Part 2:
Hum akele hain...chat par ...Meethi achanak kahan chali gayi...
Abhi toh hum se baat kar rahi thi...hum gaa rahe the...naach rahe the...
.
Pata nahi...kahan se uss ladke ki nazar padi...woh humein dekh raha tha...
.
Humein dekh Muskura raha tha...hum toh darr gaye...jaane kaun hai...
.
Humein ishaara kar raha hai...humara dance dekh...
.
Yeh kya woh humari taraf kyun aa raha hai...humari taraf mat aao...
.
hum nahi chahte usse dekhna...
.
woh aur paas aa raha hai...ek chat se dusri chat...dusri se teesri...
.
Bhago...guddo rani ...kahin woh tumhare paas na aa jaaye...
.
woh humare qareeb toh aa raha hai...par jaane humein uska chehra toh nahi dikhayi de raha...
.
hum bohot koshis kar rahe hai...
phir bhi uska chehra nahi dekh paa rahe...
.
Arre yeh kya ...woh humaari chat par aa gya...
.
hum yunhi khade hai...hill bhi nahi paa rahe...
.
Bhagna chahate hai...par bhag nahi paa rahe...
.
woh humare paas aa gaya...
.
Pls humare qareeb mat aao...hum nahi milna chahte tum se...
Pls mat aao...
Usne hamaara haath pakad liya...
.
Pls humein chod do...
.
Woh aage kuch kehtaa...isse pehle humaari aankh khul gayi...
.
Arre abhi toh hum chat par the...hum kitne budhdhu hai...sapna tha yeh...
.
Kal raat ki baat lagta hai...dimaag par zyaada asar kar gayi...sapne mein bhi wahi nazar aa raha hai...
.
Chalo aaj toh jaldi pohonchna hai...
Jab ghadi dekhi toh paresha ho gaye...
.
"Arre yeh kya...7 baj gaye..."
.
"Hum late ho gaye...humein toh 8 baje pohonchna hai...aaj pehla round hai...bhaaago...
.
Hum jaldi jaldi uthe...tayyar hokar...fauran bhaage...
.
Miththu bhi humare saath hi hai...college mein ...par...humara naam select hua hai...
.
Isiliye aaj humein akele jaana hoga...
.
Jaldi jaldi...lambe lambe kadam badha kar gali se nikal sadak tak pohonche...
.
Arre yeh kya...aaj koi bhi cycle rickshaw kyun nahi dikhayi de raha...
.
Autorickshaw bhi bht kam chal rahe hai...
.
kya musibat hai...aaj jaldi pohonchna hai...aur sab musibat ek saath...
.
Pls bhaiyya chalo na...JKP college...
.
koi rickshaw sunne koi tayyar nahi...
.
Hum kya karein ...8 bajne ko 5 min baaki hai...aur hum abtak sadak par khade hai...
.
College pohonchne ke liye...kam se kam...aadha ghantaa lagega...
Ab hum kya karein...
.
Ek kaam karte hai...thoda aage badh kar dekhte hai...shayad aage waali sadak se mil jaaye...
.
Hum aage badh kar chalne lage...5 min tak chalte rahe...aur rickshaw ko poochte rahe...
.
par majaal hai koi ruk jaaye...kumbakhat saare aaj humein pareshaan kar rahe hai...
.
Humaari jaan pehle hi atki hui hai...aur upar se...yeh sab...
.
Ab kya karein...
.
Hum hairan pareshaan khade the...iss subah...thand bhi lag rahi thi...
.
Thanndi ka mausam ab start ho raha raha hai...
.
Aage badh rahe hai...aur koi saadhan nahi mil raha...
.
hum khade ho gaye...
.
Achnak se saamne...2 bike aa kar khadi ho gayi...
.
Ek bike waale ne kaha...
.
Kahiye Mohtarma ...kahan jaana hai...hum aap ko chod de...
.
Humne ignore kiya...aur aage badh kar chalne lage...
.
woh bike humare piche chal padi...
.
Woh baar baar poochne lage...
.
"hum ne kaha...aap se matlab...jaayiye yahan se...humein kahin nahi jaana..."
.
Hum aur tez tez chalne lage...
.
Woh bike humare saamne aa gayi...hum ruk gaye...
.
Woh bike se neeche utra...aur hum se kaha...
.
Aisi bhi kya naarazgi hum hai...na ...batayiye kahan chod de...
.
Hum darr gaye...haath pair kaampne rahe the...par himmat nahi haarnaa chahte the...
.
Woh 3 log humein gher kar khade the...aur ek bike par hi baitha hua tha...
.
Utne mein wahan ek aur bike aa kar ruki...
.
Usspe ek ladka sawaar tha...ussne helmet pehne hue tha...
.
Lamba qadd...jeans aur white T shirt par brown leather ke jacket mein...achcha khasa body builder type tha...
.
Bike se shaan se utra...
.
Aur kaha...
.
"kya ho raha hai..."
ussne bhari awaaz mein kaha...
.
Unn badmashon ne jawaab diya...
"Tum se Matlab..."
.
Phir uss ladke ne unn badmashon mein se ek ka collar pakda aur kaha...
.
"Matlab hai nahi banana padega...kuch samjhe ye samjahun..."
.
"Nahi nahi bhai...hum samajh gaye..."
.
Chalo bhai yahan se...
.
Woh sab chale gaye...
.
Uss ladke ne humein bacha liya ...unn badmaashon se...
.
Aur kaha..."Aap thik ho..."
.
Hum ne kaha..."THANKS"
.
"Aayiye hum aapko chod dete hai..."
.
jaana toh tha...agar aur late hote...toh hum contest se bahar bhi ho jaate...1st round tha...aaj...
.
Humne kaha "thik hai..."
.
"N.L. College ki hai kya aap..."
.
"Nahi hum JKP college mein Padhte hai..."
.
"Aaiye hum chod dete hai...wahi jaa rahe hai hum bhi"
.
Kya karein...majboori mein toh gadhe ko bhi baap banana padhta hai...
.
Aur yeh toh sharif lag raha tha...
.
Woh bike par baith gaya...
.
Humein peeche baithna tha...hum aaj tak bike par baithe nahi hai...humein darr lagta hai...
.
kya karein...kya karein...
.
Soch hi rahe the...ussne kaha...
.
"Dariye mat hum tez nahi.chalayenge...jisse aap ko darr lage...aap pehli baar baith rahi hai kya...
.
"Ji..."
.
"Donon pair ek side mat rakhiye aap ko aadat nahi hai toh...
.
Ek pair uss taraf rakhiye...aur dusra dusri taraf...aaraam se baith jaayiye..."
.
Hum ne jaldise himmat ki ...deri bhi ho rahi thi...
.
Woh aage dekhe humein instruction de rahe the...
.
Hum jaldi se baith gaye...
.
lekin pakde kahan...usse pakad nahi sakte the na...
.
Phir bhi hum ne keh diya ...
.
" Chalo"
.
"Aap baith toh gayi na sahi se..."
.
"Thik hai..."
.
Jaise hi bike start ki...hum ne pakda toh tha nahi...
.
hona kya tha... Bike ke jhatke se ladd gaye unnse...aur munh se chik nikli...
.
Arre yeh kya ho gaya...
.
ussne kahan...
.
"Sambhalke...Aap mere kandhe par haath rakhlo..."
.
.
Hum seedhe baith gaye jaldi se...bade hi atpata se gaye the hum...
.
Phir hum ne dheere se uske kandhe par haath rakha...aur unhone bike shuru ki...
.
Hum donon bike par...
.
humein toh iss baat ka bada hi darr tha...
.
ek toh itni.subah...upar se ek anjaan ladke ki bike par hum jaa rahe hai...
.
Agar kisi rishtedaar ne dekha toh...yeh darr sata raha tha...
.
Upar se College pohonchne ki jaldi...
.
Karein toh kya karein...
.
Yeh sab soch rahe hai...
.
Itne mein ussne kaha...
.
"Kya naam bataya aapne...Parvati...
.
"Nahi...humara naam toh Chhavi hai..."
.
"Kya mujhe sunai nahi de raha...kya kaha"
.
"Chhavi..."
.
Par hum ne toh usse baat hi nahi ki toh naam kaise batate...yeh bht smart hai...
.
kitni chalaki se humara naam nikalwaa liya...
.
" Bade tension mein lagti ho aap...College jaldi jaana hai...kya?"
.
Maine kaha "Haan...Par aapko kaise pata chala..."
.
"Woh toh aapki pyaari si shakal par dikh raha hai..."
.
Hmmm ab yeh humein pyaari bhi keh raha hai...
.
Kya karein...ab iss musibat se kaise peecha chudaye...
.
Humne kaha ...Tez bhagayiye...ab tak toh comfirtable ho hi gaye the...ke speed ka muqaabla kar sake...
.
"jaisi aapki marzi...Mohtarma..."
.
Ussne kya speed se bhagayi...bike maano hawaa se baatein kar rahi ho...
.
itna maza aa raha tha...
.
Subah ki halki dhup...halki si thand...tez hawaa ke saath behnaaa...
.
ussmein kho jaana...ek alag maza de raha tha...
.
hum kitni khushi mehsoos kar rahe the bata bhi nahi sakte...
.
Humein phir kuch hosh nahi...hum kisske saath baithe hai...hum toh uss pal ka maza ke rahe the...
.
Woh thandi thandi hawaa...kaanon mein lag kar gudgudi kar rahi thi...
.
Woh behti hawaa humaare chehre ko chum rahi thi...
.
Woh tez hawaa...Mere jism ko chukar...thandak ka ehsaas de rahi thi...
.
Aur main...khule dil se uss thand hawaa ka istaqbaal...swaagat kar rahi thi...
.
.
Abhi yeh pal ji hi rahi the...
.
ki ussne kaha...
.
College aa gaya...
.
Humare hosh thikaane aa gaye...hawaa se baat kar laut aaye...hawa se baatein bhi ho gayi aur humara safar bhi...
.
Phir kya hum jaldi se utre...
.
Utarne mein takleef na ho...issiliye ussne apna ek haath aage kiya...
.
aur kaha..."isse pakad kar utar jaao..."
.
Maine uske haath ka sahara lekar... Utar gayi...
.
woh bike se phir neeche utra...maine uska chehraa nahi dekha...helmet pehne hue tha...
.
Dekhna chahti thi...par utna waqt nahi tha...
.
Maine kaha...
.
Thank u so much...aapne humari itni madad ki...bht bht shukriya...
.
Abhi hum chalte hai...humein der ho rahi hai...
.
Aree par suniye toh...
.
Humne kaha humein der ho rahi hai...thank u so much...
.
Aur hum wahan se bhaag nikle...
.
ek toh wajah yeh thi...ki hum late ho rahe the...
.
Aur dusri...hum ajnabiyon se baat nahi karte...agar majboori na hoti toh hum kabhi na baithte...
.
toh humne usski baatoh ko ignore karte hue wahan se nikal gaye...
.
Tez tez chalne lage...
.
Chalte chalte mud kar peeche ek baar dekha toh woh wahi khada tha...humein dekh raha tha...
.
Hum aur tezi se nikal liye...
.
Humne chalte chalte time dekha...8.20 ho gaye the...
.
Ohooo...ussne humein 13 min mein pohoncha diya...
.
Maan gaye ...tumhe...itna jaldi pohoncha diya...
.
Humein...auditorium...mein pohonchna tha...
.
Hum bhaag bhaag kar gaye...
.
audi band tha...humne dheere se khola ...wahan bohot se students baithe the...
Stage ke seedha niche...door tha...aur sab ki nazron se guzar kar humein peeche jaa kar baithna tha...
.
Ek toh late...upar se yeh sharmindagi...
.
hum ne nazrein neeche ki...aur aage badhne lage...
.
Seats par jaane ke liye jaise hi pehli seedhi chade...ek seniour ne poocha...
.
Fresher ...na...
.
hum ne haan mein sar hilaaya...
.
aur peeche jaa baith gaye...
.
Akele baithe the...last row mein...
.
Abhi kuch start nahi hua tha...
.
Meethi bhi humare saath nahi thi...
.
Haan toh hum select hue the "PERSONALITY CONTEST" ke liye...in short PC...phir jo jeetega...banega...MR. And MISS. JKP...ka title...
.
Pata nahi humne form mein aisa kya likha tha jo unn logon ne humein select kar liya...
.
iss round se pehle...
.
Har fresher ko ek form diya gaya tha...jisse fill kar submit karna tha...
.
Woh form kuch aisa tha...
.
Naam...birthday...age...
.
Hobby...
Size...humne socha iss mein kya aayega...
.
Phir kya...jaise jaise sawaal aage badhte gaye...unn ki besharmi ki seema bhi...
.
Pata nahi...kitne toh aise the...jo humein samjh nahi aaye...
.
Jaise ki...which size u prefer...
.
Difference between hill and mountain...
.
pata nahi jaane kya kya...
.
Hum ne toh form pura fill nahi kiya tha...logon ne kaha...jo pura form fill karta hai...aur achcha likhta hai...Usse yeh log select kar lete hai...
.
Humein nahi hona tha...phir bhi hum select ho gaye...
.
Shayad humne...dancing ...simging daala tha isiliye...
.
Ab kya ...
.
Auditorium mein saare senior...aage ki seats par baithe the...
.
Aur saare fresher peeche...
.
Ab round start ho gaye...woh sabse...question ...answer...
.
aur apna talent dikhane ko keh reh rahe the...
.
Aur hadd darjaa mazak udaa rahe the...
.
Bht insult bhi kar rahe the...
.
Dil ki dhadkanein tez ho rahi thi...kya karti...
.
Aisa maahol chhaya tha...
.
Seniour...juniors ki ragging le rahe the...contest ke naam par...
.
Hum darte toh thi...par hum kamzor nahi...
.
itna sochna tha ki humara no aa gaya...
.
And next bakra is Chhavi Pandey...
.
Arre yeh bakri hai...
.
Hum dheere se khadi ho gayi...
.
Sidhiyon se neeche utarne lagi...stage par jaane ke liye...
Sab ki nazrein hum par...
.
Hum stage par gaye...wahan jaa kar dekha...
.
Niche jo seniours baithe hai...
.
Bht saare boys aur kuch ladkiyan...
.
humein toh stage par aane ke baad neeche ka kuch dikhayi nahi de raha...
.
Aage ki row waale sirf nazar aa rahe the...
aur jo log aage stage ke paas khade the...
.
Are yeh kya...
Jo badmaash aaj mujhe pareshaan ka rahe the...woh bhi khade hai...
.
Ohhh yeh log iss college ke hai...
.
Unhone kaha...
.
Chal bulbul shuru ho ja...
.
Ek ladki ne hum se swaal kiya...
.
Toh madam poet hai...painter hai...dancer hai...singer hai...actor hai...
.
Kisi ne kaha...
Humein bhi toh jalwaa dikhao raani...
.
Hum pareshaan ho gaye...itne comments...
.
Hum kare toh kya...bolne ka mauka toh dete nahi...
.
Darr rahe the par himmat haarna humaari fitrat mein nahi...
.
Kisine phir kaha...ab bolegi bhi...ya yunhi shaam ho jaayegi...
.
Humne palat kar jawaab dete usse pehle...
.
Unhi mein se ek ladka khada hua...
.
Ussne audience ki taraf dekha...aur sirf haath uthaa kar haath dikhya...sab chup ho gaye...
.
Kisine phir himmat na ki kuch kehne ki...
.
Aur ussne kaha bolo...
.
Stage par roshni...aur audi mein andhera tha...toh humein shakal ka andaaza nahi lagaa...
.
Phir kisine ne kaha...
.
Toh phir kuch suna dijiye...
.
Gaana sunana tha...
.
Humne soch kaunsa sunaye...
.
Dheere se aankhen band ki...
.
Aur dil se kaha...ab humein aage ka raastaa tu hi bata...
.
Humara dil jo gaayega...humari zuban se wahi niklega...
.
Aankhen band hum stage par khade the...humein achanak uss saviour ki yaad aa gayi...jo humein raaste mein mila...
.
Uski aankhen nazar aayi...
.
Aur humne gaana shuru kar diya...
.
Akhiyan nu Rehan de,
Akhiyan de kol kol
Chann pardesiya
Bol bhawein na bol
.
.
Let your eyes stay close to mine
My beloved traveller, even if you choose to talk
or not
.
.
Vekhne da chaa sanu, mukh partaween na
Neray-neray vass dhola, door-door jawin na
Door da kheyal chad, wass akhiyan day kol-kol
Chann pardesiya
Bol bhawein na bol
Akhiyan nu rehn de
Akhiyan nu rehn de
.
.
I long to see you, don't turn your face away
Stay close to me always, pray never go away
Shun the thoughts of separation
Reside very near my sight
My beloved traveller, even if you choose to talk
or not...
.
Humne itna gaa kar aankhen kholi...
.
Toh saara audi ...taaliyon ki awaaz se gunj utha...
.
Hum khush ho gaye...
.
Phir kisine koi sawaal nahi kiya...
.
Hum stage ki seedhiyon se niche utar rahe the...tab bhi sab taaliyan baja rahe the...
.
Humne chaha hum usska shukriya adaa kare...par hum jab tak wahan pohonchte...
.
woh jaa chuke the...
.
Aaj humare din ki shuruaat itni kharaab hui thi...par aaj do logo ne humaari madad ki...
.
Ek uss bike waale ne...aur yahan ek ladke ne...
.
Ab round bhi khatam ho gaye the...lunch time hone se sab audi se nikalne lage...
.
Hum sabse end mein nikle...
.
Aur nikalte hi humein Meethi bahar mil gayi...
.
hum usse saari baat batane lage...
aur subah ka saara qissa suna diya...
.
Phir khud soch mein pad gaye...
.
Agar aaj woh bike waala na hota to hum kya karte...
.
Woh tha toh badmaash ...lekin sharif bhi...
.
yeh soch kar hum muskura diye...
.
Kisi ki aahat hui par pehchaan na sake...
Kisi ki aamad hui par dekh na sake...
Woh hawaa mujhko milaati rahi usse...
Jisse aankhon se door kar na sake...
