Destined To Be Together...!!!(RN)Epi6/Page24 - Page 5

Originally posted by: Sweet-Lioness

arey waah...new RN fic...aisa laga jaise...kis ne mere kano me yeh bol diya ho ki LRL phir se shuru honewala hai...with apne Rajveer sir...😃 Kya baat hai Priya... but afsos yaar humari kismat itni achhi nahi hai ki LRL fir se shuru ho...wo bhi apne Rajveer sir ke sath... To isliye hum jaison ke saath hi kaam chalana padega...

ab uparwale se bas yehi dua hai ke...tu ise complite kare...!!! warna main tera phn no sab ko de dungi...phir ghanti bajjti rahegi...teri bhi aur tere phn ki bhi...!!! dekh le Sherni kitni khatarnaak ho sakti hai...HA HA HA...😆 Hai allah...!!! Aapko khuda ka wasta aisa na karna... warna mujhe aapka phone number sabko dene ki zarurat bhi nahi padegi. .. ye to aap bhi jaanti hain na mohatarma ki aapke liye ek khaas hi kaafi hai...😉

okay ab Intro pe chalte hain...!!! hmm...suspense pe suspense add ho rahe hain...maza aayega...😃 Tujhe jarur mazaa ayega par meri band bajegi tere dimag ki ghantiyon ko bajate rehne me...😆

waise wo lady...jarur usi din apna ghoda bech aayi hai sayad...tabhi Ghode bech karr so rahi thi...n uss ke kareeb se koi gujar gaya...aur use pata bhi nahi chala...!!! lo ghar me aise log honge tabhi toh chori hogi na...😆... Haan yaar...kya hai na uska ghoda har race me haarta tha aur uske maintenance cost itna jyada tha ki uss lady ne bechne ka faisla kar dia...badi mushkil se bika hai tabhi wo aaram se so rahi hai...😆

khair aage badhte hain...Raj aur Naina pahadi se kuddnewale the...aur ek choti si bachhi ne unhe bacha liya...!!! iss saal bravery award jarur isi ko milega...umar se bada kaam jo kiya hai uss ne...😆... Aur nahi to kya... do matured adults😉 ko kudne se rok liya... mai to kahungi gallantry award do...😆

okay...okay...danda niche rakh...mujhe nahi peetna hai tujh se...aage mazakh nahi karoongi...😛... Maine to danda uthaya bhi nahi...koi nahi ab utha leti hun warna rakhungi kaise...😉

par maza aaya padhne me...!!! aur main details comments next part me dungi...iss baar isi se kaam chala le...😃... Arey koi nahi... itna kiya kaafi hai madam ji...hum to iski bhi umeed chod chuke the...😉

PS*

rahi baat uss bachhi ke naam-karan ki...aur jiss ka naam Priya hai... toh...Prem chopra...kai filmo me villans tha...aur salman Khan as Prem...kai filmo me hero...!!! isiliye naam me kya rakha hai...naam Prem hone se na toh Prem chopra...salman Khan bann jayega... aur na hi Salman Khan...Prem chopra bann jayega...😆

isiliye mennu koi farq paddta hi nahi jee...!!! kyoun ki mujhe pata hai ke...yeh PRIYA...iss PLANET ki ek hi piece hai...aur mujhe yahn bhejne ke baad Brahma jee ne yeh production house bandh karr di hai...😆

ab bol...main sach bol rahi hoon ke nahi...dekha hai meri jaisi aur aur cut piece...haa...😛

aur vaise bhi uss bachhi ka aur koi real naam bhi toh hoga hi na...😉

PPS*... Iss baat pe mai comment nahi karungi... mai apna muh sil rahi hun.. tala laga dia aur chabi fenk diya... ab ye tala iss post ke baad hi khulega...!!!

chalo...chalo...iss baat par cont soon...😃 Hanji hanji...continue kar rahi hun...

Lijiye doston... mai wapas aa gayi... Destined to be Together ke second installment ke sath...





EPISODE 2:

Bachhi ke frock me rakhe uss parche me Raj ne jo kuch bhi padha wo uske hosh uda den eke liye kaafi the.. Aur uske chehre ki taraf taakti Naina ko bhi ye samajh me aa gaya tha ki parche me kuch aisa jarur hai jisse Raj pareshan ho gaya hai…

Naina: Kya hua Raj….kya likha hai uss parche pe?

Raj ne bina kuch kahe wo parcha Naina ki taraf badha diya. Raj dekh paa raha tha Naina ke safed pade chehre ko,… iss waqt Naina ko dekhkar koi bhi bata sakta tha ki wo buri tarah se dari hui thi…

"Aisa kaise ho sakta hai Raj? Aisa kyun? To kya isiliye isse yahan akela chod diya gaya tha?"

"Han Naina…ab lagta to yahi hai…. Magar wajah chahe job hi rahi ho par mere jeete ji isse kuch nahi ho sakta." Raj ki awaz me bhare hue vishwas se Naina ko thoda sa hausla mila. Magar Raj ke andar chal rahi ladhai ki ek jhalak bhi won a dekh payi… Dekhti bhi kaise… Raj ne bahut khubi se apne dard ko chhipaya tha.

Dono thodi der tak chup chap baithe rahe… fir Raj apni jagah se utha aur kaha…"Chalen?"

Naina: Haaan… par pehle mujhe mere hostel jana padega…

Raj: Wo kyun?

Naina: Ab mera sara saaman to hostel me hi hai…ab chunki suicide karne nikli thi to saaman ki jarurat nahi padegi…par jab jeene ka faisla kar hi liya hai to wahan se apna boriya bistar to bandhna hi padega na…warna aage chalke dikkat aapko hi hogi…jab mai sara saaman kharidne ki zimmedari aap pe daal dungi…"

Raj: Ahh… ummm…isse achha ye hoga ki hum tumhare hostel chale… thik hai na?"

Naina: Ji bilkul…chaliye.

Mumbai ki bhaari traffic ka saamna karte hue jab tak dono Naina ke hostel gaye aur wahan se saaman uthaya aur Raj ke ghar pahunche to din ke 11 to baj hi chuke the… Naina din bhar ki bhag daud se itna thak chuki thi ki wo kuch der letna chahti thi… par PRIYA ne jaise use chain na dene ki thaan rakhi thi… Hostel se Naina jab saaman pack karke bahar nikli to taxi ke paas chal rahe scene ko dekhke hairan reh gai. PRIYA ne Raj ke baal apni choti choti moothiyon me pakad rakha tha aur apni puri takat lagake khinch rahi thi… aur bechara Raj uske kabze se apne aap ko azaad karne ki nakaam koshishen kar raha tha…

Naina ye nazara dekhkar thodi der tak hakki bakki reh gai…fir jhat se usne apne hand bag se ek digital camera nikala aur unn dono ki pic click ki… fir haste hue wo unn dono ki taraf gai…

Naina: na na PRIYA…aisa nahi karte…ache bache aisi sharaten nahi karte… chodo..papa ke baal chodo…

Raj: Badi hasi aa rahi hai na tume…jab wo tumhare sath aisa karegi na tab mai b hasunga… ruko zara..

Tabhi unn dono ko ek surprise mila jab wo bachhi badi hi saaf aur mithi awaaz me bol uthi… "Mama sundar hai…. Unhe tang nahi karte…"

Raj aur Naina ne ek dusre ko thoda achraj se dekha… dono me kisi ne bhi ye nahi socha tha ki 3-4 saal ki ye bacchi itne saaf tarike se baat bhi kar sakti hogi… fir Naina ne PRIYA se pucha… "Achha…aur ye tumse kisne kaha…?"

PRIYA: Papa ne….

Fir achanak se bachhi ka chehra thoda sa udaas hua…shayad usse kisi ki yaad aa rahi thi… wo apne aas paas kisi ko dhund rahi thi…. Uski ankhon mke ek baichaini thi jise Raj aur Naina khub mehsus kar rahe the… Usko behlane ke liye Naina ne jhatpat uska dhayn raaste ki traffic par khincha… thoda time laga usse manane me par fir wo bhul gayi aur Naina ki godh me hi khelne lagi.

Bich me gadi rukwakar Naina ne ek stationary stores se ek packet cereal aur ek packet dhudh kharida…aur fir dono jakar pahunche unke ashiyane me…yaani ki Raj ke ghar pe…

Raj jis apartment me rehta tha wo Mumbai ki achhi si locality me situated thi… colony me ghuste hi Naina ne dekh liya tha ki unki jarurat ka saara saaman usi colony me mil sakta tha…dur kahin jane ki zarurat nahi thi… tabhi usne socha ki wo ghar pahunch kar thodi der aaram karegi aur Raj ko thoda bahut saaman lene ke liye bhej degi.

MAgar lift se upar chadkar jab 6^th floor me Naina Raj ke flat me daakhil hui to hakki bakki reh gayi… pura flat itni buri tarah bikhra hua tha ki pair rakhne ki kahin par jagah bhi na thi… Darewaze ke paas hi ek shoe rack rakha hua tha…. Magar jute pure kamre me bikhre hue the… sofe pe kapde pade hue the… khidki pe lage hue pardon ko dekhkar aisa lag raha tha mano barson se saaf na hue ho… tv samne rakha hua tha par remote iss pure kude karkat me kahan daba hua tha ye kisi ko nahi dikh raha tha….

Naina buri tarah se pareshan ho gayi iss nazare se… wo darwaze se aage badh hi nahi rahi thi jabhi uske piche Raj baar baar usse awaaz de raha tha…

Raj: Arey Naina….kya hua???

Naina: Kya hua????? Tumhe ye karma dekhke nahi laga ki kya hua??? Aisa lagta hai jaise abhi abhi yahan se koi tufaan ya bawandar guzra ho…?

Raj: Kahan… sab kuch thik to hai…?

Naina ne ek hath me bachhi ko ko sambhala aur ek hath apni kamar par rakha… fir ankhen tarerte hue usne raj ki taraf dekha aur kaha… "ye thik hai…? Agar ye tumhara thik hai to tumhare bedroom ki halat mai imagine bhhi nahi kar sakti… matlab tum iss tarah se iss kude karkat me rehne ke adi ho???

Raj: Kuda karkat…? Hello madam ji…dekho mai bachelor hun aur mai aise hi rehta hun…tumhe pasand nahi to tum saaf kar lo… mujhse ye sab faaltoo ke kaam nahi hote.

Aur usko paar karta hua Raj dandanata hua andar chala gaya aur jaake sofe pe pasar gaya.

Raj: "Mai bahut thak gaya hun…. Mai sone jar aha hun…"

Naina: Kya kaha tumne…tum sone ja rahe ho??? Mai akele saare kaam karun aur tum sone jao…. Impossible.

RAJ: To tumhe lag raha hai ki ghar ke inn bekar ke kaamon me mai tumhari help karunga….no ways…

NAINA: Ghar ke nahi…bahar ke kaamon me…

Naine ne wahi dining table pe pada hua ek plain paper uthaya aur agle 10 min tak kuch likhti rahi uss pe… Fir wo kitchen me gayi aur kisi tarah dudh halka sa garam kiya aur usme cereal mila ke PRIYA ko khilaya. Fir usne wo list aur PRIYA dono hi Raj ke haton me thama di.

NAINA: Ab jao aur jake ye sab saaman leke aao.

RAJ: Par abhi kyun…baad…..

Naian ne bina kuch sune, Raj ko dhakka dekar ghar se bahar nikala aur darwaza uske muh pe band kar diya.

RAJ: Wah beta…!!! Ghar tera… apartment tera aur aaj tu hi ghar se beghar ho gaya… isliye gyani mahapurursh keh gayen hain ki nariyon se dur rehna chahiye…. Chalo PRIYA…papa aur beti ko shopping ki duty padi hai…

Keyhole se ye saara nazara dekhti Naina ne haule se muskura dia…!!!

Raj ne apne hath me ek packet pakad rakha tha aur badi der se kabhi usse to kabhi apni godh me chadhi hui bachhi ko gaur se dekh raha tha... PRIYA thodi chidi hui aur thodi si amused lag rahi thi...usne hath laga kar Raj ke hath se wo packet gira dia...!!

RAJ: Beta aise nahi karte...

Tabhi ek sales woman jo adhe pone ghante se unki harkaten dekh rahi thi aage aayi. Usne muskurate hue Rajeev se pucha... "Sir... aap thode confused lag rahe hain...kya mai aapki help kar sakti hun?"

Raj shayad thoda jhenp sa gaya tha.. kyunki ye wahi family store tha jahan wo humesha apne ghar ka samaan lene aaya karta tha...apni ma ke sath. Usse samajh nahi aa raha tha ki yahan ke log achanak se usse ek bachhe ke sath dekhkar kya soch rahe honge. WO to kismet uski achhi thi jo ye sales girl nayi dikh rahi thi...warna ab tak uss par sawalon ki aisi barsaat ho chuki hoti ki usse bachne ke liy uske paas koi chara nahi hota.

Raj ne wo list uss sales woman ke hath me pakdai... Naina ne kaafi detailed list banai thi jo ki pure bachhon ke samaan se bani hui thi. Aur uske upar se order de rakhe the ki bachhi ke liye kuch dresses lete aaye ... aur wo bhi cotton ke. Raj ne list me kuch ghar ka samaan jodne ki sochi aur baby shopping ka bhar uss sales girl ko dekhkar khud dusre section ki taraf chal diya.

Tab tak PRIYA kaafi chidi hui lag rahi thi... wo baar baar idhar udhar dekh rahi thi. Tabhi usse chocolates ka section dekha aur uski nazar wahin atak gayi. JAise hi Raj wahan se guzra, PRIYA ne lapak kar apne hath me 2-3 choclates utha liye. Raj ne jab dekha to wo usse dekhkar muskurane lagi.

Raj ko uski muskaan bahut pyari lag rahi thi. Usne socha ki Naina ne uska naam kaafi sahi diya hai... Bachhi sach me bahut pyaari thi... Aas paas ke customers bhi Raj aur bachhi ki harkaton ko dekhkar muskura rahe the. Raj ne kuch nahi kaha... PRIYA ko usne ek counter pe bithaya aur wo chocolate ka wrapper nikal kar use khilane laga... Iske kharib 1 ghante baad jab Raj store se nikla to uske haath me packets the... ek bachhi ke zaruraton se bhara tha, dusra ghar ka ration tha aur teesra sirf aur sirf chocolates se bhara hua tha.

~~~~~~~~~~~~~~~~

Raj karib 3 ghante ki kadi mehnat ke baad ghar lauta tha. Uske ek hath me PRIYA ko utha rakha tha aur dusre hath me packets hi packets bhare hue the. Usse aisa lag raha tha ki agar wo ek kadam bhi aage badha to wo gir jayega. Subah se usne kuch nahi khaya tha aur ab 3 bajne ko the. Jab usne bahar PRIYA ko khana khilaya to socha ki khud bhi kuch kha le'fir Naina ka khayal karke ruk gaya' pata nahi bechari kya kar rahi hogi. Subah se kaafi depressed lag rahi thi aur upar se ek nayi jagah par ek nayi responsibility me adjust karna koi asaan kaam to hai nahi. Aur ye baat to wo bhi manta tha ki uske ghar ki jo haalat thi koi bhi usse bina saaf kiye reh to nahi sakta. Uske parents ki death ko do hafte hi hue the aur wo unn do hafton me itni buri tarah tut gaya tha ki uska kisi cheez pe dhyan nahi tha.

Usne bell bajayi aur deewar se satke darwaza khulne ka wait karne laga. Karib 5 min baad Naina ne darwaza khola. Usse dekhkar thodi der ke liye dekhti reh gayi fir fauran uske haath se sare packets le gayi.

THake hue kadmon se Raj ne jaise hi ghar me pehla kadam rakha uska muh khula ka khula reh gaya. Ghar puri tarah se badal gaya tha. Naina ne pura ghar saaf kar diya tha. Cushions and sofa cover ke sath sath parde bhi badal diye the.. Na jane kahan se dhund kar nikala tha usme.

Ghar me ek bhini si khushboo chai hui thi.. Raj ke kadma apne aap usse khinchte hue bedroom me le gaye. Uska pura bedroom saaf ho gaya tha. Bedsheet, pillow covers sab kuch badla hua tha. Sare maile kapde gayab the. Almirah thik thak tarike se band the. Bed side table pe uske parents ki choti si tasveer rakhi hui thi.

Wo paas ke puja room me gaya. Wahan jalte diye ko dekhkar usse Naina ka dhyan aaya. Wo palta Naina ko dhundne ke liye' wo usse uske kamre ke bahar khadi dikhai di. Thodi dari hui nazron se wo usse dekh rahi thi. Usne ek red colour ki full length skirt ke sath white and red colour ki t ' shirt pehni hui thi. Uske baal gile the jise usne khol rakha tha.

Thoda sa muskurate hua Raj ne usse andar aane ka ishara kiya.

NAINA: Wo maine aapse bina puche hi'.

RAJ: Ma aur baba ke guzarne ke baad aaj bahut dino baad aisa lag raha hai ki mai ghar pe aya hun. Warna roz to apni thakan mitane ghar naam ke iss hotel me aya karta tha.

Uski awaaz me dabe dard ko Naina bakhubi mehsus kar rahi thi. Wo iss dard se anjaan nahi thi' bas uske dard ki rup rekha alag thi.

NAINA: Ap naha lo'mai khana lagati hun.

RAJ: Tumne khana bhi ban alia?

NAINA: Haan'mujhe bhuk lagi thi'aur fir laga ki aapne bhi to kuch nahi khaya hoga na'

Raj thoda sa muskuraya. Fir PRIYA ko uski god me dete hue kaha: "Isse maine thoda sa kuch to khila dia tha' isse khila do'tab tak mai nahake aata hun."

~~~~~~~~~~~~~~~~~~~~~

Naina apne kamre me chup chap baithi thi. Raj ne usse apne parents ka room de rakha tha.Khana khane ke baad usne PRIYA ko apne bed pe sula diya, par khud so na saki. Uski ankhon ke aage uska ateet ek chalchitr ki tarah apne rang badal raha tha. Na jane kis pal usne uss insaan ka muh dekha tha' aisa usi ke saath hi kyun hua.

Sochte sochte sham ho gai. Kitchen me se kuch bartan khadakne ki awaaz aayi to wo uth kar baith gai. Kuch sochte hue wo room se bahar nikli aur kitchen ki taraf badhi.

NAINA: Aap kya kar rahe ho?

RAJ: Chai bana raha hun.

NAINA: Kya???

Raj muskurate hue palta. Uske hath me tea tray par do cup chai aur kuch biscuits rakhe hue the. "Tumne subah ka khana banaya tha to maine socha ki atleast chai to mai bana hi dun."

Naina bas chup chap khadi usse dekhti rahi aur wo chai ka tray leke drawing room ki taraf badh gaya. "Ghabrao nahi aa jao' chai mai achhi bana leta hun. Tumhe isse piker kuch nahi hoga'"

Naina thoda chup rahi aur fir dhire se aake uske paas ke sofe pe baith gayi. Thodi der tak dono khamoshi se baithe rahe' fir Raj ne palatkar uski taraf dekha. Wo chup chap baithi khidki ke bahar dekh rahi thi.

"Kya soch rahi ho?"

Naina ne bas na me sar hila diya'boli kuch bhi nahin' Raj shayad uski uljhan samajh raha tha' isliye wo chup raha'

Raj: Apni naukri ko lekar pareshan ho??? Itna socho mat'thoda aaram se kaam karo' thoda time lagega par jaldi hi naukri mil jayegi' tab tak mai hun yahan pe'don't worry."

Naina khidki ke bahar dhire dhire fail rahe andhere ko dekh rahi thi' usse apni zindagi bhi waisi hi lag rahi thi.

Raj: Apni zindagi ko raat ke uss andhere se equate mat karo' har andheri raat ke baad ek naya savera aata hai' tumhari zindagi bhi ek nayi karvat jaldi hi legi'

Naina: Aapko pata kaise chala ki mai kya soch rahi hun?

Raj ne halke se muskura diya' fir kaha' "Mai zindagi ke inn utar chadhawon se guzar chukka hun Naina'isliye samajh sakta hun ki tum par kya beet rahi hogi' zyada socho mat' relax'"

Naina: Ek baat puchun?"

"Haan pucho'"

"Aapne bataya tha ki aap ek call centre me kaam karte hain.."

"Haan' to??"

"Maaf kijiyega'par aapka room saaf karte waqt mujhe aapke room se aapke post graduation ke certificates aur marksheet mile the' Aapke paas to journalism me degree hai'fir aap call centre me kya kar rahe hain'?"

"Kismat khinch laya'aur kya keh sakta hun?"

"Aisa kyun keh rahen hain?"

"Lambi kahani hai' fir kabhi sunaunga' filhaal ek jaruri baat hai'wo to batao'"

"Kya???"

"Kab tak hum bachhi ko PRIYA bulate rahenge'.jabki hume uska asli naam pata hai'"

"Haan' aur fir usse school me bhi to daalna padega'"

"To kya Karen?"

"Mai soch rahi thi ki school me admit karwate waqt uska asli naam dete hain' aur rahi baat humari to jo aap ko achha lage wahi bula lijiye'"

"Hmmm'good idea'. Par mai to PIYA bulaunga usse' PRIYA ka thoda sa changed version'"

Naina hass di' Raj bhi hasne laga'fir kaha' "Achha ek baat batao'ye kab tak tum mujhe aap karti rahogi'.subah to pahadi ki choti pe tum bula rahi thi'.ab kya ho gaya???"

Naina thoda sa sharma gayi'par fir usne khud pe kabu rakha aur kaha'"Thik hai'sochti hun'jo achha laga waise hi bulaungi'"

Aur wo uthkar chali gayi'

~~~~~~~~~~~~~~~~~~~~~~

Raj ka apartment ke opposite me ek aur apartment tha' Uski parking lot me ek car aake khadi hui' uski driving seat se kala trouser aur kali shirt me saja hua ek aadmi nikla' sham ho chuki thi par usne dhup ka chashma abhi tak utara nahi tha' Sar par ek kale rang ki topi thi.

Wo tez kadmon se entrance ki taraf badha' gate pe khada security guard usse dekhte hi apni chair se khada ho gaya aur ek salute thoka' Uss aadmi ne apna sar halka sa hila dia... aur lift ki taraf badh gaya...

6^th floor me ek flat ka darwaza khula... par kisi ne light nahi jalayi. Bas wo aadmi tezi se bedroom me ghus gaya... ek halki si awaaz hui...usne shayad almari khol ke kuch nikala tha... fir bedroom ka window khula... saamne ki flat ka drawing room saaf dikh raha tha..jahan ek aadmi aur ek aurat baith ke baaten kar rahe the... unke saamne table pe cups rakhe hue the...shayad abhi abhi unhone chai pi thi...

Uss aadmi ne durbin apni ankhon se lagai aur uss drawing room ko dhayn se dekhne laga...!!!

~~~~~~~~~~~~~~~~~~~~~~~~~~~~~

Originally posted by: sainiayshi14

res