Hi Guys
Main hu... Shreya... Shreya Bhagat!!!
Arre Kya hua ? Aap log idhar udhar bhaagne kyo lage? Aur madam aapne apni naak kyo dabayi hai, aaj main kapde badle hain aur apna blouse bhi badla hai, haa nahayi nahi hu deodorant se kaam chala liya hai... Wo kya hai, kal Kabir ne mujhe kiss kiya tha na ... Ha ha, Haath par maine kab kuch aur kaha? Aap log bhi na ... Bas!!! To main keh rahi thi kal kitne dino baad kisi male ke main paas gayi... US me to taras gayi thi...Kisi ko bhi phasati thi to bhaag hi jaata tha... Har ek ko mere kapde na badalne se problem thi... Ye lo ye bhi koi baat hui bhala?🥱🥱
Ha ha thik hai yaha Manav paas aane ki koshish karta hai lekin uski jackets se badi smell aati hai... Shayad Malvika ka perfume hai...😊😊
Ha to mai keh rahi thi... please aap sab aakar baithiye... mujhe aapko apni kahani sunani hai... fir apne dil ke tukde tukde (Jo kal Kabir ne kar diya) use bhi jodna hai, fevicol hai mere paas!!! Aur ha coffee chalegi? Lekin thodi kadvi hai , mere jaisi... Asli me sweetner zyada ho gaya tha to kadwa gayi...(Meri bhi sweetness zyada hi ho gayi thi, ab bitter hona to banta hai)😡😡
Aap sab ko batana hai real Shreya ke baare me... Kareeb 10 saal pehle mai Kabir se mili, milte hi uski hotness pe lattoo ho gayi. Mai jaanti thi, mai uski maa lagti hu, lekin us se kya, phasane ki koshish to kar sakti thi... aur fir mujhe badla bhi lena tha, so phasa liya aur wo ullu phas bhi gaya...Lekin thode hi dino me hum me fight hone lagi, mujhe uske chhote ghar aur use mere ek hi kapde kai din tak pahanne aur nahi nahaane se problem hone lagi... Mujhse raat me bolta tha, "Tumhare moonh se smell aati hai, kitne dino se brush nahi kiya? Paas aane ka man nahi karta, jao brush karke jao"... Mujhe bhi gussa aane laga, maine bhi use apne friends ke saamne, uske office me jaakar uski insult karni shuru kar di. Ek din, meri ek bevdi friend ne use bata diya ki maine usse shaadi kyo ki thi. Wo actually Kabir pe lattoo ho gayi thi isiliye bata diya. Badi mushkil se maine baat ko taala. Kabir ne mere paas aane ke liye sharaab peena shuru kar diya. Jab nashe me dhutt ho jata tha, to use bilkul mere paas se smell nahi aati thi... Mera bhi kaam ho jaata tha, Jis din nahi aata tha, baahar bevde the hi...😛😛😛
Lekin, ek din maine nashe me shaayad Kabir ki zyada hi insult kar di... To wo Taarini ke paas chala gaya... Pichhle kuch dino se use Tarini hi achchi lag rahi thi... Aapne to use dekha hai na... 24 ghante designer suits pehni rehti hai... Bhale hi wo ek colours ke ho lekin saji bani rahti hai. Bas fir kya tha, us din kuch ho gaya dono ka. Doosre din, Kabir aakar mujhse bolta hai... "Tumhare moonh se to smell aati hai, nahaati bhi nahi ho... isiliye, kal Tarini ke paas chala gaya. Ja kar dekho kitne achche se rehti hai aur kitni achchi khushboo aati hai..." Bas mujhe aa gaya gussa. Maine Kabir aur Tarini ka wo naam uchchala ki dono ko maza aa gaya. Kabir ko gusse gusse me divorce bhi de diya lekin baad me akal aayi, meri smell to wohi bechara sahan karta tha, ab kaun karega?😲😲😲
Maine socha chalo US jaakar kismet aazmaayi jaaye lekin waha bhi koi nahi mila so waapas India chali aayi. Yaha Kabir fir se mila, socha chalo phansa leti hu lekin wo Idiot Ananya Kashyap beech me aa gayi.. Kabir se to kam chhoti lagti hai lekin, meri to beti dikhti hai... Uppar se noodle strap, halter tops pehan pehan kar Kabir ki niyat kharab kar di...Uppar se roz nahaati bhi hai...😡
Maine socha chalo kuch chaal chal kar use dost banati hu... aasaani se Ma beti mere jaal me phans gayin... Hee hee hee hee!!! Maza aa gaya!!! Sach hai Bhagwaan jab shakal deta hai to akal nahi deta... 👏👏👏Khair to aajkal maine Kabir ko museebat me daal diya hai... bada mazaa aa raha tha... Mujhe poora bharosa tha ki Kabir ko mere saath hi rehna padega lekin dekho usne kal kya keh daala, mujhse bolta hai "Shreya tum nahi nahaa sakti to chalo ek kaam karte hain, mar jaate hain , tumhare saath rehkar tumhari smell soonghne se to mar jaana achcha, aur tum bhi mar jao ab... Na jaane kitno ko apni smell se maar chuki ho, ab ya to nahane ki aadat daalo ya mar jaao" Mai to itna dar gayi thi... Aise kaise mar jaati? Abhi to aadhi umar ki hui hu... Ha ha, mujhe pata hai aapko lagta hai meri dhalti umar hai lekin dikhne se kya hota, meri umar thode hi zyada hai...😲😲😲
So ab soch rahi hu kya karu... Kabir ko bola bhi ki mai nayi sarees pehan to rahi hu par kuch sune tab na... uske uppar to Ananya ke sleeveless tops ka nasha chhaya hua hai...Khalid ko bhi dhamki de aayi... Lekin Khalid itna manicure karwata hai... mujhe dar hai kahin aisa na ho ek din poore KKN wale mujhe utha kar patak de ya mujhe paani wale tub me poore din ke liye bitha de, wo bhi thande paani me... Uff mai to mar jaaungi!!!😭😭😭
Please mujhe bacha lena ok???🤢🤢
