Posted:
PROLOGUE
"Omkara aaj tumne yeh saabit kar diya ke tum ek bewakoof insaan ho aur main tumhara baap tumse bhi zyada gaya guzra hoon. Tej announced with a filthy expression on his face.
"You know Mr. Oberoi aaj main aapse agree karna chahta hoon kyonki iss baat mein koi doubt nahi hai ke aap bohot gaye guzre insaan hai. Omkara threw back the words at him.
"Do you even realize ke tumne kitni badi gadbad kardi hai aaj.
"Mujhe jo karna thha maine kiya Mr. Oberoi ... aapko mere decisions ke baare mein soch soch ke pareshaan hone ki zarurat nahi hai.
"Poori duniya ke saamne aaj tumne mere naam aur meri izzat ka tamasha bana diya aur ab mujhe nasihat de rahe ho ke pareshaan hone ki zarurat nahi hai.
"Mr. Oberoi jahaan tak tamasha karne ki baat hai ... Mujhe nahi lagta ke aapko meri zarurat hai ... aap toh self sufficient ho. Omkara spoke sarcastically.
"Jab maine tumse kaha thha ke aaj maha Aarti hai aur woh aarti Oberoi khaandaan ka waaris karega toh sirf tum kyon nahi aaye ... Shivaay aur Rudra ko apne saath laane ki kya zarurat thhi? Tej was fuming.
"Mujhe nahi pata ke aap jaante bhi hai yaa nahi lekin Maha Aarti harr saal hum teeno bhai milkar karte hai aur isiliye iss saal bhi hum teeno ne milkar aarti ki.
"Tumhe samajh mein nahi aa raha ya tum samajhna nahi chahte ke yeh kitni zaruri baat hai ... Aaj ke din humara sara business, saari investments, saari brands, saari property, saari factories aur saare offices sab tumhaare naam hone wala thha ... aaj ka din zaruri thha.
"Kya aapko samajh mein nahi aa raha yaa aap samajhna nahi chahte ke mujhe kisi bhi brand ya office ya factory mein interest nahi hain ... Shivaay ek businessman hai main nahi ... yeh sara taam jhaam usse milna chahiye.
"Tumhe kya lagta hai ... ke main kisi charity case ke donations kar raha hoon yaha par ... just understand ... iss khaandaan ke waaris tum ho ... mere bete tum ho ... shivaay nahi.
"Aaj jab paiso ki baat aayi, business ki baat aayi, apne matlab ki baat aayi ... tab aapko yaad aa raha hai ke main aapka beta hoon?
"Oh cut the crap Omkara ... iss business empire ki harr cheez par, iss ghar ki harr cheez par haq hai tumhara.
"Koi haq nahi hai Mr. Oberoi ... kyonki main ek achha beta nahi hoon ... aapki wajah se meri Mom ki zindagi kharaab hui aur main kuch nahi kar saka ... apni mom ki help nahi kar saka.
"Do you think ke tum aise emotional baatein karke mujhe bhi emotional fool bana sakte ho?
"Correct Mr. Oberoi aapse iss baare mein baat karne ka koi point nahi hai ... toh main seedhe saaf shabdo mein bass yeh kehna chahta hoon ke main jo hu jaisa hoon ... apni zindagi mein khush hoon ... aapke paise yaa business ki zarurat nahi hai mujhe.
"Tum aise mujhe dhokha nahi de sakte Omkara ...
"Dhokhe ki baat aap naa hi kare toh better hoga Mr. Oberoi aapko suit nahi karta ... aur aapko jitna shor machana hai machaiyye ... jitni mehnat karni hai kijiye ... agar apne business ka achaar daalna hai toh woh bhi daaliye ... kyonki main aur meri biwi aapka ghar, paisa aur business chhodke jaa rahe hai.
Seher Hone Ko Hai
