Naina- Sameer Judai confrontation my take...

College campus class mein:

Naina, Swati, Preeti, Kamya, Hema sab library sey class mein aate hain.

Preeti -Swati aur Naina ki aur dekhti hain aur dono ko hi gumsum pati hain

Preeti: Arey meri beheno.. kya hua? Aisey kyun mooh bana kay raakha hain? Swati tu abhi bhi tension mein hain tu chinta mat kar.. yeh meri behen aur jijaji tum dono ko hi sambhal lengey chinta kyun karti hain? aur honewali Mrs Maheshwari tujhey kya hua hain? tera mood kyun off hain?

Naina: kutch nahin.. bas yahi soch rahi hoon.. chahey hum zindagi mein kitney hi aagey chalein aayein .. par kabhi kabhi .. ya shayad hamensha.. vo pal kabhi nahin bhula paatey...

Preeti aur baki sab ladkiyan yeh sunkey thodi chounk jaati hain...

Preeti: arey behena kya hua? Kis pal ke baarein mein baat kar rahi hain tu? Kya hua? Jijaji kay saath kutch kaha suni hui, raato ko phone pe? Sab thik hain? tu mujhey dara mat..

Naina: Preeti main tujhey kya daraoongi.. main khud hi dari hui hoon...aur chup ho jati hain...accha suno .. tum sab jaaoo class mein .. mujhey kutch thik nahin lag raha.. main aati hoon thodi der mein.. thik hain?

Preeti, Swati: arey Naina kya hua? Teri tabiyat wapis kharab ho rahi hain? ghar jana hain waapis?

Naina: arey arey tum dono to bas.. nahin meri tabiyat bilkul thik hain.. bas akele rehney ka maan kar raha hain.. please..

Hema, Kamya aagey nikal jaati hain.. Preeti , Swati.. Naina ko hug karkey class ki aur nikal leti hain...

Naina... class ki doosari aur chalney lagti hain.. aur na janey usey maloom hi nahin chalta ki kab vo chaltey chaltey upar unkey vo secret room mein aajati hain.. aur vo bag rakh kay khidki kay pass jaakey khadi ho jati hain...aur door dekh kay soch rahi hain

---------------------------------------------------------

Classroom mein:

SaMunDit bhi class mein aatey hain, aur Sameer ki nazar Naina ko dhoondhney lagti hain aur vo Preeti ko jaakey puchata hain: arey Preeti, Naina kahan hain? pani piney gayi hain ki library mein?

Preeti: arey Jijaji aur fir aajubaju dekhti hain... ooops sorry... Sameer.. vo usko kutch thik nahin lag raha tha to usney kahan vo bahar hokey aati hain..aap dono kay bich kutch baat hui hain? vo subh sey gumsum thi...

Sameer yeh sunkey samaj jata hain... vo kabhi nahin chata tha ki Naina us soch mein doobey par yahi ho raha hain...

Sameer: hmm thik hain..aur nahin kutch bhi nahin hua.. main hoon na tum chinta mat karo..main jaakey dekhta hoon.. waisey usney kahan vo kahan gayi hogi.. fir khud hi sochta hain.. rehney do mujhey maloom hain vo kahan hain... main aata hoon..

MunDit: arey Sameer kahan jaa raha hain? JBR aatey hongey.. tujhey maloom hain na unhey late aana pasand nahin hain...

Sameer: yaaroin aaj agar main wahan late ho gaya to... fir uska anjaam kya hoga yeh main bhi nahin jaanta.. main tum sab sey baad mein milta hoon...aur vo class sey bahar jata hain.. par toorant laut kay aata hain...accha suno.. tum dono mera aaj intezaar mat karna thik hain..ghar nikal jana... hum shaam ko miltey hain ghar pey , agar aaj college mein nahin miley to... thik hain

MunDit: arey bhai aisa kya ho gaya jo tu pura din kay liye gayab hone wala hain? sab thik hain?

Sameer: umeed to yahi hain ki sab thik ho.. par tum chinta mat karo agar nahin bhi hua to yeh thik karna hi padega... warna ...aur vo class sey nikal jata hain...

Vo bahar aakey sochta hain : kahan ho Naina.. is waqt tumhara akela rehna thik nahin hain.. hum dono ko saath us baath ko suljhana hain...aur vo shaant hoke aankhein band karkey sochta hain ki Naina kahan ho sakti hain...

---------------------------------------------------

Samaina ka secret room:

Naina khidki kay pass khadi hain aur ro rahi hain.. us pal ko yaad kar kay jab unki duniya hi ujad gayi thi.. vo din..vo mahiney.. vo waqt.. un sab lamho ko yaad karkey vo bas roye jaa rahi hain...

Kya nahin hua tha... aur kya nahin saha tha..aur kyun??? Bas kyun ki vo bhi pyar samhal nahin payi thi...pyar nahin tha aisa nahin tha.. par pyar hona aur pyar samhal pana do alag alag cheezein hain... kal jo usney Munna kay baarein mein kaha tha.. kahin na kahin vo uspey bhi to lagoo hua tha us waqt...Jab waqt aaya tha.. to kya vo apney pyar ko sambhal paayi thi? Nahin... usney bhi wahi kiya jo usey sahi laga tha.. aur shayad vo sahi bhi tha.. par sirf uskey liye.. uskey parivaar kay liye usney vo chunav kiya tha.. bhavnaoin mein behkey.. us lamhey ki taakat kay saamney vo kamzor ho gayi thi...dil jaanta tha vo sahi nahin tha par dimag ney dil ka saath chod diya tha.. . Kya nahin kiya tha mainey.. mana ki main sirf 18 ki thi...aur shayad us lamhey sey ladney ki naa to mujh mein taakat thi nahi samajh.. par gam to is baat ka hain... mainey koshish hi nahin ki... mainey jaang sey pehley hi haar maan li thi...chachaji kay pyar aur vishwaas kay parey mujhey kutch dikhahi nahin de raha tha.. aur mainey vo kiya jo aaj bhi sochti hoon to main kaamp jaati hoon.. Sameer ko chod diya...vo na to sirf mera pyar tha.. meri jaan tha vo.. meri zindagi tha vo.. jiskey liye kya kya nahin saha tha mainey.. kya kya nahin kiya tha mainey ( flashback to lying to go for Beta movie, 18^th bday picnic, Shanti teacher catching love letter and taking the blame on herself) par jab faisley ki ghadi aayi to jaisey meri duniya puri badal gayi thi...haan pyar to bahout tha.. shayad aaj sey bhi jyada.. par main andar sey toot gayi thi.. Confident Naina jisney kabhi koi exam ko fail nahin kiya sivay vo ek kay ...zindagi ke us imtihaan mein, main fail ho gayi...

Haan aaj us baat ke koi maayney nahin hain... kyun ki mahiney gujar gaye us waqt ko beetey huey.. par hum dono ney kabhi us baarein mein baat nahin ki...kya karni chahiye thi? Ya karni chahiye aaj? Aagar kartey hain to uska maltlab hain us dard sey firsey guzaarna.. aur firsey mehsoos karna us waqt ko .. jisey hum dono hi peechey chod aaye hain .. par fir aaj mujhey vo dard kyun mehsoos ho raha hain? Aur yeh sochkay vo bas khud ko rok nahin paati aur roney lagti hain.. tabhi usey kisika ehsaas hota hain.. aur kiski baahein uskey aaju baaju aati hain usey sambhalney ke liye...aur usey kas ke pakadti hain.. bas un bahoin mein apni baahein daal kar vo roti jaati hain...

Sameer to samajh hi nahin paa raha tha ki vo kya karein.. jab vo unkey vo secret kamrey ki taraf badh raha tha to usney dekha Naina wahin khidki kay pass khadi thi...aur uskey aaney ki aahat bhi usey nahin hui.. aur yahi dekh kay usey laga.. aaj jo baandh kab sey usney rok ke rakha tha .. shayad aaj vo toot gaya hain . aur paas aakey jab vo usey rotey dekha to khud ko rok nahin paya , aur usey khud sey hi bachaney ke liye, bas usey apni bahooin mein bhar liya...

Naina to apney aapko sambhal hi nahin paa rahi .. vo to Sameer ki bahoin mein bas roye jaa rahi hain.. Sameer kay bhi aasoon beh rahey hain par vo Naina ke gaal ko sehlaney lagta hain aur usey chup karvaney ki koshish kar raha hain

Sameer: shhh Naina bas.. vo waqt guzar gaya hain jaaney do usey... bas ab rona band karo tum...

Naina Sameer ki aur dekhti hain aur bas usey dekhti rehti hain... Sameer ney aaj bhi ek baar nahin kaha aur nahi pucha mujhey ki mainey kyun uska saath nahin diya...par vo yeh bhi jaanti thi ki shayad Sameer ko usey bataney ki jaroorat bhi nahin hain.. kyunki vo usey.. khudsey jyada acchey sey jaanta hain... aur vo mud kay usey galey laga leti hain...

Sameer bas Naina ko shaant karney ki koshish kar raha hain kabhi useky baal sahela raha hain kabhi uskey gaal...tabhi Naina thodi shaant hoti hain...aur dono hi khidki kay nichey baith jaatey hain sunn hokey ..kya kahein aur kya na kahein..isi kashmakash mein hain...

Sameer: Naina..

Naina: Sameer..

Yeh sunkey dono hi thoda muskuratey hain...

Sameer: Naina main yeh to nahin puchunga ki tum kyun ro rahi thi.. par yeh jarror kehna chahta hoon ki aaj tum meri ho aur main tumhara.. aur is saach ke saamney aur koi saach.. aur koi insaan.. aur koi waqt nahin aa sakta ...

Naina yeh sunkey bas pyar sey Sameer ko dekhti rehti hain... Mera Sameer.. yahi to hain Mera Sameer...

Naina: Sameer sahi kaha tumney... par aaj bhi us waqt ki choobhan mujhey dard deti hain... uska kya?

Sameer: hmmm us choobhan ko shayad main kabhi door na kar saku.. kyunki shayad ab vo hamara hissa hain.. us waqt ki wajah sey hum aaj saath hain..aur ek dusarey ki taakat hain...haan pyar to pehley bhi tha aur ghera bhi tha.. par us waqt ney hamein vo seekh di jo jeevan bhar mujhey tumhara aur tumhey mera is tarah kar gayi ki ab na vo choobhan ..nahin koi aur daar, hamein ek dusarey sey alag kar sakta hain...

Naina: Alag?? Nahin ab to kisi mein taakat nahin hain hamein alag karney ki...aur aaj mein kamjor nahin hoon nahin 18 ki.. aaj mujhey apna rishta aur pyar dono hi bachana aata bhi hain aur uskey liye ladna bhi aata hain...

Sameer yeh dekh kay muskurata hain: to fir rona kyun?

Naina: par us waqt mainey tumhara saath chod diya.. tumhey itni taklif di..itni baatein kahin..jo main khud aaj sochti hoon to daar jaati hoon... tum kaisey mujhe maaf kar sakte ho us sab kay baad? Mainey hamarey pyar ko chod diya...mainey...

Sameer: shhh bas Naina.. haa tumney vo kiya.. haan vo galat tha.. haan tum us baat ko thoda aur soch sakti thi.. haan tum aur main saath milkey us baat ko suljha saktey the...haan tumhey bharosa hona chaihye tha mujh pey.. hamarey pyar pe..haan haan haan.. vo sab baat sach hain.. par ek baat hain jo tum bhul gayi aaj...

pyar kisiki taakat ban sakta hain to kisiki kamjori.. kisiki aan aur shaan, to kisika kaalank...par pyar..in sab cheezoin sey upar hain... vo bhulna bhi jaanta hain aur bhulana bhi... tumney pyar mein bhulya aur mainey pyar mein tumhey maaf kaar diya..bas ...

kyunki tum hi mera pyar ho

tumhi meri ibaadat ho...

tumbhi meri vo bhul bhi ho

aur tumhi meri maafi bhi ho...

bas tum meri ho...Meri Naina...

After a long time posting another take on a track thats not discussed and left hanging... hope you like y take on it..

Very beautiful.
Can really feel the pain of Naina even after so many months. The guilt that she is having is something that won't go away they easily. You have portrayed it very beautifully. Now they are grown in their love to such an extent that they are the strength of each other and can go to any extend to protect it.

Beautiful post. Hope Cvs take inspiration from you.😊

This was nice.. CVS could hv done it this way too

Yes I would so hope they give us a closure by showing the pains Sameer went through...