Ariya Dil Dosti Pyaar - Page 13

Roshni: very funny...

baadme Rathore Roshni ke saath privately baitha hua hai dono baatein kar rahe hai, Rathore use Arjun ki biwi ka naam ugalwane ki koshish karta hai lekin nakamyab hota hai, idhar baahar sab apna kaam kar rahe hai Shree soch mein hai

Chotu: Shree, kya soch rahe ho?

Shree: tum logo ne ek baat notice ki...jab bhi Arjun sir musibat mein padte the Ri unhe bachane pahunchti thi...Arjun sir itne waqt se hum sab ke saath hai ...lekin woh hum sabse zyaada Ri se close hai...jabki woh ek saal tak office nahi thi...Arjun sir kisi ki baat sune na sune, kisi ke sawaal ka jawab de na de, Ri ki baat ko kabhi unsuna nahi karte...Ri ko bhi dekha? us din Ri ne Rathore sir ko bhi suna diya jabki woh kisise unchi awaaz mein baat tak nahi karti aur Sakshi ko bhi kitna kadak jawaab diya... kahi woh dono...?

Ayesha: Shree tumne suna nahi Arjun sir ko apni wife se milne ki ijaazat nahi thi...aur rahi baat Arjun sir ki Riya se close hone ki toh dosti naam ki bhi koi cheez hoti hai..socho Roshni ne apne dosti ke khaatir apni identity tak ko daav par laga diya...toh kya Riya Arjun sir ke liye stand nahi le sakti?

Chotu: teri baat sahi hai Ayesha...Shree ulti disha mein mat soch agar Ri ko koi kuch kehta toh tu kya karta?

Shree: mujhe kuch karne ki kya zaroorat Ri akeli hi kaafi hai 10 logo ke liye...lekin agar kabhi kuch hota toh main use bina jhijhak goli maarne ko taiyaar hu

Liza: bas toh phir...discussion yahi khatam...

aise hi din khatam hota hai Sameer Ayesha aur Roshni ke saath time spend kar raha hai, Roshni Sameer ki saari pol kholti rehti hai aur Sameer apna sar patak raha hai, Ayesha toh hase jaa rahi hai use yakeen nahi ho raha ki ETF ka strict Chief, rulebook follow karne waala admi kabhi rules todne ke liye front line mein khade rehta tha, woh dono milke Sameer ki band baja rahi hai

agle din

Vikram puri ETF team ko headquarters bulata hai

Vikram: team, ek chota sa kaam aa gaya hai, mujhe abhi thodi der pehle R&AW ke Additional Secretary jo Mumbai ki R&AW ko head karta hai, Rishabh Mehra uska phone aaya tha, apparently tum logo ko waha jaakar kuch formalities puri karni hai, kuch papers par sign karna hai, some undertaking ke stamp papers hai

Sameer: sir main kuch samjha nahi, humara unse kya lena dena?

Vikram: are ha maine bataya nahi... darasal unke do Senior Officers Sikandar ke case par the, aur unhone hi tum logo ki madad ki thi us tak pahunchne ke liye isliye tumhe papers sign karne hai ki tum log unki secrets baahar nahi nikaloge, aur kabhi tumne koi baat disclose ki...toh tumhe uski saza manzoor hogi, it's a matter of national security

Sameer: par sir hume toh kuch nahi pata

Vikram: main janta hun, par ye Delhi ke orders hai waise toh main papers tum logoke paas hi bhijwa deta par unhe third party trust issues hai

Sameer: theek hai sir, kab jaana hai hume?

Vikram: abhi

Sameer: par sir Arjun chutti par hai

Vikram: main use inform kar chuka hun woh tumhe wahi milega

Sameer: ok sir

sab R&AW ke office pahunchte hai. waha unki checking ho rahi hai

Ayesha: kitni security hai yaha

Shree: Security? Ayesha yaha ke guard ke paas bhi mujhse zyada behtar technology hai (woh Rathore ko accusingly dekhta hai) aur ek main hu jisse ek software update ke liye bhi kitni minnate karni padti hai.

Rathore use ignore karta hai

guard: rukiye aapko apni guns nikaalni hogi

Rathore: hum policewaale hai...ye humaari service gun hai

Guard: ji sir par procedure hain aapki gun ke serial number se license check hoga uske baad hi aap andar jaa sakte hai

tabhi ek ladka waha aata hai, woh seedhe enter karta hai

Ladka: good morning!!

Receptionist: good morning sir

Sameer: ye admi andar kyun gaya?

woh Ladka sunta hai: Senior Officer Rajiv Kapoor mister. aur wink karta hai

Sameer( thoda embarrassed): sorry

Rajiv: no problem brother, waise bhi tum sabne humaari itni madad ki hai im thankful to you

Sameer: tum hume jante ho?

Rajiv: of course!! tum log ETF se ho, tumhara naam Sameer hai, the pretty lady on your left tumhari girlfriend Ayesha hai, , yeh bada wala chotu hai, yeh ghunghrale baal waala Shree hai, uske bagal mein uski college ki dost Liza hai aur yeh Home Ministry ki addition Sakshi hai

sab shock ho gaye, professionally tak toh phir bhi theek tha lekin unki personal baate bhi...

Rajiv: see you later. aur firse wink karke chala jaata hai

Ayesha: ise ye sab kaise pata? kahi yeh un officers mein se ek toh nahi?

Shree: ho sakta hai kuch bhi ho sakta hai...aaj kal humaare saath jo kuch bhi ho raha hai us hissab se toh kuch bhi ho sakta hai

Liza: sahi hai

Guard: ab aap andar jaa sakte hai. aur unhe apni-apni gun waapis deta hai

Sameer: aapke chief kaha milenge?

Receptionist : 8th floor right side par Boss ka cabin hai

Sameer: ok thank you

sab upar jaate hai, aur knock karke andar jaate hai, waha ek ladka aur ladki aur hai

Boss: aao, aao hum tumhara hi intezaar kar rahe the

Sameer: jai hind sir!!! hum ETF...

Boss(uska hand shake karte hue): mujhe pata hai, main Additional Secretary Rishabh Mehra , ye Joint Secretary Aakash Kumar aur Director Avni Kumar. sab nod aur smile karke ek dusre ko greet karte hai

Rishabh: Aakash, Avni inhe bacho ke paas le jao, kuch formalities puri karni hai

Avni: boss aur kitni formalities ekto undono ko chuti par hona chahiye uparse aap unka kaam bada rahe hai

Rishabh: Delhi mein complaint karo

Avni chup ho jaati hai

Rishabh: main agree karta hun Avni, hum cases ki reports theekse nahi rakhte par phir bhi officers ki report rakhni padti hai, iska logic aaj tak mujhe bhi samaj mein nahi ki ache khaase field officers ko faaltu ka paperwork kyun karna padta hai waste of time and energy!!!

Aakash aur Avni smile karte hai

Shree(whisper) : kaash kabhi commissioner sir ya Rathore sir bhi aisa kehte

uske bagal mein khade Chotu aur Liza apni hasi rokne ki koshish karte hai

Aakash aur Avni unhe floor ke dusre side le jaa rahe hai

Avni: Thank you

Rathore: aap sab hume thank you kyun keh rahe hai? niche koi Rajiv mila tha usne bhi aisa hi kaha

Avni: kyunki humari ger haazri mein aap logone ne humare bacho ka khyaal rakha

sab aur confuse ho jaate hai

Rathore: ye bache kaun hai?

Aakash: oho Avni tum uske sawaal ka jawaab de rahi ho ya uske man mein aur sawaal paida kar rahi ho?...tum log zyada stress mat lo jab tum unse miloge toh tumhe tumhare saare sawaalo ke jawab mil jayenge

woh log ek steel darwaaze ke saamne pahunchte hai waha name plate - Senior Officers, Aakash apna security card swipe karta hai aur code punch karta hai, indicator par green light hoti hai aur darwaaze ka lock khulta hai, sab andar jaate hai...andar aisa lagta hi nahi ki koi office hai ek bada room hai carpeted, ek side par sofa, couches uske saamne TV sound system ke saath, teen bade aur cabins hai one way glass waale, aur ek medium sized room jaha par kitchen counter hai, us room se do log bhagkar baahar aate hai, ek dusre ke piche use maarne, lekin ETF ke liye shocking ye baat hai ki woh pitne wala admi koi aur nahi Arjun hai, Arjun bhagkar Avni ke piche chupta hai

Arjun: didi bachao

Avni: Nikhil kyun pareshaan kar rahe ho ise?

Nikhil: main pareshaan kar raha hu!!?? ye mujhe pareshaan kar raha hai

Aakash: kya hua ?

Nikhil: isne firse meri coffee mein barf daal di

Arjun: acha aapke paas kya saboot hai ki maine daali

Nikhil: Arjun tumhare ilawa mere saath koi nahi tha, aur ye harkat sirf tum karte ho aur...

Avni: bas bahot ho gaya!!! Nikhil ek coffee ke liye bichare ki jaan ke piche mat pado, dusri nahi bana sakte? aur cold coffee Rajiv ko de do na, use toh pasand hai aur Arjun tumhare dost aaye hai, apna kaam khatam karo chalo

tabhi Arjun ki nazar unpar padti hai: tum log itni jaldi kaise aa gaye?

Sameer( shocked ): ye sab kya ho raha hai?

Aakash: tumhare saare sawaalo ke jawaab Arjun de dega, aur ha jisse tumhe milna hai woh yahi hai Senior Officer Arjun Rawte

Shree: kya???...lekin Arjun sir toh...

Arjun: chill Shree, andar chalo aur shaanti se baitho sab batata hun...