ANKAHI...{LRL-RN} #2 last Ud wd EPI n PG 100(21/11

First Previous

Page

Next Last

Frequent Posters

Priya

@Sweet-Lioness

Inactive

+ 2

Posted: 14 years ago

#171

remaining part...

cut to Nainital

Mr Ahluwalia:-"yeh baat kuch samajh nahi aayi beta...matlab shadi aur voh bhi itni jaldbazi me...!!! main apni puri khushi iss par lutana chahta tha...

Mrs Ahluwalia:-"ab bachho ki khusi is me hain...toh aap ko kya prob ho rahi hai...!!!"

Mr Ahluwalia:- "prob nahi Meera...main apni beti ki shadi bade dhum-dham se karna chahta tha...sare rishtedaar...sage-sambandhi ko bulana chahta tha...par itne kamm samay me main thik se sab kuch ker hi nahi paya...!!!"

Naina:-"baba...aap fiqar kyu karte ho...sab thik toh hai...aur phir hum dono bhi yehi chahte hain ke shadi simple tarike se ho...

Mr Ahluwalia:-"agar 15 din ka bhi samay de dete na...tab bhi main sab kuch arrenge karr hi leta...par meri samajh me yeh nahi aa raha hai ke...kal tak toh tum dono ne shadi ke liye itne jyada worried nahi the..aaj kya ho gaya...

Naina:- "actually baba...maine hi shadi ke liye zidd ki thi...

Meera jee:-"kya...tune...par kyoun...???"

Naina:- "maa...voh Rajveer ko kisi mission ke liye jana hai...toh maine kaha ke... 'jahan jana hai jayo...pahle shadi kar ke jayo...!!!"

Meera jee:-"ajeeb ladki hai tu bhi...voh mission per ja raha hai aur tu usse aur bhi jyada pareshani me daal rahi hai...!!!"

Naina:- "arey maa...tum nahi janti...Rajveer dikhne me handsome hain na...toh aaye din koi na koi unn par dore dalta hi rehta hai...toh maine socha ke finally shadi ker leti hun...phir koi tension nahi rahegi...

Meera jee ne hasste hue kaha:- "lijiye...suniye apne beti ki baat...Rajveer se shadi itni jaldi me kyun karna chahti hai...

sath me Mr Ahluwali bhi hassne lage...!!!

Naina:-"aap log toh kisi bhi baat ko seriouslly lete hi nahi...huh...

Naina vahan se uth ker chali gayi...par iss sukun ke sath ke uss ne sach apne parents ko nahi bataya ke...usse bachane ke liye yeh sab kuch kiya ja raha hai...

******************

cut to Rajveer

10:00 p.m

train apne hi speed me ja rahi thi...kal subah tak pahunch jayenge...agar train late nahi hua toh...

yehi sochte hue Maj Rajveer khidki bahar jhaank rahe the...paas hi Naaz baithi koi book padh rahi thi...aur samne ki seat par baitha Gunny apne lappy khole kuch karr raha tha...

Maj Rajveer:- "Shalini kahan hai...???"

Naaz:- "abhi toh yehi thi...pata nahi...

Maj Rajveer uthe apni jagah se aur bole:- "main dekhta hun...

jyada dhundhna nahi pada unhe...door ke paas hi khadi thi Shalini...bahar jhankte hue... kafi gehri soch me thi voh...

Maj Rajveer unn ke kareeb aa kar bole:-"ab agar main iss tarah se khoya rahun... toh kuch baat samajh me bhi aata hai...par doc...aap itni khoyi hui kyoun lagg rahi hain...kahin pyaar-vyaar ka chakkar toh nahi..."

Shalini ne kuch der dekha unhe...phir kaha:- "main aap se baat karna chahti thi ...par vahan par Naaz hai...Gunny hai...toh kaise karti...samajh hi nahi aa raha tha...!!!"

Maj Rajveer:-"koi serious prob hai kya...

Shalini ne halke se mushkurate hue kaha:- "pata nahi aap hi bata dijiye...yeh serious prob hai ya nahi...

Maj Rajveer:-"baat kya hai Shalini...

Shalini ne Maj Rajveer ki taraf na dekh kar door ke bahar jhankte hue kaha:- "Yudi...Yudi ke dil me mere liye kuch spl feelings hain...jinn ki wajah se main kafi pareshan hun...

Maj Rajveer ne dekha kuch pal...yun hi...phir kaha:-"voh aap se pyar karta hai...???"

Shalini chup rahi...

Maj Rajveer:-"aur aap ko yeh kaise pata chala...

Shalini ne voh dairy wali baat batayi...

Maj Rajveer hasse...phir kaha:-"pehli galati...kisi bhi inshan ko kisi ki bhi personal dairy nahi padhni chahiye...dushri galati...abhi jo aap karr rahi hai...

Shalini:-"main samjhi nahi...

Maj Rajveer:- "tum abhi bhi unhi purane dino me ji rahi ho...khud ko khuli hawa me saansh lene do Shalini...ji lo apni zindagi...!!! tumhe nahi lagta ke...tumhe bhi khud Yudi k sath time spend karna achha lagta hai...!!! kai baar tum ne mujh se kaha hai...aaj tumhe Yudi ne ye kaha...vo kaha...aaj tum uss ke sath dinner karne gayi thi...shopping karne gayi thi...!!! tum uss ke sath khush ho...enjoy karti ho apni life... toh phir tumhe prob kya hai...

Shalini:-"haan...khush hun...kyoun ki vo meri care karta hai...mujhe khush rakhne ki sari koshish karta hai...aur main uss ke sath khush bhi rehti hun...par iss ka matlab...

Maj Rajveer:-"her baat ka matlab nahi hota Shalini...kuch batain bina matlab ki bhi hoti hain...!!! tum khud ko apne dil ke hawale ker do...tumhe uss ke sath time bitana achha lagta hai na...toh bitayo...prob kya hai...!!! bhul jayo...tumne kya padha tha... bass...apni khushi ko enjoy karo...Yudi ke sath her khushi ko jo pehle tum enjoy kiya karti thi voh karo...tumhara dil tumhe jawab de dega ki tumhe aage kya karna hai...

cut to Naaz...

bahar kafi andhera tha...phir bhi voh khidki se bahar jhaank rahi thi...

Gunny ki nazar padi uss par...

Gunny:-"abhi bhi udaas ho...??? tumhari bhai ki shadi ho rahi hai...aur phir sab thik hi hoga...

Naaz ne Gunny ko dekh ker halke se mushkurayi...phir kaha:-"bass yehi umeed hai ke sab thik hi ho...par her baar darr sa lagta hai...kahin phir se kuch...

Gunny:-"kuch nahi hoga...kisi ko kuch nahi hoga...Naina safe rahegi...fiqar mat karo...!!! main uss Naaz ko kafi miss karr raha hun...jise main uss din train me mila tha...

Naaz:- "main vohi toh hun...

Gunny:-"toh phir uss se pahle ki naaz kaisi thi...matlab jab tum school me thi... college me thi...tab...

Naaz ke honth per ek halki si mushkaan aayi...uss ne kaha:- "baht khush...!!! abbu truck le ker roz subah jaya karte the...aur kabhi kabhi unn ke truck me baitha kar mujhe bhi school chod diya karte the...!!! par mera bhai padhne me bilkul ullu tha... voh abbu ke sath kaam pe jaya karta tha...!!! sham ko jab aabu ghar aate toh kuch na kuch jarur le kar aate mere liye...kabhi bhune hue bhutte...toh kabhi toffies...aur jab Rajveer bhaiya hamare ghar me the na...tab jyada maza karte the hum log...!!! aur mera bhai...roz mere liye alag alag colour ke ek gulab le ker aata...use pata tha na ke mujhe gulab baht pasand hai...isiliye roz le kar aata...

Gunny:- "aur tum uss gulab ka kya karti thi...???"

Naaz kafi khush dikhai dene lagi thi...uss ne kaha:-"kuch nahi...bass mujhe achha lagta...toh voh le aata tha...!!! main use ek book me rakha kerti thi...par aap ko pata hai...gulab ka phul jab fresh hota hai...toh chahe koi bhi colour ka ho...par jab voh sukh jata hai na...toh sab ke sab ek hi colour ke ho jate the...!!! Aur main apni colour pen se unhe phir se rang deti...lekin voh utne achhe nahi lagte the...phir bhi... mujhe unhe iss tarah se bina rango ke dekhna achha nahi lagta tha...toh main ye akshar kiya karti thi...

Gunny:-"inshan ki zindagi bhi kuch isi tarah se hoti hai...!!! hamare zindagi me kai sare aise pahlu hain...aise dard bhare haadse hote hain ke hum unhe bhul nahi sakte...par apni zindagi me hum uss purane dard ko bhul kar naye rango ke sath bhi toh jeena chahiye na...

Naaz ne halke se mushkurati hui kaha:-"main abhi bhi nahi samjhi...aap kya keh rahe ho...

Gunny:-"bhul jayo...voh haadsa jiss se tum ne apne parivaar ko khoya...jee lo apni zindagi...apne naye dosto ko sath...apne Rajveer bhaiya aur Naina ke sath...!!! phir bhi tumhe agar kabhi lage ke tumhe kuch kehna hai...aisa ...jo tum kisi aur se nahi keh payogi...toh uss inshan ko keh dena...jise tum bharosha karti ho...pyar karti ho...mujhe pata hai...voh tumhari help jarur karega...!!! tum itni achhi ladki ho ke... kuch bhi galat kabhi karr hi nahi sakti...bass...kisi par yakeen kar ke...apni dil ki baat bata dena...

(PS:-sayad aap sab ko yaad ho ke...jis din Naina ko resturant me Rajveer ne shoot kiya tha...uss din Rajveer ne sabhi se laha tha k Naaz ki puri family ek terrorist attack me death ho gayi hai...aur tabhi se voh Rajveer ke sath rehti hai.)

******************

Nainitaal...

Naina sidhiyo se kafi jaldi me utri...ghar me halki si chahal pahal lagi hui thi...kal uss ki shadi jo hai...

Meera jee:-"Naina...kahan ja rahi hai...iss waqt...???"

Naina:-"voh maa...Shalini...Naaz...sabhi aa chuke hain...toh main soch rahi thi ke... unn se thoda mil leti hun...!!! yehi paas hi ek hotel me hi toh ruke hain voh log...

Huda...jo paas hi khada diwaro ko decorate karr raha tha...bhagta hua aa kar bola:- "sunn liya aunty jee...apne ladli ki baat...!!! iss bahane voh Rajveer sir se milne ja rahi hai...kyoun ke Naaz aur Shalini toh akele nahi aaye hain...sath me dulhe ko bhi le kar aaye hain...hai na...!!!"

Naina ne gusse se Huda ki taraf dekha...

Huda:- "dekhiye aunty...mujhe kis tarah se ghur rahi hai...jaise abhi kha jayegi...

Meera jee:-"Naina...apne kamre me ja...shadi se pahle tum dono nahi mil sakte... samjhi...

Alekh:-"aur nahi toh kya...!!! pata nahi agar Rajveer sir se milne chali gayi...aur phir vahan kuch jhagda ker diya toh shadi toh cancel hi ho jayegi na...

Meera jee:-"subh...subh bol beta...aisa kyoun bol raha hai...???"

Alekh:-"kya karun aunty...aap ki beti roz Rajveer sir se itne jhagde karti hai ke... bichre ko khane-peene ka bhi khayl nahi rehta...mat puchiye aunty ...main unn ke sath din bhar rehta hun na...toh mujhe unn ki her baat pata hoti hai...kuch din pahle hi bade udaash se bol rahe the...'maine pyar kyoun kiya'

Naina:-"tum log zara chup rahoge plz...!!! aur maa...aap yehi chahte ho na ke main Rajveer se milne na jayun...fine...main nahi jayungi...Khush...

Naina...muh fula kar apne room me chali gayi...

Alekh aur Huda ne ek dushre se hath milaya...

cut to Naaz...

voh hotel se bahar nikli...!!! charon taraf nazar daudayi...'nahi koi uss ka picha nahi karr raha tha...'...confirm hone ke baad...voh chalne lagi...

kuch dur jane ke baad...ek car aa kar ruki uss ke paas...!!! Naaz jaldi me uss car ke ander ja kar baithi...

car ke ander Yusuf ka kafi khaash aadmi Akram baitha hua tha...

Akram:-"janab ne mujhe khaas bheja hai...Naina aur Maj par nazar rakhne ke liye...!!! aap fiqar mat kijiye...kal shadi me koi gadbad nahi hogi...!!! maine apni admiyon ko charon taraf faila rakha hai...agar kis ne bhi iss shadi me rukawat lane ki koshish ki bhi toh armywalo ko pata lagne se pahle hum unn logon ko utha lenge...!!! baki unn ka faishla Janab karenge...!!! par kal shadi me koi prob nahi hogi... iss baat ka bharosha main aap ko deta hun...!!!"

Naaz ne car rokkne ko kaha...!!! car ruki toh Naaz ne kaha:-"yehi behtar hai sabhi ke liye...main bhi nahi chahti ke iss shadi me kuch bhi prob ho...

******************

Naina ki hathon me mehendi lagg rahi thi...

Pooja:-"Naina...udhar dekh...

Naina:- "kyoun...

Pooja:- "bola na udhar dekh...

Naina:-"hath mere hain...mehendi mujhe laggni hai toh main kahin aur kyoun dekhu...

Pooja:-" toh tu nahi manegi na...

Naina:- "nahi...

Pooja ne...idhar udhar dekha...Naaz dikhayi di use...

Pooja ne kafi zorr se pukara use:- "Naaz...

Naaz kuch hi der me uss ke paas aayi...toh Pooja ne uss ke kano me kuch kaha...

Naaz:-"ye baat hai...toh lo...tumhara kaam jaldi ho jayega...

Naaz bhagti hui gayi...aur kuch hi palo me Shalini aur Neelu ko le kar wapas aa gayi...

Shalini:-"Naina...agar Pooja keh rahi hai ke ankhen bandh karo...toh karti kyoun nahi...

Naina:- "aap ko pata nahi hai...ye kuch gadbad karegi...mujhe pakka yakeen hai...

Shalini:-"koi gadbad nahi karegi...ab achhe bachon ki tarah apni ankhen bandh karo...chalo...

Naina ne abhi bhi ankehn bandh nahi ki...

Naaz:-"toh Naina nahi manegi...hum apna kaam suru karte hain...

Neelu aur Naaz ne zabardasti...Naina ke ankhen bandh kiye...

Shalini:-"arey ruko...iss tarah se voh jyada hilegi...toh mehendi ka design kharab ho jayega na...

Pooja:-"toh phir kare kya...ye toh maan ne se rahi...

Naina:-"tu pahle bata toh sahi ke tu karrne kya wali hai...

Shalini:- "main batati hun...voh tumhare hathon me Maj ka naam likhna chahti hai...

Naina thodi si mushkurate hue boli:-"haan...toh likhe na...maine kab mana kiya...

Pooja:-"pata hai ki tune mana nahi kiya...par main chahti hun ke...pahle tu dhudh kar dikhaye voh naam...phir Rajveer sir ka turn hoga...!!! aur agar tune ankhen khuli rakhi...toh tu jann legi ki maine kahan likha hai...isiliye pura design khatam hone tak tujhe ankhen bandh karni padegi...

Naina:- "ye mushkil hai...hath mera hai toh main kyuon nahi dekhungi...

Pooja ne Shalini ko kaha:-"dekha...nahi maan rahi hai meri baat...

Neelu:-"agar baat sahi dhang se bolo...toh Naina kya...Maj Rajveer bhi maan jayenge...

Naina:-"kya matlab...

Neelu:-"Naina...tumhare paas sirf do options hain...!!! ek...chup chap apni ankhen bandh kar...do...jab tak ki Pooja apna kaam khatam na kar deti...ya phir dushra option agar tumne ankhen bandh nahi kiye toh mujhe majburan Maj Rajveer ki kasamm deni hogi...!!! aage tumhari marzi...

Naina ne jaldi me bola:-"thik hai main yun hi ankhen bandh kar deti hun...unn ki kasamm dene ki koi jarurat nahi hai...

Naaz:-"ohooo...'unn ki'...kya baat hai Naina...ooppps...bhabi...

Naaz ne chedna suru kiya toh Naina ne ankhen bandh kar di...

kuch der baad...

Pooja:-"ab ankhen khol...aur Rajveer sir ka naam dhundh ker bata...

Naina ne ankhen kholi...design kafi khubshurat tha...par Naina...Maj Rajveer ka naam dhundh nahi pa rahi thi...

thodi si mehnat karne ke baad...uss ne apne left hand ke corner par dekha likha hua tha..."RAJ"...uss ne apni right hand me dekha...likha tha..."VEER"

Naina ne apni dono hathon ko milaya toh saaf dikhayi diya RAJVEER...Naina ne mushkurate hue Pooja ko dikhate hue kaha:-"yeh le...mere dono hathon me hain...

******************

raat ke 12:30 bajj rahe the...Naina ke ghar me kafi shor-gull tha...

Meera jee:-"Naina...beta tu ja ke so ja...kafi raat ho chuki hai...

Naina:- "maa...voh Pooja...aur Neelu aur...

Meera jee:-"jyada rishtedaro ko toh bula nahi paye...toh...sabb ke liye alag alag intezaam ker diya hai...tu fiqar na kar...ja ke so jaa...

Naina apne room me aayi...door bandh kiya...turn kiya toh sab se pahle diwar par usse Naveen ki tashveer dikhayi di...

ankhon me halke se anshu aaye uss ke...phir uss ne kuch pal Naveen ko yun hi dekhne ke baad apni ankhen bandh ki...

ek pal ke liye use laga ke Naveen uss ke paas hi hai...aur iss shadi se baht khush hai...

Naina ne ankhen kholi aur tashveer ko dekhte hue dhire se kaha:- "mujhe pata hai bhaiya...aap aaj khush honge...mere liye bhi aur apne dost Raj ke liye bhi...

Naina thodi der rukk ne ke baad phir kaha:- "pata hai aap ko bhiya...Raj kehte hain ke...aap ko hamesha mushkurate hue yaad karu...iss se aap baht khush hoge...!!! voh aap ko pata nahi kaise...par kafi achhe se samjha karte the...!!! ek baar unhone kaha bhi tha ke aap unn ke best frnd toh nahi...par aap unn ke sab se kareebi frnd hua karte the academy days me...!!! aap hamesha hamare sath rehna bhaiya...

Naina ne balcony ka door bandh kiya...aur apni bed ki taraf jane lagi sone ke liye... par phir voh chaunki...kyoun ke bed ke kafi kareeb uss ke study table ke paas pade ek chair par Maj Rajveer baithe hue use dikhayi de rahe the...

Naina hassi...use laga yeh bass uss ka wehem hai...voh apne bed par gayi sone...aur lyt off kiya...

phir uss ne suna:-"lo...abhi tak shadi hui bhi nahi...aur tum mujhe abhi se ignore karne lagi...

Naina chaunk kar baithi apne bed par...aur phir se lite ON ki toh...dekha voh Maj Rajveer hi hain...

usse abb bhi yakeen nahi aa raha tha...uss ne hath badhya unhe choone ke liye...toh Maj Rajveer khud hi piche hatt gaye...mushkurate hue...

Naina phir mushkurayi...aur boli:-"mujhe pata hai...aap nahi ho...yeh mera wehem hai...kya hai na...main aap ko kafi miss bhi karr rahi hun...aur aap se baht pyar bhi karti hun...toh aisa toh hona hi hai mere sath...

Naina ne phir se lite OFF ki...sone ki koshish ki...uss ne phir suna...

:-raat ke 1 baje...yun choop ker tumhare kamre me aaya hun...aur tumhe main wehem lagg raha hun...!!!

Naina ne phir se lite ON ki...Maj Rajveer ko kafi seriously ghura aur kaha:-"yeh aap sach me ho...

Maj Rajveer:-" choo ker yakeen kar lo...

Naina iss bar bed se niche aayi...aur Maj Rajveer ke kareeb gayi...Maj Rajveer ke chehre par abhi bhi ek halki si mushkaan thi...

Naina ne dhire se apna hath aage badhaya...Maj Rajveer ko touch karne...

par uss se pahle Maj Rajveer...phir se piche hatt gaye...Naina thoda aur aage aayi... Maj Rajveer phir se piche hatte...

Maj Rajveer diwar ke paas aa kar ruke...Naina unn ke kareeb aayi...use khud per shaq hone laga tha...

uss ne apna hath aage badhya...Maj Rajveer ki taraf...phir khud ko hi rokk liye...

iss baar Maj Rajveer ne Naina ka hath thaama...And he pulled her...

Naina:-"yeh toh aap sach me ho...aur main ye soch rahi thi ke...

Maj Rajveer:-"ke...??? apni baat puri karo cadet...

Naina ne mushkura ker kaha:-"kuch nahi...

Maj Rajveer:-"toh aap kya keh rahi thi...ke aap mujhe kyoun jyada miss karr rahi thi...???? zara phir se boliye toh...

Naina ne aise react kiya jaise uss ne suna hi nahi ke...Maj Rajveer ne kya kaha tha...baat ko ghumate hue kaha:-"lekin aap yahan aaye kaise...

Maj Rajveer thoda hasee...phir kaha:-"mere students ki meherbani hai...

Naina:-"main samjhi nahi...

FLASHBACK

Maj Rajveer sone ja rahe the...unn ke door par dashtak hui...

door khola toh samne Alekh aur Huda ko khada hua paya...

Maj Rajveer:- "tum dono iss waqt...

Maj Rajveer se puche baigair Huda ander aa gaya aur bola:-"sir aap sone ja rahe the...

Maj Rajveer ne usse hairani se dekh kar kaha:-"nahi...main khidki se bahar kuddne ja raha tha...Huda...raat kafi ho chuki hai toh yeh obvious hai na ke main sone hi jayunga...

Huda:-"good night bol diya...

Maj Rajveer:-"kya matlab... 'good night bol diya'...

Alekh:-"uss ke kehne ka matlab hai ke aap ne sab ko good night bol diya...

Maj Rajveer ne apni wrist watch par nazar dali aur kaha:- "raat ke 12 baje tum mujhe yeh yaad dilane aaye ho ke maine sab ko gud night bola ya nahi...

Huda:-"sir...aap sirf dimag ke army officer nahi ho...dil se bhi army bhi officer ho...

Maj Rajveer ne Huda aur Alekh ko straight dekhte hue kaha:-"tum dono zara explaine karoge ki tum dono yahan kya karr rahe ho...

Alekh:-"aap ko shadi ke rasham samjhane aaye hain...

Maj Rajveer ki ankhen thodi badi hui...unhone Alekh ki taraf dekh kar kaha:-"kya karr ne aaye ho...???"

Huda:-"sir...aisi baht si batain hai jo aap nahi jante...iss me aap ki bhi galati nahi hai... kyoun ke aap ka dimag toh base camp se bahar jata nahi hai...toh isiliye hum dono aap ko sare rasham samjhane aaye hain...!!! kya hai na...sir aap bura mat maniye... par aap se jyada ladkiyon ki experience reh chuka hai mujhe...aur Alekh toh already shadi suda hai toh...aap ko sab kuch hum detail me samjhana chahte hain...!!! jaise shadi se pehle kya karna chahiye aur shadi ke baad...

Maj Rajveer iss baar sach me thode dare hue the...ke pata nahi unn ke students shadi ke rasham ke naam par unhe kya samjhane aaye hain...

Maj Rajveer ne dono ke hath thaame aur kaha:-"tum dono jayo...mujhe sab kuch pata hai...

Huda ne ankhen badi badi karte hue kaha:-"sach me aap ko sabb kuch pata hai...

Maj Rajveer:- "haan...

Alekh:-"bole toh...sab kuch...

Maj Rajveer ne ek pal ke liye ankhen bandh ki aur phir ankhen khol ker kaha:- "haan...ab tum dono jayoge plz...mujhe sona hai...

Huda:-"dekha...aap ko kuch bhi nahi pata hai...aur aap yu hi keh rahe the...

Maj Rajveer:- "kya matlab hai tumhara...

Alekh:-"bataiye...shadi se pehle kya karte hain...

Maj Rajveer ne kuch nahi kaha aur unn dono ko dekhne lage...ya yun kaha jaye ki senior hone par thoda attitude dikha rahe the...

Huda:-"sir...iss waqt...hum duty par nahi hai...isiliye aap humain na toh junior samajh sakte hain aur na hi apna student...!!! hum yahan aap ke shaadi me aaye hue mehmaan hain...!!! aur voh bhi ladki walon ki taraf se...isi liye humari izzat aur bhi badh jati hai...

Maj Rajveer kafi bebas mehsush karr rahe the...kyoun ke vo unn dono ko kuch keh bhi nahi pa rahe the...!!! isiliye unhone apni behtari isi me samjhi ke chup ho ker baith jaye...

voh ek jagah par baithe aur kaha:-"shoot...

Huda:-"lekin sir...yahn par na toh Maj Nair hai aur na hi Maj Bharghav...toh shoot kise kare...

Maj Rajveer ne huda ko gusse se dekha aur kaha:-"agar 5 min me tum dono ne apni bakwaas complite kar ke yahan se nahi gaye toh main tum dono ko dhakke maar ke nikal dunga...

Alekh:-"bhalai ka toh zamana hi nahi raha...khair apun aap ko samjhata hai...!!! shadi se pahle ek baar ladka...ladki se chup ker jarur milna chahiye...!!! khaash ker ke tab...jab dono hi uss waqt ek hi seher me ho...

Maj Rajveer chaunke...aur kaha:-"tum dono pagal ho gaye ho...meri reputation ke bare me socha hai...aur phir kal shadi ho rahi hai na...toh mil lunga vohi...

Alekh:-"sir aap ki reputation gayi tell lene...

Maj Rajveer ne Alekh ko phir se gusse se dekha...

Alekh:-"sorry sir...par aap hi batayiye...ap ko aap ki reputation jyada pyari hai ya Naina ki khushi...

Maj Rajveer:-"main samjha nahi...

Huda:-"main samjhata hun sir...aaj subah Naina aap se milne aanewali thi...par uss punjaban ne rokk diya yeh keh ker ki shadi se pahle nahi mil sakti...!!! ab aap hi batayiye...agar use itna imp kaam nahi hota toh kya voh aap se yun milne ana chahti...???"

Maj Rajveer:-"toh phir main use phone kar ke puch leta hun...

Maj Rajveer ne apni phone ki tarf hath badhya toh Alekh ne rokkte hue kaha:-"nahi sir...aap khud ja ker uss se mil lijiye...sayad voh kuch khaash baat karna chahti hogi...aur phir aap ka bhi kaam ho jayega...

Maj Rajveer ne confused ho ker kaha:-"mera kaam ho jayega matlab...???"

Huda:-"ab aap bhi toh nahi mile kabb se Naina ko...toh milna toh aap bhi chahte honge uss se hai na...??? aur milne ka milna ho jayega...aur yeh rasham bhi puri ho jayegi..."

Maj Rajveer ne khud ko control karte heu kaha:-"jaldi chalo...

phir ruke aur kaha:-"kisi ne dekh liya toh...

Huda:-"sir hum dono hain na...kuch nahi hoga...chaliye...

kuch der baad...Naina ke ghar ek garden me Maj Rajveer khade the...aur paas hi Alekh aur Huda bhi...

Huda ne pipe ko dikha kar kaha:-"voh rahi pipe sir...chadh jaiye...aage uparwala jane...

Maj Rajveer ne Huda ko dekha toh...Huda bola:-"uparwala matlab...Naina uparwale kamre me rehti hai na...isiliye...

Maj Rajveer ne Naina ke room ki taraf dekha...toh unhone ne dekha ke pipe chadhne ki koi jarurat nahi hai...piche se ek sidhi bhi jati ahi Naina ke kamre tak...

voh uss par apna kadam rakhte piche se unhone phir suna:-"dariyega nahi sir...yeh dimag me rakhiye ke aap jiss se millne ja rahe hain...voh koi massom si ladki nahi hai...balke voh wo hai...jiss ne aaj aap ki vo halat kar di hai ek...

Huda kuch aage bol pata...uss ke tummy per ek halke hathon ka punch pada...aur uss ke kano me Maj Rajveer ki awaz...jo usi ki baat ko complite karte hue bol rahe the:- "voh halat kar di hai ke...aap ko punches pe punches pade ja rahe hain Lft Huda...!!! aur agar aap ne phir se apna muh khola...toh aap khud ko kisi ped par ulte latke hue nazar aayenge...samajh gaye...

Maj Rajveer ne Alekh ki taraf dekh kar kaha:-"kya aap ko bhi mujhe koi nashihat deni hai Lft Sharma...

Alekh:-"nahi sir...apun toh kab se chup hai...aap par pura bharosha hai na...

Maj Rajveer:-"Good...aur jab tak main wapas na aayun...yehi rukkna...main 15 min me aata hun...

Huda ne Alekh ke kaan me dhire se kaha:-"sir ko toh kuch aata bhi nahi...15 min me apni GF ke room se aane ki baat karr rahe hain yaar...

Maj Rajveer ne Huda ko phir se dekha...toh Huda bola:-"sir main toh mummy jee ko yaad karr raha tha...baht din ho gaye hain unn se mile hue ...isiliye...

Flashback Over

Naina hasste hue boli:-"haan...aaj subah main aap se milne janewali thi...par Pooja ne nahi balke uss Huda ne mujhe roka tha...aur Alekh ne uss ka sath diya tha...par mujhe pata hi nahi tha ke unn dono ke dimag yeh plan tha...

Maj Rajveer:-"kyoun...sab thik toh hai na...mere matlab hai ke tum mujh se milna kyoun chahti thi...

Naina ne Maj Rajveer ki chehre ko dekha...voh thoda sa pareshan dikh rahe the... Naina samjhi ke unhe abhi bhi usi ki tension lagi hui hai...

Naina ne mushkura ker kaha:-"sirf koi kaam hoga...tabhi main aap se milne ja sakti hun...aise hi nahi ja sakti...???"

Maj Rajveer ne halke se mushkuraye...phir kaha:-"hmm...toh tum mujh se aise hi milne aa rahi thi...!!! vaise tum kabhi bhi aa sakti ho...par aane se pahle zara bata diya karna...

Naina:- "kyoun...

Maj Rajveer:- "taake main apna sara kaam khatam kar ke...tumhe pura time de sakun...varna tum hi kahogi ke...main tumhe time nahi deta...

Naina ne bass mushkura diya aur kuch nahi kaha...

Maj Rajveer ki ankhen abhi tak Naina par hi thi...Naina ne iss baat ko kafi der se notice kiya...halki si mushkurahat ke sath uss ne kaha:-"shadi ke liye CONGRATS nahi kahenge...

Maj Rajveer:-"kyoun...propose maine kiya...shadi ke liye zabardasti HAAN maine karwayi...tumhe bahon me thaame ghanto tak khada raha main...toh tumhe Congrats kyoun kahun...

Naina ne hassi...phir bina kuch kahe...Maj Rajveer ke seene par apna sarr rakh ker kaha:-"kal meri zindagi ka sab se haseen din hoga...

phir achanak Maj Rajveer se khud ko alag karte hue apna hath badhaya aur kaha:- "vaada kijiye...chahe kuch bhi ho jaye...aap mujhe kabhi chod ker nahi jayenge... kahin bhi nahi...matlab main janti hun ke ek army officer ki life me baht sare missions ke liye baht si jagah par jana padta hai...phir bhi aap mujhe kabhi akela nahi chodenge...

Maj Rajveer ne Naina ke hath ke upar apna hath rakha...aur Naina ko phir se apne kareeb late hue kaha:-"jism se ruh kabhi alag nahi hoti Naina...aur jab voh alag ho jata hai toh inshan ko sirf ek laash kehte hain...hai na...

Maj Rajveer:-"achha abhi main chalta hun...tum apna khayal rakhna...hum jaldi milenge...

Naina mushkurayi...Maj Rajveer chale gaye...door ke paas ruke...phir turn kar ke Naina ko dekha...

Naina aage aayi...aur unhe kafi tightly hug kiya...mehshush kiya Maj Rajveer ke hontho ko apne forehead par...

******************

Maj Rajveer ne Naina ke maang ki taraf hath badhaya...

Naina ki ankhen Maj Rajveer ki ankhon me uljhi hui thi...

Maj Rajveer ke hathon me thame hue thode sa voh sindoor...Naina ke maang ko touch kiya...

Background

ye meri zindagi, tu mere sath hai...

ye meri zindagi tu mere sath hai

ab mujhe iss zamane ki parwah nahi

jaan le lungi main jaan de dungi main

jaan le lungi main jaan de dungi main...

koi keemat chukane ki parwah nahi...

ye meri zindagi tu mere sath hai...

Maj Rajveer samajh rahe the...Naina ke ankhon ki zuban...vo dhire se mushkuraye...

Naina apni khusi Maj Rajveer ke chehre se dekh rahi thi...

Maj Rajveer ki ankhon me khud ke liye baht sare ehsaash ko mehsush karr rahi thi...

Maj Rajveer iss baar khud Naina ke thoda aur kareeb aaye...hathon me unn ke mangalsutra tha...Naina ki ankhen apne aap jhuk gayi...

Maj Rajveer kafi kareeb aa kar uss ke gale me mangalsutra bandha...

tu khudaa hai mera, mera imaan hai

ishq karna tera mujh pe ehsaan hai

tu subah kaa ujaala mere vaaste

(tu mere vaaste dil-nashin shaam hai) -2

(tere dil mein Thikaana rahe umr bhar) -2

phir kisi aashiyaane ki parvaah nahin

Naina ne apni jhukti hui nazron ko uthaya toh Maj Rajveer ko khud ko dekhte hue paya...

ek halki si mushkurahat aayi uss ke hontho par...jiss k jawab me Maj Rajveer ke hontho par bhi ek khubshurat si smile thi...

ye meri zindagi tu mere saath hai

ye meri zindagi, tu mere sath hai...

ab mujhe iss zamane ki parwah nahi

jaan le lungi main jaan de dungi main

jaan le lungi main jaan de dungi main...

koi keemat chukane ki parwah nahi...

ye meri zindagi tu mere sath hai... (movie:- Saaya)

(Sorry shadi ke scenes me bhi main baht buri hun...jyada detaile me nahi likh sakti...isi se kaam chala lena plz. vaise bhi shadi toh honi hi thi na...so ho gayi...use jyada khinch ker likhne se kya faida...aap sab RN se itna pyar karte ho ke...khud hi imagine ker chuke hoge...hai na...!!!)

******************

Railway Station

Meera jee:-"beta...meri toh kuch bhi samajh me nahi aa raha hai...itni jaldi me shadi hui...aur shadi hui nahi ke...tum sab wapas ja rahe ho...

Maj Rajveer unn ke thode se kareeb aa kar bole:-" maa...

phir ruke thodi der...aaj voh kisi ko pahli baar jo MAA keh rahe the...

Maj Rajveer ne Meera jee ke ankhon me khud ke liye dher sara pyar dekha...dhire se mushkurate hue kaha:-"ek maa kabhi bhi apne bachhon ko rote hue vida nahi karti...!!! bhul jayiye ki aap ka Naina ke sath kya rishta tha...bass yeh yaad rakhiye ke...aap ka yeh beta aap se ye vaada kar ke jata hai ke voh jaldi se apna sara kaam khatam kar ke phir se aap ki Naina ko le kar yahan wapas aayega...!!! baht hi urgent kaam hai...varna hum iss tarah se nahi jate...hope ke aap samajh rahi hongi...

Meera jee ne Maj Rajveer ke sar par hath pherte hue kaha:-"janti hun beta...par ho sake toh jaldi aana...tum dono ke sath kuch aur waqt mujhe bitani hai...baht sari batain karni hai...

Naina aage badhte hue dhire se kaha:- "maa...aap fiqar kyoun karte ho...hum jaldi se wapas aayenge...!!! aur mission par Rajveer ja rahe hain...main nahi...main aap ko roz phone karungi...

Mr Ahluwalia:-"nahi...

Naina ne hairani se apne father ki taraf dekha...

Mr Ahluwalia:-"roz phone karne ki jarurat nahi hai...tu apne duty par dhyan dena... aur Rajveer ka khayal rakhna...!!! beta mission ke naam se thoda darr sa lagta hai... isiliye bich bich me hi sahi...par apni khabar dete rehna...

ek baht hi emotional situation me Naina ki vidai hui...!!! jyada rishtedar toh nahi the... par phir bhi mahual hi kuch aisa tha ke Naina khud ko rokk nahi payi...

uss ne turn kiya...aur door ke paas khadi ho ker rone lagi...Meera jee uss ke kareeb aa kar boli:-"nahi beta...rona nahi...!!! dekh main nahi ro rahi...

Naina ne unn ki taraf dekha...kafi mushkil se unhone apne anshun chupa rakhe the...!!! Naina khud ko rokk nahi payi...aur unn ko hug kar ke rone lagi...Naina ne mehshush kiya...apne sarr par apne father ka hath...unn ki taraf dekha toh...unn ki bhi ankhen bheegi hui thi...

tabhi Mr Ahluwalia, Meera jee aur Naina ne suna...

"camp jana cancel...lekin shadi ho chuki hai...isi liye use cancel nahi kar sakta...!!! mujhe nahi pata tha ke...main itna bura inshan hun...jiss se shadi ki hai...voh bhi ro rahi hai...aur mujh se shadi karwa kar uss ke parents bhi...aap kahoge toh abhi aap ki beti wapas kar sakta hun...lekin apni biwi ka kya karun...use aap ko wapas nahi kar sakta...jiss tarah se aap ki ek lauti beti hai...usi tarah se meri bhi ek lauti biwi hai...

Maj Rajveer ki baat sunn kar sath hi hass pade sab ke sab...!!! phir Meera jee ne Naina ka hath Maj Rajveer ke hathon me dete hue kaha:-"lo...le jayo ise...aur bhul ker bhi ise wapas mat dena...!!! yeh tumhara hai...aur hamesha tumhara hi rahega... par mujhe mera beta...chahiye...kamm se kamm 15 dino ki chutti ke sath...take main uss se apni khoob seva karwa sakun...

Maj Rajveer jhuke unn ke pairon par aur phir uth kar unn ke gale se lag kar kaha:-"thik hai...main jaldi aa jayunga...par tab Naina ka kya karna hai yeh soch lijiyega... kyoun ke seva toh main aap dono ki kar dunga...par mewa Naina khayegi aur yeh toh fare nahi hai na...

Mr Ahluwalia:- "bilkul thik...tum fiqar mat karo...Naina se hum tumhari seva karwayenge...

ek hassi aur khushiyon bhare mahual me sabhi chale gaye...

******************

RAILWAY STATION,

J&K

sabhi train se sath me utre...!!! station ke bahar army jeeps khadi thi...!!! sabhi apna apna saman load karne me busy the...

Naaz:-"bhaiya...voh main sayad apna hand bag train me bhul aayi...abhi le ker aati hun...

itna keh ker Naaz bhagti hui station me phir se aayi...dekha...ek jagah par Akram khada tha...usi ke intezar me sayad...

Akram ne mushkurate hue kaha:-"maine apna kaha ker diya...dekh lijiye...shadi bhi ho gayi...aur bina kisi bhi gadbadi ke...!!! lekin mujhe aap se ek khaash baat karni hai...aur voh yeh ki shadi ke dauran maine kuch ajeeb se logon ko vahan aas paas dekha...jo aapas me Maj Rajveer aur Naina ko dikha ker kuch batain karr rahe the...!!! aur bich bich me baki ke jo bhi army officers vahan the...Maj Rajveer ke sath...unn ke bare me bhi...!!! par main unn ke bare me jyada kuch jaan pata...uss se pahle voh sabhi gayab ho chuke the...!!!"

Naaz thodi si pareshan dikhi...uss ne kaha:-"toh phir yeh koun ho sakta hai...!!! aur agar koi bhaiya ka dushman hai bhi toh...voh abhi bhi unn ka follow karr raha hoga sayad...!!!"

Akram:-"aap fiqar mat ki jiye...base camp tak hamari puri nazar hogi aap sabhi par...lekin janab Yusuf ka kehna hai ke...hum ne apna kaam puri bawafadari se nibhaya hai...isi liye agar aap bhi...

Naaz ne use aage kuch kehne ka mauka diye bagair kaha:-"mujhe pata hai mujhe kya karna hai...par uss ke liye Naina ka puri tarah se aa kar bhaiya ke qtr me rehna bhi toh jaruri hai na...tabhi main uss ek saman ko hath laga payungi...!!! Yusuf se ja kar keh dijiye ki...unn ka kaam jaldi ho jayega...

******************

3 jeeps ja rahi thi...base camp ki ore...!!! first jeep me kuch soilders ke sath Huda aur Alekh baithe hue the...

2nd jeep me...Maj Rajveer, Naina, Yudi, Shalini aur Neelu aur Naaz baithe hue the...

aur 3rd jeep me...Ali, aur Gunny baithe hue the...jinn ke sath kuch aur bhi soilders the...

kuch der baad Alekh ne dekha...samne se ek jeep aa rahi thi...jo unn ki jeep ko cross kar ke thoda aage aayi...aur thik Maj Rajveer ke jeep ke paas hi voh jeep apna balance kho ker paas hi ek bade se ped se ja takrayi...kafi zorr se awaz aayi thi...

Maj Rajveer ke jeep k driver ne jeep roki...Alekh aur Gunny bhi apni apni jeep me se bahar aaye...

Maj Rajveer ne Naina ki taraf dekh kar kaha:-"tum sab ander hi rehna...bahr koi nahi aayega...

uss jeep ke kareeb pahunche...sabhi...

achanak kafi paas hi ek zorr ka dhamaka hua...!!! Maj Rajveer ne dekha...kafi log khade the...mask pahne...jinn ke hathon me guns the...

Naina jeep me thi...aur Maj Rajveer jeep ke bahar uss ped ke paas...uss jeep aur Maj Rajveer ke bich me voh sabhi mask phene log khade the...

achanak kisi ne jeep ke ander se Naina ko khinch kar bahar le kar aaya...

Maj Rajveer ne kuch soche baigair...apni gun nikali...

tabhi ek bullet aa kar Maj Rajveer ko ja lagi...khun nikla...Naina chillati hui...uss inshan ke kareeb pahunchi...toh kisi ne uss ek kandhe par kafi zorr se vaar kiya... Naina behosh ho gayi...

tabb tak...sabhi apni apni positon le chuke the...bullets chalti rahi...

Maj Rajveer zameen par pade hue the...unn ki ankhen bojhil ho rahi thi...dhire dhire bandh hoti hui ankhon se unhone dekha...unn me se koi ek Naina ko apni bahon me utha ker ek van me dal raha tha...

unn ke kanon me bass bullets ki awaz aa rahi thi...aur ankhen abhi bhi Naina ko dekh rahi thi...

end of the epi

******************

Ohhhk...Thats enough for today...nahi...😆...now Plz do comments or Press d LIKE button.

Edited by Sweet-Lioness - 14 years ago

Quote

Priya

@Sweet-Lioness

Inactive

+ 2

Posted: 14 years ago

#172

LRL JOKES...(Rajveer spl)

LRL JOKE:-1

KMA me aag lagg gayi...sabhi khush the ke kuch din ke liye training bandh ho gaya... par Cadet Rajveer udaas khada tha...

maj Nair:-"Cadet Rajveer...tum yahan udaash kyoun khade ho...

Rajveer:-"yehi soch raha tha sir ke maine toh puri planning ker rakhi thi par aap zinda kaise bach gaye...

*********

LRL JOKE:-2

Teacher:- sabhi drawing me ek train banayo...main 5 min me aati hun...

par Teacher ko aate aate...10 min ho gaya...

unhone aa kar dekha...Rajveer ne apni drawing book me kuch bhi nahi banya tha...

Teacher:-"kahan hai train...

Rajveer:-"aap toh 5 min late ho gayi miss...train toh 5 min pahle hi chali gayi...

*********

LRL JOKE:-3

Teacher:-"tum sab hum teachers ko jallhad kyoun samajhte ho...??? tum ne jo kaam nahi kiya hoga...main uss ke liye tumhe kabhi saza nahi dunga...

Rajveer khusi ke maare bola:- "sir...maine aaj homework nahi kiya hai...

*********

LRL JOKE:-4

Naina (as a teacher):- "SOCH aur WEHEM me kafi faraq hota hai...samjhe...

Rajveer (student):- "jee madam...samajh gaya...

Naina:-"kya samjhe...???"

Rajveer:-"SOCH aur WEHEM me kafi farq hota hai...EXA...aap ek mast item hai yeh main sochta hun...aur main abhi bachha hun...yeh aap ka wehem hai...

*********

LRL JOKE:-5

Maj Bharghav:-"main kisi bhi cadet ke chehre par nazar dal ker keh sakta hun ke voh mere bare me kya sochta hai...isiliye khud ko smart samajhna bandh karo...

Rajveer:-"lekin sir...jab aap ko pata chalta hoga ke koun aap ke bare me kya sochta hai...toh aap ko sharamindagi bhi baht hoti hogi na...

*********

LRL JOKE:-6

Naveen:- 'yaar...yeh kaise pata chalega ke...samne jo janwar hai voh bakra hai ya bakri...???"

Rajveer:-"simple hai...uss par pathar mAar...agar voh 'bhaaga' toh bakra...aur agar 'bhagi' toh bakri...

*********

LRL JOKE:-7

Rajveer aur Naina college me the...ek din dono ek ped ke niche baithe hue romantic batain karr rahe the...

Rajveer:-"tumhare honth ko kya hua hai...???

Naina:- "infection ho gaya hai...sardiyo me akshar ho jati hai...

Rajveer:- "tumhe yaad hai...tum ne mujhe last time kiss kab kiya tha...

Naina ne thoda sochte hue kaha:-"hmmm...sayad 6 mahine pahle...

Rajveer:- "toh yeh infection nahi...balke ZANGG lagg gaya hai...main saaf kar deta hun...

tabhi unn ke lecturer Bharghav aa pahunche...

gusse me Bharghav sir bole:- "yeh kya ho raha hai...kya yehi hamari SANSHKRTI hai...???"

Rajveer:-"nahi sir yeh SANSHKRTI nahi, yeh toh 2nd year ki NAINA hai... SANSHKRTI toh vahan uss ped ke piche Naveen ke sath baithi hui hai...!!!"

*********

Edited by Sweet-Lioness - 14 years ago

Quote

Looks like you are new here. Register for free, learn and contribute.

Priya

@Sweet-Lioness

Inactive

+ 2

Posted: 14 years ago

#173

Abhi mere speech ki bari

Hiiieee all 😃

apni life me maine itna bada update kabhi nahi likha hoga... HAILA... update do posts me hai...😆!!! aur voh bhi tab...jab mere left knee pe chot laga hai...aur sardi se cheenk cheenk kar bura haal hai...!!! Par Thanxxx to my Nani...jo kareeb 4 saal ke baad aayi hain...!!! aur abhi mujhe mum se bhi kamm galiyan paddti hai...aur meri Mum...Nani ke sath jyada busy rehti hai toh mujhe OL aane ka jyada time mil jata hai...ha ha ha😆

ab toh itna bada update padh ker aap sab ki halat bhi main imagine karr rahi hun... Moov ki shakht jarurat padegi aap sab ko...maine pure do update ka length ek hi update me dal diya hai...isiliye thoda sa pyar toh aap sab se bannta hai na...par phir bhi mujhe pata hai ke galiyaan kafi zorr se padd rahi hai...last scene ke liye...ha ha ha...😆

Purnima ne kaha tha ke Shadi ke bich me koi action na ho...dekh lo...main kitni achhi wali sherni hun...shadi ek bich me maine kuch bhi action nahi rakha...kyoun ke aap sab ke reaction jo mujhe dekhna tha...episode ka last part padh ke...ha ha ha😆

mujhe pata hai...iss baar maine baht sare RN scenes rakhe hain...almost pure update me bhi Maj Rajveer ka raaj tha...aur RN ki shadi bhi karwa di maine...aur upar se record todd ke lamba update kiya hai...phir bhi aap sab mujhe galiyan de rahe hoge...not fare...😛

chalo abhi ke liye

GOOD BYE😃

Phir milenge...next update me...jo ki main krnewali hun...🥱

KAB...????

PATA NAHI...😃

Priya😃

Edited by Sweet-Lioness - 14 years ago

Quote

Suhana

@suhana.dixit

Dazzler

+ 2

Posted: 14 years ago

#174

Hi Priya

I'll comment on the last part first..sach mein tumhe bahut maza aata hai na end mein readers ko heart attack dekar..😡😡😡

shadi ke kuchh din tak to unko bina kissi rukawat ke romance karne deti but nahin!!! apni aadat se majboor hain aap..😆😆😆😡

Itni lambi update ki par full stop ussi point pe kiya jahan pe heart attack ke chances zyada they..😲😲 tum kabhi nahin sudhrogi!!😆😆😆

anyways coming to the update it was just too gud..👏👏👏👏 Maj.Rajveer ki shadi bhi ho gayi but last part mein tune sara excitement khatam kar diya.

Pooja was so excited and she was blabbering as usual but Raj ne uski acche se khabar li😆😆😆 and then apne hi style mein usko mana bhi liya..

Pooja is so happy that her favourite teacher wud b her jeeju now and Raj knows that abhi to yeh shuruat hai😆😉😆😆 uski band to ab bajna start ho rahi hai..😆

Neelu loves Alekh and he too loves her but there is a distance between them.both r trying hard to erase it..

Rajveer sharmate hue kitna cute lag raha hoga😍😍😍 Naina was smiling seeing him like this.koi bhi normal ladki ka yahi reaction hoga🤪

That song in the background was just too gud..muah!!❤️😃

Rajveer ne apne cadets ko accha bewkoof banaya😆😆😆😆 they were too shocked to react..😲😲😲

Naina's parents were shocked that both Raj and Naina wants to get married so soon.but Naina ne jo reason diya uske aage woh keh nhi kya sakte the😆😆😆

Shalini ki baat sunne ke baad Raj ne usko sahi tarah se smjhaya..she likes to b with Yudi may b she too cares for him..

Naaz and Gunny ka scene cute tha..Gunny Naaz ko samajhna chahta hai..he knows that she is going through a rough phase.I hope Naaz Uski baat maan kar Raj ya Gunny ko sab sach bata de..

Naina wants to meet Raj but her mother stops her..😆😆 she doesn't know that Alekh and Huda have made some other pla..

Mehandi scene was cute...Every1 was teasing Naina.😳😳😉

Naina ne socha ki Raj sach mein nahin hai..she is just dreaming abt him but then

she realized that he is infront of her..😆😆

Rajveer,Huda and Alekh ka scene sabse zyada funny tha🤣🤣🤣

apne teacher ko shadi se pehle aur baad mein kya karte hain ki training dene ke liye usse accha time nahin mila dono ko😆😆

Rajveer sach mein phans gaya hai..😆😆

Finally Raj and Naina got married and again the background song was just too gud..😃😃

end part par mujhe koi commnet nahin karna jab tak sab solve nahin ho jata..vaise bhi comment kucch zyada hi lamba ho gaya..isi liye tumhe aur nahin paka rahi but better remember ki update jaldi karna hai kyunki mere bechare Raj ko kuchh hona nahin chahiye..samjhi😡😡

Bye

Edited by suhana.dixit - 14 years ago

Quote

Sumi_162710

@Sumi_162710

Rocker

Posted: 14 years ago

#175

Pata hai pata hai...main late hu...huh!! But u cant DARE to complain!! WHY??? ANTH ME KYA KIYA TUMNE?? 😡 Pata hai UD ka pehla and akhri hissa maine kaafi pehle padha tha...and last scene padhke itna tensed ho gayi ki tab comment nahi kiya...aur phir busy ho gayi. So u can see, its ur fault!!😆😆

Anyways...coming to my sweetheart Major Rajveer!! 😳😳 Main bhi hu line me sweetuu...😆😆...& chahe tum suno ya naa suno...I always say "I love you"...😉😉😳

The first scene was awesum...'game' khel rahe the!!😆😆 And phir Puja ko bhi Raj ne bakhubi smbhala...😆...next Huda n Aalekh ki entry wid "Bichare Rajveer Sir"...😆😆 sab mast tha!!

Station wali scene badhiya tha...of course the RN one. My Raj was blushing!!😳😳 And chalo Naveen ne ek sahi baat kii thi...that he wud get Naina married to Rajveer if needed!!😳😳😆😆

And then Raj ne sabko 'owl' banaya!!🤣 Huda & Yudi ko usne jo expression diye...hilarious!! 😆😆 Did I say I LOVE HIM?? 😳😳 Guess I did say...but then...will say again!!☺️

Aalekh-Neelu scene was gud...& so were Raj-Shalini and Gunny-Naaz. 😃

Then Nainitaal pohuch kar kaafi achhe scenes hue, Naina ne masti-mazak me sach apne parents se chhupa liya!!😊 And Huda-Aalekh ne usse Raj se milne nahi diya...but never mind they did more than compensation!!😆😆

LOVED Rajveer-Aalekh-Huda scene!!👏👏👏 And when Naina sees Rak in her room, taking him to be an illusion!!😆😆 Even that was beautiful...😃

Shaadi araam se ho gayi...as Puri wanted...lekin Sherni to Sherni hi rahegi. Jaise taise kaise bhi ho...apni manmaani karegi...😆😆...baja diya BAND!! Huh...😡😆😆

Anyways...wanna I loved the way Rajveer made everyone laugh in the station...uff...I just love him yaar!! 😳😳😳

Chalo, am moving to the next part. Maine abhi tak nahi padha, so naturally am super eager!!😳

Bye...😳

Edited by Sumi_162710 - 14 years ago

Quote

shreya

@XoxowpdXoxo

Dazzler

Posted: 14 years ago

#176

wow update ka lenghth aur size bahut achcha tha👏👏👏 tumhaare update se bhi achcha😆😆😆 nahi nahi galat mat samajhna update to uske lenghth aur size se bhi zaada achcha tha👏👏👏 kyonki rn ki shaadi jo ho gayilekin ek baat batao tum apne relatives se kumbh ke mele me kahin kho to nahi gayin thi jo dj's ke roop me sabtv pe shows dikhate hain😆😆😆 nahi matalab ye hai ki jaise lrl me dikhaate the lagbhag har week dhamaka dikhate to the hi show me tumper bhi kuch asar ho gaya hai unka thoda sa are yaar uper se padho to achcha achcha aur end tak pahunchte pahunchte to ek blast ho hi jaata hai ...nahi😆😆😆 main bahut der se tumhe gaaliyan de rahi hun ab nahi dungi iss liye jaldi melikh rahi hun bahut di n baad time mila hai isliye aur abhi jaldi bhaagna bhi hai ...update jaldi se karooo

ppplllsss😃😃😃

and yes lrl jokes are also very good👏👏👏

bbbyyyeee😊😊

Edited by shreyamathur_18 - 14 years ago

Quote

KrishnaSourav

@AayaTohModiJi

Achiever

+ 10

Posted: 14 years ago

#177

awesome , brilliant part.
loved it.
continue soon.

Quote

Purnima

@-purnima-

Stunner

+ 4

Posted: 14 years ago

#178

😲 😲...... hawww... My rajveer ...😭😭😭 ... maine shadi se pehle action ke liye mana kiya tha... par shadi ke baad action ke baare mein bhul gayi thi 😆😆😆

u will not let My Major rest in peace... Insaan ko shadi ke baad araam se nahin jeene diya 😭😭😭... poor him ...

coming to part it was as usual gud part 👏👏... once again Adil aaya to Priya bhi aayi...😃😃 so is baar i will say come soon adil i mean continue soon sumi... 😛😛😛

My smart & intelligent Rajveer ... kitni achi tarah handle kiya pooja ko 😆😆😆... bechari ne watt laga di major ki 😆😆... must say Major kya excuse banai 😎... KMA mein game khelte the 😆 & gussa bhi major kud hote hai 😆...fir mana bhi lete hai 😆😆

RN scene at station 😍 ... 😆😆😆...Major Dara diya bechari naina ko 😆 😆...
hai hai major ... ☺️ ...kafi pehle se naveen ne decide kar liya tha that u will be naina's dulha 😳😳 ... kafi door ki sochi Naveen ne ...😆😆😆...

Smart Major Rajveer 😳😳. bana diya na ullu sabko ek saath 😆😆😆 ...isliye Major se panga nahin lena chaiye 😆😆😆...

Naina ko shadi ki jaldi kyun thi ab samjh mein aaya 😆...bechari ko darr tha koi aur na chura le major ko 😆😆😆

Rajveer shalini-- hope major works out something for her too 😛😛😛

Gunny -naaz ka scene dekhkar .. RN ka candle scene yaad aagaya 😆😆... when Rajveer asked ... pehle ki naina kaisi thi 😆😆

Naaz ... kuch nahi bolungi ... pagal kar dehi mujhe 😆😆...
will focus on major 😍 ... .. loved his chori chuppi meeting with naina after mehndi 😳😳😳... gosh naina too asking same question "aap sach mein ho " 😆😆😆 ...

Loved the fast forwarded shadi 😳😳😳

😊😆😊
since Mj Rajveer ne kaha hai kisi ko nahin batana toh main bi muh par finger rakh leti hoon ... 😆😆😆...main kisi ko nahin bataungi RN ki shadi ke baare mein 😆😆😆...& yippiee ... Major wapis aakar party denge ...we want a Dj party

with Dj Raunak 😳😳😳

by the way is naina around 😛😛... wanna say something to major 😳😳 ... coz she said na ... major kisi ne kaha toh she will react 😆😆😆... guess naina shud learn some1's wife 😉😉😉 ... kitni understading hai 😛😛... she doesn't mind if her husband flirts or have coffee with a girl 😆😆😆...

Lrl Jokes 🤣 ... Rajveer getting smarter & smarter Day by day 😎...

continue soon sumi 😆😆😆... coz i think some conection is there b/w adil & major 😳😳😳

Edited by -purnima- - 14 years ago

Quote

Suhana

@suhana.dixit

Dazzler

+ 2

Posted: 14 years ago

#179

ek baat to reh hi gayi..

LRL jokes were too funny.Raj is really too smart😆😆😆

Quote

manali

@Revolutionbreez

Dazzler

+ 2

Posted: 14 years ago

#180

yeh main kya dekh rahi hoon????😲 😲 😲

Yeh ANKAHI hi hai na??? I mean... PRIYA ki fic??😲

toh itna long update kaise? kaise?? kaise??? 😲😛😆

anyways...love you for that dear !! 😃

aur update ke toh kya kehne!! ekdam jhakkas !! 😃

Bechare Rajveer sir ! 😆 😆 😆 apni cadet se pyaar karne ke side effects toh unhe bhugatne hi honge na ! 😆

Liked the whole station scene...Alekh Neelu waala bhi and ofcourse! RN scene bhi ! Aakhir Rajveer ne dikha hi diya ki he can very well handle the things...😛

Naina ka jaldbaazi mein shaadi karne ka reason...bhalehi funny lage...par hai toh sachchai ke kareeb na?😛😉

Ab likhnewaali tu hai toh BIDAAI ko bhi jyaada der tak emotional kaise rehne degi...😆 😆 dont mind Pri...filhaal uss waale scene se thodisi emotional attachment hai na...😛

And END was just WHAT I EXPECTED...! shocked??? 😲 he..he..he.. par pata nahi kyun mujhe jabse yeh shaadi kaand start hus hai tabse aise lag raha tha ki aisa hi kuch hoga...

maine tujhe bataya nahi...kyunki fir tu usse badal deti...😛 😛 😛 😆

chal...abhi update soon...soon boletoh SOON !! kya kare...itn padhke bhi mann nahi bhara...😊