Posted:
Yaadein..
Kitni ajeeb hoti hain..
Kuch itni kadwi ki
Dil kabhi mud ke dekhna na chahe..
Soch ki kitaab se saare harf (word) mit jaayein..
Koi nishan bhi na rhe jo yaad aa paaye..
Aur..
Kuch aisi ki..
Dil hakeekat ko bhi jhooth maan le..
Bas ek jhalak mil jaaye..
To uss ke aage..
Jannat ko bhi thukda de..
Kisi ke door hone pr bhi..
Usse saath rakhti hain..
Kisi ne bhulaya bhi ho to..
Usse bhi yaad rakhti hain..
Jaane kitne shikwe aur..
Shikayeton ko dabaye hue..
Rakhti hain hoothon pe..
Muskurahat sajaye hue..
Saawan ki boondon si hoti hain yaadein..
Aanchal ki chhaya si hoti hain yaadein..
Mehboob ki nazar si hoti hain yaadein..
Dard pe dwa ke asar si hoti hain yaadein..
Nafrat ko bhi muhabbat krna shikkhati hain yaadein..
Mamta bhari lori sunati hain yaadein..
Thami zindgi ko pankh de jaati hain yaadein..
Sooni aankhon ko khaabon se bhar jaati hain yaadein..
Kuch jhalli si..
Kuch manchali si..
Namkeen si kabhi..
Kabhi mishri ki dali si..
Aisi hoti hain yaadein..
Jaisi bhi ho har kisi ki apni hoti hain yaadein..
Har bandish se pare hoti hain yaadein..!!
Hope u all will enjoy it.😊
Cryptocurrency
Book Talk
Anupamaa
Cricket
Health and Fitness
