Ek Mitha Ehsash, Part 4, 02/06 - Page 6

As we are celebrating the anniversary whole week, I remembered our Friday treats, so I had planned to update the story with some xtra added parts today (these xtra parts are planned later as you boost up my energy so much, aab to bhugatna hi parega doston), just finished checking and….. here I am with my dish………………..

Xtra - 1

Ek din shaam ko un sabko kisi ke ghar koi utsav me jana tha. Dopehar ka sara kam jaldi se khatam karke Kranti thoda aram karne ke liye apne kamre me gayi aur udhar Raj ka lunch break ke baad agli case ke hearing me abhi ek der ghante ka waqt hai, toh woh bhi thoda aram kar raha hai.

Dono hi pichle kuch din o ke bare me soch rahe hai, aur jahir si baat hai woh sare yaaden un dono ko hi khush kar rahe hai.

Kranti soch rahi thi Raj ne jis din se apni dil ki baat itne saaf tarike se uske samne rakhhi hai uske baad se din jaise pankh lagake khusi o ke uran bhar rahe hai. Sari jindegi me sayad yehi kuch khusi o ke pal the jise usne jiya tha aur yaad karke muskura sakti hai.

Ek din keya hua tha ke…………

Kranti ko ek krantikari sabha me jana tha, woh subhe se kaushish karke bhi Raj ko nehi bata payi, der dopehar ko sabha tha, sabha ke baad wohi se morcha nikla, kuch der jate hi morche pe police ne lathi charge kar di, Kranti thodi piche ki taraf hi thi aur chunri se usne apna muh dhak rakhha tha kyun ke woh nehi chahti thi ke gharwale koi bhi mushkil me pare. Ek lathi us ke upar parne hi wali thi….. woh aapna dono hath uthake apne aap ko bachane ki koshish kar rahi thi aur uski ankhe bandh ho gayi thi……. Lekin lathi uspe nehi pari, kisine use dono hatho se pakar ke ghuma diya, aur use dhakke de de kar sabse bachate hue bhir se bahar le ke ja raha tha, usne piche mur ke dekha nehi lekin use pata chal gaya tha yeah Raj hai, yeah Raj hi hai…..Raj ka chhuna, uski khusbu is bewaqt bhi use sukun de rahi thi.

Raj ne use bhir se thodi dur le ja kar ek deewar ke piche khara kar diya aur bola yehi rukho hilna mat, aur fir bhir ke taraf bhaga, Kranti deewar ke ek taraf aa ke jukh ke dekhne lagi Raj kaha ja raha hai aur keya karne, Raj ne jaise Kranti ko bachaya waise hi aur do tin aurat o ko usne bhir se ek taraf kar diya, aabhi log idhar udhar bhag rahe hai aur police aur aage bar rahi hai, to Raj bhi Kranti ki taraf bhaga, Kranti wohi khare khare Raj ko dekhne me kho gayi thi, Raj daur ke uske pas aaya aur kaha chalo jaldi se, Kranti use dekhe hi ja rahi thi usne koi baat suni hi nehi, Raj ne use hath pakar ke hilaya aur khich ke apne car ki taraf le jane laga, usne aapni car thodi dur khari ki thi kyunke use yakin tha aisa hi kuch hone wala hai, dono car ke pas pahche, aab Raj ne Kranti ka hath chhor diya, dono haaf rahe the…..

R: Tumlogo ka yeah bina koi taiari ke kurbani ka andaz mujhe samjah nehi ata.

K: Tumhe yeha aneki koi jarurat nehi thi, main apna kheyal khud rakh sakti hu.

Raj kuch kehne ja raha tha par uske badle usne fatak se Kranti ko baho me le liya aur kaha "its all right darling, calm down, calm down, everything is alright now, its all over look police is here now….. Hello Inspecter" (Kranti samajh gayi woha pe police aa chuki hai), usne bhi turant rone jaisi sakal bana li aur Raj se lipat gayi….

R: Aab sab thik hai na inspecter sahab? (Kranti Raj ka ek hath pakar ke khari hai)

I: Han han, par aaplog yeha keya kar rahe hai?

R: Woh humlog kahi ja rahe the aur morcha dekha to rukh gaye, keya hua, kitni der lagegi yeah janne ke liye main gari se utar ke thoda aage gaya to meri wife dar gayi ke mujhe kuch ho na jae (aur usne Kranti ko fir se ek hath se pakar liya) toh woh bhi mere piche piche gayi aur yeah sab dekh ke thodi ghabra gayi bechari, aap samajh sakte honge bhir ke bich dar gayi hai (yeah keh ti hi usne aise Kranti ko dekha Kranti ko hasi aa gayi, Raj ke hontho pe bhi ek halki dabi si muskan thi), Kranti ne hasi ko rone me badal diya..

I: Arrey madam ghabraye mat aab sab thik hai, sare badmash bhag gaye, aab darne ki koi baat nehi.

R: Toh humlog aabhi ja sakte hai, Inspector saab?

I: Jee jarur jarur…

Police woha se chali gayi.

R: My darling wife are you ok? (majak kar raha hai)

K: Yes my husband I am. (muskurake kaha)

Fir dono jor se has pare. (dono lekin ek dusre ko pakar ke hi khare the)

K: Tum morche pe kyun aaye the Rajveer?

R: Mujhe pata tha tum yeha aaoge jaroor, isi liye.

K: Par maine to tumhe nehi batayi.

R: Apni biwi ki kuch baaten bin kahe bhi samajh na chahiye.. hai na.

(Kranti khus hui ke bina bataye hi Raj ko uske man ki baat pata thi)

K: Ek baat to hai tum acting bhi achhi kar lete ho (baat ko ghumana chahti thi)

R: Keya kare tumhare saath rehte rehte aadat par gaya hai.

K: Han thik hi kaha tumne humlog bahat din o se ek jhuti jindegi jee rahe the. (ek lambi saans chhori)

R: Waise tum bhi kuch kam nehi ho..

K: Tumhi se sikha hai…

R: Jo sikhna chahiye woh to tum sikhna nehi chahti….. aur baki…

K: Keya matlab keya hai tumhara?

R: (Aajkal Raj koi mauka nehi chhorta Kranti ko aapne chahat ka ehsash dilane ka, Kranti ke ankho me dekh kar…) Tumhe sach me mera matlab nehi pata……

Kranti sharma gayi aur Raj se thodi dur ho gayi.

R: Chalo aabhi ghar chalte hai, nehi to sablog pareshan ho jayenge.

Dono car me ja kar baith gaye, car start karte waqt Raj ke muh se ek awaz nikla, jaise ke use koi dard hua. Kranti ne chauk ke uski taraf dekha

K: Rajveer tumhe koi chot lagi hai keya?

R: Dikhanewali chot?

Kranti ne gusse se dekha

K: Har waqt tana marna jaruri hai keya?

R: Yeah maine meri biwi se sikha hai

K: Tum fir se….

R: Achha achha thik hai chalo dekhte hai tumne mujhse aur keya keya sikha hai. Tumhe gari chalani aati hai.

K: Nehi, kyun?

R: Tum krantikari o ka yehi to problem hai, tumlog pure taiari se koi kaam nehi karte ho, tum sabko chahiye agar tumlog govt. ke sath sach me larna chahte ho to kuch jaruri cheese tumlogo ko ana chahiye, Agar gari chala paogi to kahi se bhi jaldi dur bhag sakte ho na.

K: Par main to …

R: Aab tum yeah mat kaho ke ledkiya gari nehi chalati…. And all that, tumhare muh se sunna achha nehi lagega.

K: Main nehi par mere kai baki sathi jante to hai gari chalana.

R: Par tumhe bhi ana chahiye,

K: Tumhare hatho me chot aayi hai na (Raj ko dard ho raha tha yeah baat Kranti ki ankho se chup nehi payi)

R: Nehi kuch khas nehi….. (use khusi hui ke bina bataye hi Kranti ko uske dard ka ehsash ho gaya hai)

Dono ghar pahche to baki sab to apne apne kamre me the woh dono BBR ke samne par gaye.

B: Arrey devrani ji kaha the aap?

R: Woh parjai ji maine Kranti ko bulaya tha kisi kam se.

B: Hum e bhi to pata chale ke kaunsa jaruri kam tha, ke devrani ji kisi ko kuch bina bataye hi bahar chali gayi.

R: Agar aab sunna chahte hai to main bata sakta hu… par…. aapne nayi nayi biwi ke saath main kaha gaya tha aur keya karne, yeah sunna…

(Kranti aab tak chupchap wohi khari thi aab rasoi ki taraf chali gayi)

B: Nehi nehi devar ji jane dijiye, asal me hamari bhi kabhi nayi nayi sadi thi, par mujhe toh tumhare bhaisahab ne aise kabhi bhi kahi ghumane nehi legaye.

R: Arrey woh to mere ache nasib ke mujhe aap jaise parjai ji mili hai, aap dono ne jab humlogo ka bahar bheja ghumne ke liye tabhi se to mujhe lagta hai ke kabhi kabhi biwi ko lekar ghumna firna chahiye, hai na parjai ji aap keya kehte hai…

BBR apni fiki hasi has kar woha se chali gayi. Raj apne kamre me ja kar coat utara par use bahat dard ho raha tha kyun ke morche me use police ke tin char lathi bahat jor se lagi thi. Woh shirt ke button khol hi raha tha ke Kranti chunri se pakar kar hath me ek katori lekar kamre me aayi. Katori ko bistar ke pas wale table pe rakh kar usne kamre ka darwaja bandh kiya aur fir……….

Thanks pen, sasha, manalee for ur achhe achhe comments.

Maine itna sara line likhha par sabki dimag ja ke woh bandh darwaje ke piche atak gaya, very bad girls…. 😕

Just joking yaar… 😆

I m very glad tum sabko pasand aa raha hai, aaplog khus to main bhi khus. I shall update asap tab tak thora suspense me raho aur socho socho 😉

Chhota Sa Ghar Hai Ye Magar
Tum Isko Pasand Karlo (Darwaaja Band Karlo)
Main Haan Kahu Ya Na Kahu
Tum Mujhko Rajaamand Karlo ( Darwaaja Band Karlo )

Thanks again for liking it……

Xtra - 2

Raj khare khare use dekh raha tha, use samjah nehi aa raha tha ke Kranti keya kar rahi hai, Kranti bistar pe baith kar Raj ko ishara kiya uske samne bistar pe baith ne ke liye. Raj aa kar baith gaya.

K: Aapna shirt kholna jara

Raj Kranti me khone laga tha.

K: Rajveer… Raj …. shirt kholo

R: Kyun?

K: Oof…. Kyun keya.. mujhe keya pata nehi hai tumhe morche me chot aayi hai, aapna shirt kholo mujhe dekhni hai

R: Oh… arrey tum bekar me pareshan ho rahe ho, bas thodi si chot hai serious kuch nehi, thik ho jayegi.

K: Han chot jaldi se thik ho jaye isi liye to lep lagana hai.

R: Chhodo na ….

K: Arrey mere wakil sahab hamesha itna bolna jaroori nehi hota, kitne bolte ho tum…

Aab Kranti khud hi uske shirt ke button khol ke shirt khol di, shirt nikalte waqt Raj ko thori taqlif jarror hui, aabhi tak to kuch nehi ho rahi thi par aab Kranti ko thoda ajeeb sa lagne laga. Par chot pe lep lagana bhi to jaruri hai. Raj ko char panch jage pe chot aayi hai, hath aur pith pe, sare jakham nile parne lage hai……

Raj ko Kranti ka chehra dekh kar maja aa raha tha, aur woh khus bhi tha ke Kranti uske liye itni pareshan hai.

Kranti Raj ko marham laga rahi hai par uske ankho me ek bar bhi nehi dekh rahi hai. Use pata hai Raj sidhi usko hi dekh raha hoga, aajkal Kranti Raj ke aise najro ke samne na jane kaise par madhosh sa ho jati hai. Raj Kranti ke thoda aur karib aa kar baith gaya.

Raj use dekh e hi ja raha tha, Kranti ka chehra jhuki hai aur woh Raj ke baye hath par lep laga rahi thi, use bahat bura lag raha the ke uski wajah se Raj ko itni chot aayi hai, Raj ka hath Kranti ke god me hai, achanak Raj ke hatho me do tin boond garam pani gira. Kranti ro rahi thi, Raj ne apni baye hath ki muthhi bandh kar li, daye hath se Kranti ke ansoo poche aur kaha main apne hath me aur tumhare ansoo ke bojh nehi utha paonga, main apne hatho se sirf…. sirf khusi bhar dena chahta hu tumhari zindagi me, mujhe ek mauka do Kranti…… Please.

Kranti thodi der chup rahi fir ek saans chhori aur kaha tumhe aur koi chot aayi hai keya, (uske najre aab bhi jhuki hi thi)

Raj ne uske chehra uthaya kuch nehi kaha sirf dekhta raha.

K: Aur kahi lep lagana hai?

R: Us chot pe tum kaun sa marham lagaoge, jo itne din o se mere dil me hai, aur jo sirf tum hi thik kar sakte ho…

K: (sidhi Raj ke ankho me dekh kar) kuch chot pe jitney bhi marham lagao woh kabhi thik nehi hote, aise chot ka tazurba tumhe sayad pehli bar ho raha hoga par mujhe to adat si par gayi hai waise choto ke sath jine ki. (yeah baat karte hue uske ankho me ek dard dikh raha tha)

Raj kuch keh nehi paya, use Kranti ka dard ka ehsash tha aur use apne aap pe gussa bhi aaya yeah soch ke, ke unchahe hi sahi Kranti ki kayi dard ke wajah Raj khud hai. Uska chehra bhi thodi maush ho gaya. Yeah dekh Kranti ko Raj ke liye bura laga. Katori utha kar jate jate usne kaha ke "Waqt ke sath sath agar koishis kare to sayad kayi jakham bhar bhi jaye". Dono ne jaise ek dusre ki kahi unkahi baante samajh li, halka sa muskuraya aur ankho se ek dusre ko bahat hausla diya.

K: Tum thodi der aram kar lo, main aati hu..

R: Hun…..

Aur ek din ki baat hai……….

Raj dopehar ko ghar lauta ek jaruri file ke liye, woh jab ghar aaya tab sab lok khana kha ke apne apne kamre me aram kar rahe the. Raj jab chupchap apne kamre ke samne gaya to dekha ke darwaja bandh hai. Usne halka sa dhakka diya to darwaja khul gaya par andar se koi awaj nehi aa rahi thi. woh ahista ahista andar gaya aur bina koi awaj kiye darwaja fir se bandh kar diya…….

Kranti bistar me ulti so rahi hai samne ek kitab hai sayad parte parte so gayi hogi. Aur woh bistar me tedi karke so rahi thi …..

Raj ko use dekh kar hasi aa gayi. Woh dono rat me sath sote to hai par Kranti ek kone me aur Raj ek kone me, jab tak puri neend na aa jati tab tak jitna ho sake woh kheyal rakhte hai ke dono takra na jaye aur jitna ho sake duri bani rahe, uske baad bhi jab neend khulti hai to aksar dono bahat pas hote hai. Par aab dopehar ko Kranti ka sona dekh kar lag raha hai ke jaise woh pure haq se apne bistar me so rahi hai. ….

Raj kuch der khara use dekh raha tha, uski chehra ka sukun use bahat achha lag raha hai, usne socha Kranti soyi hai to use thodi aur pas se ji bhar ke dekh le. Kranti ke dono taraf itni kam jaga hai ke Raj apne pair jamin pe rakh kar dhire se bistar me aapne hatho ke upar sar rakhke adha lait gaya, aur kranti ko dekhne laga. Thodi hi der me uski ankh lag gayi aur woh sidhe lait kar waise hi so gaya, fir thodi der baad achnak uski ankh khul gayi……

Aab Kranti sidhi lait e hui hai uske behad karib, Kranti ka baya hath Raj ke sine pe hai aur hath ke ungliya Raj ke baye taraf ke gal ko chhu rahi hai. Raj ke dono hath uske sar ke piche tha. Kranti ka hath parte hi Raj chauk gaya tha aur uski neend khul gayi thi, thodi der jaise usne aapni saans bandh kar li ho, use samajh nehi aaya ke woh keya kare, usne halke se apne garden daye taraf ghumaya Kranti ka chehra dekh ne ke liye. Raj thoda sa hi hila to…Kranti jaise koi mitha sapna dekh rahi hai aise muskurake ke baya hath ko thodi piche le li aur Raj ke taraf mur gayi, aur aab to sach me Raj ki saans atakne wali halat ho gayi kyunke Kranti ka sar Raj ke daye hath ke upar kandhe ke pas hai, Kranti ka daya hath Raj ke sine pe hai, uske pair Raj ke pair o ko (jitna bed pe hai) chhu rahe hai, matlab ke Raj aab puri tarha Kranti ki bahon me hai…….

Aab aise halat me yeah mumkin nehi tha Raj ke liye ke woh apne aap ko rokh paye. Woh Kranti ke taraf mur ke Kranti ko apne bahon me le liya aur Kranti ka matha chum liya. Kranti ki ankh khul gayi. Pehle to woh adhi jagi adhi soyi madhosh nazro se Raj ko dekhne lagi aur sath sath Raj ko aur kas ke pakar li, Raj ne uske galo pe halke se apne hoth rakhhe tab jaise Kranti ko jhatka laga aur uski neend ya sapna tut gayi, usne jhatke se apne aap ko Raj se alag kiya aur uth kar baith gayi, Raj achambhe me tha. Aab woh bhi uth kar baith gaya. Dono sharmake kuch keh nehi pa rahe the aur ankh to bilkul nehi mila rahe the. Thodi der baad…

R: Wo mujhe ek file chahiye thi, isi liya main….

K: (thodi der baad) Na jane kab ankh lag gayi meri kuch pata hi nehi chala ke tum kab aaye.

Raj apne table ke pas ja kar file dhunde laga, Raj Kranti ka chehra dekh kar kuch samajh nehi paya ke Kranti gussa hui ke nehi. Kranti apne aap ko kos rahi thi ke keya ho gaya hai use har waqt use Raj dekhai deta hai, aur aaj to usne had hi kar di sapna samajh ke Raj ke bahon me khoyi hi ja rahi thi.

R: Wo .. Kranti agar tumhe bura laga ho to I am sorry…. Par …

K: Tum kuch khaoge?

R: Kranti please gussa mat ho…. Mera kuch……

K: Tum aaye kab aur dopehar ka khana kha liya keya?

Raj Kranti ke pas aa kar jamin pe adha baith kar Kranti ke dono hath apne dono hatho me le kar bola "mera yakin karo Kranti, maine kuch jan bujh kar nehi ki, woh bus …." Kranti abhi pehle ke tarah gussa nehi hoti usne Raj ko bich me hi rokh di aur kaha " maine koi sikayat ki keya…… aur dekha jaye isbar galti to meri bhi hai….."

R: (Hausla thoda barah) pata nehi Kranti par mujhe ek baat samajh nehi aati.

K: (ankho se jaise pucha "Keya")

R: Hum dono pati patni hai aur hum kyon hamesha galti galti kiye jate hai. Main manta hu ke tum sayad aab bhi mujhe puri tarah se apna nehi saki par main pure dil se tumhe apni patni manti hu aur fir hum dono ka rista hai shadi ka. Tumhe nehi lagta jo ho gaya use bhula ke hum dono ko agge dekhna chahiye, apne anewale zindegi ke bare me sochna chahiye.

Kranti chup hai. Raj bhi thodi der waise hi baitha raha par chupchap. Raj ka hausla bar gaya tha kyunke na to Kranti gussa thi aur na hi woh bahat khush thi par yeah baat Raj ko samjah aa rahi thi ke Kranti puri tarah se koshish kar rahi hai zindegi me agge bar ne ke liye,

R: Achha tum sapna dekh rahi thi keya?

Kranti chup…

R: Achha ek baat batao, tumhare sapno me main hi aata hu na?

Kranti thodi chauk gayi aur muskura di

K: Nehi to

R: Arrey.. main abhi tum jo sapna dekh rahi thi uske bare me thodi na baat kar raha hu, main to tumhare bina pyaar ke jo sapne hote hai un ke bare me puch raha tha. Unme bhi keya meri thodi si jaga nehi hai?

K: Nehi..

R: Keya ? Jaga nehi hai ya tum aajkal bina pyaar wale sapne nehi dekhti ho?

(dhire dhire mahaul halka ho raha tha)

K: Mere pas sapne dekhne ka samay nehi hai.

R: Hya yeah baat bhi hai, dinbhar itna ghar ka kaam, bahar ka tumhara apna kaam aur fir sochne se fursat mile tab na tum sapna dekh paogi.

K: Bhala main kyun tumhare bare me sochne lagi

R: Aha… par maine kaha keya… ke tum hamesha din aur rat meri hi bare me sochti ho.

Kranti sharma gayi.

K: Tumhe kaam pe wapas nehi jana hai keya?

R: Hya jana to hai…

K: Main jaldi se kuch khane ke liye lati hu..

Kranti uth kar jane lagi par Raj ne uska hath nehi chhoda dono kuch der ek dusre ke ankho me dekhne lage.

R: Main keya kabhi bhi tumhe chhu nehi sakta?

K: Aise puch rahe ho ke jaise meri har baat sunte ho.

R: Tum keh kar to dekho, jaha jaise bhi ho tumhari baat jarur manunga.

K: Mujhe aur thoda waqt de do Raj….

Raj ne uska hath chhod diya aur ek achhi si muskaan diya aur gardan jhukake

R: Jaisi tumhari marji.

Raj jaldi se file le kar kamre se nikal raha tha. Jate jate usne murk e Kranti ko dekha aur kaha… "Par ek baat tumhe bata du meri koshis hamesha jari rahegi" fir Kranti ke bahat pas aa kar "tumhe puri tarah apna bana ne ki"……"Bye"

Raj chala gaya Kranti wohi baithi baithi muskura rahi thi…..

Usi din raat ko…..