Ajab pagal si larki hai

Ajab pagal si larki hai
Mujhay har khat main kehti hai
Mujhay tum yaad kartay ho...???
Tumhay main yaad aati hoon ??
Meri batain satati hain
Meri neendain jagati hain
Meri aankhain rulati hain
December ki sunhari dhoop main ab bhi tehaltay ho?
Kisi khamosh rastay par
Koi awaz aati hai??
Thatharti sard ratoon main
Tum ab bhi chat pay jatay ho?
Falak k sub sitaroon ko
Meri batain sunatay ho?
Kitaboon say tumharay ishq main koi kami aaye?
Ya meri yaad ki shid'dat say aankhon main nami aye?
Ajab pagal si larki hain
Mujhay har khat main likhti hai
Jawab usko main likhta hoon
Meri masroofiyat deekho subha say sham office main
Chirag-e-umar jalata hon
Phir is k baad dunia ki
Kaiee majbooriyan paoon main bairii daal rakhti hain
Mujhay bayfikar,chahat say bharay sapnay nahi dikhtay
Tehalnay jagnay,ronay ki mohlat he nahi miltii
Sitaroon say milay arsa hua...........naraz hoon shayad
Kitaboon say shagaf mera abhi waisay he qiam hai
Farak itna para hai ab unhain arsay main parhta hoon
Tumhay kis nay kaha paglii tumhay main yaad karta hoon
K main tum ko bhulanay ki musalsal justuju main hoon
Purani baat hai jo loog aksar gungunatay hain
"Unhain hum yaad kartay hain jinhain hum bhool jatay hain"
Ajab pagal sii larki ho
Meri masroofiyat deakhooo
Tumhay dil say bhulaoon tou tumhari yaad aaye na
Tumhay dil say bhulanay ki mujhay fursat nahi miltiii
Aur is masroof jeewan main
Tumharay khat ka ik jumla
Tumhay Main Yaad Atii Hoon?
Meri chahat ki shid'dat main kami honay nahi daita
Bohat raatain satati hain mujhay sonay nahi daiteen
So agli baar apnay khat main ye jumla nahi likhna
Ajab pagal sii larki hain mujahy phir bhi ye likhti hai
Mujahy Tum Yaad Kartay Ho ??
Tumhay Main Yaad Atii Hoon ????