Posted:
Anand ko see off karne poora mohalla aaya hua hai aur Taiji ne Pralay babu ki baat ki ( par plastic surgery wale Arjun bhaiya ki kisi ko fikar nahi)
Chachaji nikal gaye taxi mein baith ke Amerika ke liye. Taiji ke mana karne ke bawajood PreeNa saath mein gayi.
(lagta hai Taiji ki baat ab koi nahi sunta inke ghar mein, sochte honge budhiya badbadati hai badbadane do)
Sam dikh gaya aur Anand ne bahana banaya ki pen laana bhul gaya aur N ko saath chalne ka bola.
( itna dimaag lagaane ki kya zaroorat thi Anand? bol dete saans lena bhul gaya abhi hawa le kar aata hun kyunki America mein nahi milti toh bhi Bela maan leti)
Title song BG pe Samaina ka flying kiss.
Anand bola ki America se aane ke baad tumhare rishte ki baat karunga, tum dono ki aankhon mein pyar ki sachchai hai par uss waqt tum donon ki aankhen jhuki nahi honi chahiye... Hint hint
Phirse Samaina ka flying kiss iss baar N ne catch kiya on title song nazar milne se
Ghar pe V ki Dilli jaane ki tayyari ( ab Dilli jaati hai ya Mars pe yeh toh waqt hi batayega)
Sam bola ki mummy mat jao. ( waise yeh kaand na bhi hota toh woh kaunsa rukne wali thi beta)
Kuchh heavy dialogues, kuchh rona dhona, khuchh saas bahu wali baaten aur ek photo frame. (blue saari mein)
Jaane jaate Bobby darling aur Vishakha ne ek dhang ka kaam kiya aur Princi se supplementary exam ki permission leli.
( achcha ab pata chala ready made draft ka raaz, yeh Princi ka tijori bharne ka tareeka lagta hai, ameer students ki spygiri karo, unse draft sign karwao aur munh maangi keemat pao saal bachane ki)
Sam ko fikar hai V ne N ka naam toh nahi liya. V naam lena bhi nahi chahti ( kyunki saas bhi kabhi bahu thi aur yahaan toh Dadi jaise saas thi, toh samajh jao)
V ne bahot imp dialogue maara ki rishte tabhi kaayam rehte hain jab do log saath chalen, aage peechhe nahi. ( hope N Sam ki jogging karwayegi taaki uski chalne ki speed badhe)
Phir (kal ka Aarti ka analysis padh chuki) V boli ki bahot der ho chuki hai.
Samaina heart to heart convo ek duusre ke liye sab kuchh chhodne ki baaten (aur naye shirt mein bhi Sam V wali baat ko chhupa hi raha hai)
N boli ki kal wahin milenge jahaan se hamari kahani ki shuruwat hui thi ( pehle laga market hoga, phir laga PVKM but phir pata chala library ki baat kar rahi thi topper dimaag)
Library scene ( aur ek ladki bhi supplementary ki tayyari kar rahi hai, dekh ke batao kahin Vinay ki gf toh nahi, Princi ka tijori bharne ka tareeka, you know)
Phir ek forced fall ( agar girana hi tha toh ek doosre ke oopar girate CVs)
N Sam ki study karwate huye ( taaki aage peeche nahi saath chal saken)
N VO ne bata diya ek mahina ho bhi gaya, Sam ne exam de bhi diya.
( in sab ke beech Taiji ko yaad na raha kyun Anand ke jaane ka intezar kar rahi thi, N ko khuli chhut di huyi hai)
Samaina ki bike ride and Taiji Rakesh in autorikshaw, Doctor ke paas le gaye the bole Rakesh miyan apni bhabhi ko.
( waise walking distance pe toh hospital hai inke, shayad veterinary doctor ke paas le gaye honge, nai?)
Taiji, Rakesh ki Samaina ki chipka chipki ko dekh ke bakbak aur phir pata chala woh toh N hai.
Precap... Taiji, Rakesh N ko pakad ke mandir le jaa rahe hai shaadi karwane.
Kyunki Saas Bhi Kabhi Bahu Thi 2
Iss Pyaar Ko Kya Naam Doon
