FF: Dost se Shuruwaat - Ek Baar phir Mihir- Tulsi

Originally posted by: Gazala1995

Scene 1
Virani Industries – Conference Room – Late Night

Shobha: Aaj hum kisi ko bachane nahi, sach ko saamne laane aaye hain.

Pari: Shobha di… agar Papa ko pata chala ke woh bekaar mein khud ko dosh dete rahe…

Shobha: Toh unka bojh halka hoga, Pari. Papa ne Maa ko dhoka nahi diya. Unhe dhoke ka ehsaas diya gaya.

Ritik: Par Papa toh maanta hain ke woh raat…

Shobha: Woh raat sirf ek kahani thi. Noina ji ki likhi hui kahani.

Shobha: Aur Noina ji isi baat ka fayda uthati rahi. Papa ka guilt, Mumma ka dard… dono ko use kiya gaya.

Angad: 6 saal… sirf ek jhoot ki wajah se.

Pari: Shobha di, agar Papa ko sach pata chala toh?

Shobha: Toh unhe samajh aayega ke unhone kabhi Mumma ko chhoda hi nahi. Unhe khud se door kar diya gaya.

Ritik: Lekin Noina aunty chup kaise baithengi?

Shobha: Noina ji ko lagta hai ke woh jeet chuki hain. Parunhe nahi pata, asli khel ab shuru hua hai.

Pari: Shobha di… Mumma ko kaise samjhayenge? Unka vishwas toot chuka hai.

Shobha: Vishwas jhoot se toota tha. Sach se wapas aayega.

Vrinda: Papa kay dil mein abhi bhi sirf Maa hai. Maine yeh mehsoos kiya hai un say baat kartey waqt.

Ritik: Aur Maa?

Pari: Maa ab bhi Papa ka naam lete waqt ruk jaati hain.

Shobha: Kyunki pyaar khatam nahi hua. Sirf galat fahmi badhgayi.

Angad: Kal raat sab saamne rakh dete hain.

Shobha: Nahi. Kal raat sirf ek sawal hoga.

Ritik: Kaunsa?

Shobha: Papa se — agar unhone Mumma ko kabhi dhoka nahi diya…toh kya woh unhe wapas jeetne ke liye ladenge?

Pari: Aur Noina aunty?

Shobha: Noina ji ko samajhna hoga… kisi aur ke rishte par imaarat kabhi mazboot nahi hoti.

Angad: Shobha di… aap sach mein Maa jaisi lag rahi hain.

Shobha: Nahi, Angad. Main sirf unki beti hoon. Aur beti apne mumma-papa ka ghar tootne nahi degi.

Scene 2
Shantiniketan – Mihir’s Study – Late Night

Mihir: Tum sab ne mujhe itni raat ko kyun bulaya?

Shobha: Papa… aaj ek sach ke baare mein baat karni hai.

Mihir: Sach? Kaunsa sach?

Ritik: Woh raat… jiske baad Maa chali gayi.

Mihir: Us raat ka zikr mat karo. Main sab jaanta hoon.

Pari: Kya jaante hain, Papa?

Mihir: Main nashe mein tha… aur maine hadd paar kar di.

Shobha: Aapne sirf yahi socha… ya kisi ne aapko yeh sochne par majboor kiya?

Mihir: Maine Noina ko subah apne paas dekha tha. Aur kya saboot chahiye?

Shobha: Saboot ya dhokha?

Mihir: Shobha!

Shobha: Papa… kya aapko us raat ka kuch yaad hai?

Mihir: Bas itna yaad hai ke main toot gaya tha… aur phir sab khatam ho gaya.

Ritik: Ya phir kisi ne aapko yeh mehsoos karaya ke sab khatam ho gaya.

Mihir: Tum log kehna kya chahte ho?

Pari: Papa… Noina aunty ne humein bhi wahi kahani sunayi thi.

Mihir: Kyunki woh sach hai.

Shobha: Nahi, Papa. Woh kahani hai. Noina ji ki banayi hui kahani.

Mihir: Main jhoot ko sach kaise maan loon jab main khud guilty hoon?

Shobha: Guilt hona aur galti karna ek baat nahi hoti.

Mihir: Tulsi ne mujhe chhod diya… kyunki maine usay dhoka diya.

Shobha: Mumma chali gayi kyunki unhe laga aapne dhoka diya.Farq hai.

Mihir: Main poori raat Noyna kay saath tha.

Ritik: Lekin kya aapko yaad hai ke kya hua tha?

Long silence.

Mihir: Nahi… kuch bhi clear nahi hai.

Shobha: Bas wahi toh. Aap 6 saal se ek ehsaas ke saath jee rahe hain… sach ke saath nahi.

Pari: Papa… agar woh sab hua hi nahi toh?

Mihir: Yeh mumkin nahi hai.

Shobha: Mumkin hai. Aur isi liye hum yahan hain.

Mihir: Tum log samajhte nahi… main Tulsi ki aankhon mein khud ko doshi dekhta hoon.

Shobha: Shayad aap dono ne ek hi jhoot par bharosa kar liya.

Mihir: Agar yeh sab jhoot nikla toh…?

Shobha: Toh aapne 6 saal bekaar guilt mein guzaar diye.

Mihir: Aur Tulsi?

Shobha: Mumma ne 6 saal toot kar jeeye.

Silence.

Mihir: Tum chahti kya ho mujhse?

Shobha: Sirf itna… agar aapne Mumma ko dhoka nahi diya… tohkya aap unhe wapas jeetne ki himmat rakhte hain?

Long pause.

Mihir (dheere se): Main har raat usay yaad karke sota hoon…par uske paas jaane ki himmat kabhi nahi hui.

Shobha: Toh kal woh himmat dikhaiye.

Mihir: Main ne line cross nahi ki… lekin shayad line banayi bhi nahi.

Silence.

Shobha: Papa… iska matlab?

Mihir: Main nashe mein tha… confuse tha… toot gaya tha.Noina wahan thi. Maine use roka nahi.

Ritik: Lekin aap keh rahe hain ke kuch hua nahi.

Mihir: Haan… par galti sirf sharirik nahi hoti, Ritik.

Pari: Papa…

Mihir: Maine Tulsi ke baare mein baatein ki… hamare rishteki baatein. Jo sirf husband-wife ke beech rehni chahiye thi.

Shobha: Aapne Noina ji se sab share kiya?

Mihir: Haan. Gusse mein… dard mein… aur shayad apni kamzori mein.

Angad: Aur Noina aunty ne usi ka fayda uthaya.

Mihir: Shayad. Par zimmedaari meri bhi thi.

Shobha: Papa, galti aur dhoka alag hote hain.

Mihir: Tulsi ne hamesha mujhe izzat di… aur maine uske rishte ki izzat kisi aur ke saamne tod di.

Shobha: Lekin aapne line cross nahi ki.

Mihir: Nahi. Par maine line protect bhi nahi ki. Aur kabhi kabhi wahi sabse bada dhoka lagta hai.

Silence.

Pari: Agar Mumma ko pata chale ke sach kya tha…?

Mihir: Woh phir bhi mujhe maaf nahi karengi.

Shobha: Mumma dhoke se tooti thi

Mihir: Main ussay aankhen mila nahi paata.

Shobha: ab aap jhoot se nahi, sach se baat karenge.

Mihir: Aur agar Tulsi ne mujhe thukra diya toh?

Shobha: Toh kam se kam is baar faisla sach par hoga…galatfahmi par nahi.

Long silence.

Mihir (dheere se): Main ussay maafi maang sakta hoon… par kya main uska bharosa wapas laa paunga?

Shobha: Bharosa maanga nahi jaata, Papa. Kamaya jaata hai.Aur shayad… ab waqt aa gaya hai.

Scene 3
Next Morning – Chawl – Living Room

Tulsi: Subah-subah sab yahan? Office mein kuch masla hai?

Shobha: Mumma… aaj office ki baat nahi hai.

Tulsi: Toh phir?

Mihir: Main baat karne aaya hoon.

Tulsi: Hum roz baat karte hain, Mihir. Business numbers,strategy, restructuring. Aur kya reh gaya?

Shobha: Woh raat reh gayi, Mumma.

Tulsi stiffens.

Tulsi: Us raat ka zikr karne ki zarurat nahi hai.

Mihir: Zarurat hai.

Tulsi: Maine tum par bharosa kiya tha. Tumne mere bharosey ko kuchal kar rakh diya.

Mihir: Maine maana tha ke main wahan tha.

Tulsi: Aur kya matlab hota hai uska?

Shobha: Mumma… agar uska matlab woh na ho jo aap samajhti rahi hain toh?

Tulsi: Seedha bolo, Shobha.

Ritik: Papa ko us raat ka kuch yaad nahi.

Tulsi: Convenient hai.

Mihir: Mujhe sirf itna yaad hai ke main nashe mein tha. Aur subah main guilty tha.

Tulsi: Guilty kyun?

Mihir: Kyunki mujhe laga maine line cross kar di.

Shobha: Par Papa ne line cross nahi ki.

Tulsi freezes.

Tulsi: Kya?

Pari: Mumma… Noina aunty ne Papa ko believe karwa diya ke sabho chuka hai.

Tulsi: Yeh tum log kya keh rahe ho?

Shobha: Mumma, Papa ko kuch yaad nahi. Sirf Noina ji ki baat par unhone khud ko doshi maan liya.

Tulsi looks at Mihir.

Shobha plays the recording she did of Noyna.

Shobha: Mumma… woh ek jhoot tha.

Long silence.

Tulsi: Matlab… 6 saal…

Ritik: 6 saal guilt aur galatfahmi mein.

Tulsi whispers: Main kis baat par toot gayi thi phir…?

Tulsi looks at him.

Tulsi: Tumne mujhe sach kyun nahi bataya?

Mihir: Mujhe khud sach pata nahi tha. Main khud ko doshi maanta raha.

Tulsi: Toh tumhe yaqeen tha ke tumne dhoka diya?

Mihir: Haan. Par yaad nahi tha.

Tulsi breath trembles.

Tulsi: Toh main ek ehsaas par ghar chhod kar chali gayi…

Shobha softly: Haan, Mumma.

Tulsi sits down slowly.

Tulsi: Ek jhoot…

Mihir: Main ne tumhe dhoka nahi diya, Tulsi.

Tulsi looks up at him, shaken.

Tulsi: Aur agar yeh sach hai… toh humne 6 saal kis baat ki saza kaati?

Silence.

Shobha: Mumma… Papa… hum kuch kehna chahte hain.

Tulsi: Kaho.

Ritik: Ab tak aap dono ne sirf maa-baap ka farz nibhaya hai.

Pari: Har faisla humare liye liya. Har sacrifice humare liye kiya.

Angad: Hum girte rahe… aap sambhalte rahe.

Shobha: Lekin iss dauran aap dono pati-patni nahi ban paaye.

Tulsi: Shobha…

Shobha: Mumma, aapne hamesha humari problems ko priority di.Shayad aapko apne rishte ko bhi utni hi importance deni chahiye thi.

Ritik: Papa, aapnay bhi joh respect Maa derserve karti thi, woh nahi di.

Pari: Hum bachche selfish the.

Angad: Par rishte khud se theek nahi hote. Unhe waqt aur pyaar jataana chahiye hota hai.

Shobha: Yeh hum bachchon ka farz tha… aap dono ke beech ka jhoot todna.

Ritik: Ab aapka farz hai… apni galatfahmiyan khud door karna.

Pari: Hum aaj ke baad beech mein nahi aayenge.

Angad: Aap dono ab sirf humare parents nahi… ek dusre ke partner bhi ho.

Shobha: Aaj tak aapne humare liye ladai ladi. Ab apne liye ladiye.

Mihir: Tum log humein akela chod saktey ho? Mujhe sirf Tulsi say baat karni hai

Ritik: Haan.

Pari: Pehli baar.

Shobha: Hum bahar wait karenge. Lekin iss baar baat adhoori mat chhodiyega.

Angad: 6 saal ki khamoshi ka hisaab aaj poora hona chahiye.

Shobha: Mumma… Papa… ab aap dono.

Silence.

Door band hota hai.

Tulsi: 6 saal… Mihir.

Mihir: Haan.

Tulsi: Ek jhoot ne humein alag kiya… par sach yeh hai ke hum pehle hi door ho chuke the.

Mihir: Kya matlab?

Tulsi: Tum Noina ke saath bahut comfortable ho gaye the. Har baat share karte the.

Tulsi: Yaad hai… shaadi se pehle hum dost the.

Mihir: Haan. Tum meri sabse achchi dost thi.

Tulsi: Main sirf problems solve karti rahi. Bachchon ke issues. Ghar ke masle.

Mihir: Tum ghar sambhaal rahi thi.

Tulsi: Aur tum?

Mihir: Main bhaag raha tha.

Tulsi: Haan. Tum apni pareshaani kisi aur ke saath share karne lage. Mujhse nahi.

Mihir: Tum hamesha strong bani rehti thi. Mujhe laga tumhe meri zarurat nahi.

Tulsi: Strong hona zarurat khatam nahi karta, Mihir.

Mihir: Shayad mujhe bhi tumse baat karni chahiye thi.

Tulsi: Shayad mujhe bhi sirf maa nahi… tumhari patni ban kar rehna chahiye tha.

Mihir: Tumne kabhi mujhe roka nahi.

Tulsi: Aur tumne kabhi mujhe pakda nahi.

Long silence.

Mihir: Main Noina ke saath friendly tha. Haan. Par uss dosti ne line blur kar di.

Tulsi: Aur main itni busy thi sab theek karne mein… ke maine hum dono ko….

Mihir: Hum dono galat the. Lekin zyaada galat mein tha.

Tulsi: Galti jhoot nahi thi. Galti humari doori thi.

Mihir: Agar woh raat na hoti… toh bhi shayad koi aur wajah mil jaati.

Tulsi: Haan. Kyunki hum baat karna band kar chuke the.

Mihir: Tum nahi.Mein baat karna band kar chuka tha..Kya ab bhi der ho chuki hai?

Tulsi: Der tab hoti hai jab insaan koshish karna chhod de.

Mihir: Main koshish karna chahta hoon, tumhara bharosa paaney ki..tumhaare saath ki.

Tulsi: Lekin tum toh ab Noyna kay saath hoh..

Mihir: Who toh mein tumhe mujhsay door karna chahta tha,taaki tum khush raho.

Tulsi stares at him angrily: Tumhe lagta hai ki mein tumhaaarey bina khush huh.

Mihir: Haan dekho kitni successful hoh chuki hoh tum mere bina

Tulsi started hitting him on his chest and shoulders.

Mihir: Arre, Kya kar rahi hoh? Har baar tum hi faisla karloge, tum mere dil mein dekh saktey hoh ki mein kitni khush huh

Mihir: nahi hoh ? mere bina?

Tulsi turned away from him, tears falls from her eyes.

Mihir: Accha Suno?

Tulsi:Hmmm

Mihir: I am sorry.

Tulsi: Hmmm.

Mihir: Accha Suno?

Tulsi: Hmmm

Mihir: I Love you and only you.

Tulsi turned to him and cries hugging him said: pehle nahi bata saktey thay.

Mihir cried laughingly and said: Mein sirf tumse pyaar karta huh.

They stayed like this for some time, and their hearts talk.

Long silence. Softer now.

Tulsi slowly steps back from him.

Tulsi: Main Shantiniketan wapas nahi aa rahi, Mihir.

Mihir looks at her, steady.

Mihir: Main tumhe lene nahi aaya.

Tulsi: Mujhe waqt chahiye.

Mihir: Theek hai.

Tulsi: Itne saalon mein maine khud ko dobara banaya hai.Bandhej sirf business nahi… meri pehchaan hai.

Mihir: Aur main us pehchaan ka hissa banna chahta hoon, bojh nahi.

Tulsi: Mujhe samajhna hoga ke main phir se tum par trust karsakti hoon ya nahi.

Mihir: Main wait karunga.

Mihir: Shaadi se pehle hum dost the.

Tulsi: Haan.

Mihir: Wahi se shuruat karein?

Tulsi looks at him carefully.

Mihir: Toh hi, Tulsi. Main Mihir.

Tulsi almost smiles.

Tulsi: Hi Mihir

Mihir: Coffee?

Tulsi: Chawl wali chai better hoti hai.

Mihir: Toh chai se shuruat karte hain.

Mihir: Main ruk kar tumhara intezaar karunga.

Tulsi looks at him, softer now.

Tulsi: Main wapas nahi aa rahi… abhi nahi.

Mihir: Theek hai. Main yahan aa jaunga.

Tulsi: Roz?

Mihir: Tum say milna bhi toh hai.

Tulsi: Hum roz office mein mil hi rahe hai Mihir.

Mihir: Mujhe subha ki coffee say pehley aur rat ka sonay saypehley bhi tumhe dekhna hai.

Long Pause.

Precap:

Scene – Shantiniketan – Main Hall

Noina: Toh yeh sab tum logon ka plan tha?

Shobha: Plan nahi, sach tha.

Noina: Tum bachche ho. Tumhe rishte samajh nahi aate.

Ritik: Humein jhoot samajh aa gaya, Noina aunty.

Noina: Mind your tone.

Pari: Tone tab control hoti hai jab niyat saaf ho.

Noina: Tum logon ne Mihir ko manipulate kiya hai.

Angad: 6 saal se manipulation aap kar rahi thi.

Noina: Main ne Mihir ko sambhala tha jab Tulsi ne ghar chhod diya.

Shobha: Maa ghar chhod kar nahi gayi thi… unhe dhoka diya gaya tha.

Noina: Tumhare paas koi proof hai?

Shobha: Recording hai.

Noina stiffens.

Noina: Tumne meri private baat record ki?

Ritik: Private? Jhoot private nahi hota.

Noina: Mihir ne khud maana tha ke woh mere saath tha.

Pari: Kyunki aapne unhe believe karwa diya tha.

Noina: Tum log apni Maa ko wapas laane ke liye mujhe villainbana rahe ho.

Angad: Aap villain nahi bani… aapne khud choose kiya.

Noina: Main Mihir se pyaar karti hoon.

Shobha: Pyaar kisi ke guilt par nahi tikta.

Noina: Mihir mujhe khud chhod kar nahi jayega.

Shobha: Dekhte hain.

Mihir enters.

Mihir: Noina. Bas.

Noina: Mihir, in sab ne tumhe mere khilaaf bhadka diya hai.

Mihir: Mujhe kisi ne bhadkaya nahi. Mujhe sach dikhaya gaya hai.