OS: Meri toh maa hi nahi hai.. PART 2 Pg:4

Sone se pehle Nidhi ne socha, ek aakhri baar dekh loon, sab theek hai, ke nahi. Aur wo hall mein aayi, toh Khushi ke kamrey ka darwaaza, hamesha ki tarah khula tha. Wo andar gayi khushi ko dekhne, toh bistar par kahin nahi dikhi. Tabhi Nidhi ki nazar, bistar ke doosri taraf padi, deewar ki ore, zameen par Khushi, kuch sehmi hui si, pairon ko seene tak moddey hue, gumsum si baithi thi...

Nidhi turant uske paas jaake ukdoo baith ke, dheere se poochti hai, " Kya hua Khushi, neend nahi aa rahi? " " Mujhe darr lag raha hai..." "Darr? Kaisa darr?" " Koi mujhe pakad ke le gaya toh?" " Par koi tumhe kyu pakad ke le jaayega Khushi? Tum toh yahan bilkul mehfooz ho" " Sachhi...? pakka na, koi mujhe pakad ke nahi le jaayega na?" " Haan baba!!! Koi nahi le jaayega... Chalo ab utho, aur sone chalo..."... Nidhi apni uss baithi hui stithi se uthke khadi ho gayi...Tabhi Khushi ne uska haath pakad liya aur boli, " Kya main thodi deir, teri goddi mein sir rakh sakti hoon, Nidhi? ". Khushi ke iss sawal ne Nidhi ko kuch deir ko khamosh kar diya, phir muskuraate hue, usney (nidhi) sir haan mein hila diya.. Aur baahein phailaatey hue kaha, " Aao... chalo bistar par chalte hain...". Khushi bhi, khushi-khushi bistar par chadh gayi, Nidhi apne pairon ko moddke baith gayi, aur Khushi ka sir uski goddi mein... Nidhi dheere-dheere apni ungliyon se uske baal sehlaati rahi... Aur Khushi apni aankhein band karke muskuraati rahi... Jab Nidhi ko laga ke Khushi so gayi hai, tabhi Khushi ki aawaaz aayi, " Nidhi, tujhse ek baat poochu?" "Hmmm... poocho...' ' Kya apni maa ki goddi mein sir rakhke bhi itna hi achha lagta hai??? Kya hai na, Meri toh maa hi nahi hai...". Nidhi stabdh thi, iss nanhi si ladki ki baat se... Issey pehle ke wo kuch sochti, Khushi uska haath hila-hila ke poochne lagi, " Bata na Nidhi, aisa hi lagta hai, maa ki goddi mein?" " Pata nahi Khushi, maa ki goddi mein kaisa lagta hai... Meri bhi maa nahi thi... Main toh apne Baba, Dadi Bua aur Shyama Aunty ki goddi mein hi soyi hoon... Meri toh yehi maa hain" "Toh, Ashutosh se pooch na, maa ki goddi mein kaisa lagta hai...' . Nidhi phir stabdh thi, iss baar bhi, wo koi jawab deti, ussey pehle darwaazey se aawaaz aayi, " Pata nahi khushi... Meri bhi maa nahi thi..." . Nidhi ki nazar turant darwaaze par gayi... Chaukhat par Ashutosh apne haath seene par baandhe khade thhey... Aankhon se unki anginat aansuon ki jhadi lagi thi... Kuch sisaktey hue bole... " Pata nahi beta... Hum teeno ki hi maa nahi hain...'

Aage bhi kuchh hai kya? WIll Ashu and Khushi both share Nidhi's godi?

very well written dear 😃

If the writers are creative like you

ditto ditto continue karo...