hair band bhi ishtemal karrta hai...uss saharukh khan ke piche kyoun pade rahte ho...!!!
ek ladki ne filrt tone me kaha:-"tum kaho toh use chod karr main tumhare piche padd jayun...
Arjun ne khud ko unn se durr karrte hue kaha:-"main bhagwan Raam jee ka bhakt hun...ek patni wala...!!! aur 'ek naari...mere pe bhari'...type ka aadmi hun...isi liye mujhe khud se dur rakho...sirf utna hi karrna jitna kaha hai...!!! samajha gayi...
ek aur ladki boli:-"samajh ke bhi na samajh bann ne ka dil karrta hai zalim...jab se tumhe dekha hai dil apne paas hi nahi hai...
Arjun ne uss ke hath se apne shirt ka coller chudate hue kaha:-"tumhara dil...kahan hai yeh tum kal google par search karr ke dhundh lena...abhi mujh se dur raho...
ek aur ladki boli:-"wohi toh nahi hota yaar...
wo thodi close ho kar Arjun se boli...
Arjun:-"dekho...rape karrna...murder karrne se bhi baht bada gunah hai...!!! tumhe bhagwan kabhi maaf nahi akrega...
tabhi dur se ek bike aati hui dikhi...Arjun ne kaha:-"dekho wo aa rahi hai...jo bhi abhi tak karr rahi thi...woh cont karr sakti ho...!!! hey bhagwan...meri laaz bachana...
tabhi aa kar wo bike ruki...Nupur niche utri...dekha...Arjun ko pakad kar sari ladkiyan khadi thi...
Nupur:-"yeh kya ho raha hai yahan...
Arjun bhaag karr aaya...Nupur ke paas aur kaha:-"main chup chap apne ghar ja raha tha...aur inn ladkiyo ne mujhe gher liya aur...dekho mere kapde tak phaad diye...
Nupur ne dekha...Arjun ke gale me...chehre par lipstic ke nishan the...(jo ki Arjun ne khud banaye the)...
Nupur:-"yeh kya...
Arjun:-"kya yeh kya...!!! dikhayi nahi deta...lipstic ke nishan hain aur kya...akele mard ko dekh karr inn sab k hawas ki jaag gaya...aur agar tum nahi aati toh aaj main kisi ko muh dikhane layak nahi rehta...!!! aur yeh sab tumhari wajah se hua hai...
Nupur ne dekha...wo ladkiyan bhaag kar chali gayi thi...
Nupur:-"meri wajah se kaise...
Arjun:-"aur nahi toh kya...??? raat ke 10 baje...main yahan roz tumhe ek baar dekhne hi toh aata hun...!!! janta hun ki tumhare dil me mere liye kuch bhi feelings nahi hai...par phir bhi main aata hun...!!! aur tumhe pata bhi hai ki kyoun aata hun...!!! khair jaane do...main apne ghar ja raha hun...
itna keh kar Arjun jane laga...Nupur ne nahi roka...Arjun ne dil hi dil me kaha...'yaar...rokk le mujhe...kafi kharcha ho chuka hai teri wajah se... plzzz'
tabhi uss ne suna:-"ruko...
Arjun ne turn kiya...dekha...Nupur apni bike ko thaame uss ke hi kareeb aa rahi thi...aur kaha:-"baitho...main tumhe tumhare ghar tak chod deta hun...
Arjun:-"nahi...koi jarurat nahi hai tumhare humdardi ki...main akela ja sakta hun...
Nupur:-"mujhe nautanki pasand nahi...!!! kaha...baitho...matlab baitho...!!! warna mujhe jabardasti bhi karrna aata hai...
Arjun:-"achha...toh karo zabardasti...main nahi baithta jayo...!!! jab dekho man-mani karrti rehti ho...!!! samajh kya rakha hai mujhe...!!! haan... pyar karrta hun tum se...aur kaan khol kar sunn lo...tumhare siwa kisi aur se shaadi bhi nahi karunga...!!! par tum jo yeh itne dino se mujhe pareshan karr ke khush ho rahi ho na...uss ke liye wo uparwala tumhe kabhi maaf nahi karega...bhale hi main saaf ho jayun...
kahte hue Arjun ne apna ankhen poochi...apne hanky se...aur mudd kar jane laga...
Nupur ne uss ke collor pakad kar khinch kar apne bike tak la kar gusse se kaha:-"chup chap baitho...kuch aur kaha na...
uss ke baat khatam hone se pahle...Arjun ne kafi fastly...uss ke waist par apna hath rakhte hue...kareeb khincha aur uss ek hontho par halke se kiss karrte hue kaha:-"kuch aur mujhe kehna hi nahi hai...main bass yehi toh chahta tha ki tum mujh par apna haq zahir karo...aur kuch nahi...!!! haan... ab maine tumhe kiss kiya...chaho toh thappad maar sakti ho ya phir jail me dal sakti ho...!!! better option yeh hai ke...tumhare paas gun hai...uss ka bhi ishtemal karr sakti ho...
kuch pal dekhne ke baad Nupur ne kaha:-"kal se aadhi raat ko yahan aane ki jarurata nahi hai...hum roz subah...jog par mil sakte hain...!!! ya phir hum dono agar kisi shaam ko free ho toh mil sakte hain...!!! ab chup chap baitho...jyada nautanki ki na...dubara kiss karrne ke layak nahi rakhungi...
Arjun hassa aur bola:-"iss ka matlab ki tum mujeh dubara properlly kiss karrne dogi...
Nupur ne bike ki taraf ishara karr ke kaha:-"batho...
Arjun:-"nope...bike tum chalayogi...piche main baithunga...
Nupur:-"kya...
Arjun:-"haan...aur kya...!!! ab jaldi baitho...mujhe ghar jana hai...
Nupur ne bike start ki...Arjun uss ke piche baitha...aur piche se use hug karrte hue uss ke kano me dhire se kaha...
Arjun:-"kab se tumhe hug karrna chahta tha...iss bahane yeh khawahish bhi puri ho jayegi...love you...!!! par tumhe love you kehne ke liye nahi kahunga...jab tumhara dil kahe bol dena...main intezaar karr lunga...
Nupur ke face par ek halki si smile thi...
*********
Prisha ne ankhen kholi toh samne Mohit jee ko paaya...aur Arjun bhi khada tha...oranges kha raha tha...jo sayad usi ke liye rakhe hue the...
Prisha ke face par ek halki si smile aayi...!!! pichle do din se wo hospital me hai...au Arjun bhi...Mohit jee roz do baar aate hain...
Mohit jee:-"kaisi ho beta...
Prisha:-"thik hun sir...!!! aap yahaan...raat bhar the...???
Mohit jee:-"arey nahi beta...main toh raat ko ghar chala gaya tha...wo toh raat bhar Arjun yahan par tha...!!! main doc se baat karr leta hun... phir hum ghar chalenge...!!! yaha se jyada toh tum ghar pe aaram karr sakti ho...
Arjun:-"jee sir...yahan pe jahan dekho sirf...'safedi ki chamatkar' (points to docs n nurses uniform) hi dikhayi deta hai...!!! her waqt iss baat ka darr laga rehta hai ki...abhi koi aayega aur bolega...'juban dikhayo'...ya phir ek laaambii si sui dikha kar aise tumhare kareeb dhire dhire aayega...jaise abhi ke abhi tumhari jaan nikalne wala ho...
Prisha hassne lagi...Mohit jee ne kaha:-"main doc se baat karr leta hun... tab tak...Arjun tum yehi rehna...kahin bhaag matt jana...
Arjun:-"jee sir...
Mohit jee chale gaye...
Arjun:-"maine kabhi kisi aur k liye itni care karrte hue nahi dekha... jitna Mohit jee karrte hain tumhari...!!! kuch hi dino me wo tum se pyar karrne lage hain...!!! sayad tumhare bahane wo Dev sir ki kami ko bhulna chahte ho...
Prisha thodi si distracted hui...aur boli:-"haan...sayad...
use yaad aaya...kuch dino se...woh Mohit jee ke sath kafi time beeta rahi thi...!!! kisi kaam me agar ek hi kamre me Rajeev aur Mohit jee ho...toh wo Rajeev k wo boring files ko chod kar Mohit jee ke sath gappe maarne baith jaati thi...
haan...Rajeev kuch nahi kehta tha...kuch pal dekhta tha...phir uth kar chala jata tha...!!! jab wo uss ke piche jane ki koshish karrti toh Mohit jee use khinch kar phir se baitha dete...chess khelne ke liye...!!! aur iss baat par Rajeev bhi kabhi uss se kuch nahi kehta...
Arjun ne uss ke samne hath hila kar kaha:-"kya soch rahi ho...abhi ghar chalne ka time hai ma'am...!!! pair me chot lagi hai...par tum chaho toh tumhe main apni bahon me utha kar le ja sakta hun...!!! vaise tumhara hath kaisa hai...dard ho raha hai kya...
Prisha ne apni right hand ki taraf dekha...plaster chadha hua tha...dard toh tha...par uss ne kaha:-"nahi jyada nahi...!!! mujhe uthne me help karo plz...
Arjun ne Prisha ko halke se uthaate hue...paas hi rakhe hue wheel chair par sahara de kar bithaya...tabhi prisha ne poocha:-"do din se tumhe kuch puchna chahti thi...par wo medicine itni strong hai na...mujhe sirf neend hi aa rahi thi...aur pooch nahi payi...!!! achha...ek baat batayo... tumhe kis ne bataya...ke mera accident hua hai...??? tum toh apne mission par gaye the na...
Arjun thoda xcited ho kar bola:-"arey haan...maine to tumhe bataya hi nahi ke...meri Subhadra finally maan gayi hai...
Prisha ne hairani se Arjun ki taraf dekh kar kaha:-"Sach...???"
Arjun:-"yupe...thodi si nautanki karrni padi...par finally wo maan gayi...!!! aur pata hai uss ke baad kya hua...main khushi khusi apne ghar aaya... chadar taan ke...pair failaye so kar uss ke sath ek romantic sapna dekh hi raha tha ke...mere ghar ka darwaza zorr zorr se koi peet ne laga... mujhe laga sayad meri Subhadra ko iss Arjun k drame ka pata chal gaya...aur abhi wo aadhi raat ko meri dhulayi karrne aayi hai...!!! aur maine darr kar darwaza khola toh samne Rajeev khade the...!!! kaafi khun laga hua tha unn ke shirt par...!!! main to darr gaya tha...phir pata chala ki wo khun tumhara tha...n unhone tabhi mujhe order diye ki...main usi waqt hospital me pahunchu...aur tumhara pura khayal rakhu...!!! aur main yahan aa gaya...
Prisha ne kuch nahi kaha...bass kuch soch rahi thi...
Arjun:-"thodi der ke liye main darr gaya tha ke...kaise hua...kya hua...!!! par jab Rajeev ko yun paglo ki tarah dekha na maine...toh yeh andaza hua ki...tum thik ho...
Prisha:-"matlab...???"
Arjun:-"hmmm...matlab ki...Rajeev tumhari care karrte hain...sayad baht care karrte hain...
Prisha distracted si lagg rahi thi...aur Arjun use bahar le kar jate hue... kuch bake ja raha tha...jab ki Prisha Rajeev ke bare me soch rahi thi...
Arjun:-"accident jyada serious nahi tha...tabhi tumhe ghar jane ki izzazat mil gayi...warna...Rajeev toh...
Prisha ne turn karr ke Arjun ko dekha...pata nahi kyoun par abhi Arjun thoda thoda samajhne laga tha Prisha n Rajeev ki ankhon ki zuban...jo wo ek dushre ke bare me sunn na chahte hain...
Arjun:-"mujhe uss raat ko hospital le karr aaye...mohit jee ko ghar bheja...phir raat bhar wahan...parking me baithe rahe...!!! aur aaj subah jab unhe pata chala ki tum thodi si thik ho toh unhone doc ko kaha ki ghar le jane ko...doc nahi maan raha tha...after all tum jitne din rahogi unn ko iss ki fees bhi leni hai na...itna mehnga clinic jo hai...par Rajeev toh Rajeev hain...unhone achha kharcha paani diya...doc ko...aur uss ne turant chod diya tumhe iss updesh ke sath k...tumhara achhe se khayal rakha jaye...!!! toh abhi tumhari kuch din ke liye chutti...
Prisha:-"abhi yahan Rajeev nahi hai...
Arjun:-"Mohit sir ke aane ke baad wo office chale gaye...
Prisha (in her heart):- "main janti hun Rajeev tum roz raat ko aaya karrte the...
*********
cut to school days...
Prisha school ke liye nikal rahi thi...dekha uss ki badi behn ghar ke ander aa rahi thi...kafi khush lagg rahi thi...aur hath me ek envolpe bhi tha...
Prisha ko samne dekh kar Anu ne use kafi tight hug kiya...
Prisha:-"kya hua dii...kafi khush lagg rahi hai...koi good news...
Anubha:-"guess what...central school me mujhe as a science teacher ki job mil gayi...aur wo bhi Nasik me...
Prisha:-"really...great...di...ab chal mujhe treat de...
Anubha:-"pahle join toh karr lene de...
Prisha:-"par dii...tu chali jayegi toh main toh akeli ho jayungi...
Anubha:-"senti dailg matt maar...!!! jaldi se apne 10th me achhe numbers se paas ho ja...phir meri hi school me tera admission karrwa dungi...!!! phir wahan sath me dono rahenge...
Prisha:-"wow...dii...maza aayega...sachii...
Anubha:-"chal ab school ja...tujhe late ho raha hai...
Prisha...school ke liye apna cycle le kar nikli...
Cut to Raj n Dev...
school jane ke rashte se ho kar ek pond tha...achanak Rajeev ne wohin par apni cycle roki...aur ja kar kinare par baitha...
thoda ajeeb laga Dev ko...wo aaya uss ke piche piche aur bola:-"school nahi jaana...
Rajeev ne ek pathhar phenka...paani me aur bola:-"nahi jaana...
Dev:-"kyoun...
Rajeev:-"kuch bolunga toh tu mazakh udayega mera...
Dev baitha uss ke kareeb...thoda gaur se dekha use...Rajeev ne apna muh phula rakha tha...zahir si baat thi ki wo naraz hai...khud se ya phir Dev se...
Dev:-"prob bol apna...
Rajeev:-"aise react matt karr jaise tujhe kuch nahi pata...tu sab janta hai...phir bhi saala aise react karr raha hai jaise tujhe kuch pata hi nahi hai...
Rajeev ne gusse me ek aur pthhar phenka paani me...
Dev:-"hmmm...kahin tu Ashwin ki wajah se toh pareshan nahi hai na...!!! arey...bhaad me jaane de...use...wo wohin khush rahega...!!! ab dekh...uss ne mujhe sab ke samne maafi bhi maang li...aur teri wajah se jail ka chakkar bhi kaat liya...!!! apne parents se...aur school ke teachers se bhi achhe achhe lafade(thappad) kha liye...aur kya chahta hai tu...haa???"
Rajeev ne use gusse se dekha...dev hassa:-"toh phir gadhe...muh se bolta kyoun nahi ki...tujhe prob hai Prisha se...
Rajeev ne phir se uss pond ki taraf dekha...
Dev:-"koi chiz agar tumhe prob deti ho...toh use solve karrna seekh... bhaag matt uss se...
Rajeev:-"matlab...???"
Dev:-"matlab ki...tujhe Prisha achhi lagti hai...tujhe uss se baat karrna pasand hai...
Rajeev ne bich me tokkte hue kaha:-"nahi...baat karrna nahi...uss ki baat sunn na pasand hai...
Dev hassa ...phir kaha:-"thik hai...tujhe uss ki baat sunn na pasand hai...
Rajeev ne pond ko dekh kar kaha:-"aur...
Dev:-"aur kya...
Rajeev:-"bolte hue ajeeb sa lagg raha hai yaar...
Dev:-"mere se kya sharmna...bol na...
Rajeev:-"main tujh se kyoun sharmayunga...main koi ladki thode hi na hun ke...sharmayunga...!!!
Dev:-" toh phir bol...aur...
Rajeev:-"aur...pata nahi kyon wo mujhe kafi khubshurat lagti hai... matlab ki...woh...actually...
kuch der tak confused rehne ke baad rajeev bola:-"jaane de...main pura mazra tujhe bol toh nahi pa raha hun...tu kya khaak meri prob solve karega...
Dev:-"tera dost hun...janta hun ke...tujhe kis baat se aur kaisi baton se prob ho sakti hai...!!! toh meri baat sunn...
Rajeev yun hi baitha raha...
Dev:-"apne pareshani se bhaag matt...!!! yeh koi badi baat nahi hai...!!! jo bachaini...jo uljhan tu mehshush karr raha hai na...uss ka ek hi ilaaz hai...
Rajeev:-"kya...
Dev:-"Prisha aur kya...
Rajeev utha apni jagah se aur bola:-"phir se tu chalu ho gaya...
Dev:-"sunn toh sahi...!!! Prisha se dost karr...
Rajeev:-"wo toh meri dost hai hi...ab dosti kya karu...
Dev:-"abey gadhe...uss se bhaag matt...agar wo tere kareeb aati hai... toh aane de...baat karr uss se...her ek baat...!!! apni pasand bata use... uss ki pasand jann ne ki koshish karr...!!! achhi ladki hai...hamesha teri dost bani rahegi...
Rajeev:-"try karrta hun...uss se baat karunga...ab uss se nahi bhagunga...!!! agar sab kuch thik raha toh thik...warna agar kuch ajeeb sa hua na...toh saale teri dhulai karunga...
Dev:-"koi na...karr lena apni mann-mani...pahle school toh chal...
cut to school...
lunch hour...
Rajeev aur Dev canteen me aaye dekha...Prisha aur Nupur apna tiffin khatam karr k bass nikalne hi wale the...
Dev:-"all the best...
Rajeev kuch nahi bola...
Rajeev ne dekha...Prisha ka chehra thoda udaas lagg raha tha...
Rajeev:-"yeh tumne kaddu ki shaqal kyoun bana rakhi hai...
Dev ne halke se apne elbow se Rajeev ko maarte hue dhire se kaha:-" girls ko apna face baht pyara hota hai...agar tune uss se yun baat karrne ki koshish ki na...toh pakka saale tu bhi peetega aur mujhe bhi peetwayega...
Prisha ne Rajeev ko ghurte hue kaha:-"meri shaqal tumhe kaddu jaisi dikhti hai...???"
Rajeev:-"kafi fula hua tha...matlab ki udaas lagg rahi thi...!!! roz toh aam jaisi lagti ho...aaj tumhar muh thoda fula hua tha toh kaddu bol diya...!!! vaise bhi tum pe aam jyada suit karrta hai kadoo nahi...
Dev ne sar pe hath rakh ke kaha:-"yeh ladka pakka peetega...aur meri shamat toh aani hi aani hai...
Prisha ne hairan ho kar kaha:-"meri shaqal tumhe aam jaisi lagti hai...
Rajeev:-"toh iss me bura kya hai...!!! aam kitna tasty hota hai...dikhta bhi kitna khubshurat hai...thoda laal...thoda peela...!!! aur phir hamara national fruit bhi toh aam hi hai...!!! tumhe aam pasand nahi...???"
Prisha:-"haan...pasand toh hai...par...
Dev lapka Nupur ke paas aur ja kar bola:-"tum ne Dhruv sitara dekha hai...
Nupur:-"haan...kyoun...???"
Dev:-"din me dekha hai...???"
Nupur:-"din me sitare kaise dikh sakte hain...
Dev:-"lo...tumhe itna bhi nahi pata...
Nupur:-"achha...tumhe bada gyaan hai...batayo...din me tumhe kahan Dhruv sitara dikhta hai...
Dev...nupur ke hath me pakde hue dairy milk choclate le kar bhaaga aur bola:-"jab tumhara dost tumhe ullu bana kar tumhara chochlate le kar bhaag jaye na...tab chahe subah ho ya shaam dhruv sitara toh pakka dikhta hai...
Nupur chillayi:-"aaj tumhari khair nahi dev...sachhi...main tumhe jaan se maarne wali hun...
Nupur bhaagi dev ke piche...
Rajeev janta tha...prisha aur use akela chodne ke liye yeh dimag lagaya tha Dev ne...
Prisha:-"Anu di ko na job mil gaya hai Nasik me...!!! wo next month chali jayengi...aur main akeli ho jayungi...
Rajeev:-"tumhe akele rehna achha nahi lagta...
Prisha uthi apni jagah se aur Rajeev ke sath chalte hue boli:-"nahi... mujhe akele rehna bilkul bhi achha nahi lagta...!!! matlab ki maami hai... par jo mashti mazakh main Anu di ke sath karrti thi...wo mama-maami ke sath toh nahi karr sakti na...
Rajeev chup chap chalta raha...kuch nahi bola...
Prisha ne uss ki taraf dekha phir kaha:-"tum chup kyoun ho gaye...
dono corridor se hi gujar rahe the...Rajeev bola:-"kuch nahi...yun hi...
Prisha:-"tum ne kabhi nahi bataya...tumhare ghar me koun koun hain...
Rajeev:-"main...Dev aur bade papa...
Prisha:-"bade papa...matlab...tumhare father ke bade bhai...right...???"
Rajeev:-"hmmm...
Prisha:-"Dev tumhare sath bachpan se hai...???"
Rajeev ne thode hairan ho kar bola:-"tumne mere parents ke bare me nahi poocha...???"
Prisha mushkurayi aur kaha:-"nahi...kyoun ke tum khud unn ke bare me baat nahi karrna chahte...right...???"
Rajeev:-"tumhe kaise pata chala...???"
Prisha:-"pata hai Raj...tumhari ankhen na baht saaf hai...tumhari dil ki her ek baat wo bayan karr deta hai...
Rajeev pahli baar feel karr raha tha...ke Dev ke baad koi use bina kahe hi samjhne laga hai...
school ki bell baji...
Prisha:-"ahhh...abhi phir se wohi history ki class hai...!!! wo sare toh marr gaye...naak me damm hamara karr ke gaye...!!! kyoun mare...kab mare...kis saal mare...gawwwddd...
Prisha...bad bad karrti hui apne class ki taraf ja rahi thi...Rajeev ke face par ek halki si mushkaan lagi hui thi...
tabhi bhaagta hua Dev aaya uss ke samne aur bola:-"Thank you Prisha...
Prisha ne hairan ho karr kaha:-"thank you kis liye...???"
Dev:-"next week badminton match hai...mixed...tum mere sath ho...
Prisha:-"par maine toh apna naam nahi likhwaya...
Dev:-"wo maine likhwa diya...!!! Nupur bol rahi thi ki tum achha badminton khelti ho toh maine socha tumhara faida uthata hun...!!! last year mere sath wo gadhi thi...matlab ki Nupur...!!! aur samne wo Gorilla yani ki Ashwin tha...!!! par uss gadhi ko bich me Ashwin kafi ganda laga isi liye bich me hi match chod kar bhaag gayi...aur mujhe haarna pada tha...!!! iss baar main risk nahi le sakta...
bolte hue phir se bhaag gaya Dev...kyoun ki Nupur abhi tak uss ke piche bhaag rahi thi...!!! Prisha ne Nupur ko pakad kar bola:-"bass karr...ab bhagna...!!! itna agar olympic me bhaagti toh ek medal toh tai thi...!!! class me chal...bell bajj chuki hai...
Rajeev abhi tak wohi khada tha...
end of the epi
*********
plz do comments or press the like button.😊
Edited by Sweet-Lioness - 13 years ago
Love Friendship Dating and Relationships
Bindi
41