Ariya Love? - Page 13

Call disconnect...

Arjun: Ayesha! Uske paas kuch naya toh nahi hai, lekin apparently Raka ne apne arrest ko apne ego par kuch zyaada le liya hai

Sameer: iska matlab filhaal humara main suspect wahi hai

Arjun: ha aur hume dhyaan rakhna hoga, kyunki uski final hearing kal hai...ATS se kuch pata chala

Sameer: nothing new

Arjun nod karta hai. Sab apne tareeke links dhundhne ki koshish kar rahe hai. Do ghante baad...

Shree enter karta hai: Sir! Ek baat pata chali hai

Arjun: kya?

Shree apne laptop aage karke unhe dikhata hai: sir ye building ke peeche ki footage hai, isme ek admi burkha pehan raha hai...fir (gate ki footage dikha kar) usi time ke paas woh building mein enter karta hai, fir kuch 15 minute baad baahar nikalta hai aur fire-fighters ki report ke hissab se iske 7-8 minute baad fuse uda and...bonus! is admi ka criminal record hai

Arjun: ek minute! Peeche ke gate, par CCTV kaha se aaya?

Sameer(confused): exactly!

Shree: ha sir, nahi thi. Lekin jab maine dhundha tab pata chala ki us road par ATM hai uska security camera mein woh banda hai, Babloo ...peeche ke gate ke 10 meter dur.

Arjun: fantastic job Shree!!!

Shree: thank you sir!

Sameer: kaisa record hai?

Shree: sir chote-mote kaam karta hai...paison ke liye

Arjun apni gun check karte hue uthta hai: Ayesha! Chotu! Let's go! Shree address SMS karo

Shree: yes sir!

Sameer: jaise hi kuch pata chale, phone karna

Arjun nod karke nikal jaata hai. Ayesha aur Chotu follow karte hai. Babloo Dongri ki galiyon mein rehta tha. Arjun and team uske chawl mein jaate hai aur seedhe uske kamre mein ghuste hai. Babloo ki aankh darwaaza ke itna force se khulne ki wajah se khulti hai, lekin isse pehle ki woh aur kuch kar sake Arjun aakar uske muh mein gun rakhta hai.

Arjun(sternly): Oberoi Towers ki mains ke saath tune ched-chad ki thi?

Babloo bichara itna dar jaata hai ki immediately ha mein sar hilane lagta hai. Arjun gusse mein aakar use ek zordaar punch maarta hai. Uske impact ki wajah se Babloo bed par se zameen par gir jaata hai. Chotu use garden se pakad kar Arjun ke pairon par daalta hai.

Arjun: kiske kehne par?

Babloo: woh...main...Al...Altaf ke kehne par, usne mujhe is kaam ke liye 10 laakh diye...woh mere ghar aaya tha...paison ki gadi di aur kaam bola...itne saare paise the toh...toh maine ha kar diya

Ayesha(surprised): 10 laakh? Thoda zyaada nahi hai?

Arjun: Aag kiske liya lagwayi thi?

Babloo: 15...15 number par aag lagani thi, lekin...lekin usne kaha tha...kaha ki shak na ho isliye, aage- peeche ek-do floor par zyaada gadbad kar dena

Arjun use dusra punch maarta hai: 15 number par kaun nishaana tha?

Babloo: mujhe...mujhe nahi pata saahab

Arjun use thapad maarta hai: Seedhe-Seedhe Bol Kaun Nishaana Tha Warna (uske maathe par gun rakhkar) Yahi Par Thok Dunga!!!

Babloo ki naak se khoon behne laga hai(darte hue): mujhe sach mein nahi...nahi pata saahab

Arjun(garden pakadkar): Altaf Kaha Milega?

Babloo: woh...woh saahab Altaf ka toh...pata nahi lekin...mujhe...mujhe itna pata hai ki plan fail ho gaya aur ab...ab woh khud kal kuch karnewaala hai

Arjun: Kya Karnewaala Hai???

Babloo: pata nahi saahab lekin...Raka ko chudaane ke liye kuch karne waala hai.

Arjun use side par fek deta hai: Arrest Karo Ise!!

Chotu does as told. They head back to the office with the criminal.

ETF office-

Sameer(sternly): maine tumhe shayad phone karne ko kaha tha

Arjun: aisa kuch khaas nahi hai...Babloo ko kisi Altaf ne 10 laakh diye the 15ve floor par short circuit karke aag lagane ke liye

Roshni(shocked): 10 laakh?!?! Itne se kaam ke liye koi 10 laakh deta hai?

Sakshi: exactly! 10 laakh mein toh...meri 4 saal ki dresses aur make up aa jaayegi

Arjun(irritated): SHUT UP SAKSHI! Yaha Meri Riya Ki Jaan Ko Khatra Hai Aur Tumhe Apne Shopping Ki Padi Hai?!?!

Sakshi chup hokar apna chehra chupa leti hai. Koi uske saath sympathize nahi karta.

Sameer: Arjun shaant ho ja

Arjun: Chup Kar Yaar! Ekto Woh Altaf Pata Nahi Kya Karnewaala Hai Upar Se Waqt Nikalta Jaa Raha Hai

Shree: kya karnewaala hai matlab?

Ayesha: Babloo ne bataya ki plan fail hone par, usne Raka ko chudaane ke liye koi naya plan banaya hai

Sameer: kaisa plan

Ayesha: wahi toh pata nahi sir

Chotu: aur zaahir si baat hai ki woh kanooni bilcul nahi hoga

Arjun: Sameer! ATS ko inform kar, unhe bol ki Raka ki transportation karte waqt woh satark rahe, ye saare paagal hote hai, kabhi bhi kuch bhi kar sakte hai...Aur Altaf Pata Nahi Kaha Hoga.

Woh frustration mein table par punch maarta hai. Sameer ATS ke Chief ke saath baat kar leta hai. Woh bhi Sameer ko assure karte hai ki woh pure precaution ke saath work karenge.

Ayesha: umm...sir, humare paas Altaf ki information nahi hai lekin Babloo ne use dekha toh hoga na

Sameer: aisa zaroori nahi hai Ayesha aur ye log kaafi khatarnaak hai...

Ayesha kuch kehne waali hai par Arjun bol deta hai: Nahi! Ayesha sahi keh rahi hai, Babloo ne Altaf ko dekha hai...Shree! Sketch artist ko bulwao!!!

Shree: yes sir!!

Sketch artist ko neend se jagakar bulaya jaata hai. Pehle toh woh whine karta hai par dono ACP ka gussa dekhkar chup hokar aa jaata hai. Babloo sketch banwaata hai. Uske baal bhure the, chehre par ek cut ka nishaan aur badi aankhein.

Sameer: is sketch ko saare police stations mein aur apne khabriyon ko bhejo, pata karo ki ye kaha rehta hai, kya karta hai sab kuch! mujhe saari information chahiye!! Clear!!!!

Sab: yes sir!!!

Sab kaam par lag jaate hai. Saare shehar ke police stations mein uski photograph fax ki jaati hai taaki woh kahi par bhi dikhe toh directly unhe pata chal jaaye. Ayesha, Chotu aur Arjun apne informers ko red alert par daal dete hai.

Is sab ke bavjud, unhe koi aisi information nahi milti hai jo unke kaam hai. Ek do tips ke chalte local police use dhundhne jaati hai par woh fake nikalti hai aur toh aur unke paas uske koi purane records nahi hai.

Liza: sir...hearing kitne baje hai?

Sameer Arjun ki taraf glance karta hai lekin woh apne hi khayalon mein khoya hua hai.

Roshni: news on karo na pata chal jaayega

Liza remote lekar TV on karti hai. Saari news channels par wahi baat ho rahi hai.

Anchor- aaj ke mukhya samachaar! Raka naam ke khunkhaar terrorist ko aaj High Court mein saza sunayi jaayegi. Is case ka faisla Justice Sandeep Narayan karenge aur uske khilaaf case pesh karengi jaani-maani Public Prosecutor Advocate Riya Mukherjee. Raka ki taraf se case rakhne waale Defence Advocate Manohar Mishra...

Shree(annoyed): ye log time paas zyaada news kam dete hai...idiots!

Anchor- case ki hearing High Court ke room number 4 mein 9 baje hogi.

Liza TV off karti hai: 8 toh baj gaye hai

Sameer: hmm...iska matlab ATS Raka ko lekar Court pahunch hi rahe honge...

Tabhi Arjun ka phone bajta hai: hello?...(shocked) Kitna?!?! Theek hai! (call disconnect karke) hume nikalna hoga abhi!

Sameer: lekin...

Arjun(uthte hue): samjhaane ka waqt nahi hai, chalo!

Sameer sense kar leta hai ki kuch gadbad hai aur sab chup-chap follow karte hai. ETF ke parking lot se do gaadiyaan speed mein nikalti hai. Arjun ki gaadi aage jaa rahi hai aur Sameer peeche follow karta hai. Dono phones se connected hai.

Sameer(tensed): Arjun hum jaa kaha rahe hai?

Arjun: Dharavi ki basti mein Rafiq rehta hai. Usne kal hi 2 kilo RDX ek admi ki supply kiya hai

Sameer(shocked): 2 KILO?!?

Arjun: ha...isse pehle ki shehar mein koi anarth ho jaaye hume pata karna hoga

Sameer: par Arjun Raka? Altaf?

Arjun bhi kashmakash mein hain par kya kare, duty hai: ATS haina, unhone ne hi Raka ko pakda tha, toh Altaf ko bhi handle karlenge, waise bhi thodi der mein hearing shuru ho jaayegi, final proceedings ke baad saza bhi mil jaayegi use, 2-3 ghante mein maamla sulaj jaayega

Sameer: hmm

ETF jald se jald Dharavi pahunchti hai aur basti mein Rafiq ke baare mein pata lagane ki koshish karte hai.

High Court, room no. 4 -

Case ki proceedings shuru hone waali hai. Riya aur Defence Lawyer room ke baahar ek saath pahunchte hai. Dono ek dusre ko greet karte hai.

Manohar: good day Miss Mukherjee

Riya: good morning, how are you?

Manohar: waise toh theek hun, par aaj ki shuruwat thodi kharab honewaali hai

Riya: ab aisa case lenge toh yahi hoga

Manohar: kya kare?...

Achanak ek dadhi waala admi Riya se takraata hai, woh use almost dhaka dekar room mein jaata hai

Riya(annoyed): Hey!! Dekh Nahi Sakte Kya?

Adira: ma'am chodiye na, looked like he was drunk, aur itni garmi mein aisi jacket pehan kar kaun ghumta hai

Manohar(concerned): aap theek hai?

Riya gusse mein us admi ki direction mein dekh rahi hai par control karke reply karti hai: ha...I'm fine! Aap kuch keh rahe the

Manohar: ya, Us Raka ke paas koi lawyer tha nahi, aur constitution...(sighing) use bhi apni baat rakhne ka mauka deta hai, waise aap fikar mat kijiye ise toh saza honi hi chahiye! main koi daleel nahi pesh karunga

Riya(confidently): agar aap karte bhi toh bhi ye case mere hi haathon mein hota

Manohar(laughing): that's a different story, aapki kabiliyat se toh sab wakif hai

Tabhi ek peon aakar unhe inform karta hai: aap dono jaldi jayiye judge sahab bas aa hi rahe hai. Aur chala jaata hai

Riya: we should be going

Manohar: yes, (courteously) after you

Riya: thank you!

Dono andar jaakar apni seats lete hai. ATS Raka ko lekar pahunch gayi hai. Judge kuch hi palon mein enter karta hai. Puri audience raise karti hai aur uske baithne ke baad baith jaati hai.

Sandeep: aaj ki kaarwayi shuru ki jaye. Aur hammer ko tap karta hai.

Riya uthkar apni daleel pesh karne lagti hai...