OS-Woh Choti Bachchi…
I Sincerely Thanks mudra and Tanu for idea of This OS…..
Raat ke teen Baje they…Neend Ujhad gayi thi….Bagal mein Dekha Nidhi nahi thi..Itni Raat ko kahaan gayi wo…
Kamre se bahar nikla…Dining room mein bhi nahi..Kitchen mein bhi nahi…..Sayad Bathroom mein hogi..Phir se Kamre mein gaya…Bathroom Mein bhi nahi thi..kahaan Gayi wo…..???
Soch kar hi Dil ki Dhadkan Tez ho gayi….Usse phone karta hoon…
…Phone utha ke Uska number mila raha hoon..Haath kaise kaanp rahein hai mere..Nidhiii Nidhii kahaan ho….Uska Phone Baj raha hai..Ye kyaa phone toh Bistar par Pada hai uska……
Mathe par pasine ki Boondein chal chala gayi…..Usse Ponch kar Room se Bahar nikla..Kya Apne Baba ke ghar chali gayi wo??
Bina bataye Itni Raat ko…Kyu…..Bas isliye Ki maine Apne dil ki Baat Rakh Di uske saamne….
4 Ghanta Pehle Dr rangnath ki Shaadi se laut kar Aaye they humlog..Kafi thake they Hum dono….
"Suniye Aap Fresh ho lijiye Phir so jaiye..Kal Dono ko jaldiHospital Jana hai"
Mere Dil mein to Toofaan uth rahe they….Jaise Phat ke koi sailaab aane wala hai…ab nahi ruk sakta..Nidhi ki khwaashiein Sab kuchh nahi ho sakti…Dadi Bua ki,Mere Baba ki bhi kuchh Ichchayein Abhilashayein hai….Agar wo Bachcha Chahte hain toh Isme itna harz kyaa hai…..Nidhi Maa Ban kar bhi toh Apne Career mein Dhyaan de sakti hai….Sabse jyada Mujhe Bachcha chahiye..Meri Umr ho rahi hai….Ab jab Shaadi ho gayi hain..Kiska Intzaar karun main….Aur Kyu…..
"Nidhi tumhe DB se aise baat nahi karni chahiye thi..Unhone Galat kya Bola??"
"Dr Ashutosh Abhi main Taiyaar Nahi hoon..Main ye nahi keh rahi ki Mujhe bachche nahi chahiye Bas main thoda waqt maang rahi hoon..Abhi abhi toh hamari shaadi hui hai..Maine Hospital Join kiya hai..DB ka har samay 'Bacha bacha' Ka rat lagana mujhe Pasand nahi hai.Wo Peeche pad gayi hai"
"nidhi toh isme galat kya hai…Unki umr ke logo ki Yahi ichchayein hoti hai"
"Dr ashutosh main samajhti hoon par Unko har kaam Turant kyu chahiye…Thode mahino mein kaun sa Pahaad tut jayega"
" Nidhi Tum zidd kar rahi ho..Sab tumhare Ishare se nahi hoga…ye sirf unki nahi Meri bhi khwaaish hai"
"yani aapko bhi bachcha Chahiye Abhi"
"Haan chahiye…"
"Dr ashutosh agar hamari shaadi 6 months baad hoti tab to aap rukte na…DekhiyeMaineabhiHospital join kiya hai..Apne batch mates se main ek saal peeche hoon…Kuchh mahine main career ko dena chahti hoon phir personal and professional life mein talmel Bitha lungi…aap samajhiye na plzz"
"Nidhi sab kuchh main samjhoon tum nahi..Meri umr ho rahi hai….Mera bhi man machalta hai..Bachche ke liye..Mera Bachcha jo Mera ho..Jab main aaoon ghar toh uski hansi muskaati surat dekhoon..ye ghar Raunak ho jaayein..Hamari family complete ho jaaye…Main Jawaan nahi hoon Dr Nidhi..Jab tumne mujhse shaadi ki thi I think tumhe pata tha…Par tum ko bas apni padi hai..Meri life mera career"
Nidhi Aansoo ponch ke Boli" dr Ashutosh agar mera pyaar, Aapke liye mera jhukaaw..meri saari Sewayein..meri saari tadap aapko yahi batati hain ki Maine sirf apne liye socha hai toh mujhe kuchh nahi kehna…"
Main bhi palat kar light off kar ke so gaya par neend aayi nahi aur ab Raat ke Teen baje..Nidhi Nahi hai….
Tabhi Dekha..Nidhi Andar Aayi..Sayad garden mein thi..Aankhein soojhi huyi thi…
"Aap ab tak Jaag rahein hai So jaiye kalHospital nahi jaana kya"
"Nidhi tum bhi so Jao….Tumhe bhi to jana hai"
"Dr Ashutosh Main Soch rahi hoon Hospital chodh doon…."
"Nishi Tum Paagal ho…Bilkul nahi..TumHospital jaogi aur achchi Doctor banogi…Aur Jab samay Aayega Ek Maa bhi….Maa tumhe banna hai Nidhi….Iske liye tumhara Man se Taiyaar hona jyada Jaruri hai…"
Nidhi Mere gale lag gayi.."Wo Din Jald Aayega dr Ashutosh"
Maine Nidhi ka Matha chum Liya…
Dusre din hospital mein Dopehar ka time….Hadkamp macha tha….
Bahar Nikal kar Dekha…Nidhi ek Choti si Bachchi ko Haath me le kar khadi thi….
"kyaa ho rahaa hai?"
Nidhi-"Dr ashutosh Jo jhadu lagata hai..usse ye Bachchi KGH ke bahar mili..koi chodh gaya hai…Main admin mein hoon aur Dr Ranga chutthi par hain toh mujhe Diya.."
"Iske Maa Baap ka koi pata nahi chal raha kya"
"Nahi Dr Ashutosh…Aaspass har jagah Khoj khabar karwaai koi bhi taiyaar nahi hai..Manne ki Koi bachchi khoyi hai..Dekhiye na kitne Ghaw lage hai isse…Kaisi Beraham Maa hongi jo apni bachchi iss tarah kude mein chod kar chali gayi…."
"Nidhi isse Baath karwao.."
"wo sab maine kar diya hai….Milk bhi pila diya hai….Isse care ki bahut zarurat hai…Main aaj isse ghar le kar jaaungi"
" ohh sure nidhi main bhi yahi soch raha tha..Tum chali jao..Iske liye kya kya chahiye main shopping karta huya aaunga"
Raat mein ghar pahuncha…..
Hiraman kaka,Baba Bachchi ko Gaud me le kar baithe they….Nidhi Botle mein Milk le kar aa rahi thi….
Main Bachchi ke kapde,Khilaune,Diapers,Pillows Choti si bed..Jhula le kar aaya tha…
Baba Dekh kar hans pade-Arre Ashu tu toh pura Baazaar le aaya…..
Nidhi bhi muskura rahi thi.."Aap bhi na sab ek hi din mein lane ki kya zarurat thi??"
Hiraman kaka-"Aisa lagta hai humeh Hamesha se jaanti hai..Dekho Kitna gulmil gayi hai.."
"haan Hiraman Kaka..wo toh dekh raha hoon aap sab isme itne khoye huye hai..aur Nidhi toh Ekdam Maa lag rahi hai"
"wo toh main hoon ye meri beti hai..choti si dekhiye kaise muskura rahi hai papa ko Dekh ke"
"Main Papa…Waah"
Baba-"Ashu pata hai jab tu mujhe mila tha..mujhe bhi aisa laga tha jaise tujhe Nidhi ko iss Bachchi ke milne par laga hai..Nandini ke jaane ke baad tu mera sab kuch tha..aur sach maan mujhe kabhi laga nahi..ki tu mera Khud ka janma beta nahi hai..kyuki rishte Dil se janam lete hai….Sabse jyada aur umda rishta toh tera mera hai..bol hai na"
"Haan Baba…Aaj mera Parivaar poora ho gaya….."
Nidhi –"khushi"…Meri gudiya…..
Hindi TV Shows
