Page 32-3
(Ashar is getting tired of Khirad's silences around him but does notice her beautiful black hair)
Agar sirf uski zahir ki baat ki jaati toh woh achi khasi khush shakal larki thi. Halanke bilkul saada raha karti thi. Uske gehre siah baal jin ki woh choti goondhe rakhthi thi, bohat lambe aur bohat ghane the. Un baalon ki narmahut usne mehsoos ki thi and jab kabhi woh naha kar nikalti tab unhein khula hua bhi dekhta tha. Kamuzkum apne janne walon mein itne lambe aur khoobsurat baal usne kissi larki ke nahin deke the. Uske kadh daraaz aur sirapa intaayee mutnasib tha magar yeh chizaen insaan ko waqti taur par toh aasudah karsakti hain, unke sahare zindagi toh nahin guzari jasakti.
Mitti ki maadhu bani, gum sum bilkul chum woh aise bethi rehti keh usse uski is mazloomana si chup se shadeed chir hone lagti. Usne chir kar kamre ki light kisi na kisi bemaqsad kaam ko tul de kar mazeed der tak jilaaye rakhna shuroo kardi. Yah tak keh aik raat jab usne yeh dekha keh woh letter pad aur qalam haath mein liye shaid kisi ko khath likh rahi hai, tab sirf usse bolne peh uksaane keliye, usne intahaayee badtameezi ka saboot dete huye khataak se light band ki aur beniazi se bed par aakar lait gaya. Tab bjaaye uski badtameezi par us se kuch kehne ke, us ne khamoshi se letter pad aur qalam side table par rakh diye the aur khud bhi foran hi sonay keliye lait gayee thi. Aur us raat usse haqiqatan is larki par shadeed ghussa aaya tha
Anupamaa
Naagin 7
