Posted:
1) Firstly woh ek sadakchaap gangster ko do din bhi nahi sambhal paye. 2)'Most wanted don' jise 'girane k liyeh unke guns loaded the' use pehchanne mein unhe accused ki patni ki avashyakta padi. 3)CBI ki baare mein to kuch na hi kahein toh behter rahega! Acchi tareeke se bhes bhi nahi badal sake ki uss gangu ne unhe itni easily pehchan liya aur upar se kissi aur ko utha laye(gangster ki photo do divas pehle hi samachaar patrika mein prakashit hui thi) 4) sab ko pata hi ki Madhu ke so called 'risvat kand' ke baad unka case kamzor ho gaya hai toh Madhu koi insane vyakti to hai nahi ki woh sultan ko zinda batane ka natak karegi jo case ko aur kamzor kar dega fir bhi koi uski baton par dhang se gaur nahi farma rahe! Are bhai, ek wanted don murder case hai ya kisi car accident mein kuchle kisi bakre ka murder case ! Are kam se kam phone to tap kar hi sakte hain . 5)police ki custody mein kuch gaye-guzre kaidi kisi ko berehmi se maar rahe hain aur aas paas kisi policewale ka namonishan nahi kab halat gambhir ho chuki tabhi unhe khabar mili! Wah wah! Kya tab tak sab ke sab bahar thele se bhaji-pau khane gaye the kya? Khane ke waqt kya policewale aas paas nahi hote? Agar koi criminal bhag gaya toh? Upar se jab gangu bhai un kaidiyon ko kaam par lagane gaya hoga to kya saare hawaldars aur inspectors so rahe the? 6)un kaidiyon par koi action nahi? Are unhe third degree do zara, shayad tab woh mahatma gangu ji ka naam ugal dein! Joshi:' par mam, haath pehle RK sir ne uthaya tha' wah! Agar ye sab dekhne k liyeh koi maujood tha to usne unn gundon ko rokne k liyeh kuch kyun nahi kiya? 7)' paan wale k naam par register tha aur ab uska phone kho gaya' isse ye toh saabit nahi hota ki phone kisi ne mazak mein hi kiya ho! Phone chor Gangster bhai bhi to ho sakta hai , acche se chanbin karo , phone ko trace karo! 8) last but not the less ridiculous , the' hospital mein bhai bana doctor scenario' so called 'acussed' hospital mein hai aur aas paas koi policewala nahi! Is this a joke?kya saare k saare policewale itne kamzor hai ki sirf ek aadmi ke samne ghutne tek diye ? Aur baaki k log I mean hospital staffs dusre patients k rishtedaar , security guard e.t.c. Sab mar gaye kya? In sab se ek hi baat saaf ho rahi hai ki ya toh Sultan ne saare kanoon ke rakhwalon ko khareed liya hai (God Knows sadakchaap k paas itni daulat aayi kahase dusron ke jeevan mein tang aadaane k alava aur koi kaam karta nahi dikhta) ya fir saare policekarmi din raat daaru pi ke tunn rehte hain ...ya phir CVs police aur unke kaam ka kuch naya aur 'alag che' definition dena chah rahe hain! Note: ye tippani policewalon k upar hai kadachit mahapurush k upar nahi atah bhratashri bhakton se anurodh hai ki accha na lage to muh pher ligiyega parantu kripa kar ise report nahi kijiyega. Dhanyawaad .
