RK FF:SITAM..Part 18,Page 25,14/03/2010 - Page 9

PART 9

THE SHOOT OUT

Independece Day k 2 din pahle..matlab 13th August ko..ek hadsa hua.

Kunal Kriplani ko kidnap kia gaya..Jayant Kriplani ka beta hai Kunal.Par Police k paas koi nahi aaya..report likhaane.Political Lobbies me baat fail gayi..usually aise waqt par Police ki haalat kharab kar dete hain aisi Political families..par Kunal k kidnap ko le kar bahut hi khamosh hai yeh Kriplani Family.

Bahut bada naatak hua..kidnap hone k 12 ghante k andar Kunal ghar waapas aaya,ransom money kitna bheja gaya..kuchh malum nahi..kis gang ka kaam hai..kuchh pata nahi..yeh koi Political game hai yaa nahi..kuchh malum nahi.Par Sanjay ne Kunal ko ek sunsaan jagah se rescue kia..Kunal behosh tha..ek Car k andar.

ACP Sanjay Khanna ne Kunal ko bulaya..interrogation k lia..

Kunal--Dekhiye..mujhe kuchh nahi malum..maine unko nahi dekha..meri aankho me kala kapda baandh dia gaya tha..

Sanjay--Kidnap me aisa hi hota hai..par yeh batao..tumko kyaa lagta hai..kidnap k peechhe wajah kyaa thi?

Kunal--Paise lootna..

Sanjay--Tumhare paas kitne paise the..

Kunal--Mere wallet me kareeb Rs.7000/_ the..aur credit cards..that is all..

Sanjay--Tumhe aisa hi lagta hai..k kidnap paison k lia kia gaya tha?

Kunal--Jee..

Sanjay--Okey..you can go..shaayad tumko fir bulana pade..but ..darrna mat..tumse koi badsulooki nahi ki jaayegi..relax..

Kunal--Thank you Sir.

*************************************

16th August,2004

Moti Mahel me..Raj ,Nirmal aur Sanjay..raat ko mile..dinner k lia..

Raj--Aur..tujh par toh kal kaafi pressure raha..aaj kal Delhi ki haalat kuchh theek nahi...

Sanjay--Main in sab se ghabrata nahi..par do din pahle jo hua..main usse kaafi pareshaan hoon....Kunal Kriplani ka kidnap..aur uska bayaan..

Raj--Kunal Kriplani..?Kahi yeh..

Sanjay--Jayant Kriplani ka beta hai..woh jab behosh haalat me mila..tab maine socha.. kuchh clues milenge..par us ladke ne jhoot kaha..

Nirmal--Kyaa kaha..?

Sanjay--Yehi..k kidnapping ka motive mamuli tha..paisa..uske wallet me the saat hazaar rupai..theek hai..woh nikaal lia gaya..par yaar..paison k lia yeh kidnapping nahi hui thi...

Raj--How can you say that?

Sanjay--Uska wrist watch..gale me chain..haath ki anghoothi..yeh mamla paison ka toh nahi..agar paisa hi chahie tha..toh gold bhi le jaate kidnappers..sirf wallet le kar kyon gaye?

Raj--Serious problem...

Sanjay--Maze ki baat yeh hai..koi hungama nahi hua..varna yeh Neta log hi naaraa lagate.. k Police so rahi hai..insaan ki zindagi khatre me..baat kuchh aur hai..

Raj--I think..gadbad kahi aur hai...aur logo ka dhyaan hatane k lia..yeh kidnapping ka game khela gaya..

Sanjay--Fir to report karte yeh log..

Raj--Isi lia report nahi kia..taa k..Police ko yeh mamla zyada important lage..aur Police apna focus kho de...

Nirmal--Well..mamla kuchh aur hi hai..

Sanjay--Matlab..?

Nirmal--Jayant Kriplani ..

Sanjay--woh toh out of India gaya hai..

Nirmal--Nahi..woh apne ghar me nahi hai..par hai woh yehi par..India me hi...woh Ambala me hai..apne firm house par..

Sanjay--Woh kyon chhoop raha hai?

Nirmal--usko chhoopaya jaa raha hai..because..he had a gun shot..us par kisine goli chalai hai..chaar goli lagi hai usko..aur saamne Election hai..mamla bigad sakta hai..

Raj--Lekin Political faida bhi utha sakta hai Kriplani,...is baat ko uchhal kar..

Nirmal--Yehi toh gadbad hai..mujhe lagta hai..Police ko gumraah karne k lia..Kunal k kidnapping ka naatak khela gaya..

Sanjay--Tumhe kaise pata..?

Nirmal--Mera ek dost hai..Medical College me saath saath padhte the hum.Dr. Hemant Bajwa..usi ne Kriplani k body se bullets nikaali hai..yeh baat usne khud batai hai..actually woh pareshaan tha..aur hadhbadhahat me usne mere saamne yeh bak dia..

Raj--Mamla gadbad hai...Sanjay..

Sanjay--Haan..

Aise me Sanjay ka phone baja...Kranti k ghar se phone tha..

Sanjay--Hello..haan..kyaaaaaaaaa?

Nirmal --Kyaa hua Sanjay..?

Raj--Kuchh toh bata...

Sanjay--Kranti ka pone tha...keh rahi hai..Kunal ko dobara Police station me main naa bulaoon..

Raj--What?

Sanjay--Haan..Raj..mujhe kuchh theek nahi lag raha hai...yaar..Kranti ko samhaal....agar investgation CBI k haath gaya..toh..ho sakta hai..Kranti buri tarha se fanse..kyonki..Kunal k kidnap k peechhe Kranti ka haath hai..this is my strong intution..

Raj khud yeh baat samajh raha hai...kyonki Jayant Kriplani Kranti k nishaane par tha.. Kranti apna badla lene k lia kisi bhi hadh tak jaa sakti hai..

Achanak Nirmal ka phone baja....

Raj--Kyaa hua?

Nirmal--Appollo me Kriplani ko laaya gaya hai,par baahar k logo ko yeh pata hai,k Kriplani k car k breaks fail ho chuke the..isi wajah se..Ambala se Delhi lautte waqt.. accident hua hai..

Sanjay--Ohh..Media ko bhi gumraah kia jaa raha hai...

Raj--Yes....matlab jis waqt Kriplani ko Appollo me shift kia jaa raha tha...usi waqt..

Sanjay--Haan..usi waqt Kranti ka phone aaya..

Nirmal--Tum is maamle me mat pado..

Sanjay--Mere area ka case nahi hai,aur khamokha jhamele me fansna Kranti ki aadat hai, meri nahi,Raj,Kranti ko samjha.Ministry level ki baat hai,main kuchh nahi kar paoonga.. woh yeh raasta chhod de..kyonki...yeh Hardev Dayal aur Kriplani..kal ko Kranti ko hi nishana banayenge..yeh kahenge..k Kranti ne zyatti dushmani nikaalne k lia..yeh kaam kia hai..

Raj--Ek minute...tujhe kaise pata..Dayal aur Kriplani k baare me..

Sanjay--Raj..I am a ACP...mujhe khabar hoti hai har baat ki...jis tarha Kranti k Baojee ko raaste se hataya..usi tarha Kranti ko bhi kal..

Raj--Fir Kranti ko party me shaamil kia un logone...

Sanjay--Kranti ka background..zameen se joodi hai..Student leader hai..aur Kisaan ki Beti hai..ek bahut bada Vote bank hai Kranti k haath me..Kranti ko koi faida ho yaa naa ho Kriplani aur Dayal se..par yeh dono Kranti ka kaafi faida utha rahe hain..Dayal..aur Kriplani..gehre paani me rahte hain..magar machh hai dono..

****************************************************

"What the hell is this?"

Yeh thi Kunal ki pehli baatein..apne kidnap..aur Dad k injury ko lekar kaafi pareshaan hai woh...Kunal ki Maa..Radhika Kriplani..Kunal ko shaant karne ki koshish kar rahi hai..par Kunal ka gussa kum nahi ho raha hai..

Dayal--Kunal..Beta..yeh waqt dhiraj rakhne ka hai..tum khamokha utawole ho rahe ho.. kuchh nahi hoga tumhare Dad ko..

Kunal--Saaf pata chal raha hai..Dad par goli chali hai...fir accident kyon bata rahe hain aap log?

Dayal--Kunal..sahi waqt aane do...sab..

Kunal--Main Police me report karne jaa raha hoon..

Kunal aage badhne hi jaa raha tha..aise me Kranti saamne aai...

Kunal--Raaste se hato...

Kranti--Dekh Kunal..baat ko samajh...

Kunal--I said..leave my way...

Kranti ne Kunal ka collar pakad lia..aur ghaseet kar le gayi..Kunal k bed room me..aur baahar keh kar gayi..do ghante k lia Kunal aur Kranti ko koi disturb naa kare..

Kunal--koi mujhe bayaaega..k ho kyaa raha hai?

Kranti--Bhaijee ko goli lagi hai..Ambala gaye the Bhaijee...fundraising k lia..jab ghar me aaye..tab hi un par kisine goli chalai..yeh baat Police tak naa pahooche..isi lia..tera kidnap karvaya ..maine..

Kunal--Didi...sar par bhoot sawaar hai tumhare?

Kranti--Kunal..mauke ki nazaakat ko samajh..jo bhi kia gaya hai..Bhaijee ki safety k lia..

Kunal--Police ko batao...k Dad par humla hua hai...

Kranti--Kunal..accident hua hai..isi lia..zyada Police nahi aai hai..zyada press k aur TV k log nahi hain..agar batate ..k goli chali hai..toh bahut log aate..aur ho sakta hai..Police k bhes me..yaa fir reporter k bhes me..fir se koi umla nahi karega?Baat ko samajh..isi party me kuchh log hai..jo chaahte the ..baat ko baahar uchhali jaaye..par maine aisa nahi hone dia..baat ko samajh Kunal...ho sakta kal ko..aur taiyyari k saath humla kare...tera kidnap isi lia karvaya..kyon ki..Police ki nazar tujh par rahegi..koi bhi tujh par humla karne se pahle sau baar sochega..why don't you understand Kunal..Bhaijee k saath saath..Bhaabhi aur tu bhi nishane par hai...varna tu hi soch..Election se pahle yeh humla..kyon hua?Political faida lootne k lia..aur koi baaharwala..nahi hai..andar ka hi koi aadmi hai...

Kunal--Main kyaa karoon..?

Kranti--Bhaijee khatre se baahar hain..tu bass apna mooh bandh rakh...aur haan..koi tujhse kuchh bhi kahe..mujhse baat kie bina...tu kuchh nahi bolega..aur naa hi kuchh karega..

Kunal--India k baahar chala jaaoon?

Kranti--Nahi..tab tujh par humla hoga..toh yeha ki Police kuchh nahi kar paayegi..shaayad kuchh log yehi chaahte hain..k tu chala jaaye out of India..tujhe yehi rehna hai..Kunal..par savdhaani se..

Kunal--Maa..

Kranti--Unko maine samjh dia hai..aur tujhe hi unka khayaal rakhna hai..aur ek baat..Dayal Saab ki baaton me nahi aana..yeh baat gaanth baandh le..

Kunal--Okey..

Kranti--Aur ab se normal tareeke se baat kar..jaise kuchh nahi hua..hospital me jaayega toh media se bach...koi bhi ulti seedhi baat..haalaat ko bigaad sakte hain............main chalti hoon..

Kunal--Ek baat batai jaao...mere Dad ne tumhare Dad k saath bura kia..toh tum meri jaan kyon bachana chaahti ho..?

Kranti--Bhaijee mere Baojee par pressure zaroor dala tha,par,Baojee k maut k peechhe Bhaijee zimmeadr nahi the..yeh baat der se pata chali..aur agar Bhaijee ka dosh hota bhi..toh iska badla main tujhse nahi leti..Bhaijee chhoti moti herapheri karte zaroor hain.. par kisiki jaan nahi lete...par is daldal me woh fanste chale gaye..aur unki aur meri deal hai..kal ko mujhe kuchh hua..toh Meri Maa ki zimmedari Bhaijee lenge..aur Bhagwan naa kare..Bhaijee ko kuchh hua..toh teri aur Bhabhi ki zimmedari..mujh par honi hai..toh.. dimaag thanda kar..

Kunal--Samjha...

Kranti--Aur ek baat..Bhaijee jo project shuru karna chaahte hain..Hoshiyarpur me..tujhe maine waha Partner banaya hai..Party k kaam se mujhe time nahi milta...tujhe is me kaam karna hai..roz nahi..par kaam par nazar rakh..aur main keh rahi hoon...zara bhi gadbad dikhe..toh tu Police aur Anti Corruption walon ko khabar dega..

Kunal--Par..humara Project hai...

Krantii--Maximum profit Dayal saab lenge..toh agar is project ka kuchh bhi bigadta hai.. toh..tera kuchh nahi jaayega..tu itna kar..aage ka kaam main tujhko samjha doongi...bass itna samajh...Dayal Kriplani family k kandhe par bandook rakhna chaah raha hai..par uski chal usi pe humen chalni hai...samjha?

Kunal--Haan..

Kranti--So..chill...dimaag thanda rakh..control yourself..gusse me aa kar kuchh mat karna.. aur tere aas paas Civil dress me ..kuchh security guards maine laga die hain..tu khud unko dekh nahi paayega..par unki nazar tere par rahegi..

Kunal--Achha..

Kranti--Kal ..meeting hai..isi Project k silsile me..meri taraf se tu jaayega..samjha?

Kunal--Haan..

Kranti--chalti hoon..Bhabhi ka khayaal rakhna..

***************************************

Kunal ne project k papers dekhe..is Project me bahut zyada paisa laga hai..Grewal Empire ka..aur Grewals ki taraf se isko handle karne ki zimmedari hai Rajveer Grewal ki...

oh my god
what next.
yaar its to short.
i want some more dose.
plz send next part as soon as you can dear.
take care.
oh yes the last part was amazing -entry of raj in the project.
the matter seems to be very serious.

The story is having lots of twists and turns. vrey original i must say this kranti is so mysterious and intruiging. keep up the good work.

thank u soooo much

Originally posted by: ektay11

thank u soooo much ==Welcome..

its lovely ==She is an ITEM..

PART 10

THE MEETING

Rajveer ki mulakat hui Kunal se.

Kunal ne haath badhaya Raj ki taraf.. "Hello..Kunal,Kunal Kriplani.."

Rajveer chauk gaya..Kunal..Kunal Kriplani!!Isi ka kidnap hua tha..aur isko dekh kar aisa lag hi nahi raha hai..k iske saath yeh haadsa ho chuka hai.

Raj--Hello..baithiye..

Kunal--Thanks..actually..main nahi aana chaahta tha..Didi ne kaha..unhone hi mujhe is Project me partner banaya hai..mujhe aana pada..

Raj--Kriplani Saab ki koi Beti bhi hai?

Kunal--Nahi..but..woh family member ki tarha hi hain...Dad sab se zyada bharosa Didi par hi karte hain..unka naam hai Kranti Kaur.Main unko Didi ki tarha hi maanta hoon..Dad ko woh Bhaijee keh kar bulati hain.

Raj--Ohh..unko kitna malum hai..is project k baare me?

Kunal--Kuchh bhi nahi..actually Party ka kaam itna hota hai..Didi in sab baaton ki khabar nahi rakhti..in fact is project ki file..direct mere hi paas aai hai..but I just want to make myself clear..project normal tareeke se hi handle kia jaaye..Dayal Uncle agar isme zyada Politics ko involved karna chaahe..toh..mere lia mushkil hai..

Raj--Achha hua..aapne yeh baat keh dia..main khud hi kehna chaahta tha..well.. Kunal.. kitna pata hai aapko..is project k maamle me?

Kunal--Jitna aap jaante hain..utna main bhi jaanta hoon..par samajhdari shaayad aap me zyada hai..hairani ki baat yeh hai..kitni achhi backing k baad bhi..project take off nahi ho paa raha hai..wajah hain kuchh..kyaa lagta hai aapko?

Raj--Well..labour trouble..main reason..aur..kuchh aise log..jinko sirf paison ki herapheri se matlab hai..yeh log nahi samajhte..k agar sab theek thaak hua..toh aakhir me faida hum sab ka hoga..in every respect..yeh venture kamyab hua..toh aanewale dino me..kai saare project ki manzoori mil sakti hai..market me shares ki keemat badhegi..

Kunal--Hmm..is project ka main agenda kyaa hai..?

Raj--Shuruat me yeha par liquor factory kholne ki baat ki gayi thi..I mean..Wine..Vintage Wine..

Kunal--Is jagah me Wine ki factory?Have these guys lost it?Wine k production k lia..woh jagah achhi hai..jaha ka weather Moderate ho..this is the hard core north..extreme temperature hota hai yeha..garmion me naak se khoon nikalta hai..sardi me kulfi jamti hai..aur is jagah wine?

Raj--Actually..plan yeh tha..k liquor ka concentrate doosri jagah me taiyyar kia jaayega..

Kunal--Aur fir yeha..well..kuchh khaas achha idea toh nahi lagta..waise..kaha se laaya jaayega concentrate?

Raj--Well..from Nagpur..Bangalore..abhi tak yehi tai hai..

Kunal--Factory set up hua?

Raj--Half done..actually..bahut dino se kaam rooka hua tha..waise bhi zameen ko lekar kaafi jhamela ho raha tha kai dino se..

Kunal--Profit me hissedari kitni hogi..?

Raj--Grewals ka 40%...Kriplanis ka 30 and Mr. Dayal k lia 30%..

Kunal--Dayal Uncle maan gaye..?

Raj--Unhe maanna hi pada..aaj ki meeting me nahi aaye woh alag baat hai.Ek aur baat.. aap me hum jo baatein tai hui..woh agar Dayal Saab naa jaane toh hi behtar..I really don't like him..

Kunal--Haan..kyon nahi..yehi baat aap Dayal Uncle se bhi karenge..mere baare me..aur Dayal Uncle aap k baare me mujhse yehi baatein kahenge..Mr. Grewal..sahi keh raha hoon na?Khair..Factory ka kaam main dekhna chaahta hoon...kab dekh sakta hoon..

Raj--Agle hafte main jaa raha hoon..aap bhi chaliye..

Kunal--Okay..ab main chaloonga...

Raj--Theek hai...Ohh..haan..Kunal..can you do me a fevour please?

Kunal--Jee..

Raj--Kranti se mujhe milna hai..ek baar usse milne ka bandobast kar sakte ho?

Kunal--Jee???!!

Raj--Main usko apne College k dino se jaanta hoon..waise bhi..bahut dino se nahi mila.. please..

Kunal--Koshish kar sakta hoon...

Raj--Thanks..

*******************************************

"Kyaa keh raha hai?Kunal Kriplani tere saath partnership me factory khol raha hai?" ..Yeh tha Sanjay ka sawaal..

Raj--Yes..you know..Kunal bol raha tha..par Kunal ki awaz me Kranti ki baatein sun raha tha..is baat me koi shak nahi k Kranti ne puri tarha se Kunal ko apne bas me kar lia hai. Varna mujhe nahi lagta..k Kunal ko itna interest hoga..is factory me..itna home work kia hai Kunal ne..uska dimaag nahi hai..dimaag kisi aur ka hi hai..

Sanjay--Tera matlab hai Kranti ka..

Raj--May be..Dayal se meri baat hui..yaar..pahle darje ka kameena insaan hai..

Sanjay--Fir uske saath kaam kyon kar raha hai?

Raj--Kyon naa karoon?Profit making is the ultimate goal of any business..is project se faida hoga..aur main karoonga yeh kaam..isme mujhe Kranti se ijazat lene ki zaroorat nahi..yeh Socialism..Capitalism..sab ek jagah par aa kar ek ho jaati hai..faida..profit..paisa..

Sanjay--Kranti bhi inhi me se hai kya?

Raj--Usko power chahie..jo usko aise kaam se mil sakta hai.Kriplani k Bete ka jo usne brain wash kia hai..Kriplani ki tabahi zyada door nahi hai..aur Kriplani agar gaya..toh samajh Dayal bhi gaya..fir bachega kaun?Main..is property ka one and only owner main banoonga..Dekh Sanjay..mujhe baahar k logon se koi matlab nahi..ab mujhe apna faida dekhna hai..

Sanjay--Kranti ka kyaa hoga?

Raj--Usko paise doonga main.Election ladhne k lia jo paise usko chahie honge,main doonga..tu yeh kyon nahi samajhta..k Kriplani aur Dayal ka saaya Kranti k sar se utha..aur woh geeri..muh k bal geeregi..

Sanjay--Raj..barson pahle tune jo kia tha..waapas wahi karne jaa raha hai..yaar..tu kehta hai tu uss pyaar karta hai..aur aisi cheap game pe utar aaya hai tu?It's nothing but a Power Game..Raj..

Raj--May be...but..I really don't care..sharafat se usko bola..nahi maani..Kranti ko shareef Rajveer achha nahi lagta..theek hai..mujhe bhi shareef nahi banna..

Sanjay--Raj..dost hone k naate tujhko savdhaan kar raha hoon..aisa mat kar yaar..

Raj--Teer kamaan se nikal chuka hai..main apni chaal chal chuka hoon..

Sanjay--Apne kadam rok le..

Raj--Mere kadam Kranti ki taraf hi jaa rahe hain..main inko nahi rok sakta..naa hi rokoonga..agar usko haasil karne ka yehi raasta bacha hai..toh yehi sahi..

****************************************

"Yeh Rajveer Grewal...bahut bada kameena hai.."..

Kranti--Kyaa kaha Kunal?Kiska naam lia?

Kunal--Arre..Dayal Uncle aur mere ilava..jo is project me hai..Grewals ki taraf se..Rajveer Grewal hi toh hai..

Kranti--Raj ko is project k baare me kitna pata hai?

Kunal--Uski baatein sun kar toh lagta hai..k sab kuchh jaanta hai..shuru se..aur aage chal kar wahi kaam karega..is project me...haan..ek baat aur..aapko college k dino se jaanne ka dava karta hai..sach hai?

Kranti--Haan..tujhe bataya usne?

Kunal--Haan..keh raha tha..aap se ek meeting fix kar doon uski..

Kranti--Yeh kabhi mat karna..

Kunal--Woh toh bada desperate lag raha tha aap se milne k lia..

Kranti--Uski aadat hai..uski baaton par dhyaan mat dena..

Kunal--Kyaa baat hai..Rajveer se aapka rishta..

Kranti--Shut up Kunal..

Kunal--Maine toh vada bhi kar dia..k aap unse milengi..

Kranti--Kunal..tujhe baat samajh me nahi aati?Apna kaam kar..aur haan..is project me Rajveer ka jo bhi contribution ho..uski details mujhe chahie...samjha?

Kunal--Hmm..samjha..

Kranti--Aur haan..Doctor se mil lena..Bhaijee theek hain ab..baaki ka tujhe samjha denge woh..

Kunal--Achha..

Is liquor factory me Rajveer Grewal ka share hai 50%.Grewals ki taraf se Raj hi is me involved hai.Yeh zameen jisme factory ban rahi hai..woh Chaudhry Kulvindar Singh ki zameen hai..issi zameen ko bechne k lia woh raazi nahi hue..Jiska anjaam yeh hua..k unhe marna pada.Kulvindar Singh aur koi nahi..Kranti k hi Swargiya Pitah hain.Is zameen me pahle Desi Sharab ki factory kholna chaahte the Dayal Saab.Kum se kum Capital ..aur zyada se zyada profit...ab jaa kar is project ko modify kia gaya hai..naam dia jaa raha hai Foreign liquor ka.Par iske aadh me jo hoga..woh baat toh tai hai..banegi desi sharab hi. Rajveer Grewal....munafa kamana hai usko..aur itne ghatia tareeke se..Iska matlab toh yeh bhi nikalta hai k..Rajveer ko shuru se sab kuchh pata tha..kahne ko woh London me tha.. par yeha kyaa kyaa hua ,har baat ki khabar thi usko.Bloody ruscle..us din humdardi jata raha tha..jaise kuchh maalum hi nahi hai usko..Kriplani is khel me sirf ek mohra hai..asal me dimaag hai Grewals aur Dayal ka..haan..yehi sach hai..aur kuchh nahi.

****************************************

Dayal se Raj ko pata chala..Kriplani par goli chali hai..aur Kranti ne yeh baat media k saamne aane se rok dia..aur issi baat se Police ka dhyaan hatane k lia Kunal k kidnapping ka naatak kia gaya.Kunal khud Kranti se naraz hai..par kuchh kar nahi paa raha hai.. kyonki Kranti ne Kunal ki Maa ko apne baaton me uljha kar rakh dia hai.

Raj soch me pad gaya..Kranti chaahti kyaa hai?Kriplani se badla lene k lia itna kuchh kar rahi hai..aur Kunal ki baatein toh kuchh aur hi ishara karti hai..yeh kaisa khel hai?Dayal khud nahi chaahta k Kriplani zinda rahe..Kriplani Dayal k raaste me aa raha hai..Kriplani ki maut se Kranti ko agar faida hai..toh Dayal ko bhi looksaan nahi hoga..Kriplani k maut ko issue bana kar Dayal Parliament Elections me jeet sakta tha..par ahen waqt par Kranti ne sab gadbad kar dia.

Dayal--Kranti ko maine politics ki ABCD sikhaya..aur ab..mujhe hi maat dene par tooli hai..

Raj--Yeh baat aap mujhe kyon bata rahe hain?

Dayal--Grewal Saab se..matlab aapke Baojee se pata chala..k ..Kranti se aap shaadi karna chaahte hain..sach hai kya?

Raj--Haan..agar aaplog beech me naa aate..toh ab tak shaadi ho chuki hoti..

Dayal--Abhi bhi kuchh nahi bigda..agar Kranti ka political career hi khadde me jaaye..toh majbooran..usse...

Raj--Aap aise haalaat paida kar sakte hain..?

Dayal--Main toh khud aapki madad maangne aaya hoon..

Raj--Main kyaa kar sakta hoon?

Dayal--Dekhiye..uska record bahut clean hai..matlab kisi aadmi se rishta nahi hai..youth leader k taur pe famous bhi hai..agar uske isi record par kinchhad k chheente lage..

Raj--Kamaal karte hain aap..pahle khud uske Baojee ko maar dala..aur ab..

Dayal--tab wahi baat theek lagi..meri baat suniye..kisi bhi tarha agar ..kisi magazine yaa news paper me Kranti k saath aap ka naam jood jaaye..toh uske lia kaafi pareshaani ki baat ho sakti hai..

Raj--Mere naam se agar uska naam jooda..isse kyaa fark padega?

Dayal--Us tarha nahi..agar baat ko is tarha failaya jaaye,k..Kranti ne is factory ki zimmedari aapko di hai..badle me aap se achhi khaasi rakam usne li hai..cut money jisko kahte hain..

Raj--Isse aapka naam kharab hoga..

Dayal--Nahi..baahar yeh baat koi nahi jaanta..k main yaa Jayant isme involved hain.. Company toh aap ki hai..ab jaa kar Kunal aaya hai..Kranti par bribe lene ka ilzaam agar aaye..toh..?

Raj--Isse kyaa hoga?

Dayal--Arre maine rasta bata dia aapko,baaki,aap khud samajhdar hai,logon ki yaaddaasht bahut kumzor hoti hai..do din me sab bhool jaayenge..Kranti k paas raasta nahi bachega.. khud ba khud aapse shaadi karne k lia raazi hogi..

Raj--Main aisa nahi kar sakta..

Dayal--Aapko Kranti se shaadi karni hai..haan yaa naa?

Raj--Karni hai..par is tarha..

Dayal--Beta..mohabbat aur jungh me sab jaayez hai..jo hoga..usse Kranti ko koi looksaan toh pahoochega nahi..tumse shaadi hi hogi..

Raj--Par Kunal..uska kyaa?

Dayal--Ek baar goli chali..doosri baar bhi chal sakti hai..ho sakta hai is baar fir se Kunal ka kidnap ho..aur kidnappers usko jaan se hi maar daale...kaho..kaisi rahi?

Raj--Mujhe sochna hai..kuchh bhi kariye..par Kranti ko ek kharonch tak naa aaye..

Dayal--Arre..tum Bete ho humare..woh Bahu..usko koi kuchh nahi karega..par uska is party me hona..ab mere lia khatra hai..

Raj--Theek hai..main soch kar batata hoon..

******************************************

22nd September..

Kranti--Hello..

"Paper dekha aaj ka?"

Kranti--Kunal..haan bol..kyaa hua?

"Paper dekh lo..pata chal jaayega.."

Paper me Kranti k baare me hi chhapa hai..media se yeh baat uchhaali gayi hai..k Grewals ko yeh tender mila hai..liquor factory kholne ka...isme Kranti Kaur ka haath hai.. bahut badi rakam mili hai..Kranti Kaur ko..yeh deal fix karake..

Kranti ne Dayal k mobile par phone kia..Dayal tab Raj k saath hi baith kar yeh khabar padh rahe the..

Dayal--Hello..Kranti..

Kranti--Agar yeh soch rahe hain aap..k main moral responsibility k chalte party karyakarta k pad se isteefa doongi..toh aap ghalat samajhte hain aap..

Dayal--Kyaa baat kar rahi ho..?Maine kab kaha..

Kranti--Aap ne hi saara raita failaya hai..aur woh jo aapke saath abhi baitha hai..Rajveer Grewal..usko bhi baat samjha dijiye..itna aasaan nahi yeh sab..cut money..yehi ilzaam hai mujh par..fine..Dayal Saab..aap shaayad bhool gaye k is project ki ek copy mere paas bhi hai..jisme aapka naam bhi hai..30% k share holder aap bhi hai..yeh baat main bataoon?Media k saamne..kyaa kahte hain..?

Dayal k sar par toota aasmaan..woh kahne lage,.. "Kranti..Beti..bahut badi ghalatfaimi hai..suno..main aisa kuchh bhi nahi kar raha hoon..suno.."

Kranti--Aapko jo kehna tha..jo karna tha..aap kar chuke..ab main karoongi..bahut shaukh hai aapko MP banne ka..ab main is baat ka pura dhyaan rakhoongi..k aisa naa ho..aur zara Rajveer Grewal se baat karaiye..main jaanti hoon..abhi aap usike office me hain..

Ananya mindblowing yaar👏,..just read your last two parts together😳..Loved all the dialogues between the characters and the brillaint storyline👏...sorry for this late reply..just got a chance to read both your parts😳

wow the story is getting interesting with each update. The characters of raj and kranti are very strong and different from th original story line. PLZ dont worry about the no. of replies you keep up your good work i am with you. waiting for the next part eagerly.

Great Job Ananya ................. I just read the last 2 parts together ............ Fabulous plot and great dialogs ...........