Interview with Amna Sharif
Amna kaise mijaz hain?
Amna(Kashish):mein theek hoon.
u r very popular in Pakistan.do u know that?
Amna:jee haan.....bilkul andaza hai.mujhe e mails,letters aur fone calls ke zariye sab maloom hota rehta hia aur apni makbooliyat dekh ker mujhe bohat khushi hoti hia.
aap tu hamare mulk mein bhi bohat makbool hian na sirf kashish naam ke clothes hain balke choodiyan,mehndi aur degar jewellery bhi kashish ke naam se bazar mein milti hai,aap ne kabhi socha tha ke apke is kirdar ko itni shuhrat miley gee.
Amna:nahi.bilkul nahi socha tha.laikan jab mujhe yeh kirdar offer howa tu script pher ker mujhe andaza zaroor howa key mera kirdar nazreen mein pasand kiya jaye ga aur aisa hi howa aur pakistan hi kiya yahan bhi log kashish ke naam se cheezein farokhat kerte hian.
tab tu bohat acha lagtha hoga?
Amna:bohat ziada acha lagtha hia.mein tu kabhi soch bhi nahi sakthi thi ke mein aur mera yeh role itna ziada makbool hoga ke her taraf kashish kashish ho raha hoga.
iss shuhrat ne ap per kiya asrat muratab kiye hain.gharoor hota hai ya fakhar?
Amna:kuch logon ke tu damagh kharab ho jate hian shuhrat pa ker.magar mein tu ALLAH ka shuker ada kerti hoon k mein aisee nahi hoon.yeh mein apni tareef ki baat nahi hai kyunki ager aisa hota tu log kehte amna maghroor ho gayee hai.mujhe apni kamyabi per fakhar hota hai gharoor nahi.
aap ne pakistan ke serial "ana" mein bhi kaam kya hai.aur apki performance ko pasand bhi kiya gaya.iske narey mein ap kiya kahien gee?
Amna:"Ana" mine kaam kerke mujhe acha laga,mera role agerchey mukhtasar tha laikan tha powerful.isliye mujhe kaam kerke acha laga.agar yeh serial pakistan mein filmaya jata tab mujhe ziada khushi hoti ke mujhe pakistan dekhne ka mauka mil jata.
apke khayal mein dono mulk ke funkaron ko ko aik doosre mulk ke dramon mein kaam kerna chahiye?
Amna:bilkul kerna chahiye mein tu samajhthi hoon ke iss tarah dono mulk aik doosre ke kareeb ajayein ge.kafi hadd tak tu a chuke hain.mazeed a jayein ge.
pakistan se mazeed offer aye gee tu ap kaam kerein gee?
Amna:bilkul keroon gee bashrtey ke role powerful aur dilchasp ho.mujhe tu "ana" mein kaam kerke bhi bohat acha laga aur sab se meri aisee dosti hogayee jasie hum barson se aik doosre ko jante hon.
"ana" ke end yani recording ke baad bhi apke aik doosre se talukat hain?
Amna:jee haan.humain jab bhi mauka milta hai.hum apne saathiyon se fone per zaroor baat kerte hian.apni field ke logon ko asani se bhulaya nahi jasakta.
apke khayal mein insaan ke andher adakari ki salahiyat pedaiyshi hoti hai?aur ap is field mein kasie ayein?
Amna:mere khayal mein adakari ke salahiyat pedaiyshi hoti hai.her insaan yeh salahiyat le ker nahi peda hota.aur wohi log wohi log iss field mein aney ke liye jadojehad kerte hain jin mein yeh salahiyat hoti hia.ab ap meri misaal le sakthi hain ke bachpan mein yeh khawab dekha kerti thi ke mien adakara banoon gee,magar kis tarah yeh meri samajh mein nahi ata tha kyunki mere agey koi raaste nahi tha.
ap apni khwahish ka izhar apne waledein se tu ker sakthi theen aur bachpan mein kis se mutasar hoker is field mein aney ki khawahish howee.
Amna:bachpan mein mein amitabh bachan se bohat mutasar thi.inki her baat mujhe pasand thi aur jahan tak waledein se kehne ka taluk hai tu mein apko baataon ke hamare gher ka mahol aisa nahi tha ke apni is khawahish ka izhar kerti so mein soch ker khamosh hogayee ke kismat mein hoga tu is field mien a jaon gee.mein ne sab kuch upper wale per chor diya.
yehi tu poochna cha rahe hain ke iss field mein apki amad kaise howee?
Amna:oh ho... mein tu bhool hi gayee iss sawal ka jawab dena.jaisa ke mein ne apko btaya tha ke mein ne soch liya tha ke ager iss fild mein ana meri kismat mein howa tu mein ajaon gee.chunanche qismat ki devi meherban howi aur mujhe aik din aik commercial mein kaam kerne ki offer howi ke jisey mein ne qabool ker liya.
gher waalon ko kaise bataya?
Amna:gher mein, mein ne sirf apni ammi ko bataya, unhon ne mera shauk dekhtey howe mujhe ijazzat dey dee aur iss tarah mujhe maan ki support ki wajah se iss field mein aney ka mauka mil gaya.
pehla commercial kaun sa tha aur gher waalon ka radeammal kya tha?
Amna:pehla commercial "medi max soap" ka tha aur iss commercial key mujhe ache khasey paise miley aur mera pehla hi commercial maqbool howa,gher waalon ko bhi pasand aya.aur iss tarah meri rah hamwar hogayee.mein kabhi soch bhi nahi sakthi thi ke mera aik commercial merey taraki ke raastey khaul de ga.
ab tak kitne commercials kerchuki hain aur kiya gaaney ke videos bhi kiye hain aap ne?
mein kafi saare commercials ker chuki hoon.taadad tu theek se yaad nahi mujhe laikan andazan 40 ke kareeb hon ge iss tarah gaaney ke videos bhi kafi saare kiye hian.aur mera pehla video "dil ka aalam" tha jo ke kafi makbool bhi howa tha.
sab se pehla drama kaunsa tha aur drame mein kaam kerne ki offer kaise ayee?
mera pehla drama "kahin tu hoga" hi hia jis mein,mien ne kashish ka role kiya hia aur offer tu zahir ha mere commercials dekhne ke baad hi howi.jab yeh serial shru howa tu mujh audition ke liye bulaya gaya aur 2 martaba mera audition howa.😊
kiya matlab?
matlab yeh ke jab pehli martaba mujhe bhulaya gaya tu mein kafi confuse thi.mujhe lambe chohre dialogue ka script diya gaya ke ap isko ada kerein.mein ne dialogur ada ker diye.unhon ne kaha theek hia.apko inforn ker dein ge.mein ne socha ke agar adayegee theek hoti tu foran bata dete.mein gher agayee bohat mayoos bhi thi magar phir 3-4 din baad call ayee ke apka dobara audition liya jaye ga.ab ki martaba mein bohat aitemaad ke saath gayee aur apne taur per pehle se ziada ache tareeke se audition diya shayad mera yehi aitemaad mere kaam aya aur mujhe iss role ke liye select ker liya gaya.
pehli martaba kiya howa tha?
Amna:pehli martaba math poochien kiya kaifiyat thi.kuch ajeeb si hi suretehal thi.poore jism mein paseena a raha tha.awaz bhi thori larkha raha rahi thi aur tangon ki halat bhi theek na thi.laikan apni yeh kaifiyat tu sirf mujhe maloom thi.mein ne doosron ko iska aihsaas nahi hone diya aur mera pehla aitemad hi tu tha ke mujhe doosri martaba bhulaya gaya.pehli martaba meri awaz kanpi.magar bohat thori der ke liye,phir mein sanbhal gayee.
amna ap bata rahi hian ke bachpan hi se apko is field mein ane ka shauk tha.farz kerien ke agar ap os field mein na a saktheen tu kiya ker rahi hoteen?
Amna:zahir hia.kahin na kahin job ker rahi hoti kyunki mujhe gher mein yunhi bethna pasand nahi hai.mera apna nazarya tu yeh hai ke agar ap perhi likhi hian tu phir apko kuch na kuch kerte rehna chahiye.beykar beth ker zindagee nahi guzarni chahiyeke insaan duniya mein beykaar bethne nahi aya.
aur agar apke pass dher sara pasia hota tu ap ishe kahan kharch kerteen?
Amna:shayad mein apne liye koi bohat acha business kerti aur dher sari jewellery khairdati aur jewellery mein mujhe white gold yani heere bohat pasand hain.mein her kisam ka heera lena chahithi hoon.
kis kisam ka business kerna chahthi hian?aur kiya ab jab apke pass kafi pasia hia iss khawahish ko poora nahi ker saktheen?
mujhe fashion designing ka shauk hai aur shayad mein yehi business kerti aur ab bhi apni yeh khawahish poori ker sakti hoon laikan ab mere pass waqt nahi hia.haan jab kabhi kaam ka load kum howa tu zaroor keroon gee.
amna!ap se apki field ke barein mein tu kafi baatein ho gayein.kuch private sawal ker lein?
Amna:zaroor.
tu phir bataye ap kab paida hoween?
Amna:mein apko tareekh aur maheena tu bata sakti hoon magar kis sun mein paida howi, yeh nahi bata sakthi.mera star cancer hai aur mein 16 july ko paida howi.
film mein kaam kerien gee?
Amna:mein apko bataon ke pehle mujhe film mein hi kaam kerne ki offer ayee thi laikan jab ekta kapoor ke drame,soap serial "kahin tu hoga" ki offer ayee aur kirdar bhi mujhe bohat acha laga tu mein ne serial ko tarjeeh di aur mera khayal hai ke mein ziada kamyab hoon.film ke liye bhi ache kirdar ki offer ayee tu zaroor keroon gee.
apni zindai ka haseen tareen din kise kahien gee?
jab mera serial "kahin tu hoga" on air howa thamujhe intezaar tha iss serial ka aur logon ke reaction ka key woh mere barey mein kiya tasurat kaiyam kerte hain.
ghusa kin baaton per ata hia?
Amna:jab koi jhoot bolta hia aur mujhe maloom hota hia ke yeh banda jhoot bhol raha hia magar woh apni baat ko sach sabat kerne ki koshish mein laga hota hia.
qarz leker bhool jati hian ya...........?
Amna:mein tu qarz leker kiya bhoolon gee,qarz deney wala mujhe nahi bhoolega.laikan mein iss mamle mein bohat farz shanas hoon.kisi se qarz leker kabhi nahi bhoolthi.
koi aisee hasthi jiske app bohat qareeb hon?
maan aur sif maan.wohi meri behtareen hamraz hai.wohi mere dukh dard ki saathi hia.inhi se mein apne dil ki her baat ba assani keh deti hoon.(very good clue y dont anyone ask abt kashish's opinion abt sujal from kashish's mother)😉 . maan hi aik aise hasthi hoti hia jo mushkil waqt mien bachon ke kaam ati hia aur meri maan her waqt mere kaam atee hian.
zindagi ki koi khawahish?
ke mein apni maan ko itna sukh aur aram doon jitna woh mujhe dethi hian.
koi 3 cheezein jo her waqt apke saath rehthi hian?
perfume,wrist-watch aur meri finger mein pehani howi ring 😕.
zindagi mein shirmindagi kab howi?
Amna:zindagi mein sab se ziada shirmindagi us waqt howi jab mein "kahin tu hoga" ke audition ke liye gayee aur mujhe yeh keh ker rok liya gaya gate per ke aap undher nahi ja saktheen ke her bande ko undher jane ki ijzzat nahi hai.halankey mujhe tu bakaida waqt diya gaya tha.buss woh lamha mere liye shirmindagi ka bais bana.ke mein koi aisee waisee larki nahi ke iss tarah moon utha ker kahin chali jaon.
aapki makbooliyat mien aoki maan ki duayein tu yakeena shamil hon gee,laikan iss field mein sab se ziada tawan kiss ne kiya?
Amna:sab hi senior funkaron ne tawan kiya laikan directors ne mere saath bohat ziada tawan kiya aur anil kumar aur ekta kapoor se mien ne bohat kuch seekha.balkey ziada acting tu mein ne in se hi seekhi hia.
kisi serial ki kamyabi ke liya kiya zaroori hai?
Amna:achi kahani aur team work aur director se tauwan.
aue iske saath hi interview khatham howa.
i hope u ppl will like it.i write the whole interview just like it was published, thats y it is in urdu.😊
Cricket
CID
Hindi TV Shows
