Ariya Dil Dosti Pyaar - Page 12

Flashback 2 Ends...

Arjun: kya hua?

Roshni: are you serious? you know main tumhaare paas isliye aayi thi kyunki Sam par mujhe bharosa nahi tha lekin tum toh usse bhi gaye guzre nikle ...I mean seriously koi aisa karta hai kya? agar tumhari wife ke jagah main hoti na toh apne boyfriend ko seedha thapad maarti... bina jaane kuch bhi sochne ka?

Arjun: isliye toh main nahi bata raha tha...par ye toh batao ki tum ye sab kyun jaanna chahti thi?

Roshni: kyunki mujhe ideas chahiye the

Arjun: ideas? kis liye?

Roshni: are woh mummy papa ne na mere liye ladka dekha hai, main itni jaldi shaadi nahi karne waali, pehle degree lekin ladka acha hai toh unhone kaha ki dekh lo pasand aaye toh padhai ke baad shaadi karlena...toh coming to the main point...woh ladka sachme acha hai, main use kai baar mili bhi aur mujhe woh pasand hai toh soch rahi thi ki use bata du lekin KAHU KAISE? isliye tumse tips lene aayi thi lekin lagta hain meri kismat hi kharab hai

Arjun hasne lagta hai : oho Roshni usme itni hyper hone waali kya baat hai? tum dono shaadi ke liye hi toh mile ho, toh kehdo na ki tum usse shaadi karne ke liye ready ho, aur usse nahi keh paa rahi ho toh apne parents se keh do

Roshni: yea I guess...achanak light chali jaati hai

Roshni : ARJUUUNNN

Arjun: ha main yahi hu, calm down

Roshni: KYA CALM DOWN??? tumhe pata haina mujhe andhere se dar lagta hai, TUMNE BIJLI KA BILL KYUN NAHI BHARA?????

Arjun: oho Rosh...(woh apni phone ki torch on karta hai)...ab theek hai?

Roshni (thodi shaant hokar) : hmm...

Arjun: main torch lekar aata hun ok

Roshni: are apna phone kaha le jaa rahe ho?

Arjun: torch andar hai light toh chahiye na

Roshni: nahi woh meri problem nahi hai, mujhe dar lag raha hai phone yahi chodkar jao

Arjun: acha baba theek hai

woh phone wahi rakhkar andar bedroom mein jaata hai aur torch dhundhne ki koshish karta hai

Arjun mv" yeh rahi"

tabhi achanak baahar se use cheekh sunaai deti hai

"ARRRJUUUNNN"

Arjun bhagkar baahar jaata hai, kuch log Roshni ko forcibly le jaa rahe the

Arjun: ROSHNIII!!!!!

woh unke peeche jaata hai lekin darwaaza ke paas pahunchte hi koi uske sar par zorse waar karta hai, Arjun ghutno par chala jaata hai, use bahot dard ho raha hai, woh behosh ho jaata hai, kuch log use bhi pakadkar gaadi mein le jaate hai

jab Arjun ko hosh aata hai toh woh ek anjaan jagah par hota hai, uske sar mein abhi bhi bahot dard ho raha hai, woh use seh nahi paa raha hai, woh uthne ki koshish karta hai par use bandh kar rakha hai ek awaaz aati hai

Admi: uth gaye officer?

Arjun: kaun?

Admi: Sikandar

Arjun: Sikandar?

Sikandar: ha wahi Sikandar jiska patta kaatne ki taak mein ho tum...

Arjun: Roshni kaha hai?

Sikandar: badi jaldi hai biwi se milne ki...ye rahi. do admi Roshni ko waha le aate hai

Roshni ro rahi hai woh bahot dar gayi hai: Arjun...

Arjun: Rosh...

Sikandar: ab kya haina ki koi mujhe chunauti de toh mujhe pasand nahi toh maine socha ki isse pehle ki tum mera kuch bigado use pehle hi main tumhe maar du (woh us par gun point karta hai)...lekin fir kal koi naya khada ho gaya toh? isse better hai main tumhara woh haal karunga ki koi mujhe kabhi bhi chunauti na de paaye...jante ho tumhara kya hoga?

Arjun koi jawaab nahi deta

Sikandar: nahi pata ...chalo theek hai tumhara kuch nahi hoga par hoga...tumhari biwi ka. aur Roshni ki taraf point karta hai

Arjun aur Roshni dono shock ho jaate hain

Arjun: NAHI...NAHI SIKANDAR PLS USE KUCH MAT KARO ...WOH ...WOH MERI BIWI NAHI HAI...PLS USE JAANE DO...

Roshni : Arjun ye tum kya keh rahe ho?...agar ye meri kismat hai toh yahi sahi mujhse apni biwi banne ka haq mat cheeno

Arjun samajta hain ki woh apne aap ko sacrifice kar rahi hai: NAHI...ROSHNI PLS DONT DO THIS...

Sikandar: waah kya pyaar hai...kitni afsos ki baat hai ki pyaar bhari dastaan dukh bhari dastaan banne waali hai. aur itna kehte hai woh Roshni ke pet mein stab karta hai

Arjun :NAHIII ROSHNIII...woh apni chot aur stress ki wajahse fir behosh jaata hai

Roshni zameen par gir jaati hai, Sikandar aur uske admi hasne lagte hai...achanak firing hone lagti hai

Sikandar: ye kya ?

ek admi: Boss lagta hai is officer ke dost aagaye

Sikandar: niklo yahase meri gaadi nikalo

sab action mein aa jaate hai, Sikandar piche ke raaste se bhaag nikalta hai, Arjun ki wife kuch aur officers ke saath waha pahunchti hai, woh Roshni ko dekhti hai aur uske paas baithti hai

Ladki: SHIT!!! hey ...hey suno...apni aankhein khuli rakho...kuch bhi karo par aakhein khuli rakho...RAGHAV AMBULANCE BULAAO

Roshni bolne ki koshish karti hai: Ar...Arjuun. kehkar us direction mein point karti hai

Ladki: kya??.woh Arjun ko behosh dekhti hai : Trisha sambhalo ise. aur Arjun ke paas jaati hai

Ladki: Arjun!!! Arjun pls aankhein kholo ...open your eyes. woh use uthaane ki koshish karti hai par woh nahi uthta, uske aakhon se aasun aate hai

Trisha: ma'am iska bahot blood loss ho raha hai

Raghav: ma'am ambulance ko time lagega

Ladki: dono ko uthao aur...aur hospital lekar chalo.

sab Arjun aur Roshni ko hospital bhagaate hai, doctors dono ko OT mein le jaate hai, sab baahar wait kar rahe hai, woh ladki silently rote hue pray kar rahi hai, Vikram aur Rishabh (Rishi Chachu ) bhi waha pahunchte hai, une dekhkar woh ladki unke paas jaati

Ladki (hug karke) : Rishi chachu!! dekho na Arjun...use firse sar par usi jagah chot lagi...agar use kuch ho gaya toh...

Rishi: shhh... shaant ho jao bete kuch nahi hoga Arjun ko.

dono use sambhalne ki koshish karte hai, thodi der baad Doctors baahar aate hai, dono khatre se baahar hai, Arjun ko sedatives diye hai toh kuch ghante behosh rahega aur Roshni ko thodi der baad hosh aata hai toh Vikram, Rishabh aur woh Ladki uske kamre mein jaate hai, Ladki uske paas jaakar baiththi hai Roshni use pehchanti hai(usne photo dekhi na)

Vikram: kaisa feel kar rahi ho ab?

Roshni: pehlese better

Rishabh: beta tum kaun ho? aur waha kaise pahunch gayi?

Roshni: main...main Arjun ki dost hu Roshni, mujhe kuch kaam tha toh main use milne gayi thi uske ghar...lekin achanak light chali gayi aur kuch gunde ghar mein ghus gaye, aur zabardasti mujhe aur Arjun ko le gaye...unhe aisa laga ki main Arjun ki wife hun...isliye

Vikram : tumhe pata hai ki woh log kaun the?

Roshni: Arjun kisi Sikandar ka naam le raha tha

Ladki: Sikandar? WHAT NONSENSE!!!!! woh time se pehle kahaani mein kaise aa gaya

Rishabh: ye muda nahi hai...tum teeno ki jaan ko khatra hai

Roshni: meri kyun?

Rishabh: kyunki tumne use dekha hai, woh log toh yahi samajte haina ki tum Arjun ki biwi ho, agar tum baahar gayi toh ho sakta hai ki woh tumhe firse apna shikaar banaye

Ladki: toh phir hume Roshni ko protection dena padega

Rishabh: kaise? tumhari jaan ko bhi toh khatra hai

Ladki: main aise hi senior officer nahi bani chachu, main manage kar lungi

Vikram: nahi beta ye waqt bahaduri dikhaane ka nahi hai...is situation mein mujhe ek hi rasta nazar aa raha hai...

Rishabh: ha...tum sahi keh rahe ho...Roshni beta tumhe marna hoga

dono ladkiyan shock ho jaata hai: KYAA!!!

Rishabh: asal mein nahi, duniya ke saamne, hum sabse yahi kahenge ki tum Arjun ki biwi ho aur tumhara murder ho gaya...nakli laash ka bhi intezaam ho jaayega...in the meantime...hum tum dono ko safely underground bhej denge...par agar tumhe manzoor ho toh

Roshni: par uncle mere parents?

Vikram: tumhari family bhi tumhare saath hi hogi

Roshni: toh fir mujhe manzoor hai uncle...

Rishabh: theek hai toh phir, ye tay raha, hum taiyaariyan karte hai...Vikram aur Rishabh dono baahar jaate hai

Ladki: Roshni...thanks

Roshni: kis liye?

Ladki: tumne bina mujhe jaane pehchane Sikandar ke saamne meri liye sacrifice kiya...

Roshni: isme thanks ki kya baat hai? Arjun mera dost hai aur woh tumse bahot pyaar karta hai...aur apne dost ke liye toh meri jaan bhi haazir hai (playfully) lekin socha nahi tha ki sach mein jaan deni padegi

dono hasti hai

Ladki: anyways...tum rest karo main chalti hu

Flashback Ends

Sameer: isliye tumhare parents ne raato-raat shift kar liya?

Roshni: ha, hum Delhi mein reh rahe the, uske baad Arjun aur uski Wife ko alag hona pada...unhe milne ki bhi permission nahi thi, duniya ke saamne main Arjun ki wife ban gayi thi, uski wife apna maiden name lekar jee rahi thi aur Arjun us din ke intezaar mein jee raha tha ki kab woh dono firse saath honge

Shree: baap re...kya story hai

Sakshi: lekin agar Roshni Arjun ki wife nahi hai toh phir uski wife hai kaun?

Ayesha: ha tumne uska naam nahi bataya

Roshni: woh isliye kyunki Arjun ne batane se mana kiya hai

Sameer: kyun?

Roshni: maine bhi yahi pucha par usne kaha ki woh tumhe surprise dega toh maine kaha theek hai

Sameer: surprise? uske surprise aaj tak mujhe shock ke roop mein hi mile hai...jiska jeeta-jaagta example mere saamne hai

Roshni: very funny...