Vatsalya and anami's verse . What poetry !

Vatsalya

Adhoore se aasmaan main rang bharta hai koi... samay ke dhaagon se kya kya bunta hai koi... boond ki aas main zameen ko tarasta hai koi... phir baras ke aankhon se birha mitata hai koi...

sawalon ka jor, jawabon ka shor... kyun akhir kyun itna toofan uthata hai koi..samay ke dhagon se kya kya bunta hai koi..

jab dard ke badal chaye the, man pe raat ke kale saye the, pane khone ke fer main jab duniya lagi thi, us waqt tum kahaan the ? Kudrat ne kaha tha, wada liya tha, jab lahu ke ek dhage se bandha tha, jab lahu pani ban raha tha, tab tum kahan the ?

Anami



Ganga Maiya ne humein apne godh main milaya lekin us din humare mann main bhi toofan machha tha aur tumhare mann main bhi hahakar tha..tumhari baatein bilkul waise hi hain jaise humari mann main sawaal hoti hai..kash ek baar hum tumhare sawaal sun paate vatsalya..ye kaisa parichay hai, tum is sab kuch chodkar us duniya main chale gaye jahaan se kabhi nahin lautoge aur hum tumhari duniya main base hue hain..

hum dono apni apni duniya se nikal diye gaye hain.. jaante ho jab tum aur hum mile tho hume laga tha ki hum tumse zyada hoshiyar hai lekin apne haath main diya tumhara ye raksha sutra dekhke ab samajh aa raha hai ki tum zyada hoshiyar the isliye ye gift chupchap dekar nikal gaye taaki hum tum tak pahonche, tumhe dhoondhe, tumse baat karein..yehi chahthe the na tum..


vatsalya... aaj tumse humara parichay hua hai.. tumhari shabdon ke zariye.. hum kismat pe bharosa nahin karte hain kyunki humara shradh pandit kehte hain kudrat ne humara kismat ka panna khali chod diya hai aur humare haath main kalam pakada diya taaki hum roz apni karmon se bani kismat likhein

lekin aaj hume lagta hai ki hamara baba humare mann rakhne ke liye aisa bola hai nahin tho humne aisa koi karam nahin kiya hai jise hum dono janam ke sagei, khoon se bandhe, zindagi aur maut ki do kinaron pe khade ho jaye..

Logon ki pane khone ki tamanna ne humse hamara sab cheen liya hai.. jo bavh gaya hai, use bachaye rakhna bahut zaroori hai nahin tho woh bhi iss lalchi duniya ka bhed chad jayega... vatsalya hum ja rahe hain, wahi jahan tum humse mile the, Ganga maiya ki godh main..hum Banaras jana hi padhega nahin tho woh ghar bhi ujhad diya jayega. Hum aur tumhare mann ka rishta koi tod nahin payega..

Originally posted by: NavyaKavya30

<font size="4">Thanks a ton Guinea...All the terms seem cliched to show my appreciation for this effort of yours👏. So let me just say " Thank you,dil se"👏</font>

Credit goes to Abhi , my FB friend . I just made the post 😊

beautiful lines...awesome piece of writing by the writer of the show

Uff!! What a moving piece! Thanks Guinea and to your FB friend