Kaake aur Kudi ki Amar Premkatha,part 1

PART 1

Naa jaane kaun sa keeda us din mujhe kaatne laga..k main ghar jaane k badle gaya beer bar..kismat thi meri kharab..

kahan se pata nahi aa gaye kuchh ghoonde..jalane club ko..aur main pee raha tha baith kar sharaab..

Aise me woh aai...aur aise aai..k mere dost ki pant ho gayi geeli..

aur naa jaane kyon us item ki shakal ho rahi thi gusse me laal peeli..

Maine socha maine kyaa kia?Sirf do peg k chakkar me gaya tha main bar..

Aur usne kaha mujhe ,"Khabardar.."

Maina chauka..par saamne thi ek peg rum...

usse dekh mujhme aaya dum...

Jaise peene gaya..usne chheen li..aur mere dimaag me fir se ghoos gaya khurafat wala keeda..

socha..yeh bhi utni hi bewdi hai..jaisa main hoon pahle darje ka bewda..

Bas ek jhalak dekhna chaahta tha ..k kaun hai yeh naari?

Aisi haseen shaam ka kachra karna..kya hai iski puraani bimaari?

Maine mauka dekh kar maara chauka..khinch li uske chehre ka naquaab..

Aur kaha ,haaai...rabba..maikhana tune kyon banaya khamokha.. jab iski haseen aankhon me bhar di tune puri duniya ki sharaab..

Mujhe laga k woh bhi maar rahi hai mujh par line..jis tarha taak rahi thi ..

Bananewale ne jab banaya isko..niyat toh ek bar uski bhi phir gayi thi..

Maine pakad k rakha tha uska haath..baaki duniya jaaye bhaad me..kyaa fark padta hai?

Jab aisi haseena ho saamne..kaun court me case ladta hai?

Aise me toota hum dono ka dhyaan..maine dekha nahi uske haath me thi mashaal...

Mere chehre ko bana dia usne bhooni hui chapati..aur main taak raha tha uske gulab jamoon jaise gaal..

Aur fir woh gayi...pata nahi kahan..bas meri aankhon me apni tasveer chhod kar gayi..

Jaane se pahle mera sara bhram tod kar gayi..

Buajee ne poochha.."Kaake..chehra aisa bhoona hua kyon hai?"

Main kyaa kehta k jisko main laana chaahta tha is ghar ka chulha chauka samhaalne k lia..wahi kar gayi mera aisa haal..

Kyaa haseen nazara tha..mere haath me thi sharaab ki peg..aur uske haath me thi jalti hui mashaal..

Thode dino baad usko dekha apni honewali Parjai k ghar me..pata nahi usne kyaa socha?

Main kyaa sochta?Uski bahen ki ulti seedhi angrezi sun kar maine apna baal nocha..

Par mujhe yakeen hai..k jo cutlet aur coffee mujhe mili..woh us mashaalwali ne hi banayi thi..

Maine socha..angrezi item paka sakti ho..aur angrezon ko bhagaane k lia angrezon k club me ghoos aai thi..!!

Par cutlet k saath mujhe uski jali kati baatein bhi hazam karni padi..kyon aisi baatein karti hai?

Thoda meetha bole..par nahi..itni kyon cheedhi hui humesha rehti hai?

Fir dekha raat k andhere me kahi baahar gayi woh..socha.. kyaa hai maamla?

Peechha kia maine..aur dekha khoda pahad nikla chooha..

Chaaha tha halwa ..mila mujhe rukha sukha poha..

Ladki badi khadoos hai..yeh baali umar..aur koi chakkar nahi..!!

Unhi ghoondo k saath woh bhi khadi thi wahi..

AWESUM WORK YAAR👏👏 MAZZZZZZZZZZAAAAAAAAAAAA AA GAYA

Areh yaar.. mujche bhi mazzza agaya....

wow Ananya purani yaadein taaza kardi

ananya its amazing ur comand on urdu is brilliant loved ur shayree....kamal kiya aap ne keep the good work...

kya baat hain yaaku too good dear aap to kafile main bhi kya koob likhti hai lage rahoo , too good,