Posted:
Asad:
Moti ke daano jaisi hain tumhari likhavat,
School main teacher kaha karti hain,
Ab ye moti bikhare pade hain,
Account book ke panno pe,
Inka ab koi mol nahi.
Zoya:
Soft server ice-cream ke swirls ke sire ko,
Tukur tukur dekh rahi hoon,
Uske kuchh baal bhi aise hi gir rahe the,
Chaude se sar pe,
Jab woh zuka tha kaagaz pe sign karne ke liye.
Woh to cone ka crunch tha,
Aur bagal main khadi Anusha ki aawaz,
Jisne yaad dilaya ki,
Ghar main doodh nahi tha,
Mujhe yaad se leke jaana tha,
Verna subah coffee nahi milengi.
Writer:
Itni dhool jami thi ki us pe akshar bane ke,
Ek nayi kahaani ban jaati,
Per kahani main nahi,
Woh khud ko likhti hain.
Autumn ke patoo ka rang,
Laal oon ke moje,
Purani kitabo ki khushboo,
Shimla ki barf,
Uska hawa se bachne ke liye,
Collar uthaya hua black overcoat,
Kheench laya adpake kirdaro aur unki unsooni kahani ki aur.
Chaliye...ye bhi aazma lete hain.
Was listening to Gulzar and needed an outlet. No promises.
Kyunki Saas Bhi Kabhi Bahu Thi 2
