Chapter 25
Rishi Indira Gautami Masi ke ghar pahuchte hain. Gautami uske bete Uday aur bahu Disha ke sath rehti hain. Indira unki badi haweli ke taraf dekhti rehti hain. Rishi gadi park karke uske peeche aakar khada rehta hain.
Rishi :Kya hua Mrs. Diwan aap aise kya dekh rahi hain?
Indira : Itna bada ghar!!! Maine kabhi itna bada ghar nahi dekha. Aisa lagta hain ki bahot purana hain lekin kitne achhese maintain kiya hain.
Rishi : Haa ghar toh bahot purana hain. Tumhe pata hain hum jab bhi kabhi yaha aate the na tab me, Payal, Sameer bhai aur Uday humesha yaha luka chupi khelte the. Aur humesha dan mere pe ya Payalpe hi aata tha. Bahot maje karte the hum.
Tabhi unko Gautami, Uday aur Disha aate huye dikhte hain. Gautami undono ki aarti utarti hain.
Gautami : Hayeee...Sach me Rishi karorome ek hain meri bahu. Bahot chun chun ke laye ho Rishi isse.
Uday : Kya maa aap bhi na...Are pure 24 ladkiyaan reject karne ke bad isne Indira Bhabhi ko chuna hain toh karorome ek hogi hi na.
Disha : Uff oh..Ho gaye na tum shuru Uday yahi pe. Are undono ko andar toh aane do. Aao Indira, Aao Rishi andar aao.
Rishi : Indira, yeh hain Gautami masi, yeh hain unka beta Uday aur yeh hain uski biwi Disha.
Indira aur Rishi Gautami ke per chute hain. Sab log andar jate hain.
Gautami : Ghar dhundhne me koi pareshani toh nahi hui na beta?
Rishi : Nahi masi koi problem nahi hui.
Uday : Toh ab kya plan hain Rishi?
Rishi : Kuch nahi ab yahase aaj rat ko seedha Delhi ke liye niklenge.
Disha : Are aaj hi kyun? Hum aise thorehi jane denge aapko. Aapko kuch din humare sath ruknahi padega.
Rishi : Bhabhi wo kya hain na ek jaruri meeting thi toh isiliye yaha aaye the aur fir wapas jake meeting ka kam bhi toh pura karna hain na. Aur Indira ki bhi job hain na.
Gautami : Hum kuch nahi sunenge. Tum dono ko yaha kam se kam aaj ke din toh ruknahi hoga. Are ye kya bat hui bhai bolo toh jara..Rishi tum itne sal bad yaha aaye ho aur wo bhi meri nayi bahu ko leke pehli bar yaha aaye ho aur aise turant janeki bad kar rahe ho?? Nahi..warna ek kam karo Rishi tum akelehi Delhi chale jana aaj. Me aaj Indira ko kahi jane nahi dungi samjhe na tum.
Rishi aur Indira dono ek dusre ke teraf dekhte hain.
Rishi : Maasi lekin..
Gautami : Lekin wakin kuch nahi..tum yaha ruk rahe ho matlab ruk rahe ho Bas..ab aur koi behes nahi chahiye mujhe. Disha beta jao inko inka kamra dikha do. Me khane ki taiyari karti hu.
Disha Indira ko leke guest room me jati hain. Disha aur Indira ki achhi dosti hoti hain. Sab log khana khate hain. Kuch time bad Rishi Uday ke sath ghumne ke liye nikalta hain.
Indira : Rishi Suno na..
Rishi : Kya hua?
Indira : Mujhe tumhara phone do na please. Wo kya hain na mujhe Radhika ko assignment ke bare me kuch bat karni hain. Mere phone pe network nahi hain. Isiliye tumhara phone chahiye.
Rishi : Ye lo..
Indira Radhika se bat kar leti hain aur sir ko uski chutti extend karne ke liye request karti hain. Dono call rakhti hain.
Indira : Thanks Rishi..
Rishi : Welcome..
Indira : By the way tum kaha jaa rahe ho?
Rishi : Are wo Uday ke sath aisehi ghumne jaa raha hu. Kyun tumhe kuch kam tha kya?
Indira : Are nahi aisehi pucha..lekin jaldi aana. Aur idhar hi aana wo kya hain na tumhe idhar udhar dhyan dene ki bahot buri aadat hain toh isiliye kahi bhi matargashti karne mat beth jana..samjhe na..
Rishi : Kya baat hain Indira..puri Mrs. Diwan ban gayi ho tum toh..Aur jaldi hi aaunga..Wo Indira ke kandhe pe apna hath rakhta hain. Ab wo kya hain na aana toh tumhare pas hi padega na. Tumhe chodkar ab kaha jaunga me batao toh jara.. Aur wink karta hain.
Indira : Achha..toh thik hain me bhi intezaar karungi. Ab jao Uday bhaiya rah dekh rahe honge.
Rishi : Haan jata hu aur haa intezaar jarur karna haan..Bye..
Indira : Bye..
Kuch time bad
Gautami ke neighbor Mrs. Gupta unke ghar aati hain. Wo log bahot salonse unke paros me rehte hain isiliye unka aana jana chaluhi rehta hain. Mrs. Gupta thori chaplusi hoti hain. Unka dhyan humesha dusronke ghar me kya hota hain ispe hota hain.
Mrs. Gupta : Are Gautamiji aapke ghar me koi mehmaan aaye hain kya? Wo aapke parking me ek nayi gari dikhi aur abhi Uday ke sath koi ek ladka ghar se bahar pada na isiliye pucha.
Gautami : Aree haan wo Delhi se mera bhatija aur uski biwi aayi hain.
Mrs. Gupta : Delhi ka bhatija matlab Sameer Diwan kya?
Gautami : Are Sameer Diwan nahi uaka vhota bhai Rishi aur uski biwi Indira. Tabhi waha Disha aur Indira aati hain. Yeh dekho yeh hain Indira Rishi ki patni aur Indira ye hain Mrs. Gupta humare parosi. Indira uske per chuti hain.
Mrs. Gupta : Gautamiji yeh Rishi Diwan matlab ye wahi ladka hain na jisse...
Gautami : Are..are..Mrs. Gupta aapne toh kuch bhi nahi liya. Disha beta jao inke liye chai nashta leke aao..
Mrs. Gupta : Are nahi nahi. Woh toh me bas aisehi chali aayi. Socha kuch mehmaan aaye hain aapke ghar toh milke aau. Ab aapke mehmaan matlab humare mehmaan hi huye na. Waise Indira beta mujhe na kisi ke gharome tak jhak karne me bilkul interest nahi hain lekin Gautamiji toh meri apnihi hain toh jab chahe me yaha chali aati hu. Waise ye Rishi kab aayega?
Gautami : Are aata hi hoga abhi. Disha beta tum bhi Indira ke sath bahar jake aaona. Indira ko thodasa humare aas pas ghumake aao na.
Disha : Ji mummy ji..Aur wo dono waha se chali jati hain.
Indira : Bhabhi hum log anadar room me hi beth kar bate karte hain na chalo.. Aur wo dono Indira ke kamre me jate hain.
Mrs. Gupta : Gautamiji yeh wahi Rishi hain na jisse..jisse..Mr. Shekhar Diwan ne goad liya tha uss waqt...???
Gautami : Haan Mrs. Gupta..Wo Mrs. Gupta aapse ek request karni hain ye bat aap please abhi kisise mat kahiyega please. Kyunki Rishi ko yeh bat malum nahi hain abhi tak.
Mrs. Gupta : Are lekin ye bat aise thodehi chupnewali hain. Ek na ek din toh sach samne aanehi wala hain na uske..
Gautami : Haan lekin ye bat usse kab batani hain woh toh Simmi aur Mr. Diwan hi teh karenge na. Bachhe yaha enjoy karne aaye hain toh unko enjoy karne dete hain na.
Tabhi unko awaj aati hain Kaunsi baat masi? Aur kisse batana hain? Mrs. Gupta aur Gautami jerk se darwaje ke taraf dekhti hain aur Rishi ko waha dekh kar shock hoti hain.
Cricket
Arjun
Jhanak
Tum Se Tum Tak
