~Diyar-e-Dil~ (SK) - 2nd last part

Hey friends.
once upon a time i was a very active member of IF.esp on Kahin To Hoga forum when Rajeev Khandelwal was Sujal Garewal.
I am just posting the first piece of writing...comments are most welcome and even if one person responded, i will continue it from where I left it...its still an incomplete story...

here u go:

~Diyar-e-dil~ (In the world of my heart)

------------------------------------------------------------ ------------------------------
Present:
Itni taiz raftaari se shayad uss ne kabhi gaari nahin chalaye thee
160 mph kee riftaar se woh apni gaari highway per chala rehaa thaa
kisi bhee waqt kuch bhee ho sakta thaa magar uss waqt uss keh zehan
main kuch bhee na thaa siwaye aik baat keh,aik jazbay keh,aik insaan
keh,,,,woh aik jaani pehchaani kashish kee dorr se khincha chala jaa rehaa thaa
woh jaanta thaa keh dorr ka aik sirra uss keh saath hay tau agla
sirra uss kee mohabbat keh saath bandha huaa hay!!!woh jaanta thaa keh AAJ
agar woh waqt per na pohancha tau woh apna sab kuch kho baithay
gaa,shayad apni jaan bhee!........usse apnay dil kee dharkanon main sirf aik awaz sunayi day rahi thee KASHISH KASHISH KASHISH......kashish jo uss kee mohabbat
hay,deewangi hay,junoon hay,zindagi hay,,,aaj wohi .........zindagi uss se door hoti jaarahi thee...woh apni zindagi se doori kaisay bardasht ker sakta thaa..
woh baar baar palat ker pichli seat per behosh parray uss wajood ko daikhta jiss keh honay se Sujal ka hona qayam hay!..Sujal aur Kashish,naam do hain magar pehchaan aik
hay!!!!jism do hain magar rooh aik hay!!!dil do hain magar dharkan aik hay!!!Sujal baar baar apni ankhon main aaye paani ko saaf kerta aur accelator per uss ka dabaa'o barh jaata!!!

Sujal(uss kee awaz band ho jaati hay ronay kee wajah se): Kashish! main tumhain kuch nahin honay doon gaa!,,,kiay tum yeh nahin janteen keh jab tak meri sansain chal rahi hain tab tak tumhain kuch nahin hogaa

Sargoshi: Sujal!

Sujal: Kashish! abhi tum ne mujhe awaz dee hay naa! main jaanta
hoon! tumhain kuch nahin hogaa!,,,bus hum pohanhcnay walay hain( yukdum khush hotay huay)

magar jab woh palat ker daikhta hay tau Kashish keh neelay partay
jism ko daikh ker uss keh ander ka darr aur bhee barh jata hay,,,,,,
abhi manzil door thee aur Sujal kee soch kisi aur hee dunya main safr ker rahi thee!!
woh un beetay lamhon main khoya huaa thaa jab uss ne kashish ko pehli baar daikha thaa!!

------------------------------------------------------------ ---------------
2 years before:
Kashish: ACP SUJAL KHANNA!maana keh aap shehr keh bohat hee eemaandaar police officer hain magar kiya kisi ne aap ko yeh nahin bataya keh aatang waadiyon keh ilaqay main AKAILAY ghussna koi aqal mandi nahin hay!!

kashish Sujal keh baazu kee marham patti ker rahi thee kiyon keh Sujal keh bazu ko aik terrorist kee goli laggi thee! Sujal keh honton per dabbi dabbi see msukaan thee kiyonkeh aaj woh pehli baar
kisi keh lehjay main apnay liye fikr daikh rehaa thaa!

Kashish:ACP sahab! main aap se baat ker rahi hoon,dewaaron se nahin!

Sujal: waisay kiya aap apnay her patient ko issi tarah daant'ti hain?(masoomiyat se poochtay huay)

Kashish(thoray se ghussay main): [COLOR = RED]kiya matlab hay aap kaa?main aap ko daant rahi hoon,aik tau aajkal kee dunya main koi kisi ka bhala na hee keray tau acha hay!! [/COLOR]

woh uss keh baazu per patti bandh chuki hoti hay aur ab injection laga rahi hoti hay jab
Sujal bohat ghaur se usse daikhta hay!!

"seedhi maang,ghannay kalay baalon kee lambi see choti banaye huay!!
white overall keh neechay se navy blue color ka dopatta jhank rehaa thaa!
baby pink colour kaa kurta aur navy blue color ka choori daar pehnay huay,
payron main kolahpoori chappal pehnay huay,ankhon main kajal aur
honton per natural color kee lipstick lagaye huay woh ankhon keh rastay dil
main utar janay kee hadd tak haseen lag rahi hoti hay!,,,Sujal uss keh coat
per lagga huaa badge daikhta hay!!"

Sujal: Excuse me Dr.Kashish Mehra! kiya main aap se pooch sakta hoon keh
mujhe kab tak yahan per rehna hogaa?(bilkul bachon walay style main bolay
huay)

Kashish: ACP sahab! jab tak mujeh yeh yaqeen nahin ho jata keh aap aindah
aisee bewaqoofi nahin kerain gay tab tak aap yaheen rehain gay!!

Kashish leaves!

Sujal: tab tau main aisee bewaqoofi her roz keroon gaa!

Kashish kamray keh darwzay se jhaankti huee : kuch kaha aap ne?

Sujal: ji,,nahin bus kuch nahin!

He lies down and goes to sleep!!!
Kashish kuch dayr ba'ad kamray main aati hay aur Sujal ko sota daikh ker uss
keh paas baith jaati hay

Kashish: kitni masoomiyat hay iss keh chehray per! aisa lagta hay jaisay barso'n se safr ker rehaa hay aur ab aaker usse apni thakan mittanay ka moqah mila hay!!

woh Sujal ko bus diakhay jaarahi hoti hay,, kisi anjanay ehsaas keh saath,
kisi anjanay rishtay kee kashish usse Sujal keh paas baithnay per majboor ker rahi thee...
Sujal keh maathay per uss keh kalay baal bikhray huay thay,left baazu per
patti banchi huee thee aur right bazu per drip laggi huee thee!sufaid rang
kee chadar orhay woh so rehaa thaa aur Kashish ko lag rehaa tha keh jaisay koi
farishta so rehaa ho!yuk dum Sujal ne karwat badli tau kashish ne ghabra ker
apna barha huaa haath rok liya! aur uth ker chali gayee!



--------------------------------------------------------------------------------------------------------------
Folks, if u like it,don't like it,don't understand hindi/urdu...anything...
may be i am just writing to satisfy my creativity....
i wud really appreciate your input....

thank u so much for this fic dear

27 views 1 reply 😊 I am glad that people are reading or even taking a glimpse at it!

Thanks Pinky ... this one is just for you ...i hope you like it...keep critcising it and don't hesitate in telling me what you want to read...unfortunately I lost all the videos and pictures that I collected but any ways I hope my writing makes it up for it 😊


<font size="4">MEDICAL CAMP:</font>

Sujal keh karwat badaltay hee Kashish uth ker chali kyonkeh wo nahin chahti thee keh Sujal usse daikhay magar Sujal halki neend main thaa..usse ehsaas ho gaya thaa keh kashish uss keh saath hee hay..woh aik dheemi se muskaan honton per sajaye khuwabon kee dunya main chala gaya…jahan per wo aur Kashish aur koi nahin…Usse khud per hayraani huee keh wo aik larrki kee tarah kiyon khich'ta chala jaa rehaa hay jiss ka uss se koi rishta bhee nahin hay…

<font size="5">At Night:</font>

Kashish : Mr. ACP! Mujhe aap ka zakham daikhna hay?

Sujal : konsa zakham?

Kashish (parayshaan ho gayee) : iss bazu keh ilawa aur bhee koi zakham hay aap ko? Aap ne bataya hee nahin? Pehle bata daitay per nahin ghalti meri hay, doctor main hoon mujhe pehle hee aap ko sahih se check kerna chahiye..I am sorry..per mujhe tau aap keh bazu keh ilawa aur koi zakham dikhayee nahin diya? Kiya aap ko kaheen per dard ho rehaa hay jo aap ne mujhe bataya nahin? Ab aap ko dard hogaa aur aap nahin batayen gay tau mujhe pata tau nahin chalay gaa naa. Patient ko humesha dard keh baray main khud hee bata daina chahiye. Ab doctor hoon,koi Najoomi tau nahin jo aap kee haath kee rekha daikh ker bata doon keh aap ko kahan dard ho rehaa hay…

Sujal (betahasha hanstay huay aur apnay kaanon ko haath lagatay huay) : bus bus Dr. Sahiba..mere 2 lafzon keh sawal ka itna lamba jawab!!Aap kee zaban ko dard nahin hota kiya? Itnaaaa boltay huay? Khayr! Mujhe aur koi zakham nahin hay (Kashish! Kash keh main tumhain apnay dil keh wo zakham dikha sakta jo zamanay ne mujhe diye hain,tumhain pehli baar daikha tau dil kiya keh apna sab kuch tumharay hawalay ker doon aur apnay dil ka bojh halka ker doon..Sujal ne yeh sab kuch dil main socha)

Kashish: Tum… Oh Sorry! Aap ne tau mujhe dara hee diya thaa. Aindah koi takleef ho tau please mujhe bata diya kerain takay main aap kee madad ker sakoon (Sujal! Tum mujhe kuch na bhee batao per tumhari ankhon main aik baar daikhnay keh ba'ad hee mujhe andaza ho gaya thaa keh tum wo nahin ho jo dikhtay ho …Kashish ne dil main socha)

Sujal : Aap mujhe tum keh sakti hain..Aap keh moonh se itna apna-pan acha lagta hay (Sujal kee muskurahat gehri ho gayee)

Kashish: Acha tau phir Aap..I mean Tum bhee mujhe tum bulaao gay tau maza aaye gaa. Dosti barabar kee ho tau acha bhee lagta hay

Sujal (uss kee ankhon main aik chamak see aajati hay): Aray wah! Tum ne tau khud hee saray takalluf bhula diye. It's good! I like it..chalo ab friends…Hand-shake (wo haath aagay barhata hay per dard keh maray aik siski nikal jaati hay)

Kashish (foran uss keh paas baith'tay huay aur uss ka bazu apnay komal hathon main laitay huay) : Sujal! Tum bhee naa…kiya zaroorat thee iss zakhmi bazu ko hilanay kee..Abhi tumhara zakham sahih nahin huaa hay aur tum ho keh care hee nahin kertay.

Sujal : ab tum meri friend ho tau ab tum mera khayal rakho gee.main tau nahin rakhnay wala…

Kashish: aray wah! Main friend hoon tumhari,biwi nahin jo her waqt khayal rakhoon…

Awkard silence between them : Both looking at each other : Sujal ka bazu kashish keh haathon main aur Sujal ka hath uss keh haath per : donon aik doosray kee taraf daikhtay rehtay hain aur back ground main pooray chand kee raat apni chandni kee roshni main nahayi aik jadooyi mahol ka samaa'n payda ker rahi thee..Tabhi Kashish ka mobile baj jaata hay aur iss khamoshi ka sehar toot jata hay

Sujal (dil main sochtay huay) : kitni masoom larrki hay..itni choti see baat ker dee aur usse pata bhee nahin chala keh uss ne aisa keh ker mere dil main halchal macha dee hay.
Kuch faslay per Kahish fone per kisi se baat ker rahi thee aur Sujal kee nazrain Kashish per se hutt hee nahin rahi theen..

Kashish (fone per baat kertay huay) : Haan Papa! Main bilkul theek hoon.mujhe kuch nahin huaa hay bus aik ACP officer zakhmi huaa hay aur uss keh kuch jawanon ko chotain aayi hain…nahin Papa! Abhi tau aana mushkil hay.kam az kam 2 haftay tau lag jayen gay….abhi paas main aik gaao'n hay…vijaynagar…wahan per bhee jana hay…ok papa! Apna khayal rakhna..Love you papa…bye

Kashish: Sorry Sujal! Wo Papa ka fone aagaya thaa…anyways tau hum kiya baat ker rehay thay?

Sujal : keh tum meri friend ho biwi nahin… (Sujal ne ankh maari)

Kashish: One-track aadmi..jahan kisi larrki ne lift kerwa dee waheen per sab larrkay phayl jaatay hain jaisay keh Shehzada Gulfaam hon aur hum pariyon-jaisee larrkiyan unn kee kaneez hoon…(Kashish ne moonh banatay huay kaha)

Sujal : aray baba! Main tau mazaaq ker rehaa thaa..agar mujhe larrki milni hoti tau itnay handsome,dashing,stylish ACP ko kon NAA ker sakta hay…

Kashish : barray aaye Handsome kaheen keh…acha Sujal ab tum apnay camp main aaram kero,,main bhee bus sonay jaa rahi hoon,,,raat kaafi ho gayee hay…

Sujal : ruk jaao naa…daikho aaj chaudhveen ka chand hay aur aisay main born-fire ka maza hee alag aaye gaa…hum poori raat baith ker batain kerain gay

Kashish : Pagal ho gaye ho kiya? Abhi dosti ko 1 hr bhee nahin huaa aur tum ho keh itnay lambay plans bana rehay ho,,,koi zaroorat nahin hay…hum ne dosti kee hay naa aur abhi hum 2 weeks saath bhee tau hain,,,aahista aahista jaanain gay naa aik doosray ko…theek hay ?

(Sujal! Mujhe ehsaas ho rehaa hay keh main tumhaari taraf bohat attract ho rahi hoon per mujhe khud ko rokna hogaa,,pehle humari dosti ko samajhna hogaa…kiyonkeh tumhain daikh ker jiss kashish ka ehsaas huaa hay mujhe wo kuch alag hay…magar main khud ko waqt daina chahti hoon..larrki hoon naa! Aik dafa dil kee baat maan lee tau peechay hatt'na mushkil ho jaye gaa aur main nahin chahti keh mere kisi qadam kee wajah se tumhain takleef ho…Kashish yeh sab kuch dil main sochti huee Sujal ko Bye bol ker apnay camp main chali gayee)

Sujal : Kashish! Tum kaisee larrki ho,,aik pall main itni apni aur doosray pall main itni parayi…chalo koi baat nahin,,abhi 2 haftay tum meri ankhon keh samnay tau raho gee naa…abhi mujhe iss se ziyadah kuch nahin chahiye! Shab-Bakhayr

----------------------------------------------------------------------------------------------------------------
<font size="6">PRESENT:</font>

Sujal ne aik nazar peechay behosh parri Kashish per daali..uss keh neelay parrtay hont bohat darra rehay thay...Sujal ne gaari kee riftaar aur tayz ker dee...wo kisi bhee qeemat per Kashish ko nahin kho sakta thaa..Kashish nahin tau Sujal nahin...Kashish kee sanson se Sujal kee sansain jurri hain...kiya koi shakhs itna eham ho sakta hay keh doosra uss kee jaan se apni jaan jorr day...Kashish roti tau Sujal rota..Kashish hansti tau Sujal hansta..kashish kee khushi main Sujal kee khushi...yoon lagta thaa keh Kashish hee Sujal kee dunya hay aur kaheen per kuch bhee nahin hay...
Sujal : Kashish ! please ankhain kholo..daikho bus hum pohanchnay walay hain,,,bus 10 mins aur kashish,,please ankhain kholo...tumhain humari mohabbat ka wasta kashish,,,uss zindagi ka wasta jo tumharay ander saans rahi hay...please kashish...humaray bachay kee khaatir hee ankhain kholo...


to be contd....

wow awesome fantastic story.....................loved it completely.................the second part was very touching................and the lines were mind blowing.................thanks for the pm about this story pinky...................else i would have missed such a good story on sujal and kashish..................hey mehraal dear pm me when u post the next parts...................dont forget..............cont soon..............

Veryyyyyyyyyyyyyyyy nice part and uss se B zayadaaaaaaaaaaaaa intresting story lag rahe hai dear next part jaldi se post karna hum BEsabery se intzar karrain gay............Humaira

awsome fic

Hey!

hey pm me too....sorry m busy these days so cnt comment properly....pinky thanks for the link....

OMG!
Thanks a lot folks..I am really touched 😊....I am going to try and make this story as interesting as possible and will use a bit easy urdu from now on and I may add some english to it as well ...
stay tuned...next part coming up
and I am adding the people to my buddy list who asked for pm... 😳

Present:

Sujal drove like a maniac and reached the nearby hospital in the city of Shimla. He screamed for help as he picked up unconscious Kashish in his hands…Uss keh bazu Kashish ko aik bejaan gurya kee tarah uthaye huay thay..Sujal ka buss nahin chal rehaa thaa keh wo kashish keh liye sab doctors ikathay ker laita…ACP Sujal Khanna ko kon nahin jaanta thaa…uss ko daikhtay hee wardboys,nurses,attendent Physician jama ho gaye…Kashish ko aik streture per daal ker foran Emergency Room main lay gaye…Her blue lips,nails and extremities were telling a lot in themselves..Doctors thought of hypothermia right away and began their treatment based on their presumptive diagnosis.However, to confirm the diagnosis, Kashish's temperature was checked and her core body temperature was below 33 degrees celsius which is a cause of profound hypothermia. Luckily Sujal was able to keep Kashish conscious so right away the hospital staff started on keeping her warm in a pile of blankets and sleeping bag..but before doing that, her clothes were changed to a dry hospital clothing…Kashish's breathing was very slow and shallow,She was having difficulty breathing so she was put on ventilator. Her BP was extremely low and her heart rate was slow as well. Her entire system seemed to be shut down and working very slow. She was hooked up with ECG machines to monitor her heart rate,rhythm as doctors wanted to see any abnormality that might happen during treatment like heart attack. She was avoided giving IV lines because fluid infusion impair the raise of body temperature. Doctors were quite hopeful that Kashish will recover soon because she was responsive but then suddenly something unexpected happened.

Past:

Kashish : Sujal ab uth jaao! Kiya ghoray gadhay baych ker so rehay ho,daikho sooraj chachu sir per pohanch chukay hain (kashish sujal keh camp main ghuss ker usse jaganay kee nakaam koshish ker rahi thee)

Sujal : Sooraj chachu se bolo keh chalay jayen kiyonkeh aaj humara mood nahin hay uthnay kaa aur tum kiya shaytan kee nani ban ker pohanch gayee ho? Sonay do naa…itnay meethay meethay sapnay aarehay thay

Kashish: Sujal uth'tay ho ya paani phainkon? Pata nahin tum ACP kaisay ban gaye…itni tough training hoti hay aur subah kitni jaldi uthna parrta hogaa naa,bechara tumhara butler..tumhain jaga jaga ker thak jata hogaa aur tumhain kehta hogaa keh Sir jee! Uth jayen aur training per ehsaan ker dain…hain naa! Uffffffffffff ho! Kiya museebat hay Sujal..tum apni friend ko itna tang ker rehay ho,apni biwi ka kiya hashr kero gay

Sujal keh kaan biwi keh naam per kharray ho jatay hain : kiya kaha tum ne? zara phir se kehna …BIWIIIIIIIIII…Kashish! Yeh tum 24 hrs main doosri baar biwi ka zikr ker rahi ho? Kiya baat hay? Aakhir maajra kiya hay?

Kashish: O one-track aadmi,,uth jaao aur fazool kee batain band kero…mujhe tumharay zakham kee dressing change kerni hay aur phir abhi iss ulfat-nagar se patients aana shuru ho jayen gay..,mujhe unhain bhee daikhna hay…

Sujal: yaar kiya tum bhee naa! Ab banda apni friend per line bhee nahin maar sakta..

Kashish : her giz nahin,,,sharafat keh dairay main raho warna main tumhain apni dosti keh circle se nikaal bhee sakti hoon…

Ab is baat per Sujal kee ankhain ubal ker baahir aanay kee hadd tak khul jaati hain aur wo foran uth ker baith jaata hay…black sleeveless vest aur black with white strips keh trouser main,bikhray bikhray baalon keh saath uss kee mardana wajahat keh moonh boltay saboot,,uss keh bazu keh muscles…yeh sab Kashish ko nazar churanay per majboor ker daitay hain..

Sujal : kiya kaha tum ne? mujhe …yaani keh mujhe (apni taraf ungli kertay huay) tum apni dosti se mehroom rakho gee..aisa agar tum ker keh dikha do tau main maanoon tumhain…Kashish bibi! Pichlay 30 hrs main jitna tumhain jaan paaya hoon naa uss keh lihaaz se ab yeh dosti tum umer bhar keh liye nibhaao gee…

Aur tabhi Sujal keh paas Kashish aaker baith'ti hay tau Sujal kee nazrain Kashish keh saaf chehray per se hotay huay uss keh kapron keh colors per jaa parrti hain..aaj Kashish ne Dhaani rang ka choori daar aur saath main matching chooriyan pehan rakhi hain…

Sujal : Kashish please tum itna tayyar mat haa kero..kisi din nazar lag jaye gee!

Kashish: first of all ACP sahab! Aap kee baat bilkul sahih hay…ab tum se dosti tau zindagi bhar kee hay agar zindagi ne wafa kee tau…aur doosri baat! Main tayyar kahan huee hoon,,bus aaj dhani rang pehan'nay ko dil kiya aur ittifaq se chooriyan bhee theen tau pehan leen warna tumhain tau pata hay naa keh doctor ho ker yeh sab fashion kerna mujhe ajeeb sa lagta hay..anyways! laao main tumhari dressing ker doon….

Sujal ka bazu thaamtay hee Kashish ko phir se wohi ehsaas huaa..wohi anjana saa,magar jaana pehchana saa..jaisay koi atoot bandhan ho donon keh beech…magar aisa kiya thaa? Yeh kashish kee samajh main nahin aarehaa thaa…khayr wo iss baat ko zehan se jhattaktay huay Sujal kee dressing change kernay main masroof ho gayee tabhi Sujal keh mobile per beep huee…Sujal ne daikha tau aik message thaa..

"apni zindagi keh din gin'na shuru ker do.kab konsee goli tumharay bazu keh bijaye tumharay bhaijay keh aar paar ho jaye,kuch kaha nahin jaa sakta"

Sujal keh chehray per aik vein humesha ubhar jaati hay jab bhee usse ghussa aata hay…Sujal ne jaisay hee message parha,,uss ko bohat shadeed ghussa aaya aur kashish ne uss ka chehra daikha tau dheere se boli

Kashish : Sujal! Itna ghussa acha nahin hota.mujhe nahin pata message main kiya hay per tumhara aisa chehra bilkul acha nahin lagta.apnay aap ko calm rakho,bahadur wohi hay jo ghussay ko control main rakhay..chalo ab tum jaldi se fresh ho ker aajaao phir mil ker nashta kertay hain..

Yeh keh ker kashish chali gayee aur Sujal sochta reh gaya ..yeh kashish kiya hay? Kabhi aik mehrbaan dost kee tarah marham rakhti huee tau kabhi aik sakht ustaani keh roop main dant'ti huee tau kabhi aik sachay jeevan sathi kee tarah mera chehra daikh ker mere mann ka haal pehchaan jaanay waali)