Veer Yodha (PRC FF)

Page

Meera

@Meera123

Beginner

Posted: 12 years ago

Hello guys. My name is Meera and I am new to India Forums. I am 18 years old and from USA.

I absolutely love to watch hindi serials and some of my favorites are Dil Mil Gaye, Iss pyaar ko kya naam doon, Geet, and etc...

So I have just recently finished watching Prithviraj Chauhan and I think that the way everything ended in history was just so sad and depressing.

Then an idea hit me...

I started writing a FF on Prithviraj Chauhan and gave it my own twist. I have added new characters and showed India uniting against enemies instead of fighting amongst each other.

Now I would really like to post my FF but I don't know how many people are interested.If you would like to read my FF on Prithviraj Chauhan PLEASE let me know...

I will post my first part real soon. Then you can see and tell me if you would like me to continue posting.

Thanks Loads 😃

Meera❤️

Edited by Meera123 - 12 years ago

Quote

Frequent Posters

Meera

@Meera123

Beginner

Posted: 12 years ago

CHARACTERS

Delhi, India

Maharaj Anangpal and Maharani Chandra

Children: Roopsundari and Kamalavati

Ajmer, India

Maharaj Someshwar and Maharani Kamalavati

Children: Prithviraj, Chand, Pratha

Chittor, India

Maharaj Vikram and Maharani Jagata

Children: Nandini

Ambala, India

Maharaj Jagat Singh and Maharani Lata

Children: Pundir, Sanjam

Pataliputra, India

Maharaj Mahipala and Maharani Namrata

Children: Arjun

Kannauj, India

Maharaj Vijaypal and Maharani Roopsundari

Raja Jaichand and Rani Nayantara

Children: Sanyogita

Jaisalmer, India

Maharaj Jasapala and Maharani Ratna

Children: Maya, Mohini, Kalpana

-----------------------------------------------------------------------------------------------

So here are the characters. I know that some of these characters where probably not their in history but this is my Fictional story and everything doesn't really have to relate.

So Let me know😊

Meera❤️

Quote

Looks like you are new here. Register for free, learn and contribute.

Rose

@--Rose--

Dazzler

+ 3

Posted: 12 years ago

Wowww Interesting:-D
You know what I m a big fan of PRC cause I jus Love Rajat tokas<3<3<3
Awesome cs:-):-)
plz continue and PM me when you update ok:-):-):-)

Quote

Meera

@Meera123

Beginner

Posted: 12 years ago

PART 1

Aaj hum aap ko aisi kahani batana chahenge joh samay ke saath bhula di gayi. Yeh kahani koi mamuli kahani nahi, balki yeh kahani tab ki hai jab pure Bharatvarsh me Khushiya hi Khushiya thi. Yaha ke Rajyo ne mil kar Bharatvarsh ko itna mazboot aur surakshit bana diya tha ki koi dusre desh ka shatru unki taraf ankh bhi na utha paaye. Aur woh yahi samay tha jab kuch aise yodhao ne janam liya joh aane wale bure samay me Bharatvarsh ki ekta tutne nahi denge. Toh aaiye hum shuru karte hai en yodhao ki jeevan katha, aur sunte hai enki sukh, dukh, saahas, veerta, ekta aur pyaar bhari kahani.

Bahut mannato aur kathinaio ke baad akhir me Maharaj Someshwar aur Maharani Kamalavati ko ek nanhe kunwar ki prapti hui. Aur jaise hi yeh baat Ajmer ki praja ko pata chali toh har ek kone me khushiya hi fail gayi. Aur chaukane wali ek aur baat toh yeh thi ki sirf Ajmer me hi kunwar nahi janme balki Ambala aur Pataliputra ke Rajyo me bhi kunwaro ka janam hua. Aur aaj woh shubh ghadi aah chuki hai jis din Ajmer, Ambala, aur Pataliputra ke kunwaro ke naam karan ki pooja Ajmer me rakhi gayi hai.

Aaj iss khushi ke avsar me pure Raj Mahal ko bahut pyaar se sajaya jaa raha hai, aur kunwaro ki aane ki khushi me toh jaise sare Rajya jhoom uthe hai.

Toh ek ek kar ke dusre Rajyo ke Maharaj aur Maharanio ne Raj Mahal me padhar na shuru kar diya. Saare Rajyo ke Maharaj Raj Darbar me they aur Maharaniya, Maharani Kamalavati ke kamre me baith baate kar rahi thi.

"Jagata...tumhe koi samasya toh nahi hui na yaha aate hue? Aap ko iss halat me yaha nahi aana chahiye tha." Maharani Kamalavati ne Chittor ki Maharani Jagata se kaha. Maharani Jagata, joh uss samay garbhavati (pregnant) thi, muskura kar boli "Nahi Kamalavati...hum bilkul theek hai."

Thodi der aise hi hansi Mazak chal ta raha aur dusri ore naam karan ki taiyaariya bhi joro se chalti gayi. Par bhaag ko toh dekho naam karan ke kuch ghanto pehle Maharani Jagata ko dard hone shuru ho gaye.

"Rati jao jaldi se Vaidyaji ko bula lao! Kanta Maharaj Vikram ko khabar karo." Maharani Kamalavati ne chintit ho kar bola.

Aur shuru hua ek apratyashit (unexpected) janam. Kisi ne yeh socha bhi nahi tha ki Ajmer me ek aur janam hoga. Aur phir kuch hi der ke baad khamosh Raj Mahal me ek bacche ki rone ki awaz goonj uthi. Yeh sunkar sab ne raha ki saans li aur khushi se jhoom uthe.

"Maharaj, Maharani Jagata ko ek Rajkumari hui hai." Ek dasi ne aah kar kaha.

Sabki khushi toh jaise dugni ho chuki thi. Aur aaj hi woh ek aisa din tha jab Ajmer me teen Rajkumaro ke saath ek Rajkumari ka bhi naam karan kiya gaya.

Naam karan ki pooja sampan hone ke baad Raj Purohit ji ne Kundaliya dekhna shuru kiya.

"Toh chaliye hum Ajmer kunwar se shuru karte hai." Purohit ji ne kundali utha kar bola.

"Shuru karne se pehle hum kuch aur batana chahenge... Kuch saal pehle se hi hame pata chal chuka tha ki aane wale samay me paach mahan veer yodhao ka janam hone wala hai. Aur yeh aaj joh hamare samne teen kunwar hai woh un paacho me se hi hai." Purohit ji ne khushi se kaha.

"Kya matlab hai yeh sab ka Purohit ji? Hum kuch samjhe nahi." Maharaj Anangpal chintit ho pooche.

"Maharaj aane wala kal bahut kathinaio se bhara hua hai aur yeh paach yodha hai joh Bharatvarsh ko surakshit rakhenge. Yeh paach ek mutthi ki tarha honge, agar en me se ek ko lalkara toh samjho sab ko lalkara. Yahi barkarar rakhe ge aane wali khushiyo ko. Aur ek khushi ki baat yeh hai ki enka prem vivha hoga."

Yeh sun kar sabki aankhon me paani bhar aaya. Sare Maharaj yeh sun kar khush hue ki unki mitrata ab unke putra (sons) bhi nibhaye ge.

"Toh pehle yodha Ajmer Kunwar Prithvi Raj Chauhan honge. Yeh en paacho me mukhya (leader) honge joh hamesha sab ko ek jut ho kar rakhenge. Dusre char enhe ek bade bhai aur sacche dost ke saman rakhenge. Aur yeh pure Bharatvarsh par raj karenge toh iss hi liye enka naam Prithvi Raj hona chahiye. Dharti par raj karne wale Prithvi Raj Chauhan." Raj Purohit ji ne bade garv ke saath enka naam liya.

"Kunwar Prithvi Raj Chauhan ki...JAI!!!!"

Sare Maharaj aur Maharaniya yeh sun kar bahut khush hue. Aur ab baari thi doosre yodha ki.

"Dusre yodha hai Ambala ke kunwar Pundir Singh Rai. Yeh Prithvi Raj ke dahine (right) hath honge. Yeh apni jaan ki parva kiye bina apne saathiyo ki madad karenge. Enhe apni praja ke prati bahut lagav hoga aur yeh thode garam dimag ke bhi honge. Toh iss hi hisab se enka naam Pundir Singh hoga. Shatruo ko khatam kar dene wale Pundir Singh Rai." Purohit ji na kaha.

"Kunwar Pundir Singh Rai ki...JAI!!!"

"Aur ab teesre yodha Pataliputra ke kunwar Arjun Pala. Yeh Prithvi ke bahine (left) hath honge. Yeh ek chamak te hue sitare ki tarha en paacho me khushiya aur ujala bhar denge. Yeh bade chanchal aur shatir dimag ke honge aur enki banai hui yojnaye kabhi galat nahi hongi. Aur iss hi liye enka naam Arjun hoga. Chamak te hue sitare ki tarha aur shatir dimag wale Arjun Pala."

"Kunwar Arjun Pala ki...JAI!!!"

"Toh lagta hai ki kunwar Arjun bilkul aap hi ki tarha honge Maharaj Mahipala." Maharaj Someshwar ne haste hue kaha.

"Aur Kunwar Prithvi bilkul aap hi ki tarha." Ve bhi haste hue bole.

"Kintu Purohit ji yeh dusre doh yodha kaun hai?" Maharaj Anangpal ne utsukta se poocha.

"Woh abhi janme nahi hai Maharaj. Magar chinta ki koi baat nahi, woh agle baras tak hamare saath honge."

Toh teen yodhao ka janam ho chuka tha aur ab intazar tha un doh ka joh jald hi iss dunya me padharna wale they. Ab en Rajkumaro ke baad sirf ek aur naam bacha tha.

"Chittor ki Rajkumari ek bahut hi khushi ke avsar me janmi hai. Enka naam Nandini hoga. Khushiya failane wali Nandini Ratan Singh. Yeh roop se aur dil se bahut hi sundar hongi. Ense kisi ka dard dekha nahi jaaye ga aur yeh apni jaan ki parwa kiye bina sab ki madad karengi. Enhe bahar ki dunya dekhna aur mehsoos karne ka bahut khed hoga."

"Purohit ji kya hum isse accha samjhe?" Maharaj Vikram ne chintit ho poocha.

"Maharaj yeh toh bahut accha hai. Bahar ki dunya enhe ek acchi Maharani aur ek accha insan banne me madad karegi. Toh enhe jaha jane ka man ho waha jane de." Purohit ji ne muskura te hue kaha.

"Rajkumari Nandini Ratan Singh ki...JAI!!!"

Toh iss hi tarha en Rajkumaro aur Rajkumari ka naam karan sampan hua. Aur dekhte hi dekhte paach saal beet gaye. Aur en paach salo me aur bhi Rajkumar aur Rajkumario ne janam liya. Woh dusre doh yodhao ka bhi janam hua.

Maharani Kamalavati ne Ajmer ko ek aur ek kunwar diya jinka naam Chand rakha gaya. Kalpanae rachane wala Chand Chauhan. Aur Purohit ji ke hisab se yeh apni kavitao se sab ka man jeetenge aur apne shabdo se shatruo ka vinash karenge.

Aur akhiri yodha ka janam hua Ambala ke Raj Mahal me. Aur enka naam rakha gaya Sanjam. Shant aur thande dimag se sochne wale Sanjam Singh Rai. Aur Purohit ji ne yeh kaha ki yeh hamesha sabko shant rakhenge, aur sahi raste me bhi.

Kuch Rajkumaro ke saath saath kuch Rajkumario ne bhi janam liya. Kannauj ki Rani Nayantara ne janam diya Sanyogita ko. Sab ko ek jut karne wali Sanyogita Chandra. Aur Jaisalmer me Maharani Ratna ne teen Rajkumario ko janam diya. Pehli Rajkumari ka naam Maya rakha gaya. Sabko apne vash me kardene wali Maya Pratihara. Dusri Rajkumari ka naam Mohini rakha gaya. Sab ko apne nritya (dance) se rijhane wali Mohini Pratihara. Aur teesri Rajkumari ka naam Kalpana rakha gaya. Ek kavi ki kalpana aur vichar Kalpana Pratihara. Aur Raj Purohit ji ne kaha ki enhe bhi Rajkumari Nandini ki tarha bahar ki dunya se bahut lagav hoga. Aur yeh teen unki bahut acchi sahelia hongi.

En kuch saalo me bahut kuch badal chuka tha. Yeh paach yodha ab bade ho chuke they. Aur ab samay aah chuka tha enke Gurukul me shiksha lene jaane ka. Toh nikal pade yeh apne apne Rajyo se Gurukul ke liye. Aur yahi se shuru hoti hai en yodhao ke veerta ki kahani.

-------------------------------------------------------------------

So here it is guys. Let me know if you want me to continue posting my FF on here.

Oh and sorry for any hindi mistakes I have made while writing. I have been using a translator for some of the words and I am not sure if they are correct.😕

Do let me know if you want to read more.

LOVE

Meera❤️

Edited by Meera123 - 12 years ago

Quote

sultanahabeeb

@sultanahabeeb

Explorer

Posted: 12 years ago

Awesome dear, prc is my 1st love. Always ready 4 it. Chalo chalo itna comment bas hai nd yeh up padhne ke bad, mujhe bhi prc ka sanyo nd prithvi ka birth episode dekhna hai. Ok then bye

Quote

Meera

@Meera123

Beginner

Posted: 12 years ago

Thanks Guys for liking my FF so far. 😃 I love PRC and Rajat's acting as Prithviraj was just awesome.

My next part will be up soon... Love, Meera❤️

Quote

Rose

@--Rose--

Dazzler

+ 3

Posted: 12 years ago

Awesome update dear:-):-):-)
Loved it:-):-):-)
Thanks for the PM:-)
continue soon...

Quote

Meera

@Meera123

Beginner

Posted: 12 years ago

Part 2

Sare Rajkumaro ke Gurukul me pahuch jane ke baad Gurudev ne unhe mandir me bulvaya. Aur ve muskura te hue unhe unki pehli shiksha dene lage.

"Aaiye kunwaro. Aap logo ka Gurukul me swagat hai. Yahan iss Gurukul se jaane kitne yodha nikle hai, aur unn me se khuch aap logo ke pita bhi they. Bharatvarsh ke mahan yodha ban ne hai aap logo ko, aur uss ke liye aap logo ko kadi tapasya aur parikrama karni hogi. Apni manzil paane ke liye kai kathinaiya jhel ni hogi. Toh kya taiyaar hai iss ke liye aap log?" Gurudev ne sab se poocha.

"Ji Gurudev! Hum taiyaar hai!" Sare kunwaro ne bina sankoch ke saath bola.

"Toh aap log aaj se iss Gurukul ke aur hamare chatra (student) mane jate hai." Gurudev khush ho bole aur un sab ke haath me kalava bandhne lage. Aur phir woh khade ho kar bole.

"Chaliye hum abhiyas shuru karte hai. Hame dikhaiye ke aap log iss Gurukul ke kitne chakkar laga sakte hai. Kitna bhag sakte hai aap." Tab hi Prithvi ne apne saathiyo ko dekha aur ve aage baad ke bole.

"Ji Guru ji!"

Aur shuru hua en Rajkumaro ki shiksha ka pehla padav. Dekhte hi dekhte bahut saal beet gaye. Rajkumaro ka bachpan Shastravidya (weapons), Dhanurvidya (archery), Khadgavidya (swordsmanship), Mallayuddha (unarmed) aur kai yudh ki vidyae seekhte aur karte hi beet gaya. Unhe ladne ke saath saath ek acche insan aur Raja banne ke gund bhi seekhaye gaye. Magar ab woh samay aah chuka tha, jaha unhe alag ho apne andar ki aisi khubiya jaan ni hogi joh unhe ek alag pehchan dengi.

Toh iss hi wajha se Gurudev ne unhe apne kamre me bulaya.

"Aao Prithvi, Pundir, Arjun, Sanjam, Chand. Humne aap logo ko yaha yeh batane ke liye bulaya hai ki aap logo ki shiksha ab hamare saath sampan hui." Gurudev ki baate sun sare kunwar bahut khush hue.

"Toh kya hum ab ghar jaa sakte hai Guru ji..." Rajkumar Arjun ne uttejit (excited) ho poocha. Yeh sun kar Guru ji sirf muskurae.

"Shiksha aur gyan ek aisi cheez hai joh jitna seekho utni kam hoti hai. Aap logo ko humse joh seekhna hai woh toh aap ne seekh liya, magar ek mahan yodha ban ne ke liye aap ko abhi bahut kuch seekh na hoga."

"Kya matlab hai aap ka Guru ji?" Prithvi ne utsukta se poocha.

"Hum chahate hai ki aap log apne andar ki khubiya bahar nikale. Aur aap ko apni ek alag pehchan banane ke liye enka istamal karna hoga. Aap sab ek hote hue bhi bahut alag hai." Gurudev ne kaha.

"Prithvi aap me bahut saahas hai toh ab aap ko pata karna hoga ki aap me kitna saahas hai. Kya aap sach me apni praja aur saathiyo ko nidar ho kar madad kar sakhte hai. Taiyaar hai aap enke javab jaane ke liye?

"Ji Guru ji mai taiyaar hu!" Prithvi ne sir utha kar javab diya.

"Bahut khoob! Toh Pundir aap me bahut Shakti aur bal hai na? Kya aap seekhna nahi chahenge ki yeh aap apni praja aur saathiyo ki madad karne me kaise upayog (use) kar sakte hai..."

"Ji Gurudev." Pundir ne kaha.

"Arjun, hum jaante hai ki aap bahut chanchal aur Mazak karne me shatir dimag ke hai. Aap ko yahi cheez ek khubi me badal ni hogi. Ab aap ek bacche nahi...toh apna dimag upayogi (useful) cheezo ke liye istamal kariye."

"Ji Guru ji." Kunwar Arjun neeche dekh bole.

"Sanjam, aap me bahut hi dhairya (patience) hai, toh iss ka upayog khuch aisa seekh te hue karye joh aane wale bure samay me aap ki madad kare. Kya seekhenge aap?"

"Ji." Sanjam ne muskurate hue kaha.

"Aur Chand, aap ko kavitao aur prakriti (nature) se bahut pyaar hai, yeh hame pata hai. Magar aap ko yahi lagav aur yahi pyaar se kuch aisa seekh na hoga joh sab ko bahut khush karde. Khuch aisa joh aap ki aur dusro ki madad kare."

"Magar yeh hum kaise kar sakte hai Guru ji?" Kunwar Chand ne chintit ho poocha.

Yeh sun kar Gurudev ne ek kitab bahar nikali.

"Hamare paas ek aisi gupt kitab hai joh hamare siva kisi aur ke paas nahi. Kai saal pehle hame yeh kitab Raj Purohit ji ne di thi, aur aaj iska gyaan hum aapko bata na chahate hai."

"Iss me kya khaas hai Guru ji?" Pundir ne jigyasa (curiosity) ke saath poocha.

"Iss me aisi paach vidyae hai jinhe aaj tak koi jaan nahi paya. Aur hame pura vishwas hai ki aap log iss me safal ho kar hi laute ge." Guru ji ne poore vishwas ke saath kaha.

"Hanh, itna jaan lijiye ki yeh assan nahi hoga. Toh taiyaar hai aap?"

"Ji hum taiyaar hai!" Kunwaro ne kaha.

"Prithvi, aap seekhenge Shabd Bhedi Band vidya. Ek bheelo ka kabila aap ko pashim (west) disha me mile ga. Enke siva aur koi yeh vidya nahi jaanta hai, toh aap ko yahi jaana hoga."

"Ji Gurudev." Prithvi ke yeh kehne ke baad Gurudev ne unh ek panna uss kitab se phad kar diya.

"Pundir, aap ko Dhanurvad vidya seekhni hogi. Purab (east) disha me aap ko koi aisa milega joh aap ko yeh vidya sikhayega." Yeh kehne ke baad Gurudev ne Pundir ko bhi ek panna diya.

"Sanjam, aap ko jana hoga dakshin pashim (south west) disha me. Aur waha jah kar aap ko kuch Guruo se Marama Adi Vidya seekhni hogi." Unho ne yeh keh kar ek aur panna Sanjam ko diya.

"Chand, aap jaaye ge dakshin purab (south east) disha me. Waha aap ko ek sadhu se Vrikshayur Mansi vidya seekhni hogi." Aur Chand ko bhi ek panna diya gaya.

"Arjun, aap seekhenge Gupt Prahelika vidya. Magar aap koh kaha jaana hai who aap ko khud samajh na hoga." Aur iss tarha akhiri panna Arjun ko mila.

"Hamara ashirwad sada aap logo ke saath hai." Guru ji ne sab kunwaro ko ashirwad diya, aur iss ke baad sare kunwar apne kamre ki ore chal pade.

"Ab hame yeh pata karna hoga ki en surago ka kya matlab hai." Prithvi ne apne panne ko dekhte hue kaha.

Sab yeh soch me pad gaye ke en paano ka kya matlab ho sakta hai, aur kaha jaana hoga enhe. Achanak Arjun ko apna paana dekh te hue ek tarkeeb soojhi.

"Sab log jaldi se apne pane yaha zameen par rakh do." Arjun ne apna paana neeche rakh te hue kaha.

"Magar kyu?" Poocha Sanjam ne.

"Tum log rakho toh sahi." Yeh sun kar baki sab ne apne pane neeche rakh diye. Aur iske baad Arjun kagazo ko idhar udhar kar ke jodne laga.

"Dekho mujhe lagta hai ki yeh sirf kagaz nahi balki yeh ek naksha hai. Dekho yaha is khandar ke bahar yeh joh ped hai waha se yeh char raste alag hote hai. Mere hisab se hame yahi iss ped ke paas jana hai." Arjun ne bahut hi utsah ke saath bola.

"Mujhe lagta hai ki tum theek keh rahe ho Arjun." Pundir ne chauk ke kaha.

"Are waah kya baat hai'Lagta hai tum par Guru ji ki baato ka asar hone laga hai." Pundir ne apne saathiyo ko dekh kar kaha.

"Kya? Kya matlab'?" Arjun pareshan ho kar bole.

"Tum ne pehle baar itni Samajh dari ki baat joh ki hai'" Sanjam hanste hue bola. Aur yeh sun dusre kunwar bhi hasne lage.

"KYA!!!" Arjun gussa hokar Pundir aur Sanjam ko bhagane lage.

"Accha accha ab yeh mazak bahut hua'"Prithvi ne unhe shant karte hue kaha.

"Magar Prithvi'" Arjun ne shikayat karte hue kaha.

"Arjun, hame jaldi se soh jana chahiye. Subha hone se pehle hi hame nikal na hoga." Chand ne Arjun ki taraf muskurate hue kaha.

"Hanh'Theek hai'tum logo ko toh mai baad me dekh lunga." Arjun naraz ho kar sone chale gaye.

Subha hone se pehle hi sare Rajkumar taiyaari kar ke apni manzil ki ore nikal pade.

-----------------------------------------------------------------------------------------------

Here it is guys!😊