Ramanand Sagar's Ramayan & Shri Krishna CC#4 DONE!

First Previous

Page

119

Next Last

Frequent Posters

Janaki

@RamKiSeeta

Achiever

+ 6

Posted: 15 years ago

#861

Hey Guys,

Today my classes have started, so am a bit busy, but have found a few minutes to wish you all a....

Happy Rakshabandhan!🥳

Happy Rakshabandhan to all our brothers in this CC!🤗 Your presence everyday is that of sweet nectar!😉😃

Lots of love!

-Janu

Quote

Shivang

@ShivangBuch

Voyager

Posted: 15 years ago

#862

Jai Shri Krishna Lalita. I am full of love with your loving & wishing message sister.🤗 Have a great & auspicious day. Happy Rakshabandhan to all sisters. Deepika, Divya, Aishi, Aakaanksha, Aradhana, Sita, Varsha, Khushi, Swati, Mina and everyone else whose name I have missed out.

Edited by ShivangBuch - 15 years ago

Quote

Looks like you are new here. Register for free, learn and contribute.

Shivang

@ShivangBuch

Voyager

Posted: 15 years ago

#863

Night before Chitrakoot sabha 01

(Lakshman in Ram's tent and Bharat listening from outside giving sign to Lakshman to test Ram's reaction)

Lakshman: Bhaiya. Suna hai Bharat bhaiya apne saath raajyaabhishek ki sari saamagree laye hain. Wo yahin par aapka raajyaabhishek karna chaahte hain.

Ram (Calmly): Achchha? Parantu Bharat ko aisi niti viruddh baat nahi sochni chaahiye.

Lakshman: Isme nitiviruddh kya hai bhaiya?

Ram: Dekho Lakshman. Pitaashree ke vachan ka paalan karna, jitna mera dharm hai, utna hi Bharat ka bhi hai.

(Bharat listening from outside becomes disheartened and runs into Vashishth's tent)

Bharat: Gurudev. Wo nahi maane. Ram bhaiya nahi maane.

Vashistha: Kya nahi maane vatsa?

Bharat (Very anxious): Unka bhaav jaanne ke liye, maine Lakshman dwara unko suchna di thi ki ham unka raajyabhishek yahin karna chaahte hain. Parantu unhone, unhone keh diya. Bharat aisi neeti viruddh baat kabhi soch hi nahi sakta. Pita ke vachan ka paalan karna jitna mera dharm hai, utna hi Bharat ka bhi. Gurudev. Gurudev aap mere liye kuchh kijiye. Mai mar jaaunga. Aap Ram bhaiya ko aagyaa dijiye.

Vashishtha (Very emotional): Bharat. Tumhare prem ki parakashtha dekh kar, Vashishtha ka mann bhi vichalit ho raha hai, to kya Ram par, uska prabhaav nahi padega? Lagta hai. Tumhare nishchal prem ki dhaara me, teeno lok beh jaayenge.

Bharat (Becoming hopeful): Sach Gurudev? Mere Rambhaiya bhi?

Vashishtha (Trying to encourage): Haan. Tere Raaaam bhaiya bhi. Yadi maanav ke hriday se sachchi pukaar nikle, to swayam Bhagwan ko bhi apne niyam tod dene padte hain. Kal savere ham sabha bulaayenge. Usme sab nirnay ho jaayega.

Bharat (Joyful): Gurudev!! (Touches the feet)

Edited by ShivangBuch - 15 years ago

Quote

Shivang

@ShivangBuch

Voyager

Posted: 15 years ago

#864

Chitrakoot sabha 01

Vashishtha: He Ram! Tum dharm, neeti aur gyan ke bhandaar ho. Sab ke mann ke bhaav tum ko vidit hain. Aur unme khara aur khota kaun hai uski pehchaan bhi tumhe hai. Tum yeh bhi jaante ho ki Bharat tumhare paas ek prarthana liye aaye hain. Aur unki praarthana ka samarthan karne ke liye maataaen, mantrigan, Ayodhyavaasi aur ham bhi aaye hain.Tumhare viyog me shok ke athaah saagar me doobe hue in aatmiyajano ki dasha, badi karunajanak hai. Tum to karunanidhaan ho. Ab inka dukh kaise dur ho, uska koi upaay tumhe avashya karna chaahiye. Yahi ham sab ki, tumse praarthana hai.

Ram: He poojyavar! Hamare kul me guru ki aagyaa ka paalan karna, param dharm maanaa gayaa hai. Usi me sabka hit nihit hai. Isliye aap jo bhi aagyaa denge, sabhi uska paalan karenge. Mai saari sabha ke saamne pratigyaa kartaa hun. Mere liye aapki jo bhi aagyaa hogi, use shirodhaarya karke uska paalan karunga.

(All faces turned joyful with the hope that now Gurudev will order and Ram will obey and matter is over)

Ab aap hi, saadhumat, lokmat, raajniti, aur Vedshaastron me kahe gaye dharm ke anusaar, jo sabse uttam upaay ho, usike anusaar aagyaa dijiye.

(Surrendering to Gurudev and asking from him the most appropriate solution of the problem – Being God's incarnation, indirectly reminding the great sage about his duty as a kulguru and leaving the entire responsibility of decision on the person having the STATUS of most knowledgable person present and formally respecting Guru's position by showing his down to earth approach of not being proudy/egoistic/rigid about own knowledge in front of Guru)

Vashishtha: Ram! Jo dwaar par maangne aataa hai, use keval apna dukh aur apni aavashyakta hi dikhai deti hai. Yaachak neeti aneeti ko nahi soch sakta. Isi prakaar, ham is samay yaachak ban kar aaye hain. Bharat ki pavitra bhraatruprem ki teevra dhaaraa me, hamari buddhi, hamara vivek beh gaya hai. Is samay hame saadhumat, lokmat, raajneeti aur shaastra sammat dharm ka aabhaas nahi raha. Hame keval Bharat ka prem aur uski vihavalta hi dikhai de rahi hai. Ham itna hi keh sakte hain, ki Bharat ka hit dekh kar, jo kiya jaayega, wahi shubh hoga.

(Looking at Bharat)

Taat Bharat! Tumhare bade bhai krupasindhu hai. Atah sab sankoch tyaag kar, tum unke saamne apne hriday ki baat keh do.

(Vashishtha also rightfully didn't misuse his authority given by Ram to order by clarifying his state of mind that his order would be biased)

Bharat: Param pujya Gurudev! Bhaiya! Samast rishigan! Ayodhya raajya ke maanneeya mantrigan! Aur prajaajan! Mai aap sab ke saamne khada ho kar is sabha me ghoshna karta hun; ki Ayodhya ke jis raajya ke asali uttaradhikaari Shri Ram hain, meri maataa ne badi kutil neeti dwaaraa mere pitaashree mahaaraaj Dashrath ko, unke diye hue vachan ke jaal me phaans kar, wo raaj mujhe dila diya. Parantu aise adharm ke path par chalna, mai sarvatha anuchit maanta hun; kyunki raaj ka adhikaari, sarvada jyesth putra hi hota hai. Hamare kul ki riti aur vidhaan bhi yahi hai. Isliye, uske viruddh jaanaa adharm hoga. Mai yeh bhi jaantaa hun, ki mujh jaise paapi ke mukh se, dharm aur adharm ki baat sun kar, saaraa sansaar parihaas karega. Parantu mujhe ek hi aashaa hai. Shree Ram jaisa daataa yeh nahi dekhega, ki maangnewala paatra hai ya kupaatra. Isliye, mere avguno ko na dekh kar, meri yeh praarthana swikaar kijiye. Apne kuldharm ke anusaar, Ayodhya ke raaj sinhaasan ko grahan karke, mujhe aur meri kalankini maataa ko apne paapon ka praayashchit karne me sahaayataa kijiye.

Ram (Becoming emotional): Taat! Tum apne hriday me vyarth glaani kar rahe ho. Mai Bhagwan Shankar ko saakshi karke kehta hun, ki teeno kaal, aur teeno lokon me, tum jaisa dharmaatmaa purush, na hua hai, aur na hoga. Tum par kutilta ka aarop lagaanaa mahapaap hai. Bharat! Tumhare jaise mahaatmaa ka naam smaran karne se hi; paap, prapanch aur samast amangal mit jaate hain. Maataa Keikei ko bhi wohi murkh dosh denge, jinhe guru se sachcha gyaan nahi mila. Bharat! Mere bhai! In bhaavnaaon se upar uth kar, keval itna socho, ki hamare mahaan pitaa ne, maataa Keikei ko diye hue jis vachan ke liye, na keval mujhe tyaag diya; varan mujhe tyaagne ke dukh me, apne praan bhi tyaag diye; aise satyavaadi pita ke vachan ko, ham chaaron bhai nibhaayen; ya unke swargvaas ke pashchaat, unke vachan ka niraadar karke unhe jhootha pramaanit kar den? Bataao Bharat. Is samay ham chaaron bhaion ka kya dharm hai?

(Bharat was thinking from the point of view of LOKNINDA and was wrongly putting himself forward to be guilty. Ram tried to raise him beyond the level of emotions trying to bring him to his own (Ram's) level and reminding him that duties of all brothers are same. He tried to uplift Bharat in his KARMA. He has clearly understood that Keikei is also not to be blamed by a man of true knowledge because he could identify in every happening the plan of destiny. The promises which Keikei had forgotten and had no need to ask after so many years – why was she reminded and did ask then only. It was therefore a clear plan of destiny for some major welfare when Dashrath gave her those promises way back in the past but she didn't have anything to ask then)

Keikei: Ram! Mai is yogya to nahi, kintu aaj sabke saamne, mai tumse kshama maangti hun. Mujhe kshama kar do Ram. Swargiya mahaaraaj ne mujhe var diye the. Woh mere prati vachanbaddh the. Mai aaj, sab gurujano ke saamne, swargiya mahaaraaj se liye hue un vachano ko waapas leti hun. Aur tum sabko, apne un vachno se mukt karti hun.

Ram: Iske liye bahut der ho gayee maataa. Aapko vachan dene, athva apna vachan waapas lene ka adhikaar, keval pitaashree ko tha. Mai to keval itna hi jaantaa hun, ki pitaashree ke parlok sidhaarne ke baad, unke vachan ka paalan karna, ek putra ke liye sansaar ke sab dharmo se bada dharm hai. Mujhe vishwaas hai, apne antim samay me bhi unhe is baat par garv raha hoga, ki unke putra ne unke vachan ka paalan kiya. Kya unki mrityu ke baad ham unka woh garv nasht kar denge?

Bharat. Hamare pitaa jaane se pehle yeh aagyaa de gaye hain, ki ek putra van me rahe, tatha dusra raajaa bane. Unki is aagyaa ka paalan karna hi ham sab ka dharm hai.

Bharat: Thik hai. Agar yahi dharm hai, to mai chaudah varsh van mai rehta hun. Parantu aap Ayodhya laut jaaiye.

Ram: Dharm vyaapaar nahi hota Bharat; jo vastuon ko adal badal kar diya jaay. Dharm ati kathor aur vyaktigat hota hai. Yadi har praani apna kartavya ek doosre ke kandhe par daal de, to srishti me anaachaar phail jaayega. Tum raajaa ho kar aise anaachaar ki baat sochte ho, to iska prabhaav prajaa ke saadhaaran manushyon par kya padega.😲 Yeh baat kehte hue, tumne uchit anuchit ka vichaar nahi kiya mere bhai.

Bharat: Bhaiya. Bhaiya is samay mujhe uchit anuchit kuchh nahi sujh raha. Bas. Mujhe ek hi baat ka bharosa hai. Mere bhaiya ka mujh par itna sneh hai, ki bachpan me bhi, jab kabhi mai khel me haar jaataa tha, to mere liye jhooth bol kar bhi mujhe jeeta dete the. Aaj bhi; aaj bhi usi sneh ko yaad karke, mai apne snehi bhaiya se yeh kehne ka saahas kar raha hun, ki aaj bhi aap uchit anuchit ka vichaar tyaag kar, mujhe jeeta denge. Bhaiya. Bhaiya mai wahi aapka chhota sa Bharat hun bhaiya.

Ram: Tumhare liye to mai aaj bhi jhooth bolne ka paap kar sakta hun. Kyunki usme keval paap ka dand, mujhe hi bhogna hoga. Parantu tum mujhse wo kaarya karne ko keh rahe ho, jisse hamare pitaashree ka vachan jhootha ho jaayega. (All faces sad)

Putra to use kehte hain, jo apne satkarmo ka phal, apne pita ko samarpit karke, parlok me unka uddhaar kare. Na ki wo, jo pitaa ke satkarm ko jhootha karke unka mastak lajja se jhuka de. (Silence in the meeting)

Bharat (In tears): To thik hai bhaiya. Aap apna kartavya nibhaaiye. Mai apna dharm nibhaataa hun. Mai bhi isi parnkooti ke saamne kusha bichha kar ann jal grahan kiye bina tab tak baitha rahunga jab tak yeh nirnay nahi ho jaataa ke Shri Ram ko Bharat pyaaraa hai ya nahi. Nahi to inhi charno me praan de dunga.

Ram (Very anxiously standing up and becoming emotional): 😲 Nahi. Nahi Bharat nahi. Mujhe aise dharam sankat me na daalo. Mujh se tumhara dukh sahan nahi hoga. Gurudev. Gurudev raksha kijiye Gurudev.

Vashishtha: Mai bhi "Kim kartavya vimudh" ho raha hun Ram. Aisa lagta hai. Bharat apne prem ki Ganga me sab kuchh dubo dega. Dharm, gyaan, vivek, kuchh nahi bachega.

(Janak's messenger arrives and give the news of Janak about to reach Chitrakoot after hearing about Bharat in Chitrakoot with Guru and all mothers)

Vashishtha: Ye ati aananddaayak suchna hai. Mahaaraaj Janak ke aane se hamara bhaar halka ho gaya hai. Videhraaj, nishpaksha roop se, hamari samasya suljha denge. Atah, aaj ki yah sabha, unke aane tak, sthagit ki jaay.

Quote

Shivang

@ShivangBuch

Voyager

Posted: 15 years ago

#865

Night before Chitrakoot sabha 02

(Bharat in Kaushalya's tent on that night before next decider meeting)

Bharat: Maa. Aaj ki sabha me bhaiya ki pratikriya dekh kar mai darr gaya hun. Ab aap ko hi meri sahaayataa karni hogi. Aap bhaiya ko aagyaa dijiye. Unse kahiye. Jaise Bharat kehta hai waise hi kare. Yadi aap sachmuch mujhe apna putra maanti hain, to kal ki sabha me aapko yeh kehna hi padega.

Kaushalya: Yahi baat yadi Ram ne bhi kahi, ki mujhe apna putra maanti ho, to meri baat ka samarthan karo. To do putron ke beech bati huyee maa, kiska saath degi?

Bharat: To thik hai. Aap uska saath dijiye, jiski baat nyaysangat ho. Jiski baat aapko achchhi lage.

Kaushalya: Achchhi lagna ek baat hai. Aur nyaysangat hona doosri baat hai. Bharat. Kai baar jo nyaysangat hota hai, wo mann ko bahut pida deta hai.

Bharat: Mujhe shabdon ke jaal me na uljhaao maataa. Aap ek baat ka nirnay dijiye. Kya aaj ki sabha me meri maang nyaysangat nahi thi? Jo kuchh maine kaha, kya usme kuchh dosh tha?

Kaushalya (Becoming emotional): Nahi nahi. Koi dosh nahi tha. Tumhare to nirmal hriday se nikali huyee pukaar thi.

Bharat (urging): To aap unse kahiye ki wo meri pukaar sune.

Kaushalya: Usse kya kahun? Ki woh apne dharm ka maarg chhod de? Mai tum dono ka dharmyuddh dekh dekh kar, aatmavibhor ho rahi thi. Ek ore bhaavna, doosri ore kartavya. Tumhari bhaavna ka pravaah itna prabal tha, ki saadhaaran maanav to kya, swayam muni Vashishtha bhi usme ek baar beh gaye. Parantu Ram ki kartavyanishthaa, chattaan ke us patthar ki tarah hai, jo doob to sakta hai, parantu leheron ke veg me beh nahi sakta. Ram poorna gyaani hai Bharat. Aur gyaani hi satya ki pehchaan jaanta hai. Isliye jo wo kehta hai, wohi satya hai.

Bharat (Sadly): Arthaat, aap Rambhaiya ka hi saath de rahi hain. Mera nahi.

Kaushalya: Mai kisika bhi saath nahi de rahi. Mujhe tum dono par garv hai bete. Jo bhi jeete, mujhe prasannata hogi.

Bharat: Jhooth. Yadi Rambhaiya jeet gaye, aur van me reh gaye, to kya aapko prasannata hogi?

Kaushalya (With tears): Nahi.

Bharat: Apne hriday par haath rakh kar kaho, ki aap nahi chaahti, ki Rambhaiya, Sitabhabhi aur Lakshman Ayodhya laut chale?

Kaushalya: Chaahti hun pagle. Yadi mere praan de kar bhi yeh sambhav ho sake, to unhe Ayodhya le jaane ke liye, mai apne praan bhi de dun.

Bharat: Aur aap yeh bhi jaanti hain; yadi aap aagyaa de den, ki "Ram! Koi bhi tark kiye bina Ayodhya laut chalo", to unhe maanna hi padega.

Kaushalya (helplessly): Haan! Jaanti hun.

Bharat: To kyun yeh aagyaa nahi deti ho maa? Kyun yeh aagyaa nahi deti ho? (Pleading like a stubborn child)

Kaushalya: Isliye ki maa swaarthi nahi hoti. Ram ke Ayodhya jaane se mujhe sukh hoga, isliye kya uske kartavya, uske dharam se vimukh hone ki aagyaa kya mai use de dun?

(Stunned silence on Bharat's face)

Bharat. Tumhari peeda se mera dukh kam nahi hai. Parantu mai apne moh ko, Ram ke satya maarg ki baadhaa nahi bana sakti. Prem swaarthi nahi hota putra.

(No reply – argument ended with only tears left in all the four eyes – A scene showing supreme height of maturity, vairagya, selflessness, knowledge & understanding about Ram's nature on the part of Kaushalya maa. What king Janak was going to give judgement the next day to be the true definition of love was already given by her.)

(Keikei in Ram's hut)

Ram: Maa!!!!! (Touching feet) Aap? Mujhe bula liya hota!

Keikei (Crying): Ram. Tum mujhe dand bhi nahi dete. Kshama bhi nahi karte.

Ram (Big smile) 😊 😊: Mai to aapko doshi hi nahi maantaa.

Keikei: To kya maante ho?

Ram (Lovingly): Apni maa.

Keikei (Touched by Ram's gesture): Agar tum sachmuch mujhe apni maa maante ho, to maa ki aagyaa maano, aur laut chalo mere saath Ayodhya. (Ordering but hesitently)

Ram (Suddenly serious face and then smile again) 😲 😊 Maiya. Apne putra se apni mamta ka mol maangne aayee hain? Maataa. Yadi aapki mamta ka yahi mol hai, ki mai jise dharm maantaa hun uska tyaag kar dun; aap jis Raghukul ki shobha hain; uski kirti me pitaa ka vachan bhang karke kalank laga dun; to kahiye. Mujhe aap ke charno ki saugandh hai, mai isi samay Ayodhya laut jaaunga. Parantu phir mera jeevan, rann se bhaage kisi kaayar ki bhaanti, ek tiraskaar poorna astitva, ek shraap ban kar reh jaayega. Phir bhi yadi aapki yahi aagyaa ho, to kahiye.

Keikei(Crying): Nahi. Nahi Ram. Nahi.

(She couldn't tolerate further and ran outside)

Edited by ShivangBuch - 15 years ago

Quote

Deepika

@Dpka1415

Dazzler

+ 2

Posted: 15 years ago

#866

@ Shivang bhaiya ... Thnk u sooo much fr ur wishes n blessings bhaiya.. Wish u al d luck n success in life.. God Bless U 😊

Quote

Shivang

@ShivangBuch

Voyager

Posted: 15 years ago

#867

Chitrakoot sabha 02

Now the greatest climax scene to be posted of Chitrakoot episodes. The essence of the same had already been posted before in the earlier forum on the page of the following link

http://www.india-forums.com/forum_posts.asp?TID=1183753&TPN=121

Vashishtha: Mahaaraaj Janak. Jaisa aapko vidit ho chuka hai. Ayodhya ka raaj parivaar, is samay, ek dharm sankat me phans gaya hai. Aise samay me aapka aagaman sarvatah mangal soochak hai. Isse ham sabko dhairya ban gaya hai, ki aap, apne gyan aur vivek se hamara maargdarshan karenge. Ek ore Ram ki maryada hai, aur doosri ore, Bharat ka prem. In dono me jeet kiski ho? Aap is samay dono parivaaron me sabse shresth hain. Isliye ham sabne, ekmat ho kar nishchay kar liya hai, ki aap jaisa nirnay karenge, sabhi log uska paalan karenge.

(Janak raja looks at Ram)

Ram (Joining hands): Nath! Hamare liye pitaashree ke sthaan par, aap hi hain. Aap dharm ke poorn gyaataa hain. Isiliye mujhe vishwaas hai, ki aap mere dharm ki raksha karenge. Mujhe apna sevak samajh kar, aap jo aagyaa denge, mai use poori karunga.

(Janak raja looks at Bharat)

Bharat (Stands up and joins hands): He dharmpita. Ab mai aapke bharose par hun. Aap ek pita ki bhaanti mujhe adharm se bachaayenge. Aap ek raajaa bhi hain aur ek rishi bhi. Isiliye, nishpaksh bhaav se, aap mere hriday ke bhaav ko jaan kar, mera nyaay karenge. Maine Shree Ram bhaiya ke raajyaabhishek ki poori saamagree aapke saamne rakh di hai. Yadi nyay mere paksh me hai, to isi samay, sabke saamne, Shree Ram bhaiya ka raajyaabhishek kiya jaay. Yahi apeksha le kar, mai apne aap ko aapki aagyaa ke aadhin karta hun.

(Janak had been listening to everyone with proud feeling all the while)

Janak (Very down to earth in his entire speech): Shree Ram. Shree Bharat. Tum dono me mahaan kaun hai, iska nirnay to swayam Brahmaa bhi nahi kar sakte. Phir mai to ek tuchchh praani hun. Ek ore, dharm aur maryaadaa ki seema hai; to doosri ore, pyaar aur mamtaa ki pariseema. Aisi dono mahaan vibhootion ke beech, nirnay dene ka saahas, atyant dushkar kaarya hai. Parantu is paristhiti me, apna kartavya samajh kar, mai Bhagvan Shankar ke charno me pranaam karta hun. Wo jaisa uchit samjhe, waisi mujhe prerana den.

He Ram! Apne dharm par tumhari dradhta dekh kar, is samay devtaa bhi tumhari vandana kar rahe hain. Dharm hi sabse badi shakti hai, jiske sahaare yeh dharti sthir hai. Shaastron ke anusaar, teeno lok me dharm se bada kuchh bhi nahi, jisse ham sab BANDHE hue hain. Parantu prem hi ek aisi divya neeti hai, jis par kisi dharm ka BANDHAN NAHI. Prem; Nishchal niswaarth prem, sab dharmo ke upar hai. Wahi prem, apni paraakaashthaa me, jab ananya bhakti ka roop dhaaran kar leta hai; to swayam bhagvan bhi, vidhaataa ke banaaye hue karm ke saare vidhaan, srishti ke saare niyam tod kar, bhakt ke aage haath baandh kar khade reh jaate hain, aur wo apne bhakt ki aan rakhne par, vivash ho jaate hain. Isliye, is samay Bharat ka paldaa bhaari hai.

(Manmanaa bhav madbhaktah, madhyaaji maam namaskuru; maamevaishyasi satyam te, pratijaane priyosi me;

Sarvdharmaan parityajya maamekam sharanam vraj; aham tva sarva paapebhyo mokshayishaami ma shuch.)

(Bharat and everyone present there become joyful for a few seconds and Ram is waiting calmly for further explanation of Janak)

Ram. Bharat ka prem nishchal, niswaarth hai. Aur wo tumhara ananya bhakt hai. (Ram looks at Bharat with love and Janak continues his speech)

Tumhare prem ki jeet hui Bharat.

(All Joyful again but Janak continuing his statement doesn't let them be happy for long to build up the false hope too much)

Parantu yaad rakhna. Prem ka bhi ek vidhaan hai. Uske bhi kuchh niyam hain.

(Bharat becoming anxious for knowing these conditions)

Prem ki asali shakti, uske niswaarth hone me hai. Aur jab prem niswaarth hota hai, tab woh kuchh nahi maangtaa. (Smile on Ram's face) Apne premi ko kuchh dena chaahtaa hai. Uska sukh, uski prasannataa ke liye, woh sab kuchh luta dena chaahtaa hai. Isliye, is samay tum yahi nirnay karo, ki tum apne Ram ke liye kya de sakte ho?

Bharat: Praano se badi koi vastu nahi hoti mahaaraaj. Mai Shree Ram ke liye apne praan de saktaa hun. (Little smile on Janak's face as if smiling over an ignorant belief of a child)

Janak: Praan dena saral kaam hai. Kintu, apne premi ke liye kabhi kabhi, jeena kathin hota hai.

(Bharat getting more & more clear clue about ultimate outcome of the meeting and Ram's smile widening)

Yadi tum sachche bhakt ho, to Shree Ram ke charno me baith kar, unhi se puchho ki unki prasanntaa kisme hai. Aur wo jo kahen, wahi kaarya prem ki pooja samajh kar karo.

(Few faces turning completely sorrowful and few faces feeling proud of Janak's decision and his way of giving the decision)

Bharat: Mahaaraaj! Aapne meri aankhon se swaarth ke sab parde hataa diye. Ab tak mai keval apne kartavya, apni keerti ki baat sochta tha. Aur use prem samajhta tha. Phir bhi aapne mujhe jeeta kar, mujhe bhakti ka daan diya hai. Mai janm janmaantar tak aapke is upkaar ka rini rahunga.

Bhaiya! (Moving towards Ram and then sitting down) Bhaiya, aagyaa do. Mujhe kya karna hai?

Ram (Still for a while then getting up and making Bharat stand up): Jeetnewale neeche nahi baithte Bharat. Mere Bhai. Aaj Ram tumhare prem ke saamne haar gaya. (Giving full honour to Bharat's love) Jo raajya tum mujhe dene aaye ho, mai use swikaar karta hun. (Faces happy for a few seconds waiting and director creating dramatic suspense in the story known to everyone) Parantu pitaashree ka vachan bhi jhootha na ho, isliye meri tumse ek praarthna hai. (Telling as if asking some favour) Chaudah varsh tak, mere sthaan par tum us raajyabhaar ko sambhaalo. (Faces shocked and sad again)

Bharat: Parantu bhaiya mai to abodh baalak hun. Mujhse raaj ka shaasan nahi kiya jaayega.

Ram: Gurudev, aarya Sumant, aur anya mantrigan isme tumhari sahaayataa karenge. Gurudev ki aagyaa se saare kaarya karoge, to kathinaai nahi hogi. Saare kaarya sugamataa se hote rahenge. Aur chaudah varsh baad aa kar, mai apna raajya tumse le lunga.

Bharat (Observing the greatness of Ram): Bade nirmohi ho bhaiya. Prem ka koi mol nahi aankaa.

Ram: Prem kiya hai to binmol bik jaao.

Bharat: Achchha. To bik jaataa hun. Shaayad (This Urdu word is used at many places inadvertently by RSji in both Ramayan & Shri Krishna) chaudah varsh ka bichhoh hi mere paapon ka praayashchitt kar de. Parantu ek baat yaad rakhna bhaiya. Chaudah varsh ke baad yadi aapne aane me ek din ki bhi deri ki, to in charno ki saugandh kha kar kehta hun. Aap meri chita jalti dekhenge.

(Still childlike innocence of deep lover present – devotee creating problem for the master in future by showing the intensity of love, tolerance & sacrifice; but the job done – present solution obtained)

Ram: Nahi Bharat nahi. (People worried) Bhaiya. Mai vachan deta hun. Mere aane me ek din ki bhi deri nahi hogi.

Bharat: Bhaiya. Kuchh maangu to doge?

Ram: Pagle. Tu mere praan maang le; to isi kshan de dunga. Bol kya chaahiye tujhe?

Bharat: Mujhe apni charan paadukaa de do.

Ram (Puzzled slightly): Charan paadukaa?

Bharat: Haan. Bhaiya. Aapkaa raajya to aapke is sevak ke paas aapki dharohar ke roop me hoga. Jab aap nahi honge, to sinhaasan par kaun baithega? Mai aapki paadukaaon ko aapkaa raajchinha bana kar sinhaasan par rakh dunga. Aur nitya prati uska aashirvaad le kar hi aapkaa raajkaarya karunga.

(Taking the kingdom as representative completely in all true senses and not as temporary king)

(Ram becoming emotional and directing Lakshman to bring the footware)

Vashishtha (Very emotional): Mahaatmaa Bharat. Tum dhanya dhanya ho. Tumhari sada jay ho.

"Raajyon ki seema ke liye to yuddh hote hain aur hote rahenge, kintu tyaag ka yeh anokha yuddh na kabhi hua hai aur na kabhi hoga".

A landmark scene of the serial. It gives the true definition of love in a simple and highly effective manner.

Love is declared to be the greatest entity in the world if it is pure and true and not demanding and expecting and jealous. Love is beyond all duties.

Sarvadharmaan parityajya, maamekam sharanam vraj

In the end of the scene, it is also proved that if you love and surrender to the most knowledgeable soul, there is no conflict of your duty with your devotion. Karmyog and Bhaktiyog both lead to same action as they did in case of Bharat in the end after the insight and enlightenment given by Janak.

The decision given not only saved the life of Bharat and removed his ignorance but also served the cause of all deities by letting the plan of the destiny work for killing of Ravan. The decision and the way it was given by RAJARSHI Janak is almost the evidence that it was actually inspired by Lord Shiv only.

Bharat was gifted the knowledge of TRUE (Undemanding) love by Janak. Janak raja made Bharat win first by declaring him to be the TRUE lover/devotee (Which he actually was but for the misconception about love he was having). Bharat realized the definition correctly and immediately due to the cumulative effect of what Kaushalya had told him earlier and made him perhaps mentally ready to grasp this judgment. Janak declared him to be true lover which his conscience and behaviour were impliedly claiming and then guided him the right way to demonstrate the same in practice. Wonderful wonderful solution of an emotionally and morally tangled problem.

Links for the references of the Chitrakoot scenes

http://www.valmikiramayan.net/ayodhya/sarga105/ayodhya_105_frame.htm
http://www.valmikiramayan.net/ayodhya/sarga106/ayodhya_106_frame.htm
http://www.valmikiramayan.net/ayodhya/sarga107/ayodhya_107_frame.htm
http://www.valmikiramayan.net/ayodhya/sarga111/ayodhya_111_frame.htm
http://www.valmikiramayan.net/ayodhya/sarga112/ayodhya_112_frame.htm

The first summary paragraphs of sargas 108, 109 and 110 (Links not posted as not relevant with the serial) are also very interesting arguments.

http://www.hindi.webdunia.com/religion/religion/hindu/ramcharitmanas/AyodyaKand/40.htm
http://www.hindi.webdunia.com/religion/religion/hindu/ramcharitmanas/AyodyaKand/41.htm
http://www.hindi.webdunia.com/religion/religion/hindu/ramcharitmanas/AyodyaKand/45.htm
http://www.hindi.webdunia.com/religion/religion/hindu/ramcharitmanas/AyodyaKand/46.htm
http://www.hindi.webdunia.com/religion/religion/hindu/ramcharitmanas/AyodyaKand/48.htm

The middle pages missing in the links given relate to meeting of Sitaji and Kaushalyaji with Janakji and Sunaynaji and Bharat's visit of holy places of Chitrakoot in between during the short stay at Chitrakoot.

Youtube links of entire Chitrakoot scenes sequence

http://www.youtube.com/watch?v=ZbYuLjllG84&feature=related
http://www.youtube.com/watch?v=lS5UAsMPI1c&feature=related
http://www.youtube.com/watch?v=nLZWs5Rb9jk&feature=related
http://www.youtube.com/watch?v=8stDXTBwZ-w&feature=related
http://www.youtube.com/watch?v=0NShHvhW2hs&feature=related

Edited by ShivangBuch - 15 years ago

Quote

Gunia Namrata

@arun-deeps

Rocker

+ 2

Posted: 15 years ago

#868

@ Shivang bhrata-

Pranaam bhratashree😃😃 Happy Rakhi...I'm far frm U so I'm sending dis b'ful greeting thinking dat I've tied dis pious knot to U!!!😍

Quote

Debipriya

@Debipriya

Dazzler

Posted: 15 years ago

#869

Bharat - Maandavi meeting (at Nandigram)

Bharat : (surprised) Maandavi!

Maandavi : Swami!

Bharat : Tum!

Maandavi : Swami mai aapki aagya ke bina chali aayi, iske liye kshama chahti hoon.

Bharat : Pati-patni ke beech aisi oupcharikta kyun? Pati aur patni ke adhikaar ko kisi aagya ki aavashyaktaa nahi.

Maandavi : Nahi, mai patni ki adhikaar nahi maangne aayi Nath! Mai to kewal itna puchne aayi hoon ki mere kis truti, kis dosh ke kaaran mere swami ne mera tyag kar diya hai?

Bharat : Yeh tumhara bhram hai Priye! Maine tumhara parityag nahi kiya hai. Tum to jaanti ho main Nandigram kis kaaran aaya hoon.

Maandavi : Jaanti hoon Swami, jaanti hoon. Parantu aapke is kartavya paalan me sahyog dene se aap mujhe kyun vanchit kar rahe hain? Mera bhi kartavya hai ki mai aapke is kathor tapasya me aapko poora saath doon. Swami, jis prakar Sita didi ko van mein apni seva ka adhikaar bade bhaiya ko dena pada, aaj ussi prakaar aapki seva ka adhikaar mai aap se maangti hoon. Mai bhi aap hi ke bhaanti tapasvi bhesh bana kar rahungi; saare vrat–niyam nibhaungi. Aur aap ke pratyek kaarya me apna poora sehyog dungi Nath. Meri seva, meri sanyam mein aap kabhi koi truti nahi payenge Swami. Bus aapke darshan ka sukh milta rahega mujhe. Itna sa sukh to mujh se mat chhiniye Swami; itna sa sukh to mujh se mat chhiniye.

Bharat : Tum meri tapasya, mere kartavya mein sahyog dene ki baat keval mooh se kar rahi ho Devi, parantu kaarya uske vipreet kar rahe ho.

Maandavi : Aarya! mai vipreet kaarya kar rahi hoon? Yeh kaise keh diya aapne?

Bharat : Haan, sahyogi to woh hoga jo mere kaarya baant le. Jis kartavyon ko mai poora na kar sakun, us kartavyo ko poora kare.

Maandavi : Nath! wohi to mai bhi keh rahi hoon. Parantu aap mujhe uska avsar to dijiye. Kahiye aapka kaunsa kartavya adhura pada hai jise Mandavi poora kar sake?

Bharat : Maataa Kaushalya ki seva.

Haan, Maandavi, unka eklouta putra vanvaas kaat raha hai. Unki bahu bhi unke paas nahi hai. Is samay unki seva kaun karega? Putra-viyog ki jwaalaa se jab woh peedit hogi, to unhe santwana kaun dega? Unhe dhaadas kaun bandhaayega? Unke aanso kaun pochhegaa? Yeh saare mere kartavya hain, jo tumhe nibhaana chaahiye.

Apne sukh ki baat bhul jao Maandavi. Is samay hum dono ko doosron ke dukh baantne chaahiye. Yadi tum sach-much mujhe sahyog dena chahti ho, to raajmahal laut jao aur maataa Kaushalya ki seva mein doob jao.

(Maandavi touches the feet of Bharat)

Maandavi, tumse door rehne ki peeda to mujhe bhi bahut hogi. parantu is samay hamaari peeda hamare kartavya ke aagey bahut gaun hai.

Maandavi : Aap dhanya hain Aarya! Aap dhanya hain! Mujhe aap par garv hai Aarya! Mujhe aap par garv hai!

Here is the link of this particular scene in Youtube (the scene is from the 3rd minute to the 8th minute of this video):-

http://www.youtube.com/watch?v=DVq-FuEX6wI&feature=related

(This is one of my most favourite scene in Ramayan ⭐️. The Sincereity of the relation, their Mutual Understanding, their Respect for each other, their Noble Intention to follow the path of Duty, and the element of Sacrifice-- all are so PURE, that this particular scene of Bharat-Mandavi just brings tears in my eyes everytime. No doubt this scene motivates many couples in today's world also- to act in the right/proper way, follow Dharma in all the aspects of life and Sacrifice for the other partner. As it has rightly been said by Lalita in 'Shri Krishna' serial – "Pyar lene ka nahi, dene ka naam hai".)

Edited by Debipriya - 15 years ago

Quote

Janaki

@RamKiSeeta

Achiever

+ 6

Posted: 15 years ago

#870

Hey Guys,

Here is a siggie my friend Zunni made upon my req....a Sita/Radha creation with our lovely Deeps and Shweta, and a pretty pic of Debi as Sita in the circle.😳 Hope you guys like....and do feel free to use! Isn't it just lovely?😍 Her style is amazing.

-Janu

Quote

1 ... 85 86 87 88 89 ... 119

Krishna

Ramanand Sagar's Ramayan & Shri Krishna CC#4 DONE! - Page 87

Related Topics

Explore Topics