Posted:
Har khushi hai logon ke daman mein
Par ek hansi ke liye waqt nahi
Din raat daudti duniya mein
Zindagi ke liye hi waqt nahi
Maa ki lori ka ehsaas toh hai
Par maa ko maa kehne ka waqt nahi
Saare rishton ko toh hum maar chuke
Ab unhe dafnane ka bhi waqt nahi
Saare naam mobile mein hain
Par dosti ke liye waqt nahi
Gairon ki kya baat karein
Jab apno ke liye hi waqt nahi
Aankhon mein hai neend badi
Par sone ka waqt nahi
Dil hai ghamon se bhara hua
Par rone ka bhi waqt nahi
Paison ki daud mein aise daude
Ki thakne ka bhi waqt nahi
Paraye ehsaason ki kya kadr karein
Jab apne sapno ke liye hi waqt nahi
Tu hi bata e zindagi
Is zindagi ka kya hoga
Ki har pal marne waalon ko
Jeene ke liye bhi waqt nahi
(c) Unknown
Anupamaa
Cricket
Current Affairs
