NOW PRATIGYA IS TURNING TO HIGH POINT. - Page 3

@Akusha333: OMG!!!! I simply love your art..You have painted it with such love and dedication..Its really commendable that how you could put in so much of energy and love to make this out..I think you must post this in the FB account of Arhaan and Pooja..I am sure they will love this too..

Finally itz pink 🥳 Thanx to Akusha 😆

So any bidders for the art work by poster akusha?😉 Unless she wants to hold on to it for a little bit longer.😃

Pratigya vishal bhaiya ke achanak gayab hone ki wajah se upset ho jati hai...aur bechaini mein poore room ka chakkar laga jati hai ...pratigya ko samajh nhi aa raha tha ki kya kare aur kya nahi..!!

Pratigya[To Herself]: Ye vishal bhaiya bhi na...bina bataya pata nahi kahan chale gaye hai...aur wo bhi aaj ke din...raksha bandhan ke din..!!! Bhala aaj ke din koi bhai apni behan ko aise chhodkar jata hai kya !!Apni behan ke liye jara sa bhi pyar nahi hai...!! Khair chhodo ab kya fayeda...ab lagta hai mujhe mom ko vishal bhaiya ke room me na hone ki khabar de deni chahiye...

Pratigya hall me vishal bhaiya ki khabar dene aa jati hai...

Pratigya: Mom ,vishal bhaiya apne room mein nahi hai..!!

Anjali aur mamaji shocked reh jate hai...

Anjali: Kya!! Vishal apne room me nahin hain!!! Ye kaise ho sakta hai!!

Mamaji: Kyun nahi ho sakta anjali!!! Tum to apni kitchen mein busy thi na...aur ye pratigya bitiya bhi kisi na kisi kaam mein lagi hogi...aur to koi abhi ghar mein hai nahi...to kisi ko kya pata hoga ki kaun ghar se kahan ja raha hai aur kaun ghar mein aa raha hai!!!

Anjali: Nahi bhaiya...aisi baat nahi hai ...main to abhi hi kitchen me gayi thi...aur jab me kitchen mein gayi thi us waqt tak to vishal neeche nahi utra tha..aur ye pratigya to kabse ghar ke bahar rangoli bana rahi thi...

Mamaji: Are to phir use kya dharti kha gayi!!!

Pratigya: Mamaji aur mom,please aap shant ho jaiye...main vishal bhaiya ko phone karti hun...shayad kuch pata chal jaye...

Anjali: Are to phir itni der se khade khade kya kar rahi thi...ja jaldi se apne bhaiya ko phone kar aur puch usse ki kahan chala gaya bina bataye!!

Pratigya: haan mom...abhi phone karti hun..

Pratigya vishal bhaiya ko call karne ke liye number dial karne hi wali thi ki vishal bhaiya aa jate hai..

Pratigya ki nazar ghar ke bahar khade vishal bhaiya par padti hai...

Pratigya: bhaiya!!!

Anjali aur mamaji vishal ko dekhkar naraz ho jate hain...

Anjali: Kahan chala gaya tha tu bina bataye???

Vishal: Mom, me early morning hi jogging ke liye ghar se nikal gaya tha...aap sabhi so rahe the to maine kisi ko jagana thik nahi samjha...

Pratigya: Par bhaiya aap early morning jogging ke liye nikal gaye the to phir aane me itni der kaise ho gayi...!!!

Vishal: Aap sabhi thoda sa wait kijiye... Aap sabhi ko saare sawalon ke jawab khud mil jayega...Bas ye samajh lo ki mujhe kisi ko ghar tak laane me der ho gayi...

Anjali: vishal, ye tu kya keh raha hai...hamari to kuch bhi samajh mein nahi aa raha hai...aakhir kis ko laane gaya tha tu!!!

Mamaji: ye sab kya ho raha hai yahan!!! Ye vishal kis ko ghar lane ki baat kar raha tha!!

Anjali: Meri samajh me to kuch nahi aa raha hai bhaiya...usne kaha hai ki thodi der intezar karo...to hame intezar kar lena chahiye...

Mamaji ke mobile par ek call aati hai...
Mamaji Number dekhte hi call receive karte hai...

Mamaji: Hello beta!!

Dusri tarah mamaji ka apna beta ayushman tha...

Ayushman: Papa , ap kahan ho??? Ap jaldi se hospital aa jaiye...yahan hospital me kuch log jabardashti ghus aye hain aur keh rahe hai ki hamari wajah se unki beti ki maut ho gayi hai..

Mamaji: kya!!!! Tum chinta mat karo beta ...ham abhi hospital aate hai..

Mamaji call cut kar dete hain...

Anjali: kya hua bhaiya!!! Ap itni tension me kyun hai..??

Mamaji: kuch khaas nahi...bas thodi mamuli si baat hai...hamko abhi jaldi hospital jana hoga...to tum jaldi se hame rakhi bandh do..

Anjali: ji bhaiya...

Anjali rakhi lene ke liye apne room me jati hai...tabhi achanak wahan police aa jati hai..par mamaji es baat se bilkul anjaan hai ki unke peeche police khadi hai..

Anjali rakhi lekar room se nikalti hai...aur police ko dekhkar shock reh jati hai...

Mamaji: Are kya hua behna!!! hamein jaldi rakhi bandh do...hamein der ho rahi hai..

Inspecter: Agar der ho rahi hai to itni jaldi bhi kya hai dayanand ji...wese dayanand ji bahut dukh ki baat hai ki es raksha bandhan par ap apni behan se rakhi nahi bandhwa paoge...

Dayanand(mamaji): Kya matlab hai aapka???

Inspecter: Matlab to seedha hai dayanand ji...apke hatho me es baar rakhi nahi kanoon ki zanjeer bandhegi...aur wo hi apke hatho ki shobha badhayegi..

Pratigya: Dekhiye inspecter sahab, ap mere mamaji se jara tameez se baat kijiye...inhone aisa koi jurm nahi kiya hai jiske liye ap inhe kanoor ki zanjeer se bandhne wale hai...

Inspecter: Dekhiye ,ham aise hi kisi ko bina saboot ke arrest nahi karte...hamare paas inke khilaf saboot hai to acha hoga ki ap hamein hamara kaam karne dijiye...

Pratigya:Agar saboot hai to dikhao...ham bhi dekhna chahte hai ki mamaji ne aisa kya kar diya jiski wajah se ap inhe arrest kar rahe hai...

Inspecter: aap log saboot hi chahte hai na to ap apna tv on kijiye ...abhi to tv par dayanand ji ke hi charche hai...

Pratigya bhagkar jaldi se hall me rakha hua tv on karti hai..

News channel par news flash ho rahi thi

'Dayanand hospital me ek bachi ki maut',

'Doctor ne paise ki wajah se ilaaj karne se kar diya tha inkaar'

Media dayanand hospital ke andar thi aur wo ayushmaan se sawal kar rahe the..

Reporter: ek pita ke pass uski beti ke ilaaj ke liye paise nahi the to kya apka ye farz nahi banta tha ki ap uska muft me ilaaj karte?

Ayushmaan: Dekhiye aap hamein hamara farz mat samjhaiye...ham ache se jante hai ki hamein kya karna chahiye aur kya nahi...aur wese bhi agar ham sabhi ka free treatment karenge to hum to sadak par aajayenge...

Reporter: To kya apki nazar mein gareeb logo ke liye koi hamdardi nahi hai!!!!

Ayushmaan: Dekhiye main jo kuch bhi karta hu wo apne papa ke order par karta hu...agar wo mujhe kisi ka treatment karne se mana karte hai...to me uska treatment nahi karunga...

Pratigya tv off kar deti hai...aur gusse se mamaji ki taraf dekhti hai...

Precap:

Pratigya: bhaiya main apse kuch mangu to aap doge???

Vishal: Mangne ki jarurat nahi hai pratigya...main janta hu tum kya mangne wali ho!!!
Janna chahti ho kya!!

Pratigya: Kya bhaiya!!

Vishal: ghar ke bahar jakar dekho...koi tumhara kab se intezar kar raha hai!!!

Pratigya bhagkar ghar ke bahar jati hai...