EPISODE:-1
Vo insaan bade hi hairani se dekh raha tha...Naina ko...jo us k bahon mai behosh ho gayi thi...!!! Naina k chehre per use daar dikh raha tha...!!! Naina k mathe per chot lagi hui thi...sayad thodi der pahle tak is se khoon nikal raha tha...lekin ab wahan per mitti lagne se khoon behna band ho chuka tha...!!!
Us insaan ne apni bahon main naina ko uthaya...!!! Idhar udhar dekhne laga...to paas hi use tuta phuta sa bus stop ka board dikhai diya...!!! Us board k paas ek cement bench pada hua tha...!!! Us insaan ne Naina ko apni bahon mai uthate hue...us bench tak gaya...aur us bench per Naina ko dhire se sula diya...!!!
Tab tak dono hi jeeps main se sare log bahar aa chuke the...!!! Vo sabhi log local lag rahe the...lekin padhe likhe bhi lag rahe the...!!! Sab ki umar kareeb 25 se 30 saal k ander hogi...!!! Kuch bujurg log bhi the...kareeb 40-50 saal k umar k...!!! Vo insaan Naina ko us bench per sulane k baad khud zameen per apne ghutno k bal baith gaya...!!!
Vo is ajnabi ladki ko shadi k jode main dekh kar...hairan tha...!!! Use yeh achhi tarah se samajh main aa raha tha k yeh ladki ghar se bhagi hui hai...!!! Lekin vo hairan is liye bhi tha...kyoun k is chote se saher main us ne aaj tak itni khubsurat ladki nahin dekhi thi...!!!
Phir us ne notice kiya k Naina ki choli phat chuki hai...aur us k inner dikh rahe the...!!! Us ne turant apne upar se shawl nikal kar Naina ko achhi tarah se cover kiya...!!!
Baki k sare log bas Naina ko hairani se dekh rahe the...!!! Achnak aasmaan se sare badal hat gaye...aur chand ki roshni zameen per saaf padne lagi...!!! Chand ki roshni jaise hi Naina k chehre per padi...wahan khade sabhi log chaunk gaye...!!!
Un logon main se ek aadmi us insaan k paas aaya...jo Naina k paas baitha hua tha...!!! Us ne dhire se kaha:- "Bhai ji...yeh to Ratan Singh ki beti Naina hai...!!!"
Vo insaan bhi yeh baat sun kar chunka :- "Kya...!!!"
Vo aadmi:-"Ji bhai ji...!!!"
Us insaan ne Naina ko gaur se dekha...aur dil hi dil main kahne laga:- "To yeh vohi ladki hai... jise maine Vishal k hathon...
Us insaan ne vahan khade logon ki taraf dekhte hue kisi ko awaz de kar kaha:- "Vishal...!!!"
Un logon main se ek ladka age aaya aur kaha:- "Ji bhai...!!!"
Vo insaan:- "Pani ka bottel le kar aao...!!!"
Vishal chala gaya jeep k paas pani lene...!!! Vahan per khade ek aadmi ne kaha :- "Bhai ji...is ki aaj shadi thi...Vikram Rai Singh k sath...!!!"
Ek bujurg aadmi ne kaha:- "Sayad is bachhi ko...us kameene ki asliyat pata chal gayi hogi...!!! Tabhi vahaan se bhag kar aa gayi hogi...!!!"
Vishal ne paani ka bottle lakar us insaan ko diya...!!! us insaan ne thoda sa pani apne hathon main lekar Naina k chehre par chidka...!!! Thodi der vaad Naina ne dhire dhire apni ankhen kholi...!!!
Per samne itne sare logon ko dekh kar....daar k chaunk gayi...aur uth kar baith gayi...!!! Us k uper se shawl bhi niche zameen per gir gaya...!!!
Naina bahat dari hui thi...us ne apne ghutno ko samet kar... apne dono hathon se apne aap ko cuddle karte hue...darte hue...ghabrate hue...rote hue...us bench k ek kone main simat kar bathi hui rone lagi...!!! Aur un sab ko darte hue dekh rahi thi...!!!
Us insaan ne mehsus kiya k sayad Naina ne bahat hi bhayanak chiz dekh ker bhagi thi...jis ki wajah se vo abhi tak dari hui hai...!!!
Vo insaan Naina k kareeb baitha...!!! Naina daar kar us se dur ho gayi...vo abhi bhi ro rahi thi...!!! Us insaan ne Naina ko us shawl se achhi tarah se cover kiya aur us k baad kaha:- "Daro maat...!!! Tum mere paas mehfuz ho...!!!"
Naina ko us insaan k baton main apnapan laga...use laga vo insaan accha hai aur vo us ki help kar sakta hai...!!! Naina ne dhayan se us insaan ko dekha...!!! Us insaan ne jeans k sath ek formal shirt pahni hui thi...!!! Baal bikhre hue the...!!! Chehre per halki halki dadhi thi...lekin mathe per ek tilak laga hua tha...!!! Us ki ankhon main ek chamak thi...jise dekh kar Naina ko laga k yeh ankhen use kabhi dhoka nahin dengi...!!!
Us insaan ne bhi pahli baar Naina ko bade hi gaur se dekha...!!! Behad khubsurat...anjana sa chehre...chote aur kampte hue honth...badi badi ankhen...!!! Us ladki main sab khubsurat tha...lekin sab kuch ajnabi sa...anjana sa...!!! Lekin us insaan ko Naina main kuch jana pehchana sa laga... to vo yeh tha k...us k khud ka chehra jo Naina k ankhon main use dikhai de rahi tha...!!
Us insaan ne Naina ki taraf pani ka bottle badhte hue kaha :- "Thoda pani pi lo...tumhe achha lagega...!!!"
Naina ki ankhon main daar abhi bhi tha...aur anshu bhi...!!!Us ne pahle apne aap ko us shawl se achhi tarah se cover kiya phir apne kampte hue hathon se pani ka bottle apne hathon main liya...aur bottle ko apne honthon se lagaya...!!!
us ka gala sukha hua tha...pani ki pahli hi ghunt... jab us k gale tak pahunchi...to use laga ki jaise us ka gala kat jayega...!!! Vo thik se pani bhi nahin pi pa rahi thi...!!! Us k gale main dard ho raha tha...vo khans ne lagi...!!!
Vo insaan samajh raha tha Naina ki halat ko...!!! Usne Naina k pith ko sahlate hue use comfort karte hue kaha:- "Dhire dhire se pani piyo...!!! Tumhara gala puri tarah se sukha hua hai...!!!"
Naina ko us insaan ki awaz main apnepan ki jhalak mili...!!! Naina ne us insaan ki baat maan te hue dhire dhire se pani pina shuru kiya...!!!
Lekin achanak us ki nazar Vishal per padi...!!! Vo chaunki... aur us k hathon se vo pani ka bottle bhi niche gir gaya...!!! Naina dil hi dil main soch rahi thi...'Yeh to vahi hai...jisne us din...!!! Kahin main doston ki talash main aa kar phir se dushmano k hathon main to nahin aa gayi...!!!"
Vishal ne Naina ko is tarah se dekhte hue dekha to thoda hadbada gaya...!!! Lekin vo insaan samajh raha tha Naina k dil ki uljhan ko...aur Vishal k hadbada hat ko...!!!
Us insaan ne Naina k sar per apna hath rakha aur kaha:- "Daro maat...!!! Tum hamare paas utni hi safe ho jitna tum apne parivaar k sath hoti...!!! Jab tak mai zinda hun... tumhara koi kuch nahin bigad sakta...!!! Vaada karta hun...hamesha tumhe bachaunga...!!!" Vo insaan apne aap main bahat guilty feel kar raha tha...kyoun k....................
Naina ne phir se us insaan ko dekha ...use laga chahe kuch bhi ho jaye yeh insaan use kabhi bhi dhoka nahin dega... hamesha us ka sath dega...kabhi use girne nahin dega...!!!
Naina ne apni nazrain jhukai aur chup chap baith gayi...!!!Us insaan vahan se utha aur dushre logon k paas ja kar kaha:-"Agar gadi thik ho chuki hai...to chalte hain...!!!"
Un logon main se kisi ne kaha:- "Haan...beta...yahan se jaldi se chale jana hi behtar hoga...!!! Ab yeh area bhi to un logon ka hi hai...!!!"
Vo insaan phir se Naina k paas aaya...aur Naina ko dekhne laga...!!! Naina chup chap ankhon main anshu aur dard liye zameen ko hi dekh rahi thi...!!!
Us insaan k.. paas khade hona ka ehsaas hua to Naina ne apna sar utha kar us ki taraf dekha...!!! Naina ki nazrain mili us insaan se...!!! Naina ne palak jhapkai to us k ankhon main se do boond anshun gir gaye...us k galon par...!!!
Vo insaan samajh raha tha...Naina ki taklif ko...!!! Usne dhire se kaha:- "Tum agar mujh per bharosha kar sakti ho...to main tumhe apne ghar le chalta hun...!!! Ya phir... agar tum apne kisi rishtedar k ghar jana chahti ho to bata do mai tumhe vahan per bhi chod sakta hun...!!!"
Is baar Naina ko bahat dard hua...!!! Vo rone lagi... bahat jor se rone lagi...!!! Apne ghutno main apna chehra chupa kar rone lagi...!!!
Ek aadmi us insaan k paas aa kar kahne laga:- "Beta...ab is k parivaar ka bacha hi koun hai jo yeh us k paas jayegi...!!! abhi jo bhi bache hain...un ki wajah se hi to yeh is haal main hai aaj...!!! Vaise dekha jaye to ...is bachhi ka ab koi nahin hai is duniya main...!!!"
Vo insaan Naina k kareeb aa kar us k paas baith gaya... Naina k hathon ko apne hathon main le kar kaha:- "Tum daro mat...!!! Jab tak meri akhiri saans baki hai...mai tumhe har musibat se bachata rahunga...!!! Koi tumhara kuch bhi nahin bigada sakta...main hun na...!!! Tum ab mere sath mere ghar chal rahi ho...!!! Vahan per meri maa hain...tumhe vahan koi taklif nahin hogi...!!!"
Vo insaan kahin na kahin bahat guilty feel kar raha tha...!!!Kyoun ki us ne jo bhi Naina k sath jane anjane main...gusse main aa kar kiya tha...us k baad use lag raha tha k ab yeh us ka farz banta hai ki vo Naina ki hifazat kare...!!!
Vo insaan age badha apne sathiyon k paas...!!!
Vishal:- "Bhai...behtar yahi hoga k hum sab mere ghar main chalte hain...!!! Thodi hi duri per hi to hai...!!! Raat ko inhe [Naina ko] le kar safar karna khatre se khali nahin hoga...!!! Hum sab kaal subah chalte hai...'Jay Garh'...!!!"
Vo insaan:- "Chahe koi bhi khatra ho Vishal...chahe kuch bhi ho jaye...!!! Mai Naina ko kuch nahin hone dunga...!!! Ab yeh meri zimmedari hai...aur mai apni akhiri saans tak is zimmedari ko nibhayunga...!!!"
Vo sabhi Naina se kuch duri per khade ho kar baat kar rahe the...!!! Naina jahan baithi hui thi...us k piche jungle hi tha...!!!
Achanak ek jeep Naina k piche se...jungle main se aa kar Naina k paas ruki...!!! Vo jeep itne tezi se aayi thi ki koi kuch bhi samajh hi nahin paya ki akhir kya hua...!!!
Naina ne chaunk kar us jeep ki taraf dekha...!!! Andhera tha...lekin us jeep main driver k seat per baithe hue kisi ko dekh kar Naina k ankhon main phir se khauf chhaa gaya...!!!
Naina chilla kar bhagi us insaan ki taraf jis ne use bachaya tha...!!! Lekin us ka vahan tak pahunchne se pahle hi is jeep main se 2-3 log aa kar Naina k kareeb khade ho gaye the...aur ek aadmi ne bahat jor se Naina ka hath pakad liya...!!!
Shaqal se vo aadmi ek local hi lag raha tha...!!! Lekin achhi sehat ka aur us ne apni hathon main ek rifle pakdi hui thi...!!!
Naina rote hue apna hath chudane ki koshish kar rahi thi...aur us insaan ki taraf dekh rahi thi jis ne use bachaya tha...!!! Lekin vo insaan bahat hi shant khada tha...aur yeh sab dekh raha tha...!!!
Phir vo dhire dhire us aadmi ki taraf aaya...jis ne Naina ka hath pakda hua tha...!!! Phir vo un dono k kareeb pahuncha...aur us aadmi k ankhon main dekha...lekin us ne na to us se kuch kaha aur na hi kuch kiya...!!!
Phir us ne Naina ki ankhon main dekha...apna right hand Naina ki taraf badhaya...!!! Jaise vo Naina ka hath pakadne k liye Naina se izzazat mang raha ho...!!! Jaise vo yeh janna chahta ho ki Naina us per kitna bharosha karti hai...!!!
Naina ne turant bina kuch soche samjhe us insaan ka hath bahat hi tightly pakad liya...!!! Us insaan ne mehsus kiya Naina k daar ko...us k upar bharose ko...!!! Us ne mushkura kar kaha:- "Daar kyoun rahi ho...!!! Kaha hai na k jab tak mai tumhare sath hun tumhara koi kuch bhi nahin bigad sakta...!!!"
Us aadmi ne bhi Naina ka hath bahat zor se pakda hua tha... aur is se Naina ko dard ho raha tha...!!! Lekin Naina ne us aadmi se bhi jyada zor se us insaan ka hath pakda hua tha...jis ne us se vaada kiya tha har musibat se bachane ki...!!! Naina ka itne zor se us insaan k hathon ko pakdna us insaan ko yeh ehsaas dila raha tha k...vo kitna ahmiyat rakhta hai Naina k liye...!!!
Us aadmi ne ...jis ne Naina ka hath pakda hua tha...badi hi gusse main aa kar...us insaan ki taraf rifle utha kar kaha:- "Chod de ise...!!! Yeh teri 'vidhan sabha (assembly)' nahin hai...jo tu apni manmani karta rahega...!!! Apni netagiri apne area main ja kar kar... yahan per nahin...samjha...!!!"
Vishal gusse main apni kamar main se apni gun nikali aur age badha us aadmi ki taraf...!!! Lekin achanak us ne jo dekha ...vo ruk gaya...!!!
Vo insaan abhi bhi Naina k ankhon mai apne liye us bharoshe ko dekh raha tha... aur Naina bhi us insaan k ankhon main apne liye bahat kuch khas mehsus kar rahi thi...!!!
Achanak Naina ne apne kareeb se kisi ko dard se kahrate hue suna...!!! Us ne us aadmi ki taraf dekha jis ne us ka hath bade hi zoron se pakda hua tha...!!! Lekin vo chaunki... kyoun ki vo aadmi zameen se 5-6 inch upar latka hua tha...!!!
Naina ne dekha vo insaan...jis ne Naina ko bachya tha...us ka left hand us aadmi k gardan per tha...!!! Vo apni dono fingers se us aadmi k gardan per apna pressure badha raha tha...!!!
Us aadmi ko taklif hone lagi thi..tabhi bahat hi dhire se... shant ho kar us insaan ne kaha:- "Apne se bade insaan se kaise baat karte hain ...kya itna bhi nahin sikhaya tere malik ne...??? Jyada bak bak kiya na...to thoda aur... presuure...aur us k baad teri gardan ki haddi tut jayegi...!!! Aur tu zindagi bhar keede ki tarah zameen per hi rengta rahega...!!!"
Us aadmi k paas khade ek aur aadmi ne apni rifle utha kar jaise hi us insaan per point out kiya to...use mehsus hua apne hi gardan per ek revolver...!!! Vo Vishal tha...!!! Jisne us aadmi k gardan per apni revolver lagaya hua tha...!!!
Vishal:- "abe...barshati mendak (rainny frog)...har baat per tera 'katar katar' karna jaruri hai kya...!!! Bhai ji ne kaha na...!!! Phir...!!! kyoun marna chahta hai...!!!"
Jis aadmi ne Naina ka hath pakda hua tha...us aadmi ka hath dhire dhire dhili padti ja rahi thi...kyoun ki us insaan k hathon ka pressure us k gardan per badhta hi ja raha tha...!!!
Achanak us insaan ne Naina ko apni taraf khinch liya... Naina khinchti hui aa kar lagi us insaan k seene se...!!! naina ne sar utha kar us insaan k ankhon main dekha...!!!
uUs insaan ne mushkura kar kaha :- "Kaha hai na...hamesha bachayunga...!!! Tum mere paas utni hi safe ho jitna tum apne family k sath hoti...!!!"
Vishal:- "use chod dijiye...bhai...!!! Agar mar mara gaya..to pareshani ho jayegi...!!! Vaise bhi chachnder ko marne se hath ganda hi hota hai...!!!"
Us insaan ne us aadmi ka gardan chod diya...!!! Vo aadmi niche gira aur gir kar khasne laga...!!! Us ki lag-bhag saans band hi honewali thi...jab us insaan ne us ka gardan choda...!!!
Phir us insaan ne Vishal ki taraf dekh kar kaha:- "Chalo Vishal...!!! humain der ho rahi hai...!!!"
Itna keh kar us insaan ne Naina ka hath usi tarah se pakad ker apne jeep k taraf jane laga...!!! Us k piche piche Vishal bhi ja raha tha...!!!
Tabhi un k piche se ek aadmi ne kaha :-" Bhai ji...!!! Yeh aap thik nahin kar rahe hain...!!! Aap nahin jante yeh ladki koun hai...!!! Isiliye sab ki bhalai isi main hai ki aap is ladki ko humare hawale kar dijiye...!!!"
Vo insaan ruka...piche turn kiya...!!! Phir us ne Naina ko dekha ...Naina abhi tak us insaan ka hath vaise hi pakdi hui thi...!!!
Us insaan ne kaha:- "Waise yeh ladki na to mujhe Aishwarya Rai dikh rahi hai...aur na hi tu mujhe Abhishek Bachhan dikh raha hai...!!! Jo mai is ladki ko tere hawale kar dun...!!!"
Tabhi us aadmi k piche jo jeep tha...us main se ek heavy voice sunayi diya:- "Vo hamari mangetar hai Rajveer...!!! Isiliye tumhari khairiyat isi main hai ki use tum humare hawale kar do...!!!"
RAJVEER.......................yeh naam sunte hi Naina chaunki...!!! Aur darte hue us ne Rajveer ko dekha...!!!
Rajveer ne mehsus kiya...Naina ka hath ab us k hathon main loose banta ja raha tha...!!! Usne Naina k ankhon main dekha...us main ab apne liye bahat daar hi dikhai diya...!!! Ek doubt dikh raha tha Naina k ankhon main...k kya vo jise apna dost samajh rahi hai...kya vo us ka sahi main dost hai...!!!
****************************************************************
****************************************************************
Ok...friends aaj k liye bas itna hi...!!! Aap sab k comments hi kahenge ki mai ise kab ud karun...jaldi...ya bilkul nahin...!!! So plz do comment.
Thanx😊
Chakravarti Samrat Prithviraj Chauhan
Mangal Lakshmi
61