EPISODE:-12
Rajeev ne Arjun ki taraf dekh karr kaha:-"tum batain baht karrte ho Arjun...tumhara hath jyada kaam nahi karrta kya...???"
Arjun:-"karrta hai Rajeev...!!! aur maine socha bhi tha ek pal ke liye ki... iss ke sarr par ek jama hi dun...!!! phir mujhe darr laga...
Rajeev use hi dekh raha tha...
Rajeev:-"darr...
Arjun:-"jee haan DARR...!!! mujhe darr iss baat ka laga ki...agar mere maarne se ye marr-mara gaya...toh bichare ki aatma bhatkegi...!!! aur sab se jyada mujhe hi pareshan karegi...!!! sach kehta hun...main sher chitah... ya koi bhi gangster ho...main kisi se nahi darrta...sirf bhuton ko chod karr...!!! aur phir iss Ashwin ko dekhiye...!!! dimag itna hai ki...ubal kar bahar aa gaya hai (point to his long hair)...aur beh kar kandhe tak chala gaya hai...!!! jo zinda rehte...itna bhayanak dikhta hai...to marrne ke baad batayiye...kitna darwana dikhega...!!! aur sach kahu... main hath se nahi... dimag se kisi ko todna pasand karrta hun...!!! hath pair tute toh koi doc thik bhi karr le...par agar ek inshan ko dimag se tod do... toh wo kabhi nahi uth payega...
Rajeev:-"hmmm...dimag se use todna hai...tumhe...!!! thik hai...sahi bhi hai...!!! aisa todo ki wo kabhi na uth paaye...
Arjun:-"aisa hi hoga...!!! ahhh...
Rajeev:-"tumhe kuch aur kehna hai...
Arjun:-"jee...mujhe half day ki chutti chahiye thi...
Rajeev:-"sab thik toh hai...???"
Arjun:-"jee bilkul...kuch set karrne ki koshish karr raha hun...bass aur kuch nahi...
Rajeev ne kuch pal tak dekha use...phir kaha:-"okay...take care... setting itna matt karrna ki...tut-fut jayo...aur tumhe pata hai ki mujhe tumhari kitni jarurat hai...!!! aur haan...kal sahi time pe mujhe tum office me sahi-salamt dikhyi doge...samajh gaye...
Arjun thoda mushkuraya phir kaha:-"jee...ab main chalu...
Rajeev:-"hmmm...
Arjun ne Prisha ki taraf dekha...jo kuch files kafi gour se dekh rahi thi...
Arjun:-"Prisha...do min ke liye bahar aayogi...
Prisha:-"okay...
Prisha ne Rajeev ki taraf dekha...wo apne lappy me busy tha...
Prisha...Arjun ke sath Rajeev ke cabin se bahar aayi...
Arjun ne uss ka hath turant pakadte hue kaha:-"wish me luck...
Prisha:-"kyoun...
Arjun:-"pahle mujhe yahan kafi kaam karrna padta tha...!!! apni setting thik se karr hi nahi pata tha...!!! ab tum aa gayi ho na...toh kaam ki tension thodi kamm bhi ho gayi hai toh soch raha hun ke...apna ghar basane ke bare me finally sochu...
Prisha ko hassi aayi aur uss ne kaha:-"ohhh...toh half day tum apni Subhadra ke liye le kar ja rahe ho...
Arjun:-"aur nahi toh kya...
Prisha:-"okay...all the best...!!! jayo mere sher...aur apni Subhadra ko patta kar hi wapas aana...warna apna muh matt dikhana...
Arjun:-"aise kaise muh nahi dikhayunga...!!! teen-char baar attempt karnna padega...tab ja kar sayad wo maan jaye...!!!
Prisha:-"kafi bhav khati hai kya...
Arjun:-"nahi...bass kisi tension me rehti hai sayad...tabhi uss ke faishle ke bare me jyada pata nahi chalta...
Prisha:-"koi baat nahi...aaj nahi toh kal patt hi jayegi...bina patte kaha jayegi...!!! after all...mera dost itna handsome hai...itni meethi meethi batain karrta hai...!!! aur koi mil sakta hai kya uss ko aisa...
Arjun ne Prisha ko hug karr ke kaha:-"thanksss...yaar...mujhe toh khud hi pata nahi tha ki...mere me itni sari khubiyan hai...!!! chal bye...aur haan... apna aur Rajeev ka khayal rakhna...!!! thode akdu kism ke inshan hain...aur akad ke baat karo...tabhi unn ke dimag me koi baat ghushti hai...
Prisha:-"okay...u take care...aur haan...darrna bilkul nahi...jeet karr aana mere sher...
*********
Prisha aur Rajeev sath me lunch karr rahe the...
Prisha ne lunch karrte waqt...Rajeev ko dekha...jo chup chap apna lunch karr raha tha...bina uss ki taraf dekhe...
aaj her din se thoda alag behave karr raha tha Rajeev...!!! Prisha iss baat se hairan nahi thi...par haan...Rajeev ka jarurat se jyada khamosh rehna use achha nahi lagg raha tha...
wo char sawal puchti...toh Rajeev sirf chote se jawab me her baat end karr deta...
par kyoun...Prisha samajh nahi pa rahi thi...
unn ka lunch khatam hua toh...Rajeev ne uss se kaha:-"tumhe site pe kab jana hai...
Prisha:-"abhi...kuch hi der me chali jayungi...
Rajeev:-"thik hai...tum baki ka kaam khatam karr lo...phir sath me chalte hain...
Prisha:-"main...sambhal loongi...bass uss engineer ko kuch instructions dene hain...aur kuch nahi...
Rajeev:-"tum sayad bhul rahi ho...par maine tum se kaha tha...!!! iss kaam me main tumhare piche rahunga...!!! tumhe jo karrna hai karo...
Prisha ne kuch nahi kaha...
sham ke kareeb 5 bajj rahe the...
Rajeev apne car ke paas khada tha...Prisha uss engineer ke sath kuch hi duri par kuch baat karr rahi thi...
tabhi kuch hi duri par aa kar ek car ruki...!!! Rajeev ne dekha...car se niche utri...Mitali...aur sidha Rajeev ke paas aa kar kaha:-"main ye kya sunn rahi hun Rajeev...??? tumhari wajah se...Ashwin ka pura project dubb raha hai...!!! tumhe pata hai use kitne losses jhelne padenge...
Rajeev ne use kuch pal tak dekha...phir kaha:-"ye baat tumhe Ashwin ne batayi na...
Mitali:-"haan...
Rajeev:-"toh kya uss ne tumhe yeh nahi kaha ke...mera yeh buiding ka project...Arjun aur Pisha sambhal rahe hain...??? tumhe unn dono se baat karrni chahiye...!!! maine unn dono ko contract diya hai ki wo yeh kaam handel kare...!!! ek perticular time me khatam karr ke mujhe de...!!! wo kaise karrte hain...kya karrte hain...iss se mujhe koi farq nahi padta...!!! aur main ek businesman hun Mitali...main sirf aur sirf apne faide ke bare me sochta hun...!!! jiss me mera faida hai...main uss taraf hi rahunga...!!! come on...Mitali...itna toh tum bhi karrti ho na...!!! after all...Ashwin wo pura empire khud toh nahi sambhalta...tum bhi to uss ka sath deti ho...
Mitali:-"hum tumhare dost hain Rajeev...aur tum hamare hi sath...
Rajeev:-"ohhh Mitali...tum bhi na...!!! tumhe yaad hai...last year Ashwin ne kis tarah se meri ek puri bani-banayi building tudwa di thi...wo plot dispute tha yeh proof karr ke...!!! aur uss ke baad tum bhi toh aayi thi... mujhe aur Dev ko dilasa dene...!!! dont worry iss baar agar aisa kuch hua na...toh main Ashwin ke paas chala jayunga dilasa dene...!!! tum wo jane do...business ke daav-pench toh chalte hi rehte hain...!!!
Rajeev ne itna kehte hue...Prisha ki taraf dekha...jo abhi tak uss engineer ke samne khadi uss ki baat sunn toh rahi thi...jab ki uss ki nigahain baar baar...Rajeev aur Mitali ki taraf ja rahi thi...
Mitali:-"tum kafi trust karrte ho na iss par...
Rajeev ne apni nazar...Prisha se hata kar Mitali ko dekha aur kaha:-"hmmm...!!! tum Prisha ki baat karr rahi ho na...
Mitali:-"haan...
Rajeev:-"tum toh janti hi hogi ke main baht hi kamm logo par trust karrta hun...aur rahi baat Prisha ki toh...filhal toh wo achha kaam karr rahi hai...aur apne kaam ko le kar kafi dedicated bhi hai...!!! toh phir trust na karrne ka toh koi sawal hi nahi uthta...
Prisha wohi khadi engineer ke sath baat me busy rahi...!!! wo jann bujh karr nahi aayi...Rajeev aur Mitali ke paas...
sayad isi liye kyoun ki wo yeh bhi chahti thi ke Rajeev ko Mitali ke through pata chale ki wo koun hai...!!! aur sayad tabhi wo Rajeev ke ander apne liye sahi feelings ke bare me jann payegi...
Rajeev...batha hua tha...apne car ke bonnet par aur samne khadi thi Mitali...Rajeev ne ek aur ciggratee jalayi aur kaha...
Rajeev:-"tumhe sirf itna hi kehna tha...???"
Mitali:-"nahi...mujhe tum se kuch aur bhi kehna hai...
Rajeev:-"haan...kaho na...!! tum kal raat ko bhi keh rahi thi ki tumhe mujh se kuch urgent baat karrni hai...
Mitali:-"haan...karrni toh hai...!!! par yehi...??? kahin aur chalte hain...
Rajeev:-"sorry Mitali...main jarur tumhare sath chalta...par mujhe ek meeting attend karrni hai...!!! toh main aur Prisha...yahan se aadhe ghante me nikal jayenge...!!! vaise tumhe jo bhi kehna hai yehi keh sakti ho...!!! yahan hum dono akele hi toh hai...
Mitali...kuch der ruki...phir kaha:-"mujhe tum se ye puchna tha ke...!!! tumhara koi purana dost agar tumhare sath kuch galat karrta hai...n tum dono me dosti tut jati hai...barso baad agar wohi dost phir se tumhare samne aata hai...toh kya tum use maaf kar doge...
Rajeev:-"yeh depend karrta hai ki...uss ne galati kya ki thi...!!! agar choti moti galati hui toh thik hai...saalo baad...main bhul sakta hun...!!! par haan...uss ne agar mere ander ko chot pahunchane ki koshish ki hogi...!!! toh main zindagi bhar use maaf nahi karr sakta...
Mitali:-"kal club me...tumhari employe Prisha ne kaha ki...wo wohi hai...jo hamare sath school me hua karrti thi...!!! jiss ne tumhe use karrne ki koshish ki thi aur tumhare parents ke naam...
Rajeev:-"stop it...!!! baat ko explain karrne ki koi jarurat nahi hai...!!! main nahi bhula kuch bhi...aur akshar mujhe her ek baat yaad rehti hai... agar main unhe yaad rakhna chahu toh...
Mitali:-"toh tumhe meri baat ka yakeen nahi hai ki...wo Prisha hai...
Rajeev:-"mujhe proof chahiye...Mitali...!!! bina proof ke main kisi ki bhi baat par yakeen nahi karrta...!!! main Mumbai me iss se mila...jiss ka naam...Saira Sharma tha...!!! jise maine change karrwaya... Prisha naam rakha...!!! well Arjun ne yeh naam suggest kiya tha...!!! par tum yeh baat mujhe keh rahi ho...!!! toh main tumhara yakeen karu...ke jo maine apne ankhon se dekha hai unhe yakeen karu...
Mitali:-"main tumhe ye proof de sakti hun...
Rajeev:-"ek baat kahu Mitali...tum mere bare me baht sochti ho...!!! khair... proof kya hai...!!! tum uss se mere samne poochogi ke wo Prisha hai ya nahi...
Mitali:-"nahi...sayad wo apne kahe hue baato se mukar jaye...!!! par main itna janti hun Rajeev ki tum jinhe ek baar nafrat karrte ho...unhe phir kabhi maaf nahi karrte...!!! maine ek detective hire kiya hai...jo tumhe pura kachha chitha sunayega Prisha ki...
Rajeev:-"okay...dekhte hain...!!! wo aisa kya kahega...jo main nahi janta ya phir Prisha ne mujh se chupaya hai...
Kehte hue Rajeev ne Prisha ki taraf dekha...wo usi ki hi taraf aa rahi thi...!!! Use aate dekh Mitali ne kaha:-"ab main chalti hun...jaldi miloongi tum se...
Rajeev:-"main wait karunga...bye...
Mitali chali gayi...jate waqt ek sharp look de kar gayi...Prisha ko...!!! aur badle me Prisha ne ek badi si smile de di...!!! jo ki Mitali ko bilkul bhi achha nahi laga...
Prisha...Rajeev ke paas aayi aur kaha:-"abhi kahan chalna hai...???"
Rajeev:-"baitho...
Prisha samajh nahi payi...sirf Rajeev ko kuch pal dekha...aur baith gayi... uss ke paas hi...
Rajeev apne khayalo me gumm tha...!!! Prisha ko ek pal ke liye laga bhi ke...sayad wo uss ke paas hai...iss baat ka khayal bhi Rajeev ko nahi hai...
rajeev bass car chala raha...jaise use kahin jana nahi tha...bass drive kiye ja raha tha...kareeb isi tarah kafi time beet gaya toh...Prisha ne kaha:-"mujhe nahi pata...mujhe ye bolna ka haq hai ya nahi...phir bhi kuch kehna chahti hun...
Rajeev:-"hmmm...kaho...
Prisha:-"main thoda uneasy feel karr rahi hun...
Rajeev ne dekha Prisha ki taraf...phir car rokkte hue kaha:-"tumhari tabiyat thik nahi hai...???"
Prisha:-"main thik hun...par...main kisi khule jagah me...kuch pal baithna chahti hun...!!! pata nahi kyoun thodi ghutan ho rahi hai mujhe...
Rajeev ne aur kuch bina puche car chalane laga...
*********
School Days...
class teacher ko jo padhana tha...wo padha rahe the...
Rajeev aur Dev...dono hi unhe kuch yun ghoor rahe the jaise...unn ke teachers koi banned topic unhe padha rahe ho...
teacher:-"aise kya dekh rahe ho tum dono mujhe...!!! chapter par nazar daalo...
tabhi lunch hour ka bell baja...teacher chale gaye...!!! Rajeev aur Dev dono bahar aaye...
canteen baithe hue the...!!! Prisha aur Nupur dono aaye wahan par...
tab Rajeev ki nazar apne sandwitches par thi...uss ne dekha nahi tha... unhe...
jab dono aa kar unn ke paas baithe...Rajeev chaunk kar khada ho gaya...!!! Prisha ne use dekh kar kaha:-"kya hua...tum khade kyoun ho gaye...
Dev ke muh me uss waqt aadha sandwitch bhara hua tha...kisi bhi tarah se adjust karrta hua wo bola:-"hmmm...kuch nahi...aaj kal iss ke ander ek aatma ghusa hua hai...jo iss se ajeeb ajeeb se harkat karrwata rehta hai... tu uss ki taraf dhyan matt de...khana kha...!!! nahi kha pa rahi hai toh tiffin box meri taraf badha de...
Prisha:-"baith jayo...aur main koi bhoot nahi hun...jo tum mujhe dekh kar chaunk rahe ho...
Rajeev baitha...phir kaha:-"main bhoot se nahi darrta...wo toh kuch...
Prisha use dekh rahi thi...!!! Rajeev ki nazar padi uss par...uss ke zuban bandh hue...
"iss ki ankhen itni khubshurat kaise ho sakti hai...??? aur maathe par iss ke paseena hai...phir bhi yeh itni khubshurat kaise lag sakti hai..."
Prisha ne use kuch pal tak dekhne ke baad kaha:-"...'KUCH'...ke aage bhi kuch bolo...Rajeev...tum toh aise react karr rahe ho...jaise tumhare samne main nahi...
uss ki baat ko complite karrte hue Dev bola:-"ball kii Katrina Kaif baithi hui hai...
Nupur...Prisha aur Dev...hassne lage...!!! Rajeev ne Dev ko gusse se dekh kar...utha wahan se jane ke liye...
Prisha ne uss ka hath thaam kar bola:-"baith jayo...aur apna khana khatam karo...!!! dost hain...toh thoda mazak toh karr hi sakte hain na...
tabhi school ka peon aaya...aur Rajeev ko dekh kar bola:-"Rajeev tumhe principal sir ne bulaya hai...
Rajeev ne turn karr ke dekha...principal canteen ke door ke paas khade the...aur sath me ek police havaldaar bhi...
Rajeev gaya unn ki paas...toh principal ne kaha:-"kuch din pahle ek lady ka accident ho gaya tha...!!! jinn ki jaan tumhari wajah se bach payi thi...
Rajeev:-"jee sir wo...
principal:-"dekho Rajeev...yeh tum ne jo bhi kiya...ye sirf khud ke liye nahi...pure school ke liye garv ki baat hai...!!!"
Rajeev:-"thank you sir...
Principal:-"khair yeh Police station se aaye hain...tumhe apne sath le jane ke liye...!!! kuch log pakde gaye hain...tumhe ja kar pehchan karrni hai ki... wo aadmi koun tha...jiss ne uss din yeh accident kiya tha...
Rajeev ke chehre par ek mushkan dikhi...wo bola:-"jee sir...!!! main Dev ko bol deta hun...bekar me pareshan ho jayega ki main kahan chala gaya...
Principal:-"thik hai jaldi aayo...
kehte hue Principal chale gaye...!!! Rajeev aaya...aur Dev ke samne khada hua...uss se kuch hi duri par Ashwin baitha hua tha...!!! Rajeev janta tha... uss ke ankh aur kaan...Rajeev ki taraf hi thi...
Rajeev to Dev:-"yaar uss din Prisha ki aunty ka jo accident hua tha na... uss ke liye mujhe Police station jana hai...
Dev:-"kyoun...
Rajeev:-"uss aadmi k bare me bolne ke liye...jiss ne yeh accident kiya tha...
Dev aur Nupur ke face par ek smile aayi...!!! Ashwin aur Mitali...dono hi hairani aur thode darr ke sath Rajeev ko dekh rahe the...
Prisha:-"tum ne uss aadmi ko dekha tha...
Rajeev:-"haan...kafi kareeb se...tabhi toh unhone mujhe bulaya hai...!!! principal kafi khush the iss baat par...!!! okkk...main chalta hun...
Dev:-"yaar...sahi sahi batana ki...wo koun tha...!!! darrna matt...!!! police jo tere sath hai...
Rajeev hassa aur Ashwin ki taraf dekh kar bola:-"kyoun nahi...!!!
tabhi Nupur boli:-"maine suna hai ki...ek baar police station koi pahunch jata hai...aur uss ke khilaf agar crime sabit hota hai...!!! toh police wale uss harami ki bina detergent ke khub dhulai karrte hain...!!! aur toh aur kabhi kabhi... toh hath par bhi tod dete hain...
Dev:-"imagine karr...wo gorilla...bander...jiss ne yeh kaam kiya...uss ke agar hath pair tut gaye toh wo kaisa lagega...???"
Nupur:-"gala kata...murgi ki tarah...lagega...!!! awaz toh muh se niklegi... par sunai kisi ko nahi degi...
Rajeev in dono ki baat sunn kar jane laga...toh Ashwin kafi tezi se aage aa kar kafi dhire se bola:-"tum wahan mera naam nahi le sakte...
Rajeev:-"achha...!!! par gorilla bhai saheb...yeh khush-fahmi...tujhe kyoun hai...
Ashwin ne apne gusse par control karrte hue kaha:-"tu yehi chahta hai na...ki main Dev se sab ke samne maafi maangu...!!! thik hai...main maangne ke liye taiyaar hun...
Rajeev:-"kafi jaldi taiyar ho gaya tu...
Ashwin...Rajeev ki baat ko ignore karrte hue kafi zorr se bola:-" I m Sorry Dev...!!! maine tere sath jo bhi kuch kiya uss ke liye...hope ki tu maaf karr dega...
wahan baithe sabhi inn sab ki taraf dekhne lage...!!! Dev hassa aur Rajeev ki taraf dekha...uss ne use wink kiya...jo ki Dev achhe se samajh raha tha...
Dev:-"sochne de...abhi toh mera mood nahi hai...!!! phir bhi kabhi mood aa gaya toh...pakka tujhe maaf karr dunga...
keh kar wahan se uth kar Dev chala gaya...
Nupur hass rahi thi...!!! Prisha ke samajh me kuch bhi nahi aa raha tha... woh bass hairani se inn sab ko dekh rahi thi...
Ashwin ne Dev ko yun react karrte dekh...gussa aa raha tha...lekin uss ne khud par control karrte hue dekha...Rajeev ja chuka tha...
cut to police station
Rajeev:-"sir...inn me se koi nahi hai...
Police inspector:-"tum ne thik se dekha...
Rajeev:-"jee sir...
PI:-"achha thik hai...!!! chalo...main tumhe tumhare school me chod deta hun...
police Inspector...Rajeev ko le kar school me pahunche...aur thik uss ke section ke paas hi Principal bhi mil gaye...
PI:-"main aap hi se milne aa raha tha...
Principal:-"jee kahiye...
PI:-"main bass itna kehne aaya tha ke...aap ke school ke kuch students...seher ke kuch juye adde me pakde gaye the...!!! maine unhe worning de kar chod toh diya hai...par aap ko bhi...thoda dhayan dena padega...
Principal:-"aap unn students ke naamo ka list de dijye...!!! main sakhat action lunga...
PI ne ek paper unn ki taraf badhate hue kaha:-"yeh rahe wo list...
Principla:-"thank you...
Rajeev:-"sir main class me jayu...
Principal:-"tum ne uss aadmi ki pehchan ki...???"
PI:-"hamare pakde gaye logo me se koi nahi tha...!!! phir bhi hum ne talash zari rakhi hai...!!! choti si baat keh sakte hain aap iss incident ko...lekin iss tarah ke hadso se logon ki himmat badh jati hai...aur aise crime roz karrte rehte hain...
Principal:-"jee...aap ne bilkul sahi kaha...
PI:-"Rajeev...agar humain phir se tumhari jarurat padi...toh hum tumhe phir se bula sakte hain...
Rajeev:-"sir...aap jinn logon ki pehchan karrane mujhe le gaye the...wo aadmi...unn me se nahi ho sakta...
PI thoda hairAn ho kar puche:-"kyoun nahi ho sakte...
Rajeev ne kafi innocently kaha:-"kyoun ki wo accident toh Ashwin ne ki thi...toh unn logon me se kaise ho sakte hain sir...
Rajeev ne Ashwin ki taraf ishara karrte hue kaha...!!! Dev ki hassi nikal gayi thi...Rajeev ke iss acting se...!!! aur Ashwin...shocked bhi tha aur Rajeev ki taraf gusse se dekh bhi raha tha...
PI:-"agar tumhe pata tha...toh tumne pahle kyoun nahi bataya...
Rajeev:-"sir aap ne toh pucha hi nahi tha...properly...!!! aap ne sirf itna poocha ki 'kya inn me se koi hai'...toh maine mana karr diya...!!! aap ne agar yeh poocha hota ki...kis ne wo accident ki thi...toh main tabhi Ashwin ka naam le leta...
*********
Present...
car ja rahi thi...!!! Prisha ne dekha...sham ka waqt tha...aur Rajeev apne car ko ek pahadi ki taraf mode raha tha...
Prisha ne ankhen bandh ki...aur baithi rahi...
achanak Rajeev ne ek jagah par car roki...Prisha ne ankhen kholi... dekha...Rajeev car se bahr nikal chuka tha...
end of the Episode
*********
Plz do comments or press the LIKE button.😊
Edited by Sweet-Lioness - 13 years ago
Cricket
38