Mujhe tum bhulane ki koshish na karna

Mujhe tum bhulane ki koshish na karna

Just couple of days to go, before ArMan divorce. Manav and Archana are inside the house and having a chit chat.

Archana- Manav aap divorce hone ke baad chale jaoge na Canada wapas?Phir kabhi nahi aaoge

Manav-bilkul yahan ab rakha kya hai

Archana-hmm..

Manav- kyon tumhe kya hua? Puch kyon rahi ho

Archana-nahi mujhe bas aisa laga waqt ke sath sab kuch kitna badal jata hai

Manav-tum bhi to badli ho..yaad hai jab main 2 din keliye kahin bahar jata tha..tum kitna roti thi..mujhe jane nahi deti thi…ab yakin nahi aata yeh wohi Archana hai jo mujh se 18 saal juda hoke reh saki..khair

Archana- pata nahi..ab bas yaadon ke sahare..

Manav-please.. pak gaye mere kaan yeh sun sun ke yaadon ke sahare jee lungi yeh woh..plz stop it

Archana-jao main kuch nahi bolti

Manav- tumhe paise mil jayenge. ab kuch kyon bologi

Archana-bilkul..mere account mein jama kar dena aur us ka jo interest aayega na wo bhi taxable hoga aap uska tax bhi har saal bhar dena..

Manav-bhar dunga..aur koi demand

Archana- ho sake to aapke dil se meri yaadein mita dena..

(Manav is stunned. Song plays…meri yaad aayegi aati rahegi..mujhe tum bhulane ki koshish na karna..meri jaan jati hai jati rahegi..)

Archana- kya soch rahe ho

Manav-tum bhula paogi mujhe ?

Archana-maine to kaha na main aap ki yaadein sanjoke rakhna chahti hun..mitana nahi

Manav-tum ne mere sath aisa kyun kiya Archana

Archana- maine kya kiya…jis mein sab ki bhalai bas wohi ho raha hai..dekho na Manav..mujhe paise to mil rahe hain na in sab ke..aap se alag rene ke ..bachhon se alag rehne ke..(has tears)

Manav- phir yeh aansoo kaise

Archana-magarmachh ke aansoo hain..itna nahi samajh sakte (burst into tears and tries to go away from there. Manav holds her back.)

Manav- baap re itne nakhre…yaad hai Archana..woh meethi baatein..woh raatein..tum kitne nakhre kiya karti thi !!

Archana- sab yaad hain

(Flash back..Archana and Manav go back to 20-22 years. In their bed room)

Manav- Archana

Archana- kya hai

Manav-jaldi aao na 12 bajne ko hai..sona nahi hai kya?

Archana- haan to so jao na..mana kisne kiya..ya fir lori sunni hai?

Manav-are nahi..tum aao to bed ke upar..

Archana- aaj se fir hum alag soyenge

Manav-Kyon kya ho gaya..

Archana- aap mujhe na pareshan karne lagte ho

Manav- use pareshani nahi pyar kehte hain

Archana- haan to pyar keliye ek saath sone ki zaroorat nahi..aap bed pe so jao..main zameen pe so jaungi

Manav-ab nakhre mat karo na

(Archana sleeps on the floor. Manav comes near her)

Manav- Archana so gayi kya?

Archana- so rahi thi par aapne jaga diya

Manav-ab roz to soti hi ho..kyon na aaj is chandni raat mein kuch achha kiya jaye

Archana- terrace pe chale jao aur chand ko niharo..samjhe

Manav-mera chand to mere paas hai..terrace mein kyon jaun

Archana-achaa theek hai baba..sote hue chand ko niharte raho..good night

Manav-are sirf dekhne se kya hoga..

Archana- main thak gayi Manav..sone do na

Manav-achha din bhar garage mein kaam karun main…aur thakti tum ho..aur tum to do pahar ko bhi 2 ghante so jati hogi..hai na

Archana- haan aankh lag jati hai..kya karun?

Manav- aur fir bhi tumhe neend aa jati hai raat ko!

Archana- soke dikhaun kya neend aa rahi hai ki nahi

Manav-sirf sona hi tha to shaadi hi kyon ki..soti rehti apni aai ki god mein zindegi bhar

Archana- to insaan raat ko soye bhi nahi?

Manav-mujhe gussa mat dilao

Archana- achha aap ko gussa bhi aata hai..zara dant ke dikhana

Manav-main sone ja raha hun..mujhe tumse koi baat nahi karni

Archana- good boy..so jao..main lori suna dun koi..mera bulbul so raha hai woh wala

Manav-koi zaroorat nahi

(Manav goes and sleeps on the bed. Archana goes near him and starts teasing him again)

Archana- Patidev so gaye kya?

Manav- kya hua?

Archana- is chandni raat mein kuch karne ko mann nahi karta..

Manav- karta hai. Apni kismet par rone ka mann karta hai…

Archana- aisa kyon?

Manav- tum nahi samjhogi

Archana- to samjhao na baba

Manav-dekho ab so jao..

Archana- are wah..main so rahi thi mujhe neend se jaga diya..ab khud sone chale..yeh nainsaafi hai

Manav-ab insaaf ki baat tum na karo to achha hai

Archana- bole to

Manav-bole to mera sar

Archana- thodi der baat karo na mujh se

Manav-mujhe baaton mein koi interest nahi

Archana- to kis mein interest hai?

Manav-bhelpuri khane mein. Ab banake khilaogi?

Archana- bhelpuri se kuch achha khane ko mile to

Manav-(little happy) sach? Chalo shuru ho jate hain

Archana- main ice craem ki baat kar rahi hun. Fridge mein padi hai..khaoge?

Manav-mere andar ke janwar ko mat jagao Archana..meri sharafat ko meri kamzori mat samjho

Archana- achha aapke andar ek janwar bhi hai? Kabhi dekha nahi maine

Manav- abhi dikhaun?

Archana- na baba na..mere achhe Manav..mere bhole Manav..

Manav- man jao na

Archana- kis keliye?

Manav- haan kiss keliye (Manav holds Archana very tight and….)

(Flash back over)

Archana- aye kya kar rahe ho..chhodo mujhe chhodo..

Manav- oh main yaadon mein kho gaya tha..

Archana- aur yaadon ke bahane jo mann kiya woh kar liya

Manav-Kyon na karun? Pati hun tumhara

Archana-bas do din keliye Manav..(tears)

Manav- Archana (in tears)

Back ground music..meri yaad aayegi aati rahegi..mujhe tum bhulane ki koshish na karna..)

Originally posted by: -SD-

Thank you everybody.

@Nikita I know your taste. While I writing this I knew, you would be the first to comment on it.

Really?😳 Then please write more of such short cute stories which have playfulness as well as sweet romance. Ashu is right, this story reminded me too of some of your old stories.

I tried to make it an emotional atyachar, but still some of you had 🤣 that's amazing 😆I guess all of us paid more attention to the sweet nokjhok than to the emotional atyachar.