Ki woh pariyon ka roop hoti hai...
Ya kadakti thand mein suhaani dhoop hoti hai...
Wo hoti hai udaasi ke har marz ki dawa ki tarah...
Ya os mein sheetal hawa ki tarah...
Woh chidiyon ki chehchahahat hai,
Ya ke nishchal khilkilahat hai...
Woh aangan mein faila ujaala hai..
Ya mere gusse pe laga taala hai...
Woh pahad ki choti pe suraj ki kiran hai...
Ya zindagi sahi jeene ka aacharan hai...
Hai woh kaafiya jo kisi gazal ko mukkamal kar de...
Kya likhun ??...
Woh akshar jo na ho toh varn maala adhoori hai...
Woh, jo sabse zaada zaroori hai...
Ye nahi kahoonga ki woh har waqt saath saath hoti hai,
Betiyaan toh sirf ek ehsaas hoti hain
kab aaoge, bass ek chota sa sawaal suno naa...
Apni majboori ko chupate huye deta hoon main jawaab
Taareekh batao, time batao... apni ungliyon pe karne lagti hai woh hisaab
Aur jab main nahi de pata sahi sahi jawaab...
Apne aansuon ko chupane ke liye
Chehre pe rakh leti hai kitaab
Woh mujhse australia mein chuttiyaan, mercedes to drive,
5 star mein dinner ya mehenge Ipods nahi mangti...
Na woh dher se paise piggy bank mein udhelna chahti hai
Woh bas kuch der mere saath khelna chahti hai...
ki beta bahut kaam hai.. nahi karunga toh kaise chalega...
Majboori bhare duniya daari ke jawaab dene lagta hoon...
Aur woh jhuta hi sahi,
Mujhe ehsaas dilati hai..
Ki jaise sab kuch samajh gayi ho..
Lekin aankhein band kar ke roti hai...
Jaise sapne mein khelte hue mere saath soti hai..
Zindagi na jaane kyun itni ulajh jaati hai...
Aur hum samajhte hain, betiyaan sab samajh jaati hain
Fan Fictions
