Me & My Philosophies(on rajeev)(part 63 pg135)last

First Previous

Page

100

Next Last

Frequent Posters

352397

Suspended

Posted: 16 years ago

#31

very good, well writtin bt this update make me cry yaar, aik masoom bachi apnay parents kay hutay huye be so lonely......n she's right her isaan ki wahi philosophy hoti hay jo usay zindagi sikhaati hay ore chitra ko rishtu nay dard or aansoo kay elawa kuch nahi dia,very sad....

Quote

The Tilde Girl

@~~~~

Stunner

+ 4

Posted: 16 years ago

#32

thanks vandu prerna rituka and sumaiya.. thanks a lot 😊
hero bahot jaldi enter hone wala hai 😃

Quote

Looks like you are new here. Register for free, learn and contribute.

The Tilde Girl

@~~~~

Stunner

+ 4

Posted: 16 years ago

#33

part 3

arohi aur chitra ne 12th puri ki aur chitra ko scholarship bhi milli.
itne salo baad finally dono bombay gayi apne ghar .. malhotra house main sabb khush the.. prerna bhi khush thi lekin uske mann mein darr tha ki kahi kripa firse pehle jaise react na karne lage.. kripa ko jab pata chala ki chitra wapas aa rahi hai to usne socha ki woh usse face kaise karegi..chitra ke ane se sabb log agar usse phirse bhul gaye to.. kripa ka apne dimag par kabu hi nahi tha woh kaise bhi karke iss situation se kuch din ke liye durr jana chahti thi so usne apne friends ke saath ghumne ka plan banaya aur chali gayi kuch din ke liye.. chitra aur arohi ghar pahuche.. unki sabne bahot khatirdari ki.. itne saalo ko pyaar sabb aaj hi barsa rahe the dono par..

prerna apne room mein bed par baithi soch rahi thi(uski aakhon main aansu, darr aur uljhan saaf nazar aa rahi thi) - dono bacchiyaan itne dino baad ghar ayi hai.. sabb ka laad pyaar mil raha hai dono ko aur milna bhi chahiye itne saalo tak dono ghar se durr rahi hai.. magar kahi kripa ki halat phir se kharab na ho jaye.. ghar mein sabb log jante hai kripa ke bare main lekin phir bhi kissiko parwaah hi nahi hai.. sabko thoda to dhyan rakhna chahiye.. chitra ke ane ki khabar sunke hi kripa trip par nikal gayi isse saaf zahir hai ki woh kuch bhuli nahi hai abhi bhi uske dimaag main woh nafrat hai.. main apni beti ko phirse uss halat main nahi jane dungi..

aisa hi kuch chitra ke dimaag mein bhi chal raha tha..

chitra soch rahi thi - kya maine wapas aa kar sahi kiya.. ghar mein sabb log itna pyaar kar rahe hai mujhe.. lekin kahin isse kripa ko takleef hui to .. kahi woh phirse to.. main kya karu abb.. pata nahi kya hone wala hai.. mera dil zor zor se dhadak raha ahi.. aisa lagg raha ahi abhi dil bahar aa jayega.. god plzzz help.. ufff relax chitra.. jyada matt soch .. jo hona hai woh hona hai aur jo nahi hona hai woh nahi hona hai to ho sakta hai ki jis baat ki tu tension le rahi hoo woh ho hi na aur agar woh nahi hona hai to kyon faltu main tension le rahi hai.. aur agar jo tu soch rahi hai wo hona hi hai to phir tension lekar kya faida so justtt relaxx..

agle din subah..
anurag arohi aur chitra se baat kar raha ahi..
anurag - abb tum dono mujhe jaldi se bataoo ki age tumhe kya karna hai phir mein jaldi se kissi ache college mein admission karwa deta hoon..

chitra - papa abhi to kuch socha nahi iske bare mein..

arohi - haan papa abhi hamne decide nahi kiya .. hum log ek do din main aapko bata denge..

anurag ke cell par call aya aur woh chala gaya waha se

chitra - arohi hum prem bhaiya ke college mein hi admission lenge.. pata hai colleges mein bahot ragging hoti hai.. seniors pata nahi kya kya karwate hai.. prem bhaiya hoga to kuch problem nahi hogi na yaar..

tabhi prem aya aur bola-

prem - arey chotu (woh chitra ko pyaar se chotu bolta hai kabhi kabhi..) tu tension kyon leti hai mein hoon na aur waise bhi tu to choti si pyaari si cute si bacchi lagti hai tujhe to sabb yuhi chod denge koi pareshan nahi karne wala dekhna.. aur waise bhi maine apni sari girl friends ko bata diya hai ki meri behne ane wali hai iss college mein aur tera to photo bhi dikhaya sab ki sabb tujh pe fida ho gayi hai.. sabb teri body gaurd bann ke liye jhagad rahi thi.. 😆

tabhi sumitra waha ati hai aur prem ke kann khichti hai..

chitra - mumma aur zor se khicho bahot bigad gaya hai bhaiya

sumitra- acha baccho jaldi se batao tum dono ko aaj kya khana hai??

arohi - mumma mujhe to aloo ke parathe khana hai.. tasty banana mumma waha mess main to aloo ke paratha mein aloo ke alawa aur sabkuch hota tha..😆

chitra - haan mumma mujhe bhi aloo ke parathe hi khane hai.. mess ka khana was damn ghatia..

(well agar aap log bhul gaye ho to mein bata du.. chitra aur arohi ne sare rishto ki khichdi bana rakhi hai.. yeh dono anurag ko pap kehti hai aur prerna ko chachi.. sumitra ko mumma kehti hai to sheel ko bade papa)

prerna ne dekha yeh sabb woh bahot khush hui aur afsos bhi hua usse ki usne jyadti ki hai apni beti ke saath..lekin uske dimaag main galat soch to pehle se hi thi isliye usse har baat main sab kuch galat hi lagg raha tha.. sidha sochna to usne chod hi diya tha.. prerna baato ko age nahi badne dena chahti thi.. woh gayi chitra ke pass..

prerna(chitra ke room mein) - beta kya mein andar aa jau??

chitra - arey chachi aiye naa.. ismein puchne ki kya baat hai..

chitra ke muh se maa ki jagah chachi sunke usse bura laga.. lekin philhal woh kissi aur wajah se ayi thi..

prerna - kaisi ho tum.. tumhe scholarship milli yeh sunke bahot acha laga mujhe..

chitra - mein thik hoon.. mujhe scholarship milne ka pura credit to arohi ko jata hai.. exam ke time woh itna tesion leti thi ki mujhe bhi lagta tha ki mujhe padhna chahiye thoda (she giggled).. aap kaisi hai?? (aur bahot sochne ke baad usne pucha) aapne mujhe miss kiya??(chitra ki aankho main aansu the jo usne badi mushkil se rok rakhe the..)

prerna - main thik hoon beta.. maine tujhe bahot miss kiya beta.. akhir tu beti hai meri.. tu to janti hai na tujhe boarding school bhejne ka faisala kyon liya maine..(tears were flowing frm her eyes).. mujhe galat matt samajhna beta main tujhse bhi utna hi pyaar karti hoon jitna ki kripa se magar tu hi bata koi maa kya kare jab uske saamne do raste hoo.. ek raste par chal kar uski ek beti ki zindagi kharab hone se bach jayegi(she is thinking abt kripa) aur dusre raste pe agar woh chale to uski dusri beti ka aaj acha ho sakta hai magar iss raste pe chalne se uski ek beti ki zindagi hi kharab ho jayegi.. beta maine pehle wala rasta hi chuna.. tu hi bol beta main kya karti.. tujhe apne paas rakhti to kripa ki dimaagi halat kabhi thik na hoti par tu yu sabke pyaar se mehrum na hoti.. main nahi janti tab maine jo kiya tha woh sahi tha ya galat magar mujhe koi aur rasta nazar nahi aa raha tha..

chitra - aap roiye mat plzz.. mujhe aapse koi shikayat nahi hai.. aapne sahi kiya.. aur dekhiye naa main to khush hoo.. aur kripa woh bhi ab thik hai.. aapne jo decision liya tha usse sabb sahi hi hua.. dekhiye meri zindagi bann gayi.. kripa thik hai.. aur phir aaj hum sabb ek saath hi haina.. kuch bhi galat nahi hua.. aap plzzz roiye matt.. (chitra yeh sabb bahot masumiyat se keh rahi thi.. jaise ek chota baccha kissi ko samjhata haina bilkul waise)

prerna(apne aansu pochte hue) - mujhe khushi hui yeh jankar ki meri beti bahot samjhdar hai.. acha tu yeh bata ki ab agey kya karna hai.. tu padhne mein itni brilliant hai.. tujhe scholarship bhi milli hai.. kissi bhi ache college mein tera admission ho jayega..
yeh sunn kar phirse chitra hi heart beat badd rahi thi.. woh bahot control kar rahi thi, usse aisa lagg raha tha ki abb uske upar bomb girne hi wala hai..

chitra - haan chachi woh arohi ne bombay ke sare ache colleges ki list banayi hai.. aur hum ajj kal main decide kar lenge ki konsa college better hai..(chitra ko bahot ajeeb lag raha tha ki pata nahi ab kya hone wala.. she was praying ki bass prerna ab aur kuch na bole..)

prerna - kyaa.. bombay ke colleges.. mera matlab hai beta ki bombay mein kaha ache college hai.. jinko kuch banna hai woh middle class family ke hote hai jiss wajah se ache college main admission nahi le pate aur jinko ache college main admission milta hai woh sabb bade ghar ke bacche hote hai jo college sirf mauj masti aur awara gardi karne ate hai.. tu yaha ke college main admission legi to tujhe padhne ka acha mahol nahi milega beta.. tu aur colleges ke bare main bhi soch.. (she took name of some universities which were not in maharashtra)

chitra ko prerna ke intensions samajh aa rahe the par woh apne aap se keh rahi thi ki"chachi to aise hi bol rahi hai.. aur tu jyada dimaag mat laga unhone saaf saaf to kuch nahi kaha na.. jitna akha hai utna hi sunn apne mann se kuch sochne ki jarurat nahi hai tujhe.."

prerna - beta tu sunn to rahi haina..

chitra - haan chachi.. woh main arohi se baat kar lungi .. par woh to yahi admission lena chahti hai.. khair jo bhi hoga aaj kal main hum dono decide kar hi lenge.. mujhe jana hai kuch kaam hai main aapse baad main baat karungi.. (she almost ran away from der woh nahi chahti thi ki prerna ab aur kuch kehde.. kuch aisa jo woh sunna nahi chahti.. jo follow karne abb uske liye asaan nahi hai.. bachpan ki baatein aur thi lekin abb.. abb woh bacchi nahi hai.. bura to usse bhi lagta hai.. apne haq usko bhi chahiye..)

prerna ko bhi ehsaas hua ki chitra samajh rahi hai jo woh usse kehna chahti hai.. par shayad iss bar woh nahi manegi..

sabb log hall main baithe the anurag ne kripa se baat ki ghar ke sare logo ne baat ki lekin jabb chitra kripa se baat karne ayi to kripa ne phone rakh diya.. chitra ko bahot bura laga aur gussa bhi aya.. usne mann hi mann kaha ki "aise logo ko to behan hi nahi bolna chahiye" woh phone rakh kar chali gayi waha se.. anurag arohi prem aur sumitra jana chahte the uske pass lekin unhone dekha ki prerna pehle hi uske piche chali gayi hai.. sabko pehle to aashcharya hua lekin phir sabne socha unn sabb se jyada ache se prerna chitra ko sambhal sakegi..
chitra apne room ki khidki ke sahare khadi thi.. prerna ayi uske pass..

prerna - beta shayad aaj tujhe mere mann ke darr ka ehsaas ho gaya hoga..

chitra was shocked ki prerna akhir keh kya rahi hai usne socha tha prerna usko samjhane ayi hogi ki phone disturbance ya network problem ki wajah se diconnect ho gaya hoga lekin yeh to luch aur hi keh rahi hai..

prerna - beta kripa kuch bhi bhuli nahi hai.. bachpan mein jo batein uske mann mein ghar kar gayi woh aaj bhi nahi nikali hai.. aaj bhi usse tera namm tak sunna pasand nahi hai..

(chitra ka dil zor zor se dhadak raha tha.. usse ehsaas ho raha tha ki aaj prerna use kya karne ko kehne wali hai..)

prerna - beta tere ane ki khabar sunke hi kripa chali gayi yaha se abb tu hi soch ki woh tujhse kitni n.. tu bol kya woh tere saath reh payegi.. (she started crying) beta agar woh laut kar nahi ayi too ya phir uski halat phirse kharab ho gayi toh.. abb tum dono chote bacche nahi rahe tum dono badi ho gayi hoo.. waqt aur halat kai baar tum dono ko amne samne kahada kar denge tabb tabb woh phirse akelapan mehsus karegi kyuki tere saath to sara pariwar hoga aur uske saath sirf mein..

chitra bhi roo rahi thi.. usse apni zindagi se hi nafrat ho rahi thi .. woh soch rahi thi ki kitna acha hota agar woh anaath hoti.. woh zindagi iss zindagi se kai zyada behtar hoti..

chitra - aap mujhse kya chahti hai.. iss bar kuch bhi kehne se pehle yeh soch lijiyega ki mein itni bhi bewakuf nahi hoo aur mera dil itna bhi bada nahi hai ki phirse kissiko maaf kar saku..

prerna - mein janti hoon ki tujhe mujhpe gussa aa raha hoga lekin beta tu hi bata agar tu meri jagah hoti to kya karti..

chitra - mein aapki jagah kabhi nahi ho sakti janti hai kyon kyunki kripa ki iss halat ki zimmedar mein nahi aap hoo.. bachapan se aap khud hi hum dono mein itna fark karti ayi to kripa ko to badhawa mila hi na.. agar aap chati to kripa ko pyaar se samjha sakti thi usse ehsaas dila sakti thi ki behano ka rishta kya hota hai iske mayne kya hote hai.. magar aap ne kya kiya ek beti ki khushi ke liye dusri ko ghar se hi nikal diya.. main kabhi aapse yeh sabb kehna nahi chahti thi lekin aaj .. aaj rok nahi payi khud ko..

prerna - tu jo bhi keh jo bhi soch.. mein buri to buri sahi aur galat to galat hi sahi.. lekin mein bass itna chahti hoon ki tu yaha ke college mein admission nahi legi tujhe jana hoga apni behan ke khatir.. tujhe kasam hai meri..

chitra(usse apni zindagi aur apni kismat par hassi aa rahi thi..) - sure why not.. chali jaungi lekin phir kabhi laut kar nahi aaungi.. khair mere hone na hone se to waise bhi aapko koi fark nahi padta.. waise kitna aasan hai na apke liye apni har baat kasam dekar puri karwa lena chahe usse kissi ko kitni hi takleef kyon na hoo.. aap bar bar mujhe beti kyon bol rahi hai, sach to yeh haina ki aap ki to sirf ek hi beti hai.. abb to mujhe yeh bhi saq hota hai ki kahin aap mujhe kissi anaath ashram se ya sadak se utha kar to nahi leaye na kyunki koi bhi maa apni sagi beti ke saath aisa kabhi nahi karti hogi.. aap ek bar phir mujhe apne se durr kar rahi hai.. khair mein to apke pass kabhi thi bhi nahi.. hamesha badi maa ne hi mujhe maa ka pyaar diya hai aur mere liye meri maa bhi wahi hai.. aap aisa kyon karti hai mere saath boliye?? kya mujhe maa baap ka pyaar nahi chahiye kya mujhe bhai ka pyaar nahi chahiye?? kya mujhe yeh mehsus karne ka haq nahi ki mein apne pariwar ke saath hoon surakshit hoo.. kyon aap sirf kripa ke bare mein sochti hai mere dard ka ehsaas kyon nahi hai aapko boliye??

prerna chup chap khadi thi woh janti thi ki chitra ka kaha hua ek ek shabd sahi tha aur uske pass chitra ke kissi bhi sawal ka koi jawab nahi tha..

chitra - acha ek baat kahu kya ho agar mein aapko ek kasam du?? mein aapko yeh kasam du ki mujhe apne se durr mat karo iss ghar se durr mat karo to phir kya karengi aap boliye ??

prerna ke chehre ka rang udh gaya, darr saaf jhalak raha tha uske chehre par..

chitra - dariye matt mein aisa kuch nahi karungi kyunki mujhe to aapse ab koi umeed hai hi nahi.. ab to mujhe aisa lagta hai ki agar mein marr bhi gayi na to yeh sochke ki kripa ko bura lagega aap akhri baar mera chehra dekhne bhi nahi ayegi..(prerna was abt to say something lekin chitra ne usse rok diya) jaiye aap chali jaiye yaha se.. aur chen se so jaiye mein phir se chali jaungi yaha se kyunki aap to shayd bhul gayi hai ki mein aapki beti hoon magar mujhe yaad hai ki aap maa hai meri..

prerna - tu mujhe dosh de rahi hai lekin bhagwan na kare kal ko agar tere saath aisa kuch hua agar tu meri jagah khadi hui to mein jarur dekhungi ki tu kya karti hai..

chitra - Mrs prerna malhotra agar mera saath bhi aisa kuch hone wale hai to mein zindagi bhar shaadi hi nahi karungi..

prerna chali gayi waha se..prerna ke jane ke baad chitra bahot roi.. usse kuch bhi bardasht nahi ho raha tha.. neend ne bhi aaj uska saath chod diya tha.. beh beh kar aansu bhi thak chuke the.. raat bhar sochti rahi jo kal uske shua tha jo aaj uske saath hua hai.. aur yeh bhi ki abb woh kya karne wali hai..

usne kafi search kiya aur finaaly she decided to go switzerland for higher studies but without arohi..

in the morning-
chitra - arohi maine admission ke liye college main online apply kar diya aur hopefully admission mil bhi jayega..

arohi - tu aisa kyon kar rahi hai.. hum yaha ke kissi ache college main admission le sakte haina ..

chitra - nahi yaar mujhe yaha ka koi bhi college interesting nahi laga.. ghar par reh kar padhai nahi ki ja sakti.. aur hame to waise bhi yeh adat nahi hai.. tu to janti haina ki mein job karna chahti hoo.. par bade papa kabhi haan nahi karenge.. may be mujhe family business join karna pade lekin usmein maza nahi ayega.. i want to face the world yaar plzz.. aur agar tujhe nahi chalna to mat chal par mein ja rahi hoo and thats final..

arohi - kya tu mere bina jayegi?? tu aisa kaise kar sakti hai yaar?? kya tera career tere liye hum sabse jyada important ho gaya hai??

chitra (she was hiding her tears) - dekh arohi mein emotional fool nahi hoon aaj sabke bare mein soch kar mein apna future spoil nahi karna chahti.. tu plzz iss bar mere saath mat chalna tujhe meri kasam (she knew such things works)

arohi ko yakeen nahi ho raha tha lekin usse pata tha ki chitra mazak nahi kar rahi aur usne than liya hai to woh jakar hi rahegi.. arohi chali gayi waha se aur usne sabko bataya chitra ka faisla..

sabne chitra ko samjhane ki bahot koshish ki lekin woh nahi mani.. woh kab tak chupati sabse usse majburan batana hi pada ki prerna ne ek bar phir use majboor kar diya jane se.. chitra ne sabse kaha "mein ja rahi hoo yaha se aur ab mein wapas nahi ana chahti aur jisse bhi mujhse milne ki icha hoo woh switzerland akar mujhse mil sakte hai lekin mujhse umeed mat kijiyega ki mein yaha aau aur haan jo bhi hua bhul jaiye mein nahi chahti meri wajah se ghar mein tension hoo.. its my life and i can handle it.."

kuch dino ke baad kripa laut ayi prerna ne use sab kuch bataya aur ghar wapas bulaya.. par ab chitra ke jane ka waqt ho gaya tha.. chitra ne socha kripa use rok legi.. airport ke liye nikalne tak usse umeed thi ki uski behan usse rok legi.. lekin aisa nahi hua..

kal hero hi entry ho rahi hai aap sabb jarur ana uska welcome karne 😃

Quote

The Tilde Girl

@~~~~

Stunner

+ 4

Posted: 16 years ago

#34

Raj's Past -
Raj Saumya grewal aur Pari grewal ka eklauta beta hai.. Jab Raj 3 saal ka tha tab Saumya aur Pari ki plane crash mein death ho gayi woh dono apne bahot hi close friend Rishab Roy se milne ja rahe the, Raj ko saath nahi le ja sakte the isliye usse ghar par hi apni dadi ke pass chod gaye.. Maut kya hoti hai aur uske maa baap kaha chale gaye yeh sabb samajhne ke liye bahot chota tha Raj.. uski dadi usse jitna pyaar dular de sakti thi unhone diya.. tabiyat kharab rehne ki wajah se woh Raj ka theek tarah se dhyan bhi nahi rakh pa rahi thi.. isliye unhone Raj ka dhyan rakhne ke liye kaushalya ko appoint kiya.. Raj unke saath bahot ghul mil gaya aur unhe dai maa kehta tha RAj.. Raj ki Dadi ko tassalli ho gayi ki kaushalya unke na rehne ke baad bhi Raj ka pura dhyan rakhegi.. Raj ki dadi ki tabiyat bahot kharab rehne lagi.. Raj ka 4th Bday dadi ki tabiyat kharab hone se raj bday celebrate nahi karna chahta tha, woh apni dadi ke paas gaya, doctor aur dai maa bhi thi waha -

Raj - dadi aapko kya ho gaya hai?? maa papa ki tarah aap mujhe chod kar matt jana.. mujhe akele acha nahi lagta.. aap jaldi se thik ho jao na dadi mujhe bilkul acha nahi lagg raha.. (Raj yeh sabb rote rote bol raha tha..)

Dadi(unhe bolne mein bahot takleef ho rahi thi..) - mere bacche tu ro mat.. tu akela kaha hai teri dai maa haina.. woh .. hamesha.. tera kh khayal rakhegiii.. aajjj.. tera janamdin haina.. meinnn tere liye ek tohfa.. tohfffa layi hoon.. aisa tohfa jo zindagi.. zzindagi bharrr ke liyee tere.. terrree saath rahegaaa.. (unhone kaushalya ko kuch ishara kiya..)

kaushalya apne saath ek chote se 3 saal ke bacche ko lekar ayi.. Raj dauda uske pass.. uske gaal par haath bhi lagaya.. usse aisa lagg raha tha jaise ek chota sa khilona mil gaya ho usse..

Raj - dadi ab yeh hamesha mere hi saath rahega.. mein hamesha iska dhyan rakhunga.. isse apne khilone bhi dunga aur apne dosto se bhi milwaunga..

Dadi - haa mere bacche.. issi liye tooh mein isse layii layyiiii hoonn.. aabb meinn chainnn se ja ja sakthiii hoonnnnnn..
(yeh kehkar dadi ki akhri saas bhi tut gayi..)

Raj - dadi dadiii dadii utho na dadi.. dadi kya hua dadi bolo na kuch dadiiiii (Raj rone laga..)dekho na dai maa dadi ko kya ho gaya.. woh bolti bhi nai hai.. aap dadi se kaho na mujhse baat kare..

dai maa - beta teri dadi chali gayi hai.. tu ro matt tu janata hai na dadi ko kitna dukh hota ahi jab tu rota hai..

Raj - mein nai rounga par dadi se kaho na wapas aa jaye.. kaha chali gayi dadi.. dadi utho na..

dai maa ne raj ke aansu puche aur usse samjhane lagi..

dai maa- beta teri dadi tere mummy papa ke paas gayi hai.. tere mummy papa ko bhi to unki jarurat haina.. ab tu ro matt.. tu ta samajhdar haina.. acha beta haina.. dekh yeh tera naya dost bhi roo raha hai tujhe dekh karr.. chal isse chup kara.. dadi ne tujhe iski zimmedari di haina.. phir agar tu iska khayal nahi rakhega to dadi kabhi wapas nahi ayegi..

Raj - yeh mera dost nahi hai.. yeh to mera chota bhai hai.. mein hamesha iska khayal rakhunga.. isse apni har cheez dunga.. tab to dadi bhi wapas aa jayegi na mujhse khush hoke..

dai maa ne kuch nahi kaha woh raj ko gale lagakar rone lagi..

Raj bada hota raha apni dadi ka intazaar karta raha.. roz raat ko aasmaan ki taraf dekh kar apne maa papa se kehta ki"aapko dadi ki zarurat hai isliye maine unko apke paas bhej diya lekin mujhe unki bahot yaad ati hai mujhe aapki bhi bahot yaad ati hai.. aap sabb mere paas wapas aa jao na.. main bilkul shararat nahi karunga, pata hai main apne chote bhaijisko dadi ne mujhe gift diya usska bahott khayal rakhta hoon.. main uska naam arjun rakha hai.. aap wapas aa jao na hum sabb milkar khelenge.. mein god se pray karta hoon lekin woh sunte hi nahi.. phir bhi mein roz pray to karta hoon.. aap bhi unse kaho na ki woh sun le.. dadi kehti hai ki chote baccho ki har baat manni chahiye to dadi se kaho na woh bhagwan ji se bhi kahe ki meri baat manle.."

waqt nikalta gaya aur saath saath Raj ka dil bhi tut gaya.. usse dhire dhire ehsaas hone laga ki abb uske mumma papa aur dadi kabhi laut kar nahi ayenge..

Raj arjun se bahot pyaar karta tha.. usse chot lage usse pehle usse cover kar leta tha raj.. hamesha har musibat aur pareshani se bachane laga woh arjun ko aur ab to arjun hi uski zindagi hai aur uske jine ka maqsad bhi.. Raj apna har dukh dard pareshani apni dai maa ko hi bata tha.. jab thak jata to dhire se aa kar dai maa ki gaud me sir rakh kar soo jata tha usse bahot sukun milta tha..

Raj ne engineering ki electronics and communication branch se. college mein aise koi ladki nahi thi jo uspe marti na hoo.. par Raj kissi ki taraf dekhta bhi nahi tha.. usse lagta tha ki "yeh ladkiyaan jab choti bacchi hoti hai tabhi tak samajhdar rehti hai aur baad mein jab badi ho jati hai to na jane kya bhut sawar ho jata hai.. make up aur boyfriend ke alawa inhe kuch nazar hi nahi ata.." Raj ka best friend hai Angad Khanna. Angad Raj ke dil ki baat har baat uske bataye bina bhi jaan jata hai.. Angad ne Raj ko har kadam par support kiya hai.. Raj ne MBA nahi kiya, apni padhai yahi rok di..usse ab apna family business sambhalna tha.. saumya ke jane ke baad business ki halat bahot kharab ho gayi.. sare employees aur workers ne kaam chod diya.. kuch logo ke copany chodne ki wajah paisa aur jyada acha offer tha to kuch employees aur workers bahot loyal the unhone kaam isliye choda taki woh log iss pariwar par bojh nahi banna chahte the, par inn sabb loyals ko uss din ka besabri se intezaar aur vishwas tha jab Raj phirse iss business ko bulandiyon tak le jayega.. inn loyals mein ek hai Mr. sharma.. jab Raj ne phirse business shuru karne ki baat ki to sharma ji ne Raj ka support kiya aur usse himmat bhi di aur madad bhi ki.. Sharma ji ki madad se Raj ne sare loyals ko bulaya.. sabhi ne Raj mein vishwas jataya aur Raj ki har mumkin madad ki.. Rasta aasan nahi tha, bahot mushkile thi, ek waqt to aisa aya jab Raj tut gaya usse abb aur bardasht nahi ho raha tha.. sab kuch sambhalna bahot mushkil ho raha tha uske liye woh bass harr manne hi wala tha lekin jab usne arjun ki taraf dekha to usmein phirse jaan aa gayi usne dugni mehnat ki aur aaj woh bulandiyon par hai.. He is business man of the year..
Times magazine (1 Jan 2009) mein Raj ki puri zindagi, uski struggle par article chapa hai.. (arjun uska real bro nahi hai yeh nahi chapa hai.. yeh kissiko pata bhi nahi hai sirf raj aur dai maa jante hai..)

Quote

Rituka

@rituka7

Navigator

Posted: 16 years ago

#35

damn cool
awesome
superb
update was great
update soon............

Quote

Sumi_162710

@Sumi_162710

Rocker

Posted: 16 years ago

#36

I really luved it dear. Chitra n Raj both hav suffered so much. That was really touching.
I wonder how can Prerna do this to Chitra. Kripa n Chitra bothr her own daughters na.

And then Raj's childhood was so much painful. It was really touching to c Raj w8 4 his parents n grandmom. Then his luv 4 Arjun is so deep. Hats off to him.

So dear it was simply an awesome UD.👏👏👏 I'm not lying to make u feel gud. Just conveying the truth. Looking 4ward 2 the next part.

PLS CONTINUE SOON.

Edited by sumaiya wahid - 16 years ago

Quote

golu_1677

@golu_1677

Inactive

Posted: 16 years ago

#37

awesome update. But felt bad for Chitra how can a mom b so selfish towards one daughter. It is strange she left chitra all alone.

Raj has seen so much in such a small age. LOved the way he cares for arjun. Waitng for more cont soon

Quote

The Tilde Girl

@~~~~

Stunner

+ 4

Posted: 16 years ago

#38

thanks rituka, sumaiya and golu
i am on cloud 9 after reading ur comments.. 😃
thanks a lott 🤗

Quote

The Tilde Girl

@~~~~

Stunner

+ 4

Posted: 16 years ago

#39

part4

apne bite hue kal ko yaad karte karte kab Raj ki aankh lag gayi usse pata hi nahi chala.. achanak alarm baja.. Raj ki neend khuli aur usse yaad aya ki uska arjun aa raha hai aaj.. Raj dauda jaldi se.. agar woh waqt pe nahi pahuchega ko gusse mein arjun next flight se wapas chala jayega USA 😆

RAj arjun ko receive karne airport pahucha-

Raj - pata nahi yeh arjun kaha reh gaya..
tabhi kissi ke chillane ki awaaz ayi.. Raj ne uss taraf dekha aur zor zor se hasne laga..

voice - u stupid dekh kar nahi chal sakte kyaa.. my goggle fell down.. now who gonna pick this.. u fink i am going to do that.. u dunno who i am.. wat r u waiting for jus pick it up righttttt nowwwwww...

Raj gaya waha aur jiss admi se woh (voice) ladd raha tha usse sorry kaha aur usse jane ko kaha..

Raj - sahabzade aapse ab gira hua chasma bhi nahi uthta kya.. lagta ahi abb aapke saath ek naukar iss kamm ke liye bhi rakhna padega taki jo jo samaan aap girate jayenge woh woh saaman woh uthata jayega.. isse kam se kam aap raste chalte logo se jhagdenge to nahi na..

Voice - kya bro.. galti uski thi usse dekhke chalna chahiye tha na.. anyways kaisa hai tu.. aisa lagg raha hai ki bahot dino se nahaya nahi hai.. 😆

Its arjun..

Raj - abb kya karu yaar tera hi intezaar kar raha tha ki kab tu aye aur mujhe nehlaye.. 😆.. acha yeh sabb chod aur ghar chal.. dai mann must be waiting for us..

raste me-

Arjun - Raj woh tera dost hai na.. Mr so called superstar jo hamesha tujhe pakad pakad ke zabardasti apne gane sunata hai.. uske kya haal chal hai..

Raj - oyee.. he is my best buddy uske bare mein aisa matt bol.. aur woh itna acha to gata hai.. waise tujhe hamesha usse itni jalan kyon hoti hai usse.. mujhe to abhi bhi jalne ki buu aa rahi hai..

Arjun - huh jalan aur mujhe woh bhi usseee.. no waysss.. mera bhi kuch standard hai..

Raj - ha ha rehne de.. mujhe sabb pata hai.. bachpan mein bahot watt lagayi hai tum dono ne meri.. dono apni taraf khichne ki koshish karte the mujhe.. waise kabhi kabhi to mujhe aisa lagta hai ki actually mein to tum dono ek dusre ke saath rehna chahte the kabab mein haddi mein tha isliye mujhe pareshan karke bhaga dete the tum aur angad..

Arjun - ohh.. kya baat kahi hai tune.. duniya mein isse bada sach to aur kuch ho hi nahi sakta..

Raj - sach to yahi hai tabhi to tum dono mujhse jyada ek dusre se baat karte hoo.. 😆 (raj was enjoying this.. usse pata hai angad aur arjun ek dusre ke samne kitne ache bante hai aur pith piche kitna gussa karte hai ek dusre par.. par angad aur arjun bhi bahot ache dost hai.. koi serious fight nahi hai dono ke bich.. bass problem sirf itni hai ki dono ko Raj se importance chahiye aur dono ko khush rakhne ke chakkar mein Raj hamesha piss jata hai 😆. In short yeh keh sakte hai ki Raj ki condition "ek taraf hai ghar wali oopss wala ..ek taraf hai ghar wala, ek taraf bahar wala" jaisi ho gayi hai..😆)

arjun ne kuch nahi kaha hassa tak nahi..

Raj - arjun tune abhi tak hasna bhi nahi sikha na..

Arjun - broo u juss tell me wats soo good in laughing..😆 i cant do khi khii khiii all the time.. pagal log haste rehte hai har waqt..

Raj - ohh to tera matlab hai ki sari duniya pagal hai..

Arjun - huh watever..

jab dono ghar pahuche dai maa aarti ki thali layi to arjun darr gaya 😆 -

Arjun - dai maa plzz aap yeh red red cheez kan .. kank ..kankuuu yeh mujhe matt lagna plzz.. 😆

Raj ne arjun ke dono haath pakad liye aur dai maa ne jaldi se usse tilak lagaya aur phir pyaar se uski naak bhi pakdi aur gaal bhi sehlaye ussi kanku wale haatho se.. 😆

arjun pura bandar lagg raha tha.. lal muh ka bandar.. 😆

well abhi inko yhai chod dete hai.. chitra ka past thoda sa bacha hai..

chitra's past-

chitra chali gayi switzerland aaj usko pure 5 saal hone aye hai.. woh engineering complete karne ke baad job karne lagi.. par abb woh phirse India ja rahi hai.. uske bhai prem ki shaadi hai.. aur uska passport bhi expire ho raha hai to wahi renew karwa legi.. woh sirf apne bhai ki wajah se ja rahi hai warna kabhi na jati phir aansu bahane.. in 5 saalo mein woh kabhi nahi roi infact usne zindagi puri tarah enjoy ki.. woh unn baato ko kabhi yaad nahi karti jo usse sirf aansu de.. switzerland mein jinse bhi woh mile sabb usse apna manne lage.. jaha woh rehti hai waha kafi indians hai.. uski ek neigbour jabb bhi koi acha kaam karne jati hai to pehle woh chitra ko kiss karke hi jati hai😆.. chitra ko khana bana nahi ata isliye woh hamesha ek india restaurant mein hi khati hai bedi uncle ka restaurant .. abb to unn logo ke liye chitra unke pariwar ka hissa ho gayi hai..

chitra India aa gayi.. aaj prem ki shaadi ho gayi.. chitra ne wapas jane ki baat ki isse pehle ki koi usse jane ko kehde.. par usse apna passport renew karwana hai.. sheel malhotra nahi chahte ki chitra wapas jaye.. ofcourse the reason is family's prestige.. waise bhi log bate banate hai kripa aur chitra ke bare mein ki sagi behano mein bilkul nahi banti etc etc.. sheel kumar ne prem ko bulaya apne paas use emotional fool banaya kaha "chitra tumhari choti behan hai iss ghar ki beti hai.. yeh aisho aram ki zindagi, pura pariwar, sab kuch chod kar woh waha pardes mein naukari kar rahi hai.. mein chahta hoon ki ab woh yahi rahi.. kehne se to woh nahi manegi.. ab tum hi kuch kar sakte ho apni behan ke liye.. agar uska passport hi.. baki sabb mein sambhal lunga.. bass yeh kaam tumhe karna hoga.."bass agey sabkuch prem samajh gaya aur usne chitra ka passport ki jala diya.. aur sabkuch aise jataya jaise galati se hua hoo..
ab chitra ko rukna hoga mazburan.. kam se kam 5-6 mahine to lagenge hii.. par woh bilkul rukna nahi chahti.. usse darr hai prerna phirse usse kuch kahegi.. lekin hamesha sabkuch ek jaisa nahi hota kabhi kabhi musibat chehra badal kar bhi aa jati hai.. so this time its kripa -

kripa(to chitra) - hmm.. suna hai tum yahi rukne wali hoo.. waise bahana acha hai passport jal gaya ab naya banne mein time lagega.. good i m impressed.. waise agar tumhe rukna hi tha to sidhe sidhe keh deti.. par nahi tumhe to adat ho gayi hai na mujhe aur meri maa ko sari duniya mein bura bana dene ki.. waise ek baat aur bata du yeh koi daramshala nahi hai ki koi bhi jab marzi hoo muh utha kar chala aye..

chitra - cant u just keep ur mouth shut.. jaise abb tak rakhti ayi hoo.. agar tumhe yeh bahana lagta hai to bahana hi sahi.. mujhe koi shauk nahi hai iss ghar mein reh kar baat baat pe tane sunne ka..

chitra ko bahot gussa aya.. ab woh aur 5-6 min bhi nahi rukna chahti thi toh 5-6 mahine to bahot badi baat hai..

woh gayi anurag ke pass kaha nahi reh sakti iss ghar mein.. uska kahin aur rehne ka intezaam kare.. sheel bhi tha waha.. usne kaha khandaan ki izzat mitti mein mil jayegi.. log kya kahenge ki ghar hote hue bhi tum ghar se bahar reh rahi hoo.. chitra ko aur gussa aya.. sheel ke haath se ab baat nikal gayi.. chitra ke sir par bhut sawar tha.. ab ya to woh kripa ko iss ghar se bahar kar degi ya khud chali jayegi lekin ab dono issi ghar mein nahi reh sakti.. bass phir kya tha usne banglore jane ka plan banaya.. socha isse sheel ji ki ghar ki izzat bhi bani rahegi aur uske mann ko bhi shanti milegi.. par iss barr arohi nahi manni chitra ke saath gayi banglore..

Quote

Sumi_162710

@Sumi_162710

Rocker

Posted: 16 years ago

#40

Wow nice part. Raj-Arjun-Angad rock. I want to c this trio 2gether soon. BTW raj ne Arjun ko kya banaya hai? Itna attitude!!!!! But again its not his fault. Raj jaisa caring bhai ho to yei hoga na. 😳😳😳
And then Chitra. I feel really sad 4 this girl. Uske apne hi usse itna dukh dete hai. Glad dat she is going to Banglore n dat too Arohi is accompaning her.

PLS CONTINUE SOON.

Edited by sumaiya wahid - 16 years ago

Quote

1 2 3 4 5 6 ... 100

Me & My Philosophies(on rajeev)(part 63 pg135)last - Page 4

Related Topics

Explore Topics