~Ulfat~ ViCha SS......updated part 10..11..12 page 16

First Previous

Page

Next Last

Frequent Posters

Shagufta

@ShagufElina

Rocker

Posted: 11 years ago

#51

Part 3:

Main hum...hum main...

Ajji chodo yeh sab...main batata hun...

Lucknow ki tehzeeb...haan...hai mujhmein...lekin maine kho di...

Kyun dhundu...

Kisliye dhundu...
dabdaba...banane ke liye...aap janaab nahi...

Ruaab ki zaroorat hoti hai...

Anaa...ego...ki zaroorat hoti hai...

Yeh sab...ameeri qabeeri se...khun mein basti hai...

Daulat hai...

Izzat hai...dabdabaa hai...

Shohrat...haan...sochu toh...

Zara koi bhoole toh mera naam...phir batata hun...

Main woh saaya hun sab par chaaya hai...

Woh andaaz hun koi bhool ke toh dekhe...

Yaari ...dosti...masti...mauj...ghumna...phirna...chedna...chidkaana...

Tafreeh lena...maar peet ...yeh sab toh karta nahi...

Karwaata hun...bht hi sharif hun main...

Mera ek ishaara kaafi hai...hawa ka rukh badalne ke liye...

Mera raaj chalta hai...meri ek awaaz par sab tayyar...

Main jo kahun pathtar ki lakeer...

Ab main hun hi itna smart...intelligant ...toh koi kyun na mare...

Waise ladkibaazi ke baare mein khayaal achcha hai...

Par bht chipku types...pata nahi yeh ladkiya...

Chodo ab innke baare mein kya kahun...

Kehne mein umar beet jaaye...aur main apni umar iss bakwaas mein gawaa dun...

Huhhh...

Ab kya raat jawaan hui hai...ab toh hogi party sharty...

Main hun party dene ke liye ...

Dekhte hai aaj ka kya plan hai...

Sab dost ikathta honge ...aur ghumenge...gaadi mein...

Arre Main kaun hun...yeh toh bataya nahi...

Waise zaroorat nahi...khud jaan jaoge...

Kya cheez hai Viraf...

Taarif ka mohtaaj nahi...

"Arre Viru bhai...aaj aane mein der kar di..."

Ab meri entry ekdum hero ishtyle mein...

Raat ka waqt...thanda mausam...thand hawaa...aur meri tez bike...

Maine bike roki...chasma utaara ...jeb mein rakha...aur bike se hero waale ishtyle...jaise Salmaan Khan...utra...

Do dost nukkad par baithe the...Ravi aur Shera...

Maine kaha chalo...chalna nahi...

Yug kaha hai...

"Arre Bhai...woh ghar par hai abhi bhi...chalo wahi chalte hai..."

"Usske ghar"

"Toh chalo"

Hum bike sawaar nikal liye...Yug ke ghar...

Lo ab Yug ka mohalla bhi aa gaya...

Kehte hai sharfon ka mohalla hai...

Toh kya hum badmaash hai...main toh nahi...

Main toh sharifon ka sharif hun...

Mera sharafat ke kisse gaate hai...yakeen nahi toh puch lo kisise...

Yug ke ghar ke niche khade ...usse awaaz dene lage...

"Yug Yug..."

Awaazz lagana toh koi paap nahi...

Iss mohalle mein hai...yahan sab ko atyant shaanti chaahiye...

Ab jo koi mana kare...main toh wahi karun...

Koi bole haan...main kahun naa...

Haan ko na main aur Na ko Haan mein badalna ...baayein haath ka khel hai...

Mere charm se koi bach nahi sakta...

Bas bas ab aage badhu...

Yug jaldi se upar waali manzil se mujhe chup karane ka ishaara karne laga...

Main chup ho jaaun kyu????

Actually...bada hi phattu hai...pitaji ke saamne awaaz nahi khulti...

Hmmm...main toh kam nahi...

Woh bhaag kar neeche aaya...

Yug: "Arre mere baap chilla kyun raha hai..."

Maine kaha...kya hua ...phirse masterji ghar pa hai...

Yug: arre nahi...woh nahi hai...phir bhi...

Pehle baat toh sunn le...aaj nahi aa raha..."

"Kyun????"

"Aaj ghar par khaane ka vaada kiya hai..."

"Ab"

"tum bhi mere saath khao...waise bhi kitna din hua ghar nahi aaye...Maa bhi khush ho jaayegi..."

Ander se awaaz aayi...Viru ko khaane ke liye bulaa le...

"Ahaa..."

Main toh chal diya ander...

Mere do bhukkad dost aur...unke jabaan se raal tapakne lagi...

Phir kya maine unhe bhi bula liya...

Hum sab ander chale...

Jaa kar baithe...sharif sharif...

Hmmm itni sharafat shobha nahi deti...par Pinky aur Sweety toh deti hai...mere doston ko...ussmein khush rehte hai...

Khana parosa gaya...

Waah...Mataji dhanya ho...

Khaana ...ek dum chatkaare waala...

Besan ki roti...kaththal(jackfruit) ki sabzi...
Lauki(bottle guard) ke kofte...aur dahi bara...

Chatkaare le le kar...ungliyaan chaat chaat kar khayi...

Meethe mein...Ummm...jalebi...

Aaj toh maza aa gaya...

Hum sab ne haath dhule...aur bauth gaye ...Yug ne kaha...chat pe chalo...

Chatt ...Ataari pe jaake kya karenge...

Chalo chalte hai...

Chatt par khatiye lage the...

Main toh jaakar khatiya par let gaya...

Aasmaan mein Pura Chhand...Chaandni Raat...Taaron se bhari suagaat...
Jagmagaate...timtimaate Taare...

Maano kisine ...aasmaan mein heere bikher diye hai...

Lootna chaaho ...loot lo...itni chamak unn mein...

Sametna chaaho samet lo...itni kashish unnmein ...

Lekin sirf dekhna aankhon ko sukun deta hai...

Uss tak pohonchne ki chaah hai...Raah nahi...

Kaash aisa hota...

Chamakta Taara...innmein woh bhi hai...

Kash ...Kash...

Yeh soch raha tha...lete hue...aasmaan ko dekhte hue...

Yug ne kaha...

Yug: "kaha kho gaye mere bhai..."

Maine kaha..."Kahin nahi..."

Hum sab hassi mazak karne lage...4 log...

Aur masti itni saari...

Kuch ek ghante baad...Raju...aur Ravi...
donon ko jaana tha...

Woh kehne lagae...ab woh nikalte hai...par main...

Yug ne kaha...Tum log jaao...main isse yahin rok raha hun...

Woh donon chale gaye...

Ab main aur Yug...hum humaari baatein karne lage...
Puraane lamhe yaad karne lage...

Waise mujhe sirf uss ke saath hi apni yaadein aur baatein share jarna pasand hai...

Hum donon baat kar rahe the...

Phir Yug so gaya...

Main akela aasmaan ki chamak rangeeni ko dekh raha tha...

Uss sitaaron ki chamak mujhe kyun pasand hai...yeh saari cheezen mere dil ke kone mein dafan hai...jo koi nahi jaanta...

Uss chamkile aasmaan ko dekhte dekhte...main kuch iss tarah kho gaya...

Ki apne aap se kehne laga...

Ki yeh jo door aasman mein taare hai...

Kehne ko yeh sabhi hamaare hai...

Inn ki chamak aur kashish ke liye...

Kayi jaan apni waare hai...

Bas itna kehna...Yug ne neend mein bhi sun liya aur kaha...

Waah Bhai...mizaaj bada shayerana ho rakha hai...

Kya baat hai...

Main hairaan ho gaya...

Maine kuch na kaha...aur phir ussne kuch poocha bhi nahi...

Abhi issi baare mein soch raha tha...

Ki phir mujhe kisike gaane ki awaaz sunai di...

Itni raat ko ...gaana...

Kaun hai...jo gaana gaa raha hai...

Yaha chudail ka koi chakkar toh nahi...

Aksar chudailein naachti hai gaati hai...itne waqt...

Awaaz aur badh gayi...

Pehle socha aankh band karke so jaaun...waham hoga...

Par awaaz abhi bhi aa rahi thi...itni meethi...itni pyaari...

Chaanndni raat hai...kahin apne haaton mein mera haath toh nahi chaahti...

Chudailein apni awaaz se rijhaati hai...sun rakha tha...aaj asli mein sunn bhi raha hun...

Kya karun ...uthun ki nahi...dekhun kaha se awaaz aa rahi hai...

Yeh Yug toh ab ghode bech kar so raha hai...jab meri baari thi...tab toh sunn liya...

Ab jab sach mein sunna hai...toh so raha hai...

Arre ab chudail ne mujhe mauka diya hai...apni awaaz suna rahi hai...

Dekh leta hun...chudail ko...unn devi ke darshan bhi kar lun...

Jaaun ya nahi...haa ya na...

Uthun ki nahi...haa ya na...

Uth jaata hun...

Dheere se utha...ek dum aahistaa...

Har taraf andhera...alag alag aawaazien aa rahi hai...halki halki si sardi ki sarsarahat...chandni raat se har cheez par safed roshni ka saaya...

Poonam ki raat...ohhh...
Yeh kaisa kaisa khyaaal aa raha hai mujhe...

Saari bhai giri kahan gayi beta...

Darr mat beta...sambhal apne aap ko...

Uth ke khada hua...Yug ko jaise jagaane jaa raha tha...

Saamne nazar gayi...

Saamne ek chatt par...ek ladki naach rahi thi...

Meri nazar usspar thehar gayi...

Sunehra libaas pehne hue ek naazuk si kali...

Chaand ki roshni...usske chaand jaise chehre ko roshan kar rahi thi...

Uski meethi si awaaz...uss raat ke andhere mein samaa bandh rahi thi...

Uska naachna...sardi ki sard hawaaon jaise thandak aankhon ko pohoncha raha tha...

Behta hai mann kahin ...

Kahan jaante nahi...

Koi rok le yahi...

Bhaage re mannn kahin aage yeh mann...

Chala jaane kidhar jaanu na...

Main toh madhosh hone laga...bass usse dekh raha tha...

Mera mann bhi beh raha tha...uski taraf...

Uski taraf bhaage jaa raha tha...

Koi sach mein mujhe rok le uss pal...

Taktaki baandh nigaahein usspar reh gayi...

Kya woh chudail thi...

Kya sach mein chudail ka jaadoo itna haseen hota hai...

Dil ho raha hai...romaani...

Huuhhh...yeh kya...ek aur ladki uth khadi hui...

Usske saath dance karne...

Donon saath nachne lage...khush hone lagi...

Ek dusre ke gale milne lage...

Arre yeh chudail nahi hai...wohooo...

Yeh sach mein ladki hai...sachchi mein ladki hai...

Arre yeh sach mein ladki hai...

Maine apne seene pe haath rakh...jaane kitni baar yeh sentence kaha...

Abhi yahi yakeen aa raha tha...ki...ussne mujhe dekh liye...

Usski nazar mujhpar jaise padi...pata nahi...mera haath apne aap uth gaya...maine usse haath se ishara kiya...

Usska gaana aur dance donon bht laajawaab hai...

Aisa haaton se ishaara diya...

Arre yeh kya main khush hun...woh darr ke neeche dubak kar baith gayi...

Usske saath waali mujhe dekhne lagi...par woh neeche baithi toh phir uthi nahi...

Uske saath waali jaane usse kya baat kar rahi thi...

Phir woh bhi chatt paar kar...apne ghar chali gayi...

Par woh ladki uthi nahi...

Pata nahi baithi toh thi...par jaate dikhi nah... .

Ab toh pakka chudail nahi thi...

Mujhe dekh darr gayi...itni der se mujhe dara rahi thi...

Ab mujhe dekh darr gayi...😊

Maine apne sarr par ek tapli di...main bhi kya kya sochta hun...

Ladki ko chudail samjh liya...achcha hai...sirf main akela hun...

Aur kisi ko pata nahi chala isske baare mein...

Lekin agar woh chudail nahi thi...

Toh uski adaayein itni madhosh kyun thi pata nahi...

Uska chehra sirf chaand ki roshni mein dekha hai...

Lekin agar suraj ki roshni mein dekhunga...tab hai pehchaan loonga...

Naa jaane kaun thi...woh pyaari...

Arre Viffy tere munh se yeh sab baatein achchi nahi lagti ...phir main yunhi madhosh hokar khatiya par girr kar let gaya aur so gaya...

Subah ho gayi...

Yug ne jagaya...

Yahan se nikalna tha...
Munh haath dho nikal pada...

Yug ka naashte ka bhi iraad tha...par main late ho raha tha...

Toh main neeche jaa kar...Bike par wait karne laga...

Helmet lagana...meri aaadat nahi...

Par Yug ki zidd ne mujhe pehnaa diya...

Yug ko raaste mein kuch kaam tha maine kaha main usse chod deta hun...

Main neeche utar bike par jaa baitha...usska wait karne laga...

Pata nahi woh kya dhoond raha tha...usse itna waqt lag raha tha...

Koi nahi...waqt ki parwaah kise hai...

Jab main pohonchta hun...waqt jab se shuru hota hai...

Thandi thandi hawaa chal rahi thi...

Main Bike ke mirror mein dekha helmet pehene kaisa dikh raha hun...

Yeh kya...

Subah sawere...safed libaas mein...

Neeli chaadar mein lipti hui...

Uski halki si zulfein baar baar chehre par aati hui...

Hairaan...pareshaan...ek ladki tezi se...chal rahi hai...

Usse dekh mera munh khula reh gaya...

Kya ladki thi...zara paas aayi...

Chehre se zulfon ko peeche kiya...

Haaye yeh toh wahi...RAAT RAANI...matlab chudail cum apsara hai...

Manmohini...Chandni...

Arre main yeh keh raha hun...

Woh tez hawaa ki tarah aayi aur mujhe...chukar chali gayi...

Woh aage chali gayi...main wahi ka wahi jamaa reh gaya...

Arre yeh ladki kya karr gayi...

Yug aaga peeche seat par baith gaya...bola Chal Bhai...

Maine suna nahi...

Woh gayi...yahi soch raha tha...

Yug na kaha...

Kaha hai dhyaan...chalo mujhe der ho rahi...

Tum toh khud hi waqt ho...sabko intezaar kara sakte ho...par main nahi...

Chalo bhi...ab...

Maine bike start ki...

Aur Yug ko chodne nikal pada...

Usse kuch 15 min ki duri par jaana tha...

Maine usse 5 min mein drop kar diya...

Aur apne raste par chal pada...

Bike chalaate hue...uss chudail cum apsara ki yaad aa gayi...

Yaad aani hi thi...ki woh phir nazar aa gayi...

Yeh ladki phirse...Ufff

Chudail cum apsara...

Quote

Archana

@Archi21

Sparkler

Posted: 11 years ago

#52

Shagu⭐️

wow 😃

Viraf ka description kitna acha hai👏👏👏👏👏👏👏

RAAT RANI⭐️
👏👏👏👏👏👏

next part plz😉

Edited by Archi21 - 11 years ago

Quote

Looks like you are new here. Register for free, learn and contribute.

Mohima

@mastaTmohi

Sparkler

Posted: 11 years ago

#53

Woww!!!! Xxx 👍🏼 is all I can say!!

Quote

Shagufta

@ShagufElina

Rocker

Posted: 11 years ago

#54

Originally posted by: Archi21
Shagu⭐️

wow 😃

Viraf ka description kitna acha hai👏

RAAT RANI⭐️
👏

next part plz😉

thanks Archi...

Viffy...😆

Quote

Shagufta

@ShagufElina

Rocker

Posted: 11 years ago

#55

Originally posted by: MastaT
Woww!!!! Xxx 👍🏼 is all I can say!!

thanks Mohi...😆

Quote

HappyST

@HappyST

Voyager

+ 3

Posted: 11 years ago

#56

Awesome 👏..., continue posting such amazing update.

Quote

Shagufta

@ShagufElina

Rocker

Posted: 11 years ago

#57

Originally posted by: TasrinS
Awesome 👏..., continue posting such amazing update.

Thanks Samima...

Tumhe achca laga...

Quote

Shagufta

@ShagufElina

Rocker

Posted: 11 years ago

#58

Part 4

Aji kya baat hai...

Ek raat se 10 mulaaqaat...baar baar nazar sach mein aati hai...ya main...

Uss raat raani ke chungal mein phas gaya hun...

Arre sach mein hai...

Yeh kya ...yeh toh ladkon se ghiri hai...

EK BICHAARI...TEEN ANARI...

Chal beta hero banne...

Main paas gaya...ek dum filmy style...ab hero hun ...toh hero jaisa act karna padega...

Paas gaya toh kya...

Dhatt teri...yeh toh mere college ke namoone hai...

Mujhe dekh darr gaye...

Par main unke paas gaya...aur aankh maarte hue maine bhari awaaz mein kaha...

"kya ho raha hai..."

Woh samjh gaye...darre hue bhi the...aur mera hukum maan bhi rahe the...

Ek ne kaha...

"Tum se Matlab..."

Itna kehna...maine uska collar pakda aur kaha...

"Matlab hai nahi banana padega...kuch samjhe ye samjahun..."

"Nahi nahi bhai...hum samajh gaye..."

Chalo bhai yahan se...

Woh sab chale gaye...

Ab kya hero toh main bana na...chahe woh mere darr se bhaag gaye ya mere dabdabe se...

Par ladki par toh impression pad hi gaya...

Ab kya...thodi...in mohatarma ki haal khairiyat li jaaye...

Ab baar baar nazar aayegi...toh khabar rakhna toh laazmi hai...

Beta sharafat ka naqaab odh...aur shuru ho ja...

Lo phir ab kya...dhen te tan...

Viru bhai ne ladki ko bachaya ab tehzeeb se shuru ho ja...

Aur kaha..."Aap thik ho..."

Raat raani ne kaha..."THANKS"

Dekho main kitna sweet hun...phir chance pe dance...aur kaha...

"Aayiye hum aapko chod dete hai..."

Shayad usse jaane ki jaldi thi...mere poochte hi kuch socha...

Aur kaha "thik hai..."

Ab nikaalo ghee tedhi ungli se...sharafat ko sharafat se maat dunga...

Ab mere sawaal but thode uljhe...
Maine kaha...

"N.L. College ki hai kya aap..."
.
"Nahi hum JKP college mein Padhte hai..."

Arre hum dono ki manzil toh ek ho gayi...ab toh chodna banta hi banta hai...

"Aaiye hum chod dete hai...wahi jaa rahe hai hum bhi"

Main bike par baith gaya...

Aur usse baithne ke liye kaha

pata nahi kya soch rahi thi...

Uske chehre par itni saari shikan...

Jaise main usse bhaga ke le jaane waala hun...aur woh darr rahi hai...
Par aisa kehta kya ...nahi na...sharif ...sharif...
Phir kaha...

"Dariye mat hum tez nahi chalayenge...jisse aap ko darr lage...aap pehli baar baith rahi hai kya...

"Ji..."

Lo ab yahi reh gaya...ek ladki ko bike pe baithne ka instruction dun...

Woh mujh jaise handsome ladke saath...

Ladkiyan chahti hai...mere peeche baithna...

Aur inn mohtarma ko main sikhaun...bike pe kaise baithte hai...

Hadd hai...ufff yeh ladkiyan...itni nazaakaton waali kyun banti hai...

Chalo beta gyaan baanton...

"Donon pair ek side mat rakhiye aap ko aadat nahi hai toh...

Ek pair uss taraf rakhiye...aur dusra dusri taraf...aaraam se baith jaayiye..."

Woh jaldi se baith gayi...lekin kahin bhi pakdi nahi thi...
Ab main kahu...pakad lo mujhe...ya kandhe par haath rakh...

Sharif...sharif...

Ab pata chalega...an pakdne ka kya anjaam hota hai...

Maine poocha chalun...

" Chalo"

"Aap baith toh gayi na sahi se..."

"Thik hai..."

Jhataka dene ki baari aa gayi...Jaise hi bike start ki...ussne pakda toh tha nahi...
.
hona kya tha... Bike ke jhatke se ladd gaye mujhse...aur chilla padi...

Mujhe hassi aa gayi...uska chehra mirror mein dekhne laayak tha...

Mujhse takrane par kya haal hua bichaari...

Ab tasalli toh dun...

"Sambhalke...Aap mere kandhe par haath rakhlo..."

Ab kya dheere se mere kandhe par haath rakha...

Arre kamal ho gaya...jhatke ne asar kiya...

Haath mere kandhe par aa gaya...

Ahaaa...

Maine usska naam pucha...

"Kya naam bataya aapne...Parvati...

"Nahi...humara naam toh Chhavi hai..."
Bike chala rahe the...samjh na aaya...phirse poocha...

"Kya mujhe sunai nahi de raha...kya kaha"

"Chhavi..."

Naam bata woh hairaan ho gayi...kitni safai se maine pata kar liya...

Phirse kaha...

" Bade tension mein lagti ho aap...College jaldi jaana hai...kya?"

"Haan...Par aapko kaise pata chala..."

Maine phirse ek sharifon waala...jawaab diya...
"Woh toh aapki pyaari si shakal par dikh raha hai..."

Ussne kaha ...Tez bhagayiye...
.
"jaisi aapki marzi...Mohtarma..."

Ab kya speed se bhagayi...bike maano hawaa se baatein kar rahi ho...

Haaye...

Ab toh woh full on enjoy karne lagi...

Maano tez hawa se baatein kar rahi ho...

Usske chehre par kitni khushi thi...maine aaj tak...subah ki halki.dhup ...tez hawaa...thand ka maza lete nahi dekha...

Ajeeb si kashish thi usski ankhon mein...ek chamak thi uski nazron mein...

Abhi usski yeh khushi dekh raha tha...ki colllege aa gaya...

Ab usse haath bhi dena hoga...utarne ke liye sahara ban ja beta...

Pehli baar bike par baithi hai...

Maine apna haath aage badhya...

Ussne apna haath mere haath par rakha...

Yeh kya...meri dhadkan tez ho gayi...

Usska haath...kitna naazuk...kitna mulaayam...

Uske haath mein haath dete hi...mujhe current lag gaya...

Mujhe mujhe...aisa kya kar diya yaar...

Iss se pehle ke aur mutassir hota...woh jaane lagi...

Thank u so much ...kaha...aur chalte bani...

Maine kaha "arre suno toh sahi..."

Par jaldi mein thi...

Jaate jaate...palat kar ussne ek baar meri taraf dekha...
main wahi khada tha...usse jaate dekh...

Usski nazrein ...meri nazrein...saath saath mili...

Par saath milne par phir judaa bhi ho gayi...

yeh toh main bhi jaanta hun...kahan ke liye...

Ab toh mulaaqaatein aur bhi hogi..."Raat Raani ji..."

Bachkar jaaogi kahan...

Ab toh aur maza aayega...

Sabse badi baat ...kya faida hua...aaj helmet pehenne ka...

Helmet to suraksha ke liye...Yug ne zabardasti pehnaya tha...

Par aaj...yeh toh kuch aur hi kaam kar gaya...

Maine sar se helmet utaara aur muskuraane laga...

Peeche se mere dost aaye...

Chal bhai...juniours ki class lagne waali hai...

Chalo...phir der kiss baat ki...

Hum sab auditorium mein baith gaye...

Hum seniours...juniours ko pareshaan na kare...

Ye ho nahi sakta...

Iss saal toh kya namune aaye hai...

Ek se badh kar ek...

Sab ko bada maza aa raha tha...PC ke liye...contestant select karte hue...

Hum...

Hum the...<<<<<<<<HELL ANGELS>>>>>>>>

hum seniours ka group bada tha...

Humaari class...final yr...hum kaise peeche rahe...

Hum se sab darte the...

Aur final year mein council bhi humaari...
aur General secretory...

Woh toh main hun...abhi abhi council bani hai iss saal ki...do din pehle...

Fresher ke din...humara matlab...council ka bhi introduction hoga...

First yr waalon ne apna naam <<<<<DRAGONS>>>>>>rakha hai...

Dekhte hai...kitna dam kham hai...

Abhi tak toh mjhe koi dam nazar nahi aaya...

Phir woh aayi...

Jiss tarah kal raat ki roshni mein chamak rahi thi...

Aaj subah ki thandi hawa se khil rahi thi...

Woh iss audi ke andheron ko cheerte hue...

Stage ki sunehri light mein aayi...

Uska badhta kadam...par mera dil kyun darr raha hai...

Humein toh uski tafreeh leni hai...

Woh stage par jaisi hi khadi hui...

Unn namunon ne phirse usse pareshaan karne lage...

Bohot maza aa raha tha...sabhi ko...

Woh thodi si ghabrayi hui thi...

Arre mujhe kyun bura lag raha hai...

Yahi toh karna hai...

Pata nahi...sab ko dekh mujhse bardasht nahi hua...

Aur main khada ho gaya...

Mera ek ishaara aur...sab chup...

Ek dam chup...

Main baith gaya...

Mere saathi hairaan the...

Hairaan toh main bhi hua...yeh maine kya kiya...

Par uski taraf dekha aur baith gaya...

Ussne apni maasoom si aankhen band ki...

Usske ander ek nayi kashish dikhayi di...

Yeh kya karne jaa rahi hai...talent round ke liye...

Yeh toh main jaanta tha...agar ussne gaaya...

Yahan baithe sab ke hosh toh udne waale hai...

Kal raat ka khumaar toh mujh par ab bhi hai...

Ab ek aur baar suna...toh hosh behosh bhi ho sakta hun...

Arre ussne sach mein gaana shuru kar diya...

Akhiyan nu Rehan de,
Akhiyan de kol kol

Chann pardesiya
Bol bhawein na bol...

Ankhiyan nu rehan de...
Ankhiyan nu rehan de...

yeh sunn...main sakte main aa gaya...

Kya uska ishaara meri taraf tha...

Par ussne mujhe dekhi nahi...

Haan...usska ishaara meri taraf hi hai...

Kya sach mein...

Viffy yeh kya ho gaya...

Sabke hosh Viru bhai...udaata hai...

Aaj issne dobara tere hosh udaa diye...

Main usse dekhne laga...

Itna pyaara ...itna meetha...

Phirse...ufff...yeh ladki...

Pehle chudail ban kar...ab haqeeqat mein zulm dhaa rahi hai...

Pata hi nahi chala...Gaana khatam...ussne aankhen kholi...

Sabko dekha...

Sab taali bajane lage...

Woh fakhar se sabko dekh rahi thi...

Main bhi dhunki mein clap karne laga...

Main ek dam mutassir ho gaya...

Yeh jo maine kiya...

Isse pehle koi mujhe puche...uske utarne se pehle main wahan se nikal gaya...

College se hi nikal gaya...

Yug se milne chala gaya...usse kuch kaam tha...

Ussne mujhe kahin aur bulaya tha...
Par baad mein phir...ghar ke paas bulaya...

Main chala gaya...

Dopahar ho gayi thi...

Yug mere saath chalne waala tha...

Hum donon jaise hi nikal rahe the...

Yug: arre main apna wallet bhul gaya...ruk leke aata hun...

Woh ander chala gaya...

Main bike par baitha intezaar karne laga...

Phir achanak mujhe uss Raat Raani ki yaad aa gayi...uska sunehra gaana yaad aa gaya...

Yeh soch main muskura diya...

Yug: "kya baat hai...mere bhai...akele akele muskura rahe ho..."

"Kuch nahi..."

"Chal..."

Abhi uski yaad dil se jaati nahi...ki phir saamne se woh aa rahi thi...cycle waale rickshaw par...

Woh aur uski saheli...

Uska rickshaw saamne se aa raha tha...

Main usko dekne laga...muskura diya...

Ajeeb baat hai...woh cycle waala bhaiyaa mujhe dekh liya...aur mujhe dekh hass diya...

Maine usse ek dam gandaa sa look diya...

Aur phirse...usski taraf dekhne laga...

Ab kya ...

Meri nazar ...uski nazar se takra gayi...

Main yunh baawalon jaisa usse dekh raha hun...

Abhi colege mein kam natak kiya...jo ab raste par bhi...

Par yeh toh woh nahi jaanti...

Ussne mujhe gusse waali nigaahon se dekha...

Meri hassi gul ho gayi...munh seedha ho gaya...

Aur ussne nazrein pher li...

Uska rickshaw aage badh gaya...

Main mud ke usse dekhne laga...ussne bhi palat kar ek baar dekhi...

Phirse se...gusse waali nazar...aur teekha andaaz dikha ...sidha baith gayi...

Par kya...pehchaan gayi kya...

Main woh subah waala hero hun...

Nahi kaise pehchaanegi...helmet bade kaam ki cheez hai...bhool gaye kya...

Hmmm...yaad aaya...tabhi mujhe itna ganda look diya...

Usse thodi na pata...

Yug:" Bhai mere aapki nazrein kahan safar kar rahi hai..."

"Yug yeh ladki kaun hai..."

Yug: " Woh gudiya...matlab Chhavi hai..."

Tumhare college mein hi toh addmission liya hai ussne ...tumne dekha nahi...

"dekha hai...ab toh dekhte rahenge..."

Yug: "kuch kaha tumne..."

"Kuch nahi chalo..."

Ohhh...Raat Raani ji...Chhavi matlab ...gudiya hai...

I hope u guys love it...

Quote

Archana

@Archi21

Sparkler

Posted: 11 years ago

#59

Shagu ⭐️

haay kya Ulfat hai 👏

kya likh rahi hoo 👏

viffy ka haal 👏

chhavi ka tikha mizaj ⭐️

iss viffy ke haal par

~tera mushukuran naa ,
yu aa kar chale jana
kismat ka hai mil jana
tera dedar hua phela sa pyar hua
iss dil ko...~

Edited by Archi21 - 11 years ago