Neha gifts anti-allergens to IQ!

Page

Next Last

TheBlackJaguar

@TheBlackJaguar

Trailblazer

+ 5

Posted: 19 years ago

Hi Sweeties,

I got this wicked idea after IQ's reaction to questions on Neha on SBS yesterday.Don't mind, it's plain humour. After alll, nittoo is indeed the original mean machine, right?

IQBAL:"Ye SBS waale to bilkul Neha jaise pyschopaths bante ja rahein hain....jab bhi interview hota hai meri aur us chuhiya ki chemistry mein PHd karenge aur mujhe meri girlfriend se pakad-pakadkar pitwaayenge."

NEHA:"Naalayak, nikhattoo, dusht praani! Abhi-abhi SBS ka tumhara interview dekhkar aa rahi hoon, tumme koi sharam-hayaa hai ya nahiin....tum har interview mein meri izzat ka kachra hi karte ho."

IQBAL:"Uff! phir se a gayi meri jaan khaane. Tum mere interviews par bhi nazar rakhti ho kya?"

NEHA:"Well, tumhaare ghise-pite interviews padhne ka mujhe koi shauk nahiin hai, but PR darling.....khabar rakhni padti hai ki co-stars tumhaare baare mein press mein kya bolte hain."

IQBAL:"To main kay karoon? Hum dono jaante hain ki hum dono ki dosti utini hi acchi hai jitni ki India-China ki. Woh kya hai na...jab tumhaare baare mein mujhe koi accha sa jhooth soojhta hi nahiin hai....to main uh, hmm, err bol deta hoon...am so smart na?"

NEHA:"Sigh! Ab sab log meri tarah talented to nahiin hote...mujhe dekho, tumhaare baare mein Media mein kitne pyar-dulaar se baat karti hoon...tum ek number ke Kashmiri Kaddoo ho, lekin main tumhaari taareef karte nahiin thakti.....diplomacy aur PR mein mujhse tuitions le lo....apne co-stars ki izzat karna bahot zaroori hota hai..phir chaahe woh mujhe jaise arrogant hi kyun na ho?"

IQBAL:"To ab kya karoon?"

NEHA:"Tum to gadhe hi rahoge, mujhe dekho. K- heroine hone ke baawajood kitna dimag hai mujhmein...pakdo."

IQBAL:"Gift? Mere liye? Waise to tum mujhe chaaye ke glass ke liye teen rupaye bhi nahiin deti...aur aaj gift? Tum Kripa ban gayi ho kya? I can't accept this. Sneha tumhe zinda gaad degi aur mujhe horse-blinders pehna degi."

NEHA:"Uff ho. Sneha kucch nahiin kahegi, she is civilized and cultured like me, tumhaari tarah nahiin, Zoological park se bhaage hue dinosaur! Aur packing par mat jaao....ye medicines hain."

IQBAL:"Medicines? Mujhe to bas tumhaari presence jhelne ki bimaari hai, uske liye hai kya?"

NEHA:"Zyada fudko mat. Ye anti-allergens ka super-saver pack hai..aur ye main tumhe isliye de rahi hoon taaki mujhse tumhe jo allergy hai woh interviews mein na dikhaayi de, samjhe? One tablet before every interview...aur tum mere baare mein bahot pyar se duniya bhar ke jhooth bol sakte ho Press/Media mein, okay?"

IQBAL:"Aw, Neha, jab tumhaare andar ye acchaayi ki aatma ghus jaati hai na to main bahot emotional ho jaata hoon...thanks ...vaise koi aisa tareeka nahiin hai ki tumhaare baare mein mujhe koi question answer hi na karna pade?"

NEHA:"Kyun? Poore 1500 rupaye 25 paise barbaad kiye maine tumhaare liye aur ab tum koi aur tareeka chahte ho?"

IQBAL:"Nahiin, woh kya hai na, agar anti-allergens ne kaam nahiin kiya to koi back-up plan bhi to hona chaahiye na?"

NEHA:"Back-up plan? Haan hai...Maine ek aadmi hire kar liya hai jo tumhaare saath har intervew mein jaayega."

IQBAL:"Usse kya hoga?"

NEHA:"Well, woh tumhaare peechhe ek placard lekar khada rahega jis par likha hoga."I AM ALLERGIC TO NEHA, DON'T YOU DARE ASK ME ANY QUESTIONS ON HER!"

IQBAL:"Wow, Neha! I am obliged....iske badle mein I promise, main ab tumse chaaye ke liye teen pupaye kabhi nahiin maangoonga, ulta tumhe 5 rupaye doonga, ice-lolly khaane ke liye."