To dear behenon, leejiye haazir hoon main aapke liye ek aur kahaani lekar (Vanshu student teacher vala twist hai lekin alag andaaz me and KalMa92 (Sorry, please tell me your name) apki wishes ko bhi poora karne ka try kiya h:
1960
Yoon to har sheher ki subah khoobsurat hoti h, magar Bambai ka savera...aisa lagta tha ki saari duniya vishwa yuddha aur gulaami ki dhundhali yaadon se door ek naye, ujle sapne ki or rel so daurti jaa rahi ho aur Bambai us rel ka pehla dibba ho.
Aaj Bambai ki Kalyani se pehli mulakat thi aur Bambai ka shor hi tha jo Kalyani ki bakbak ko apne me samet sakta tha. JJ School of Arts me daakhila hua tha Kalyani ka aur college me daakhila karwane ke baad Kalyani ki samajh hi nahin aa raha tha vo kya kare. Jis ghar me use kiraye se rehna tha vo tha ameeron ke mohalle me...aur ameeron ke ghar bade to hote hain magar dil lagane ke liye na vahan thahakon ka shor hota h aur naa apnepan ki khushboo.
Tabhi Kalyani ko ek coffee house dikhai diya. Yoon to dekhne me sab shaant hi tha magar naa jaane kyon har table par ek halchal si thi. Sab log jaise kisi intezaar mein baithe the. Kalyani gai aur khidki vali table par baith gayi. Samundar ki lehron se chhan kar aati Hui dhoop ko khidki se dekhne ka alag hi maza tha.
Kalyani lehron ke shor me khoi hi thi ki tabhi ek lambe se naujawan ne usse kaha - Maaf keejiyega, ye meri chair h.
Kalyani ko sunte hi gussa aa gaya, "Aap is coffee house ke maalik hain ya ye chair aap apne ghar se lekar aaye hain? Angrez chale gaye laat sahab chorr gaye.
Vo thoda sa muskuraya aur vahin us table ke bagal me hi deewar se tikkar khada ho gaya.
Tabhi, coffee house ka manager aaya aur kehne laga- "Are Malharji. Aap khade kyon hain? Ye saare log aapki hi kavitaein sunne ka ek ghante se intezaar kar rahe hain. Aap apni pasandeeda khidki vali table par baithiye Jahan aap hamesha baithte hain."
Malhar: "Vo kya hai na Bannerji ji ab angrez to desh me rahe nahi aur ye kursi main apne ghar se to laya nahin hoon to aaj khade rehkar hi saari kavitaayein sunata hoon."
Aur poore do ghante Malhar ne khade khade hi kavitaein sunaai aur Kalyani se naa apni jagah se uthte bane aur na hi baithte. Poore do ghante kisi gudiya si uski aankhein Malhar ko hi taakti rahin aur usne samundar se kaha : Mujhe aaye huye ek din bhi nahin hua aur Bambai sheher ne mujhe itna sundar tohfa bhi de diya. Shukriya!
And please tell me one thing: do you want this story to be set entirely in past or dual timeline?
Mannat Har Khushi Paane Ki
Cricket
