Khatre Me CID
Scene 1
FREDI, PURVI, VIVEK , SACHIN sab CID beuro me hai tabhi ACP sir aate hai.
ACP - kuch pata chala?
FREDI- nahi sir kuch bhi pata nahi chala.
VIVEK- sir humne her jagah pata kiya per kuch pata nahi chala.
ACP- 2 hafte ho gaye hai 2 hafte or ab tak kaise kuch pata nahi chala.
PURVI - sir humari kosis jari hai hum ji jaan se kosis kar rahe hai.
ACP - sirf kosis se kaam nahi chalega mujhe result chahiye result.
SACHIN- sir aakhiri baar unhe Mumbai pune haighway pe dekha gaya tha. Uske baad...
ACP - uske baad... Uske baad kaha gaye wo log? Zameen nigal gayi ya aasmaan kha gaya.
FREDI- pata nahi sir. Humne to apni puri kosis kar li. Or kar rahe hai.
ACP - per fayda kya hua? Kaha hai result.? Ek surag ek bhi surag haath nahi laga or...
Tabhi beuro ka phone bajta hai. SACHIN phone uthata hai or baat karne ke baad.
ACP - kya hua?
SACHIN - sir wo borewali ke ek ghar me ek lash mili hai.
ACP - thik hai. PURVI, FREDI, SACHIN tum log jaao or dekho mamla kya hai. Or VIVEK tum mere saath chalo usi jagah pe jaha per unhe aakhiri baar dekha gaya tha. Lagta hai ab ye mamla mujhe khud suljhana padega.
Scene 2
FREDI, PURVI, SACHIN sab us jagah pahuchte hai jaha lash hoti hai.
SACHIN - goli maari hai ise. goli aar paar ho gayi hai lagta hai khooni ne bahut paas se goli chalayi hai. Dekho aas paas kuch milta hai kya?
Sab pura ghar dhoondhte hai.
PURVI - sir ye ID or ye file mili hai.
SACHIN - to iska naam Mahesh hai.
FREDI - sir ye kuch papers mile hai. Inse to yahi lagta hai ki ye is shehar me akela rehta tha or naukari ki talash me aaya tha.
SACHIN - or kuch?
FREDI - nahi sir.
SACHIN - thik hai laash ko forensic lab le chalne ki taiyari karo.
Scene 3
ACP and VIVEK apni car se aa rahe hote hai.
VIVEK- sir humne aas paas ka pura area chaan mara per kuch pata nahi chala.
ACP- wahi to samjh nahi aa raha VIVEK or us area ke aas paas 5 km tak humne puch tach kar li. Her petrol pump dhaba sab jagah pucha lekin kisi ko kuch pata hi nahi. gaye to gaye kaha wo?
VIVEK - sir kahi kuch gadbad to nahi...
ACP - gadbad to hai VIVEK or koi choti moti gadbad nahi hai. Bahut badi gadbad hai. Bhgwan hi jaane ab CID me kaun sa toofan aane wala hai.
Tabhi uski car se koi takrata hai. VIVEK break lagata hai. ACP sir gusse se utarte hai.
ACP - dekh kar nahi chal sakte kya? Kaha se bhagte huye aa rahe ho?
Road pe andhera hone ki wazah se ACP sir ko uski shakal nahi dikhai deti. Wo aadmi uth ke jana chahta hai per VIVEK use pakad leta hai.
VIVEK - kaha ja rahe ho suna nahi ACP sir ne kya pucha kaha se...
VIVEK uska face dekh ke hairan ho gaya. Wo aadmi VIVEK ko dhakka de ke aage bhaag jaata hai.
VIVEK- sir... ABHI sir...
ACP - kaha?
VIVEK- sir... wo ABHI sir the.
ACP - kya? Kaha gaya dhoondho use.
VIVEK or ACP sir ABHI jis or gaya tha us or jaate hai use dhoondhne per unhe ABHI nahi dikhta.
ACP - VIVEK jab tumhe pata tha ki wo ABHI tha to tumne use roka kyu nahi?
VIVEK - sir main unki aisi halat dekh kar shocked reh gaya tha isi beech mo mujhe dhakka de ke bhag gaye.
ACP - haa per ABHI yaha kya kar raha tha wo bhi aisi halat me? Dhoondho VIVEK dhoondho gaya kaha ABHI uska milna bahut zaroori hai.
VIVEK - ji sir.
Dono aas paas her jagah use dhoondhte hai per unhe ABHI kahi nahi milta.
VIVEK - sir her jagah dhoondh liya per ABHI sir kahi nahi mile.
ACP - itni jaldi gaya kaha wo?
Tabhi ACP sir ka phone ring hota hai "thik hai main aata hoo"
ACP - VIVEK beuro chalna hoga.
VIVEK - per sir ABHI sir.
ACP - VIVEK ABHI nahi hai yaha. Wo humare saamne nahi aana chahta isliye to yaha se bhag gaya. Hum dhoodh lege ABHI ki per pehle hume ye pata lagana hoga ki aisa kya hua ki ABHI ko humse chhupna pad raha hai.
Scene 4 forensic lab me.
SACHIN- sir kuch bola laash ne.
Dr. SALUNKHE - kuch khas nahi. simple sa case hai. Khooni ne ise bilkul nazdik se goli maari hai. Or wahi ke wahi iski maut ho gayi.
Purvi - sir kuch to aisa hoga jisase hum katil ka pata laga sake.
Dr. SALUNKHE - kuch nahi. Haa agar tum log goli le aate ho to main kuch or bata sakta hoo.
FREDI - sir humne bahut dhoodha per waha goli nahi thi.
Dr. SALUNKHE - tab to batana mushkil hai. Khair main kuch or pata karne ki kosis karta hoo.
TARIKA - ABHI ka kuch pata chala.
PURVI - nahi ... per hum unhe dhoodh rahe hai.
Dr. SALUNKHE - yaar ye achanak aisa kya hogya ki ABHI gayab hi ho gaya.
SACHIN - pata nahi sir. Per hum apni puri kosis kar rahe hai.
Scene 5 In beuro
SACHIN - sir ABHI sir aapko dekh ke bhag gaye!
ACP- haa SACHIN or humne kitna dhoondha per pata nahi kaha gayab ho gaya.
FREDI - sir per aisa kya hua jo ABHI sir aapse bhag rahe hai, kahi kisi musibat me to nahi.
ACP- pata nahi. Musibato ka to ABHI se purana rishta hai. Is baar pata nahi kaha fus gaya hai wo.
VIVEK- sir aapke liye ek parcel aaya hai.
ACP - kya hai isme?
VIVEK - CD hai sir.
ACP - thik hai play karo ise.
VIVEK CD play karta hai or sab hairan reh jate hai. CD me ABHI Mahesh pe goli chala raha hota hai. Uske baad DAYA waha aata hai un dono me behas hoti hai. ABHI, DAYA ke upper gun taan deta hai. DAYA use rokane ki kosis karta to ABHI use goli maar deta hai. DAYA ko goli lag jati hai or ABHI waha se chala jata hai.
SACHIN - ye to wahi hai sir jiski laash hume mili hai. ABHI sir ne mara hai ise.
FREDI- DAYA sir bhi yaha the. ABHI sir ne DAYA sir ko bhi...
VIVEK - or ABHI sir DAYA sir ko waise hi chhod ke chale gaye.
ACP - oh to ye wazah hai ki ABHI humse bhag raha hai. Khoon kiya hai usne is aadmi ka. Or to or DAYA ko bhi goli maar di usne.
PURVI - nahi sir ABHI sir aisa nahi kar sakte.
VIVEK - haa sir ABHI sir aisa kar hi nahi sakte. Koi unhe fasane ki kosis kar raha hai.
SACHIN- hum sab jaante hai ABHI sir DAYA sir se kitna pyaar karte hai. Wo apni jaan de denge per DAYA sir ke upper ek kharoch bhi nahi aane denge.
ACP - wo to mujhe bhi samjh me aa raha hai ki kuch bhi ho jaye ABHI DAYA per goli nahi chala sakta. Koi to hai jo ABHI ko fasana chahta hai warna koi ye CD mujhe kyu bhejta. Lekin sawal ye hai ki agar koi ABHI ko fasa raha hai to wo bhag kyu raha hai? Or humare paas kyu nahi aa raha her baar to aa jata hai anpi safai dene. Or DAYA, wo kaha hai? Kis haal me hai?
FREDI - sir ho sakta hai unhone socha ho ki hum unka yakeen nahi karenge.isliye wo khud ko begunah proof kar ke hi wapus aayenge.
ACP - thik hai FREDI per DAYA wo... Wo bhi to gayab hai. Or ye CD dekhne ke baad lag raha hai ki DAYA kisi na kisi musibat me hai.
PURVI - sir ABHI sir ko to aap logo ne to dekha hai per DAYA sir pata nahi wo kaha hai. Goli lagi hai unhe kahi kuch...
ACP - nahi PURVI wo DAYA hai. Ek mamuli si goli uska kuch nahi bigad sakti. Wo sahi salamat hoga. Achha SACHIN pata chala ki ye aadmi hai kuan.
SACHIN - sir ye Mahesh tha or iski puri zindagi Bhopal ke kisi anthaashram me gujri hai kuch din pehle hi is shehar me aaya tha naukari ki talash me.
ACP - ek aadmi jo kuch din pehle hi is shehar me aaya tha ABHI ne use goli maar di kyu? Aisi kya dushmani thi ABHI ki isase. Nahi SACHIN nahi maamla kuch or hai. Is Mahesh ki puri kundali nikalo akhir pata to chale iasa hua kya jo ABHI ne ise goli maar di.
Scene 6 in beuro
ACP - haa VIVEK kuch pata chala.
VIVEK - haa sir main Bhopal ke us anathaashram gaya tha jaha ye Mahesh rehta tha per sir waha to sab keh rahe the ki ye bahut sharif or sidha sadha insane tha. Or to or ye kabhi Bhopal se bahar kahi nahi gaya. Pehli baar job ki talash me yaha aaya tha.
ACP - to ise ABHI ne goli maari hi kyu? Wo CD...
PURVI - original hai sir koi chedchad nahi ki gayi usase.
ACP - matlab ABHI ne such me ise goli mari hai or DAYA ko bhi. Magar kyu? Aisa kya bhoot sawar ho gaya ABHI pe jo Mahesh ko mara to mara DAYA pe bhi goli chala di. Apne us dost pe jiske liye usne kai baar apni jaan khatare me dali thi.
VIVEK - sir ABHI sir or DAYA sir dono bahut badi musibat me fus gaye hai.
ACP - haa VIVEK haa. Per ye pura mamla hai kya ye to tabhi pata chalega jab ABHI ya DAYA dono me se koi ek milega. Samajh me nahi aata kaha kaha ja ke fus jata hai ye ABHI or fir DAYA wo hai kaha?
Scene 7 in forensic lab
ACP - haa bol SALUNKHE kyu bulaya hume.
SALUNKHE- laash aai hai.
ACP - ek or laash aai hai. Kiski hai?
SALUNKHE - pata nahi yaar iska chehra buri tarah se bigad diya hai. Haddiya buri tarah se tod di hai. Chehra reconstruct bhi nahi ho sakta.
FREDI - matlab khooni nahi chahta tha ki kisi ko bhi pata chale ki ye kiski laash hai.
SALUNKHE- haa FREDI. Yaar iska khoon dum ghutne se hua hai. Khooni ne iska muh bahut zor se dabaya tha jiski wazah se iska dum ghut gaya or ye maar gaya.
VIVEK - or koi surag jisase khooni ka pata chal sake.
SALUNKHE- yaar khooni ne to kafi chalaki ki thi ki koi saboot na mile per fir bhi SALUNKHE ne uski choti si galti pakad hi li.
ACP - yaar SALUNKHE pehle hi dimag ghooma hua hai tu or mat ghuma sidha sidha bol kya pata chala.
SALUNKHE- aisa kya hua yaar?
ACP - yaar tujhe to pata hai na wo CD wali baat.
SALUNKHE- dekho yaar mujhe yakeen nahi hota ki ABHI kabhi bhi DAYA pe goli chala sakta hai. Unki dosti to bilkul jay Veeru type hai.
ACP - SALUNKHE mazak mat kar. Pehle hi samjh me nahi aata ki ABHI ne is Mahesh ko maara kyu?
SALUNKHE- iska jawab shayad mere paas hai yaar.
ACP- kya.. to jaldi bata na time pass kyu kar raha hai.
SALUNKHE- batata hu yaar. Ye jo Mahesh hai na ye bhi koi seedha sada aadmi nahi tha khooni tha wo.
VIVEK- khooni! Or ye baat aap itne yakeen se kaise keh sakte hai?
SALUNKHE- haa khooni. Or main ye baat itne yakeen se isliye keh raha hoo ki is dusre aadmi ka khoon is Mahesh ne kiya hai.
SACHIN- kya?
SALUNKHE- haa is Mahesh ne is aadmi ki gardan ko apne left hand se pakda or fir apne right hand se uska muh zor se dabaya. Or tab tak dabaye rakha jab tak ki iski maut nahi ho gayi.
FREDI- oh tab to iske chehre pe Mahesh ke finger prints aa gaye honge.
SALUNKHE- nahi FREDI. Is Mahesh ne khoon karte time bahut sawdhani rakhi thi ki kisi bhi tarah uske finger prints iske chehre pe nazar nahi aaye. Isne iska muh dabate waqt haath me rumal pakda hua tha isliye uske finger prints iske chehre pe nahi aaye.
ACP- To fir tu kaise keh sakta hai ki iska khoon Mahesh ne hi kiya hai.
SALUNKHE- dekho yaar is Mahesh ne ek haath me rumal pakad kar iska muh dabaya or dusre haath se iski garden ko pakad rakha tha. Or yahi wo galti kar gaya. Uske left hand ke finger prints iski gardan ke piche ki taraf aa gaye.
FREDI- wah SALUNKHE saab. Maan gaye aapko. Is Mahesh ne kitni chalaki ki thi ki hume koi sabot nahi mile per aapne sabot dhoondh hi nikala.
SACHIN- lekin sir baat wahi aakar atak jati hai ki is Mahesh ne is dusre aadmi ka khoon kiya per ABHI sir ne ise kyu mara?
ACP - wo to tabhi pata chalega jab ABHI milega. Dhoondho use. Kuch bhi karo per mujhe 2 din me ABHI chaiye beuro me.
Scene 8 (In beuro)
ACP - kuch or pata chala is Mahesh ke bare me.
VIVEK - nahi sir ise jaanane wale her insaan ka yahi kehna hai ki ye koi galat kaam kar hi nahi sakta.
ACP - khoon kiya hai or koi galat kaam nahi kar sakta.
Tabhi beuro me ABHI aata hai. Sab use dekh ke hairan rehjate hai.
PURVI - ABHI sir aap thik to hai?
ABHI - haa PURVI mujhe kya hua?
ACP - mil gayi fursat tumhe bhagane se.
ABHI - aap kya bol rahe hai sir? Main kyu bhagunga?
SACHIN - sir aap the kaha?
ABHI- main apne ghar pe tha or kaha rahunga.
VIVEK- ghar per! per sir aap us din hume dekh ke bhag kyu gaye?
ABHI - main? VIVEK subah subah mazak kar rahe ho.
ACP- mazak to tum kar rahe ho. Ab sidhe sidhe batao ki kaha the tum or DAYA kaha hai?
ABHI - DAYA apne ghar pe hoga sir. Haa lekin main kab se uska phone try kar raha hoo uska phone lag nahi raha.
VIVEK - sir aap ye kya bole ja rahe hai. Aapko pata hoga na ki DAYA sir hai kaha.
ABHI - mujhe kaise pata hoga ki DAYA kaha hai. Main to khud subah se use phone lagane ki kosis kar raha hoo per lag nahi raha. Isliye main sidhe yaha aa gaya ki shayad wo yaha aaya ho. Waise bhi aaj hume us criminal Shamsher ko pune se Mumbai le ke aana hai.
PURVI - sir wo to 2 hafte pehle ki baat hai.
ABHI - 2 hafte pehle ki? Kaisi baat kar rahi ho PURVI hum to aaj jaane wale the na.
SACHIN- nahi sir aap log to 26 october ko jaane wale the or aaj to 13 november hai.
ABHI - aaj 13 november hai.
ABHI calander dekhta hai or hairan reh jata hai.
ABHI - aaj 13 nov kaise ho sakta hai. Kal hi to main apne ghar pe soya tha 25 october ko phir ye aaj 13 nov kaise ho sakta hai. Or agar aaj 13 Nov hai to mujhe kuch yaad kyu nahi hai?
ACP - kya chal raha hai ABHI? Kya soch rahe ho?
ABHI - sir mujhe kuch samjh me nahi aa raha hai. 26 oct se 12 nov tak main kaha tha kya kar raha tha.
VIVEK- sir aapko such me kuch yaad nahi ki kya hua hai?
ABHI- mujhe such me kuch yaad nahi hai.
FREDI- or sir DAYA sir?
ABHI - DAYA?
ACP - haa DAYA. Wo kaha hai? Tumhare saath hi tha wo.
ABHI - mere saath? DAYA mere sath tha sir? Lekin mujhe kuch yaad nahi hai. Pls koi mujhe ye batao ki hua kya hai?
ACP- tum or DAYA 26 october ko pune ke liye nikale the shamsher lo lane ke liye. Lekin raaste me hi tum dono gayab ho gaye. Aakhiri baar tum dono ko Mumbai pune highway pe dekha gaya tha uske baad tum dono ka koi surag nahi mila. mili to bus tum dono ki gadi wo bhi ek khai se. humne kitna dhoondha tum logo ko lekin tum me se kisi ka kuch pata nahi chala. Fir 2 din pehle tum hume mile raaste per lekin hume dekhte hi bhag gaye waha se. Or aaj achanak tum beuro me aate ho or kehte ho ki tum to apne ghar me so rahe the.
ABHI- sir main such keh raha hoo aaj subah jab meri aakh khuli to main apne ghar pe so raha tha. Or aapne ye jo kuch bhi bataya hai mujhe usme se kuch bhi yaad nahi hai.
VIVEK- sir pls kuch yaad karne ki kosis kijiye kyunki jab tak aapko kuch yaad nahi aayega hume pata nahi chalega ki DAYA sir kaha hai.
ACP- DAYA. Sir DAYA mere saath tha? Per mujhe kuch yaad nahi hai.
FREDI- sir ABHI sir ko kuch yaad nahi hai or wo CD usme jo hai wo...
ABHI - CD kaisi CD?
ACP- ABHI agar tumhe kuch yaad nahi hai to yaad karo kyunki tumhe pata nahi hai ki tum kis musibat me fus gaye ho. Sawal sirf DAYA ka nahi hai.
ACP sir ABHI ko Mahesh ki photo dikhate hai.
ACP- ise pehchante ho?
ABHI- nahi sir ye kaun hai?
ACP- ye wahi hai jiska tumne khoon kiya hai.
ABHI - maine? Sir main ise jaanta bhi nahi hoo. Aaj se pehle maine is aadmi ko dekha tak nahi hai main ise kyu maroonga?
SACHIN- sir hume ek CD mili hai jisme aap is aadmi ko goli maar rahe hai.
ABHI - kya? Aisa kaise ho sakta hai. Main jis aadmi ko jaanta tak nahi hoo main use kyu maarunga? Sir mera yakeen kijiye ye mere khilaf bahut badi sazis hai. Or agar mere saath ye sab hua hai to DAYA wo kaha hoga? Sir hume DAYA ko jalad jald dhoondhna hoga. Pata nahi kaha hoga kis haal me hoga?
DCP- dhoondh lena DAYA ko agar wo zinda hua wo?
(sab DCP ki taraf dekhte hai)
ABHI- ye aap kya bole ja rahe hai? DAYA ke bare me aisa kaise bol sakte hai aap?
DCP- main bol bhi nahi sakta or tum... tumne to DAYA ko shoot hi kar diya.
ABHI- kya? Sir ... sir ye kya bole ja rahe hai? Main DAYA ko goli maarunga. Dost hai wo mera jaan se pyaara dost main use goli kyu marunga.
DCP- kyunki usne tumhe Mahesh ka khoon karte dekh liya tha. Isliye tumne use goli maar di.
ABHI- ACP sir aap inhe samjha dijiye ki ye aisi baatein band kare kahi aisa na ho ki main..
DCP- to kya karoge? Mujhe bhi maar doge jaise DAYA ko maar diya.
FREDI- ABHI sir DAYA sir ke sath kuch galat nahi kar sakte.
VIVEK- haa sir un dono ki dosti ke bare me sab jante hai. ABHI sir ki jaan basti hai DAYA sir me.
SACHIN- ABHI sir ne kitni baar DAYA sir ke upper chalne wali goliya apne upper jheli hai sir wo DAYA sir ko koi nuksan nahi pahucha sakte.
DCP- wah yaha to dosti puran shuru ho gaya. Dekh rahe ho ACP.
ACP- maaf kijiyega sir lekin mujhe bhi yakeen hai ki ABHI DAYA ko koi nuksan pahucha sakta hai. Wo apni jaan de dega lekin DAYA ke upper koi kharoch nahi aane dega.
DCP- tum bhi ... or wo video? Uska kya use kaise jhothlaoge.
ABHI- kaun sa video sir? Main bhi to dekhu aisa kya hai us video me jo mujhpe itna bada lzam lagaya ja raha hai.
Video dekhne ke baad ABHI zor zor se rone lagta hai.
ABHI - sir... main aisa kaise kar sakta hoo sir main.. DAYA pe goli kaise chala sakta hoo? Main... or kyu? or ye aadmi main ise jaanta tak nahi main ise kyu maaroonga?
DCP- ab ye to tum hi bataoge ki tumne apne pyaare dost ko goli kyu maari?
ABHI- mujhe kuch yaad nahi sir. Main such keh raha hoo mujhe kuch bhi yaad nahi hai ye kab hua or maine DAYA pe goli ... DAYA pe goli kaise chala di. Main DAYA pe goli nahi chala sakta. Ye sab jhooth hai. Sab kisi ka plan hai. Main DAYA pe goli nahi chala sakta. (ABHI zor zor se rone lagta hai VIVEK use sambhalta hai)
PURVI- sir ABHI sir ko kuch yaad kyu nahi aa raha hai? Kahi unki yaaddasht to nahi chali gayi.
ACP- nahi FREDI. Her baar jab bhi uski yaddasht jati hai wapus aane ke baad use wo sab yaad hota hai jo usne is beech kiya hota hai. Lekin is baar to use kuch yaad hi nahi hai. Nahi ye sirf yaddasht jaane ki baat nahi hai ye kuch or hi hai koi or bada khel hai jisme ABHI DAYA puri ki puri CID team ko uljhane ka plan hai.
DCP- agar apne pyaare officer ke bare megup shup khatam ho gayi ho to case pe dhyan do. VIVEK agar apne ABHI sir ke aansu pochne ka kaam khatam ho gaya hai to jaao or jaakar DAYA ki lash dhoondho.
ABHI- laash... DAYA ko kuch bhi nahi hua hai. Mera dil kehta hai wo jaha bhi hai na sahi salamat hai. Hume DAYA ko dhoondhna hai usli lash ko nahi samjhe aap... pata nahi kis haal me hoga hai mera dost.
Scene 9 (an unknown place)
Ek gehre well jaisi jagah pe DAYA bahut buri halat me hai.
DAYA- koi hai? Koi hai? Paani chahiye mujhe pyaas lagi hai. Koi hai?
Ek room me 4,5 aadmi monitor pe ye nazar dekh rahe hote hai wo DAYA ki ye haalat dekh ke hus rahe hote hai.
1st man- dekh na kaisa tarap raha hai ye CID ka sher.
2nd- yakeen nahi hota ki ye wahi DAYA hai jiske naam se apradhi kaapte hai. Aaj kaise chuho ki tarah tarap raha hai humari kaid me.
Idhar DAYA pyaas se pareshan hokar wall pe upper chadhne ki kosis karta hai. Per wall itni chikni hoti hai ki wo baar baar pishal jata hai. Tabhi waha lage speakerphone se aawaz aati hai.
"kosis bekar hai DAYA. Tum lakh kosis kar lo lekin yaha se bahar nahi nikal sakte. Koi bhi deewar, zanzeer salakhe tumhe nahi rok sakti isliye humare Boss ne ye kaid khas taur se tumhare liye hi banwai hai. Tum lakh kosis kar lo lekin tum yaha se bahar nahi ja sakte. Or udhar tumhari CID ki team wo bhi dheere dheere khtam ho jayegi"
DAYA - kaun hai tumhara Boss? Saamne kyu nahi aata? Ek baar saamne to aa jaye phir use pata chalega ki CID se uljhne ka natiza kya hota hai.
Villane- natiza to ab tum CID walo ka bura hoga. Tumhara wo Ins ABHI uska to intzaam ho gaya hai. Bechara uska saath ab na kanoon dega na uski CID team.
DAYA- aye ABHI ko... ABHI ko kuch mat karna. Warna warna...
Villain - kaid me hai phir bhi CID ki akad nahi nikali. are hum kaha kuch karenge wo to tum wazah banoge uski barbadi ki.
DAYA - main! Aye agar himaat hai to mujhe yaha se bahar nikalo. ek baar main yaha se niakl jaau phir... Phir...
(DAYA behosh ho jata hai)
Villain- ye kitna bolta hai yaar. Ise kya pata ki waha uska ABHI badnaami ki maut marega or yaha ye gumnaami ki... Haa haa haa...
Scene 10 (In beuro)
SACHIN- sir... Bahut badi problem ho gayi hai.
ACP- ab kya ho gaya?
SACHIN- sir wo video wo kisi ne media ko bhej diya hai or her news channel pe bus yahi khabar dkhai ja rahi hai.
ACP- kya? He bhagwan lagat hai CID ke bure din chal rahe hai. Ek musibat jaati nahi ki dusri aa jati hai. Ek to DAYA gayab hai upper se ye media wale. Ab to ABHI ke piche naha dho ke pad jayenge. ABHI ki musibate bahut jayada badh gayi hai.
VIVEK- sir bahar media wale aaye huye hai aapse baat karna chahte hai.
ACP- keh do unse ki mujhe abhi unse koi baat nahi karni.
Media- to kya hum ye samjhe ki CID ka ACP apne ek officer ko bachane ki kosis kar raha hai jisne do do khoon kiye hai.
VIVEK- aap log andar kaise aa gaye? Aapko bahar rukne ko kaha tha na.
Media- hume ACP sir or ABHI se baat karni hai.
ACP- kya baat karni hai mujhse?
Media1- sir aapke officer Ins ABHI ne 2 murder kiye hai or unme se ek khud aapka officer tha.
ACP- dekhiye tehkikat chal rahi hai ABHI hum kuch nahi keh sakte.
Media2- tehkikta ab kaise tehkikat? Wo vido usme saaf dikh raha hai ki ABHI ne pehle us aadmi ko goli maari uske baad Ins DAYA ko bhi goli maar di iske baad kaun sa saboot chahiye use.
ACP- dekhiye abhi hum is mamle me or kuch nahi keh sakte. Pura such kya hai ye to tabhi pata chalega jab DAYA milega.
Media3- ab DAYA sir kaise milenge sir? Unka to aapke Ins ABHI ne khoon kar diya.
ABHI - nahi. maine nahi mara DAYA ko. Or ek baat aap log kaan khol kar sun lijiye kuch nahi hua hai DAYA ko. Wo sahi salamat hai. Or jab tak main use dhoondh nahi leta tab tak main chain se nahi baithunga.
Media4- lekin wo video wo to jhootha nahi hai aap us bare me kuch kehna chahege?
DCP-ye kya kahega. Ise to khud kuch yaad nahi hai.
(ACP sir or baki sab DCP ko gusse se dekhte hai)
Media1- kuch yaad nahi hai? Kahi ABHI sir ki yaddasht to nahi chali gayi?
Media2- ek baat puche sir?
ACP- haa puchiye?
Media2- police me jab kisi insaan ko join karna hota hai to uski mental or physical dono condition pe dhyan diya jata hai. Phir ek aisa aadmi jiski memory baar baar chali jati hai uska CID me hona kya sahi hai?
ACP- aap kehna kya chahti hai?
Media2- yahi ki kya aapko nahi lagta ki Isp ABHI CID ke liye misfit hai.
ACP- kya bol rahi hai aap? Isp ABHI ne kitni baar is desh or is desh ke logo ke liye aap logo ke liye apni jaan ki bazi laga di hai. Kitni baar maut ko chu ke wapus aaya hai or aap log keh rahe hai ki ABHI CID ke liye unfit hai. Kuch bhi bolne se pehle soch liya kijiye. Or rahi baat is case ki to hum chhaan bin kar rahe hai jaise hi kuch pata chalega aapko khabar mil jayegi. Ab aap ja sakte hai.
Media1- sir to kya Ins ABHI ke khilaf koi action nahi liya jayega?
DCP- liya jayega na. main isi waqt ABHI ko suspend karta hoo.
Sab ye sun ke haira reh jate hai.
pls comment how is this? bahut dino baad phir se story likhi hai. part 2 comming soon.
my previous story centre
Bigg Boss 19
Parineeti
Hindi TV Shows
605