Krishna ki chetawani - poem

It has been my favorite poem since I was in 6th grade, thought would share with you.

(Krishna Ki Chetawani)

source😃 in hindi devnagri

http://ramprasadbismil.blogspot.in/2010/09/krishna-ki-chetawani.html

in english roman script

Varsho tak van me ghoom-ghoom
Baadhaa vighno ko choom-choom
Sah dhoop gham pani patthar
Pandav aaye kuchh aur nikhar

Saubhaagya na sab din hota hai
Dekhe aage kya hota hai

Maitri ki raah dikhaane ko
Sab ko sumaarg pe laane ko
Duryodhan ko samjhaane ko
Bheeshan vidhwans bachaane ko

Bhagwan hastinapur aaye
Pandav ka sandesha laaye

Do nyay agar to aadha do
Par isme bhi yadi baadha ho
To de do kewal paach gram
Rakho apni dharti tamaam

Hum vahi khushi se khaayenge
Parijan pe asi na uthayenge

Duryodhan woh bhi de na saka
Aashish samaaj ki le na saka
Ulte hari ko baandhne chala
Jo tha asaadhya saadhne chala

Jab naash manuj par chhaata hai
Pehle vivek mar jata hai

Hari ne bheeshan hoonkaar kiya
Apna swaroop vistar kiya
Dagmag-Dagmag diggaj dole
Bhagwan kupit hokar bole

Janjeer badhaa ab saadh mujhe
Haan haan duryodhan baandh mujhe

Yeh dekh gagan mujhme lay hai
Yeh dekh pawan mujhme lay hai
Mujhme wilin jhankaar sakal
Mujhme lay hai sansaar sakal

Amaratva phoolta hai mujh mein
Sanhaar jhoolta hai mujh mein

Udayachal mere dipt bhaal
Bhu-mandal vaksh-sthal vishaal
Bhuj paridhi bandh ke ghere hain
Mainaak meru pag mere hain

Dipte jo grah nakshatra nikar
Sab hain mere mukh ke andar

Drig ho to drishya akaand dekh
Mujhme saara brahmaand dekh
Char-achar jeev, jag kshar akshar
Nashwar manushya, surjati amar

Shat koti surya, shat koti chandra
Shat koti sarit shat sindhu mandra

Shat koti brahma vishnu mahesh
Shat koti jalpati jishnu dhanesh
Shat koti rudra, shat koti kaal
Shat koti dand dhar lokpaal

Janjeer badhaa kar saadh inhe
Haan haan duryodhan baandh inhe

Bhutal atal paatal dekh
Gat aur anagat kaal dekh
Yeh dekh jagat ka aadi srijan
Yeh dekh mahabhaarat ka rann

Mritako se pati hui bhu hai
Pahchaan kahan isme tu hai?

Ambar ka kuntal jaal dekh
Pad ke niche paatal dekh
Mutthi mein tino kaal dekh
Mera swaroop vikraal dekh

Sab janm mujhi se paate hain
Phir laut mujhi mein aate hain

Jihwa se kadhti jwaal saghan
Saanso se paata janm pawan
Pad jati meri drishti jidhar
Hansne lagti hai srishti udhar

Mein jabhi moondta hoon lochan
Chha jata charo ore maran

Baandhne mujhe to aaya hai
Janjeer badi kya laaya hai?
Yadi mujhe baandhna chahe mann
Pehle tu baandh anant gagan

Sune ko saadh na sakta hai
Wo mujhe baandh kab sakta hai?

Hit wachan nahi tune maana
Maitri ka moolya na pahchana
To le ab main bhi jata hoon
Antim sankalp sunaata hoon

Yaachna nahi ab rann hoga
Jivan jai ya ki maran hoga

Takrayenge nakshatra nikar
Barsegi bhu par wahni prakhar
Phan sheshnaag ka dolega
Vikraal kaal mukh kholega

Duryodhan rann aisa hoga
Phir kabhi na waisa hoga

Bhai par bhai tootenge
Vish-baan boond-se chutenge
Saubhag manuj ke phootenge
Vaayas shrigaal sukh lootenge

Aakhir tu bhushayi hoga
Hinsa ka par, dayi hoga

Thi sabha sann, sab log dare
Chup the ya the behosh pade
Kewal do nar na aghate the
Dhrishtrashtra-Vidur sukh paate the

Kar jod khare pramudit nirbhay
Dono pukaarte the jai-jai..

Originally posted by: shlvrv_Niva

sry double post

Nivu thanks for sharing baby...It is fabulous

Originally posted by: frappie

Nivu thanks for sharing baby...It is fabulous

Isn't it, I have had it by heart since I was 11. Even then it seemed very powerful and energetic to me. There is a lot of vibration in the poem. 👏

I love Ramdhari singh Dinkar for it.👏

Yadi mujhe bandhna chahe maan toh pehle tu baand Anant gagan...my favorite also ...Dagmag dagmag digaaj dole...

These are lines from Rashmirathi ,na..not only this part ..i love the poem as a whole...especially the Kk daan part and Krishna -Karna,Kunti-Karna smvad...

Thanks for sharing Niva!!

ma fav poem by ramdhari ji.thanks for sharing

These are my favourite lines from Rashmirathi