Dilwale Dulhania Le Jayenge: update pt4/p - Page 3

I'll try and put up the next part sooner. Hope you like it.

Dilwale Dulhaniya Le Jayenge: Part 3

Kaushaliyaji ne bhi notice kiya ke Ragini kisse dekh rahi thi. Voh ek dham hairan ho gayi Ranvir ko dekh kar. Pehle toh voh chup khadi rahi, phir usne kuch kehna chaha lekin usse pehle Prakashchandji ne unke shoulder par haath rakha. Kaushaliya ne unhe dekha aur apni aakhon se hi poocha ke 'yeh kya ho raha hai?' lekin Prakashchandji ne apni aakhein bandh kar di aur apna sir hila diya. Kaushaliyaji samajh gayi ke yeh sahi waqt nahi tha kuch kehne ke liye, phir bhi usne Ragini ke sir par apna haath rakh diya. Ragini apne khayalon se bahar aayi aur usne apni maa ki taraf dekha, unhe dekhte hi Ragini samajh gayi ke voh Ranvir ko dekh chuki thi, lekin usne sirf itna kaha,

"Beta, apna haath aage baraho, ungoothi pehnani hai."

Ragini ne phir Shishir ko dekha toh uske haathon mein engagement ring thi. Usne dheere dheere apna haath aage barahya toh Shishir ne ring pehnadhi. Phir Ragini ne Shishir ko ring pehnadhi. Sab log thaaliya maarne lage, Shishir muskura raha tha aur uski maa ne Ragini ke maathe pe kiss kiya lekin Ragini ki nazare Ranvir ko doondh rahi thi. Najane voh kaha chala gaya.

Ranvir bahar akela khada tha. Thaaliya sunthe hi voh samajh gaya ke Ragini aur Shishir ne ek doojhe ko rings pehna di. Usse andar ek ghutan si mehsoos ho rahi thi, lekin bahar aakar bhi usse chain nahi mila. Ab Ragini kisi aur ki mangethar ho gayi thi. Ranvir ke dil mein ek saath bahut sara dard bhi tha aur gussa bhi. Voh rona chahtha tha, chilana chahtha tha, duniya ko aag lagana chahtha tha, lekin voh kuch nahi kar paya, bas waha kade hoke Ragini ka usse dhoor jaane ka jashan sun raha tha. Phir awaz aayi,

"Ranvir."

Ranvir ne peeche dekha toh waha Alekh khada usse dekh raha tha,

"Kya hua Ranvir, bahut sad ho kya? Maine tumhe bahar aathe dekh liya toh maine soncha ke main tumhe akele kaise chod saktha hoon. Aakhir main tumhara bada bhai hoon na?"

Ranvir ne bina kuch kahe, Alekh ko gale laga diya. Alekh ne phir apna haath Ranvir ke peeth par thap thapaya. Ranvir ke aasoo ab rukh nahi rahe the, usne kaha,

"Bhaiya, ab mein yaha aur nahi rukh saktha, sab kuch khatam ho gaya hai, koi bhi umeed nahi rahi. Main kya karoo bhaiya?"

Alekh ne phir kaha,

"Tum aisa math kaho Ranvir, sab kuch theek ho jayega. Hum na ab ghar chalte hai, main tumhe ab ghar le jaatha hoon. Tum yahi rukho, main apni dost ko batha kar aatha hoon."

Ranvir ne Alekh ko chod diya aur kaha,

"Theek hai bhaiya, main aap ka yahi bahar intezaar karoonga."

Andar Sadhna aur Ragini ke saath kuch guests baat kar rahe the, lekin Sadhna ne dekha ke Ragini ka dhiyan kahi aur tha. Voh Ragini ko side par le gayi aur usne poocha,

"Kya baat hai jiji? Aap ka dhiyan kaha hai?"

Ragini bahut parshan thi, usne kaha,

"Sadhna, voh kahi dikhaye nahi de rahe hai, mujhe unki bahut phikir ho rahi hai."

Sadhna ne poocha, "Kaun?" Lekin isse pehle ke Ragini koi jawab de, Alekh ne door se pukara, "Dost!"

Sadhna aur Ragini dono ne Alekh ko dekha. Voh unke paas aaya aur phir usne Sadhna se kaha,

"Dost, main na Ranvir ko leke ghar ja raha hoon. Voh bahut sad hai na, toh main usse ghar le jake uska khayal rakoonga, tum yahi rehna."

Sadhna ne Ragini ko dekha toh Ragini ke aakhon mein aasoo the. Usne phir Alekh se kaha,

"Theek hai Alekhji, aap jaye, main thodi der mein aathi hoon."

"Ha ha dost, tum yaha apni jiji ka khayal rakho, main waha apne bhai ka khiyal rakta hoon."

Aur ye kehke voh waha se chala gaya.

Sadhna ne Ragini ke shoulder par haath rakha, usse hosla dene ke liye, lekin Ragini ke pas mayoos hone ka bhi waqt nahi tha, kyunki Shishir ki maa usse aur rishtedaro se milana chahthi thi, toh Ragini ne apna dukh apne chehre par nahi aane diya.

Alekh aur Ranvir ghar wapas chale gaye. Pure raste Ranvir ne kuch nahi kaha. Jab voh Rajvansh house ponchgaye toh Vasu unka intezaar kar rahi thi. Alekh usse dekhte hi khabra gaya, lekin Vasu ki attention Ranvir par thi

"Ranvir, kaisi rahi party? Main tumse pehle bhi kehna chathi thi, ke tumhara aise bahar jaane logo ke saath milna, mujhe bahut acha laga. Lekin, tum Alekh ke saath wapas kaise aaye."

Ranvir ke paas Vasu ke liye koi jawab nahi tha aur voh waise bhi bahut pareshan tha, isilye usne kaha,

"Main bahut dhakh chuka hoon mom. Kya hum kal baat kar sakthe hai? Waise bhi, Alekh bhaiya ka dawai ka time ho gaya hai, toh main unhe de kar aatha hoon. Chaliye bhaiya."

Aur bina jawab ka intezaar kiye, Ranvir Alekh ko leke chala gaya.

Alekh ke kamre mein Ranvir ne usse apni dawai di aur phir uske bed par baith gaya. Alekh ne apni dawai le li aur phir Ranvir ko udaas dekh kar uske paas baith gaya.

"Pata hai, meri dost kehti hai, ke jo tum bhagwan se sache dil se mangte ho na, voh tumhe zaroor milta hai. Toh main na, bhagwan se yahi mangta hoon, ke tumhe tumhari dost mil jaye. Dekhna, ek din yeh hokar rahe ga. Dekhna tum."

Ranvir ne Alekh ko ek halki si smile di, lekin kuch kehne ki himmat nahi thi usme. Usse aisa lag raha tha jaise voh bilkul tooth chuka ho.

"Acha bhaiya, main apne kamre mein chaltha hoon, waise bhi main bahut dhakh chuka hoon."

Ranvir khada ho gaya toh Alekh ne kaha,

"Ranvir, jaane se pehle mujhe meri ek painting dena, meri dost ki hai, jab tak meri dost nahi aathi main apni painting finish kar loonga."

"Theek hai bhaiya."

Ranvir ek basket ki taraf gaya jis mein Alekh ki saari paintings thi aur usne ek rolled up paper uthaiya, lekin jab usse open kiya toh dekha ke Ragini ki painting thi aur voh chaunk gaya. Alekh apne paints nikhal raha tha. Ranvir ne poocha,

"Bhaiya, yeh painting, yeh painting aap ne kab banaayi?"

"Are stupid, tumhi ne mujhse kaha tha banaane ke liye, yaad nahi. Jab tumne kaha tha ki tumhari dost aisi hai, waisi hai, toh maine yahi painting toh banaayi thi. Main tumhe uss din dikhane wala tha... voh kya tha? Ha, Taj Mahotsav wale din, lekin main bhool gaya."

Ranvir painting mein kho gaya tha, bahut khoobsurat thi.

"Bhaiya, kya main yeh painting rak saktha hoon?"

"Are stupid, tumhare liye toh banaayi thi, ofcourse tum rak sakthe ho."

Phir Ranvir, painting ko dekhte, bina kuch kahe kamre se bahar chala gaya, Alekh ne awaz bhi di lekin Ranvir ne nahi sunni.

"Ab pata nahi isse kya ho gaya, painting bhi nahi deke gaya, stupid."

Shishir ke ghar, party khatam ho gayi thi aur sab log apne apne ghar ja rahe the. Prakashchandji, Kaushaliyaji aur Sadhna sab Shir ke maata pita se bye ke rahe the aur Ragini aleli ek window ke pas chand ko dekh rahi thi. Phir peeche se Shishir aaya aur usne Ragini ko awaz di,

"Raginiji, aaj party mein hume mauka hi nahi mila aap se akele mein baat karne ka."

Ragini ne kuch nahi kaha, lekin voh Shishir se nazare nahi mila payi.

"Voh kya hai Raginiji, aaj humari engagement toh ho gayi hai, lekin abhi bhi hum ek doosre ko itne achi tarah nahi jaante. Isiliye main sonch raha tha, ke agar aap ko koi aitraaz na ho aur agar aap ko sahi lage toh kya main aap ko kal dinner ke liye le ja sakta hoon?"

Ragini ne Shishir ki taraf dekha aur voh thodi si khabra gayi, voh koi bahana banaake mana karna chahti thi lekin Naniji, jo unki baathein door se sun rahi thi achanak unke paas aayi aur usne kaha,

"Are Shihir beta, is mein aitraaz kis baat ka? Aakhir ab toh tumhari sagaayi bhi ho chuki hai. Yeh toh bahut achi baat kahi tumne, kal tum dono zaroor dinner par jaana."

Shishir ne Nani ko smile di aur phir Ragini ki taraf dekh kar apne maata, pita ke pas chala gaya mamaji aur mamiji se bye karne. Nani ne bhi Ragini ke shoulder par haath rakha aur kaha,

"Chalo beta, tum bhi bye karlo phir hum chalte hai."

Ragini ne ek halki si muskurahat di nani ko lekin ab voh kal ko leke tension me thi.

************************************

Agle din, Ranvir ne phaisla kiya ke voh apna pura dhiyan kam me laga dega, thake voh Ragini ke bare mein na sonche. Voh early hi office chala gaya aur usne pura din, maan laga kar kaam kiya. Sab log bahut impress ho rahe the ke Ranvir kitna kaam kar raha tha lekin Indrajeet jaanta tha ke uska beta sirf apna maan behlane ke liye yeh sab kar raha tha aur andar se voh dard me dhoob raha tha. Naveen bhi is baat se khush nahi tha ke Ranvir business mein all of a sudden itna involved ho gaya. Jab se Vinu jail se choota Naveen ko aur bhi savdaan rehna par raha tha, aur agar Ranvir ko uske harkathon ke baare mein paata chal gaya toh?

Shaam aa gayi aur Ranvir office mein late kaam kar raha tha. Indrajeet uske office mein aaya.

"Kya hua Ranvir, abhi ghar jaane ka iraada nahi hai kya?"

Ranvir apne file ko dekh raha tha aur bina nazare uthaye usne kaha,

"Nahi dad, main bas thoda sa aur kaam khatam kar loon."

Indrajeet apne bete ke liye bahut pareshan tha, voh Ranvir ke pas gaya aur usne bare hi pyar se kaha,

"Beta, yeh sab karne se tum usse bhool nahi paonge. Apne dard ko baanto. Main hoon na yaha. Aakhir ek pita hone ke naathe yeh mera farz hai ki main tumhara dard baantoon, tumhare dil ke bhoj ko thoda kam karoo."

Ranvir ne apne pita ki taraf dekha aur Indrajeet ne usse ek smilr di. Aise laga jaise Ranvir kuch kehna chahta tha lekin phir usne apne aap ko rokh diya.

"Nahi dad, aisi koi baat nahi, aap mere baare mein phikir mat kijiye. Aap ghar jaaye, mujhe abhi ek factory par jaana hai phir main bhi waha se seedha ghar aa jaoonga."

Indrajeet ne sigh kiya aur phir waha se chala gaya. Ranvir ne bhi apna saara samaan ikatha kiya aur office se nikhla.

Jab Ranvir office poncha toh usse pata chala ke jis problem ko solve karne voh waha gaya tha, uske liye head engineer ki zaroorat thi. Isilye nah chahte hue bhi usse Shishir se milna pade ga. Usne Shishir ko phone kiya,

"Hello, Shishirji, main Ranvir Rajvansh bol raha hoon."

Jawab aaya

"Are Ranvirji, kaise hai aap?"

"Ji Shishirji, main theek hoon, lekin ek problem hai."

Shishir ki awaaz phir pareshan ho gayi,

"Kya hua Ranvirji? Problem?

"Ha voh, main is waqt factory mein hoon aur hume yaha aap ki zaroorat hai."

"Lekin Ranvirji..."

Ranvir ne beech mein hi Shishir ko cut kar diya,

"Dekhiye Shishirji, agar urgent nahi hota toh main aap ko khabi nahi pareshan karta, please aap jaha bhi hai seede yaha aa jaaye."

"Theek hai Ranvirji, main ponchta hoon."

Thodi der baad, Shishir factory ponch gaya. Ranvir ne usse dekha aur politely smile kiya. Voh Shishir ko bas greet hi karn wala tha ke usne dekha ke Shishir ke peeche Ragini khadi thi. Usne ek blue suit pehna tha aur bahut saari choodiyan. Ranvir usse dekh kar hairan ho gaya toh Shishir ne smile karke kaha,

"Voh Ranvirji, jab aap ne phone kiya toh main aur Raginiji bahar dinner karne ke liye ja rahe the."

Ranvir ne Shishir ko dkha aur kaha,

"Sorry, agar mujhe pata hota toh main aapko aise yaha nai bhulata."

Shishir ne smile karake kaha,

"Koi baat nahi Ranvirji"

Aur phir usne Ragini se kaha,

"Raginiji, main bas yoon gaya aur yoon aaya."

Aur voh chala gaya problem ko dekhne.

Ragini bahut nervous thi. Pehle jab voh tayar ho rahi thi, uske maan mein yahi daar tha ke voh Shishirji se akele mein kya baat karegi, lekin voh khabi sonch bhi nahi sakti thi ki usse aaj Ranvir ka samna karna padega. Dono chup the, Ranvir ko bahut boora lag rah tha ke voh baar baar Ragini ke zindagi ki khushiya ke beech mein aa raha tha. Agar Ragini sach mein is rishte se khush thi toh voh bhi sache dil se yahi chahta tha ke uski zindagi sambhal jaye. Ragini neeche dekh rahi thi aur apne duppate se khel rahi thi. Ranvir ke chehre par na chahte hue bhi ek muskurahat aayi Ragini ko aise dekh kar, jab bhi voh nervous ho thi aise hi karthi thi.

Thodi der baad hi Shihsir aaya.

"Maaf karna Raginiji lekin yeh problem thodi badi hai. Mujhe isse suljane mein thodi der lag jaayegi, toh aaj humara dinner nahi ho paayega."

Ragini ko thodi si relief hoi aur usne kaha,

"Koi baat nahi Shishirji. Aap ka kaam bhi bahut important hai, dinner kisi aur din karlenge."

Phir Shishir ne Ranvir se kaha,

"Kya aap inhe ghar thak chod denge?"

Ragini achanak bahut pareshan ho gayi, usne Ranvir ki aakhein avoid ki aur Shishir se kaha,

"Nahi main khud chali joongi, aap phikir mat kijiye."

Ranvir jaanta tha ke Ragini uske saath akeli nahi rehna chahti thi lekin bahut raat ho chuki thi toh usne kaha,

"Nahi Raginiji, Shishirji theek keh rahe hai. Bahut raat ho chuki hai aur aise mein aap ka akele ghar jaana theek nahi. Main bhi apne ghar ja raha hoon, aap ko raaste mein ghar chod doonga."

Shishir ne smile kiya aur kaha,

"Ha, toh aap log jaiye aur Raginiji main aap ko kal phone karoonga, acha Ranvirji."

Ragini maana karna chahti thi lekin voh jaanti thi ke iska koi faida nahi hai. Isiliye voh chup chap, na chahte hue bhi Ranvir ke saath chali gayi. Ranvir bhi ab bahut nervous tha, lekin kahi na kahi uske dil mein ek khushi bhi thi ke voh Ragini ke saath akele mein time spend karne ja raha hai, chahe voh kuch hi minute ki car ride hi thi.

I'm hoping to update in a few hours but just a heads up, it's all the mushy cliche moments we always see in these serials. Sorry if i disappointed anyone looking for originality, but lets face it, it's for these moments that we watch these serials in the first place😉😆

Lots of cute Ragvir moments but not a whole lot else, for all those bitten by the Ragviritis bug😆

Hope you guys like it

Dilwale Dulhaniya Le Jayenge: Part 4

Ragini factory se ghadi thak chup thi. Voh apne kismat par dukhi thi, kabhi ek waqt tha jab voh apne Anmol ke saath akele waqt bitaane ke liye taras thi thi. Aur ab, jab voh waqt aa gaya toh usse khushi ki bajaaye avsos ho raha tha.

Ranvir bhi chup tha, voh Ragini ko uncomfortable nahi karna chahta tha lekin uske dil mein yeh khwaish thi ki waqt yahi rukh jaaye aur voh Ragini ke saath hamesha aise hi rahe.

Ranvir drive ka raha tha lekin bar bar Ragini ko bhi dekh raha tha. Ragini jan bhoojke window se bahar dekh rahi thi thaake Ranvir se nazare nahi milane padengi lekin voh Ranvir ki aakhein mehsoos kar sakthi thi.

Achanak car ek deserted road par slow down ho gayi aur Ragini khabra gayi. Voh jaanti thi ke Ranvir ke iraade nek the lekin agar usne phir Ragini ki khushi ke baare mein poocha toh Ragini usse phir se jhooth nahi bol sakthi thi. Usne himmat jhootayi aur poocha,

"Kya hua Ranvirji?"

Ranvir, Ragini ki awaaz sunte hi thoda chaunk gaya, usse apna naam kabhi itna pyaraa nahi laga jitna aaj, Ragini ke zubaan se sunke laga. Usse hosh aaya aur usne kaha,

"Pata nahin Ragini, tum yahi baitho, main dekhta hoon."

Voh car se bahar nikla aur usne saare tyres check kiye lekin sab theek the, phir usne bonnet khola. Ragini bhi bahar nikhal gayi thodi hawa khaane. Ranvir check kar raha tha aur idhar udhar apna haath rak raha tha. Achanak kisi garam part par padgaya aur uska haath jal gaya. Ragini ne uski awaaz sunni aur jaldi Ranvir ke paas paunch gayi. Usne Ranvir ka jala hua haath dekha aur bahut pareshan ho gayi. Ragini ne bina sonche uska haath pakad liya aur blow karne lagi thake Ranvir ko thoda araam mile. Phir usne jaldi car se pani ki bottle nikhali aur Ranvir ke haath par dheere pour karne lagi saath saath blow bhi kar rahi thi.

Ranvir pura time Ragini ko ghaur se dekh raha tha. Aise Ragini ka uskeliye pyar bahar aathe dekh usse bahut acha lag raha tha. Ranvir ne apna doosra haath Ragini ke haath par raka aur kaha,

"Aap phikir mat kijiye, mamooli si chot hai, apne aap theek ho jayegi."

Ragini phir embaraas ho gayi aur usne apna haath jaldi se peeche kinch liya. Voh neeche dekh rahi thi aur Ranvir se nazare milane ki himmat nahi ho rahi thi.

Ranvir ne mehsoos kiya ke Ragini ab uncomfortable ho rahi thi toh usne baat badal di.

"Pata nahin car ko kya ho gaya. Ab itni raat ko mechanic bhi milega ke nahi pata nahin. Phir bhi main koshish karta hoon. Aap car mein baithiye, main aage dekh kar aatha hoon."

Ragini road ke side ke trees ko dekh rahi thi. Bahut andera tha aur kuch ajeeb si awaaze aa rahi thi. Ranvir ab aage walk karne lag gaya tha ke Ragini ne peeche se uska haath pakad liya. Usne murke dekha toh Ragini bahut kabhrayi hui thi. Usne kaha,

"Aap mujhe yaha akele mat chod ke jaaye, please."

Ranvir ke chehre par ek muskurahat aayi Ragini ko aise khabra the hue dekh kar. Usne kaha,

"Aap daariye mat, hum dono saath chalte hai mechanic ko doondne."

Ragini ke saas mein saas aayi aur voh Ranvir ke saath chalne lagi. Voh dono chup kiya walk kar rahe the, Ragini Ranvir se thoda peeche. Phir dheere dheere baarish hone lagi aur achanak bahut thez ho gayi. Ranvir ne apna coat uthara aur apne aur Ragini ke upar kar diya. Voh car se kaafi door aagaye the aur aage ek mandir nazar aa raha tha toh Ranvir ne Ragini se kaha,

"Ragini, aage mujhe ek mandir nazar aa raha hai, chalo waha ja ke baarish ke rukhne ka intezaar karte hai."

Ragini baarish se nikhalne ke liye maan gayi. Voh bhag kar mandir ke paas paunch gaye lekin mandir ke pehle hi step par Ragini ka paed phisal gaya. Ranvir ne usse fall karne se bacha liya aur Ragini ko apne baahon me liya kadha tha. Ranvir toh hil nahi raha tha par Ragini ucomfortable ho rahi thi, voh apne aap kadhi ho gayi lekin uske paed mein dard tha aur usse chala nahin ja raha tha. Ranvir ne yeh dekha aur yeh bhi dekha ki mandir ke kaafi steps the, toh usne Ragini ko apne baahon mein utha liya usse carry karne ke liye. Ragini ne pehle mana kiya aur Ranvir se kaha ke voh apne aap chal sakthi hai lekin jab usne Ranvir ke aakhon mein dekha toh voh khud koh gayi aur chup ho gayi. Ek doosre ke aakhon mein dekhte hue voh saari steps chad gaye. Mandir ke andar paunchte hi Ranvir ne Ragini ko neeche uthara. Ragini ka dil zor se dadhak raha tha aur voh apni muskurahat chupane ke liye Ranvir se dhoor bhagwan ki moorthi ke paas chali gayi. Ranvir bhi muskura raha tha, usne apne haath se apne baalon mein se pani nikhala aur phir Ragini ke paas ja kar khada ho gaya.

Ragini apni aakhein baand karke pray kar rahi thi. Ranvir usse dekh raha tha aur voh sonch raha tha ke voh kitni pyaari hai. Phir usne bhi bhagwan ke aage apne haath jode aur Ragini ki khushi ki dua maangi.

Ragini ne jab aakhein kholi toh Ranvir koh apne paas paya, uski bhi aakhein baandh thi. Ragini ab muskura nahi rahi thi. Voh soch rahi thi ki itni raat ho gayi thi aur voh Ranvir ke saath akeli thi. Jab ghar paunchegi toh maa aur bauji koh kya jawab dhegi.

Voh Ranvir se dhoor entrance ke paas ja kar baith gayi. Jab Ranvir ne apni aakhein kholi aur Ragini ko dhoor baithe hue dekha toh voh samajh gaya ke voh pareshan thi. Voh Ragini ke paas chala gaya aur uske saath baith gaya.

"Main jaanta hoon Ragini ke tum kya sonch rahi ho, lekin phikir mat karo. Ab agar halath hi aise hai ke hum dono koh yaha mandir mein aise akele rehna pad raha hai toh hum kya kar sakthe hai? Aur yeh baat koi aur samjhe na samjhe, uncleji zaroor samjhenge. Tumhare parivaar wale tum par pura barosa karte hai. Ab tum thodi der araam karlo, yeh baarish abhi itni jaldi rukhne wali nahi hai."

Aur yeh kehkar voh Ragini se thodi dhoor ja kar ek pillar ke paas baith gaya aur usne apni aakhein bandh karli.

Ragini thodi hairan thi ki Ranvir ko uske dil ki baat itni saaf tarah se kaise paa thi. Lekin phir usne apne aap hi sonch liya ke pyar mein toh aise hi hota hai ke bina kuch kahe hi tum ek doosre ki dil ki baat jaan lo. Phir usne bhi pillar ka sahara leke apni aakhein baandh karli.

Yaha Rajvansh house mein Sadhna bahut pareshan thi Ranvirji ko leker. Voh apne kamre mein hi idhar udhar ghoom rahi thi aur Alekh usse dekh raha tha.

"Kya hua dost? Tum humare kamre ke itne chakar kyun laga rahe ho? Phir se pareshan ho kya?"

Sadhna rukh gayi aur usne Alekh se kaha,

"Ha Alekhji. Main Ranvirji ko leke pareshan hoon. Voh ab tak ghar nahi loate aur Dadyji bhi bata rahe the ke office mein bhi voh kuch pareshan lag rahe the."

Alekh Sadhna ke paas ja kar khada ho gaya,

"Tum phikir mat karo dost, Ranvir bhi meri tara na, bada ho gaya hai. Voh apna khyal khud rak saktha hai. Tum phikir mat karo."

"Lekin Alekhji.."

Alekh usse beech mein hi cut kar deta hai,

"Are, tum phir se sonchne lagi, maine keh diya na, phikir mat karo. Ab tum yaha baaith ke kaana kao, mujhe pata hai, tumne abhi thak khaya nahi hai, isiliye main khana upar le aaya tumhare liye. Chalo."

Aur usne Sadhna ka haath pakad kar usse bed par bitha diya. Sadhna muskura rahi thi, Alekhji ka uskeliye pyar dekh kar. Voh bed par baaith gayi aur Alekh apne haathon se usse khilane laga. Sadhna ne ek niwala khaliya aur phir Alekh ko gale laga liya.

"Alekhji, main kitni khush kismat hoon jo mujhe aap jaisa pati mila."

"Ha toh tum bhi kitni achi dost ho. Pata hai, main bhagwan ko thank you karta hoon ke mujhe tum jaisi dost mili."

Sadhna ne Alekh ko chod diya aur usse dekhne lagi, uske aakhon mein khushi ke aasoo the.

"Are dost, ab tum ro kyun rahi ho? I don't like it! I don't like it!"

Alekh ne Sadhna ke aasoo paunch diye aur uske forehead ko kiss kiya.

Phir voh dono ek doosre ko phir se kana khilane lage.

Mandir mein Ragini ki aakh lag gayi thi lekin Ranvir abhi bhi jaag raha tha. Usne Ragini ko tasali dene ke liye keh toh diya ke sab kuch theek ho jaayega aur sab log samajh jayenge lekin usse daar tha ke kahi ushi ki waje se Ragini par koi ungli na uthaye. Voh nahi chahta tha ke Ragini ke aane waale rishte par koi bhi aanch aaye. Bas Ragini ki zindagi bas jaaye. Usne dhoor se dekha ke Ragini son rahi thi toh voh uske paas chala gaya. Usne dekha ke Ragini thand ki waje se shiver kar rahi thi toh usne apna coat uthara aur Ragini ke upar de diya, phir usne Ragini ke chehre par se ek bal hathaiya jo usse pareshan kar raha tha. Ragini ko aise araam se sonthe hue dekh kar Ranvir chahta tha ke voh apni zindagi ka har ek din issi sonthe hue chehre se shuroo kare, hamesha yeh chehra uske aakhon ke samne rahe. Lekin voh jaanta tha ke ab yeh khwab kabhi pura nahi ho saktha. Voh phir apne jage par jaa kar baaith gaya aur usne araam karne ki koshish ki.

Yaha Ragini ki aakhein bandh thi lekin jab Ranvir ne uspar apna coat diya toh uski aakh khul gayi thi. Ranvir ne jab uska chehra chua toh aisa laga jaise uske puri body mein current laga. Ab Ranvir ke coat se uske cologne ki khushboo aa rahi thi. Ragini ko aise laga jise Ranvir ne usse apne baahon me le liya ho. Usne ek deep breath li.

Paas ho kar bhi voh itne dhoor the aur ek hone ki koi bhi umeed kisi ko nahi nazar aa rahi thi. Voh dono apne hi tanhai mein jaag rahe the aur aise lag raha tha jaise yeh baarish inke pyar bhare sapno par aur inke aakhri umeedo par pani pher rahi thi...