Posted:
Well here goes nothing...
Guzaarish.
Taqdeer kay korey panney per
Haathon kii lakeeron key ander
Kuch likha hai sab yeh kehtey hain
Jaaney kyun kehtey rehtey hain
Main laakh chahun per parh na sakun
Kiya likha hai in lakeeron main
Rekhaon kii zanjeeron main
Ik aas hai jagi, himmat hai bandhi
Kiya sunta hoga rab mera
Aankhon kii chubhan dil kii yeh jalan
Kiya dekh raha hoga woh sada
Jo raat aankhon main kat ti hai
Jo din chup chaap siraktey hain
Jo aankhain nam ho jaati hain
To dil sey aah nikalti hai
Jo saarey diye roshan hain kiye
Unki lou hai ik chehra liye
Woh chehra hai ik aas magar
Dil key ander kahin chup ker
Woh mujhko paas bulata hai
Merey saath samay bitaata hai
Yeh khuwahish hai yeh guzaarish hai
Woh chehra kahey "Main bas tera!"
Baarish kii thandi boondon main
Suraj kii pehli kirnon main
Jo thaamey haath chaley mera
Saaye kii tarah, badal kii tarah
Jo dil key raaz sabhi sun ley
Jo aankhon key moti chun ley
Woh meet mila dey mujhko bhi
Woh geet batla dey mujhko bhi
In aankhon main jo rahey sada
In honton per muskaaye sada
Woh naam ho mera or uska
Rishta ho itna pavitr humara
Keh dekh ker kahey yeh jahaan saara
Taqdeer ney likha hai yeh milan
Jo chaley ga ab janmo janam!
A seriously lame attempt at Urdu poetry all credit to Ghalib and Parveen Shakir ... for HaYa who are so bewitchingly beautiful...
Ye Hai Mohabbatein
Mangal Lakshmi
