Shayri ( My Collection)

First Previous

Page

Next Last

Frequent Posters

Hussain

@.Hussain.

Stunner

Posted: 11 years ago

#891

Wo Jidhar Thay Udhar Gaye Hongay
Hum Na Janay Kidhar Gaye Hongay
Ab Wahan Shaam Ho Gayi Hogi
Log Ab Apnay Ghar Gaye Hongay
Kuch To Unki Khata Rahi Hogi
Hum Bhi Had Se Guzar Gaye Hongay
Khwab Apnay Bhi Phool Jaisay Thay
Toot Kar Sab Bikhar Gaye Hongay
Sirf Jeenay Ki Ek Tamanna Main
Hum Kayi Bar Mar Gaye Hongay
Muddaton Bad Khud Ko Dekha Tha
Itni Wehshat Thi Dar Gaye Hongay...!!!

Quote

Hussain

@.Hussain.

Stunner

Posted: 11 years ago

#892

Main Kahan Tak Tujhay Safayi Doon
Khud Ko Ilzam-E-Bewafayi Doon
Tujhsay Main Dushmani Shadeed Karoon
Pyar Bhi Tujhko Intehayi Doon
Aey Meri Jaan Gar Ijazat Ho
Zakhm Ko Izn-E-Lab Kushayi Doon
Zindagi Tujhko Aitbaar Nahi
Apnay Honay Ki Main Gawahi Doon
Mujh Ko Khud Meray Paas Le Ana
Main Tujhay Gar Kaheen Dikhayi Doon
Ek Zamana Hai Gosh Bar Aawaz
Ek Zamanay Ko Main Sunayi Doon
Wa Karoon Tujh Pe Manzil-E-Idraak
Phir Tujhay Zauq-E-Na Rasayi Doon...!!!

Quote

Looks like you are new here. Register for free, learn and contribute.

Hussain

@.Hussain.

Stunner

Posted: 11 years ago

#893

Yaqeen Kehtay Hain Jisko Us Main Ek Imkaan Rehta Hai
Main Patthar Hoon To Is Patthar Main Bhi Insaan Rehta Hai
Mujhay Dar Hai Agar Milna Zara Ek Fasla Rakhna
Main Sunta Hoon Meray Andar Koi Haiwaan Rehta Hai
Hasad, Nafrat, Mohabbat, Aarzoo, Khwahish, Adawat Bhi
Meray Andar Zaroorat Ka Har Ek Samaan Rehta Hai
Uthata Hoon Main Ek Shai Doosri Shai Toot Jati Hai
Meray Har Fayeday Main Bhi Koi Nuqsaan Rehta Hai
Tumharay Shehr Ki Buniyaad Main Aasaib Hai Koi
Yahan Jo Shakhs Rehta Hai Bahut Hairaan Rehta Hai
Tunhari Chahaton Ki Roz Ek Taaza Kahani Hai
Hamaray Ishq Ka Bhi Ek Naya Unwan Rehta Hai...!!!

Quote

Hussain

@.Hussain.

Stunner

Posted: 11 years ago

#894

Wo Jo Asan Hai Dushwar Bhi Ho Sakta Hai
Rasta Sakht Hai Humwar Bhi Ho Sakta Hai
Faislay Saray Yahan Dil Ke Sunay Jatay Hain
Mashwara Aql Ka Bekar Bhi Ho Sakta Hai
Meray Pehlu Main Jo Betha Hai Barabar Meray
Meray Dushman Ka Tarafdar Bhi Ho Sakta Hai
Kya Zaroori Hai Ke Har Awaz Pe Labbaik Kahein
Ab Teri Baat Se Inkar Bhi Ho Sakta Hai
Khushgumani Ka Wo Alam Hai Meri Jaan Na Pooch
Apnay Dushman Se Mujhay Pyar Bhi Ho Sakta Hai
Ghaur Se Dekh Jo Thokar Main Pada Hai Meri
Wo Meray Sar Ka Talabgar Bhi Ho Sakta Hai...!!!

Quote

Nehageet.

@Nehageet.

Stunner

+ 4

Posted: 11 years ago

#895

hum doston ko apne dilon me basate hai!
Yadon me hamesha dost hi aate hai !
Dosti pe to vishwas u hi rakhenge !
Dekhenge ki aap kitna wada nibhate hai !