Originally posted by: srojaleen
Shree, Drishti, Shruti, Candy...missing u a lot... n 2nd episode...!!!
EPISODE:-3
Jay Garh......
Bahar barshat baht tez ho rahi thi...!!! Hawa bhi kafi tez thi aur bijli ki awaz se aisa lag raha tha...jaise kaan k parde hi phat jayenge...!!!
Khidki k paas khadi thi Gayatri Devi (Aishwarya Narkar)...!!! Badi hi bachaini k sath vo bahar baar baar jhank rahi thi...!!! Jitni raat badh rahi thi...un k chehre par utni hi pareshani jhalak rahi thi...!!!
Un k piche se ek aurat aayi. Aur kahne lagi...:- "Ba ji...fiqar mat kijiye...koi na koi khabar to mil hi jayegi un ki...!!!"
Gayatri Devi usi tarah se pareshan ho kar kaha:- "Tu samajh nahin rahi hai...Mahua...!!! Yeh tufan baht tez hai...!!! Abhi abhi t.v par dikha rahe the...k yeh tufan aise hi do dino tak rahega...!!! Logon ko mana kiya gaya hai ki ghar se bahar na nikle...!!! Pata nahin yeh...Raju...Vishu...aur baki k sab log kahan ruk gaye...???"
Cut to d Vishal.................................................................................
Vishal chup chap khada tha...!!! Naina vahan se gayab ho chuki hai...yeh jan ne k vaad Vikram apni aadmiyon k sath vahan se chala gaya tha...use dhundhne k liye...!!!
Vishal:- "Lagta hai...hum sab jab baat karne main busy the...tabhi Naina ji yahan se chali gayi hain...!!!"
Ins Arjun:- "lekin is road k age aur piche to koi bhi nahin dikh raha hai...!!! Is ka matlab vo agar kahin gayi hongi... to jungle k ander hi gayi hongi...!!!"
Rajveer apne jeep k paas chup chap khada tha...!!! Vishal us k kareeb aaya...!!!
Vishal:- "Bhai...humain Naina ji ko dhundna chahiye...!!! Hum se pahle agar unhe Vikram ne dhundh liya to anarth ho jayega...!!!" Vishal ne pareshan ho kar kaha...!!!
Baki vahan khade logon main se ek aadmi ne kaha:- "Haan bhai...zimmedari li hai aapne...!!! Ab to yeh hamari izzat par aa gayi hai...!!! Agar Vikram un tak pahle pahunch gaya to...pata nahin kya karega...!!!"
Barshat main vahan par sabhi log aise hi kahde the...pareshan se...!!! Tez hawa...tez barshat...aur bijli ki awaz...!!! Un sab k bich Rajveer ki awaz sunai diya...!!!
Rajveer:- "Aap sab Jaygarh wapas chale jayiye...!!! Yahan par kuch bhi ho sakta hai...!!! Aur mai aap sab ki jaan khatre main nahin dal sakta...!!! Mai aur Vishal kuch karenge...!!! Kal subah tak agar hamari koi bhi khabar nahin mili...to choti maa k sath ja kar Adhikari ji se milna...aur sari batain bata dena...!!! Phir jo vo aur choti maa milkar tai karenge vohi karna...!!!"
Un main se ek naujaban ne kaha:- "Nahin...hum aap dono ko yahan par akela chod kar nahin ja sakte...!!! Aap to jante hai na...yeh Vikram kitna kameena insaan hai...!!!"
Us naujaban ka sath sabhi ne diya...!!! Aur sabhi Rajveer aur Vishal ko akela chod kar jane se inkaar kar diya...!!!
Rajveer janta tha ki vo us se baht pyar karte hain...aur vo kitna bhi kahe vo sab unhe akela chod kar nahin jayenge...!!!
Rajveer ne ek gahri saans li...phir kaha:- "Thik hai...!!! Lekin ab mai jo abhi kahne wala hun...use dhyan se suno...!!! Harish chacha... Rahman chacha...Birju chacha...aap sab Kushal aur Sanjeev k sath ek jeep main Jaygarh wapas jayenge...!!! Baki k log yahin pe rahenge...!!!"
Sanjeev:- "Lekin bhai...!!!"
Rajveer ne gusse main kaha:- "Maine kaha na bich main koi nahin bolega...!!!"
Sabhi chup ho gaye...!!! Rajveer k gusse se sabhi achhi tarah se wakif the...!!! Yahi ek kharabi thi us main ki jab bhi vo gusse main hota hai...us ka dimag kaam nahin karta...aur vo kuch aisa kar baithta hai...jis se ki use baad main pachtaba hota hai...!!!
Rajveer ne pahle un logon ko wapas Jay garh bhej diya...vo log na chahte hue bhi us ki baat maan kar chale gaye...!!!
Rajveer:- "Vishal...tum dushri jeep main baki apne sathiyon k sath us disha main jayoge jahan par Vikram gaya hai...koi bhi khabar mile to mere phone par inform karna...!!! Barshat baht tez ho rahi hai...agar mausam aisa hi raha aur jyada barshat hone lagi to tum sab jungle k jyada ander mat jana...'dak banglow' main mera intezar karna...!!!"
Vishal:- "Lekin...bhai...aap...akele...
Rajveer:- "Dekh Vishal...Naina is taraf khadi thi...!!! Agar vo road k dushre taraf k jungle k ander gayi hoti to hum sab k nazar padti us par...!!! Aur road k age aur piche ka rashta bhi saaf hai...vo kaise gayab hui kisi ko bhi pata nahin chala...!!! Is ka matlab...vo jis taraf khadi thi...usi taraf k jungle k ander vo gayi hai...taki kisi ko bhi is baat ki bhanak na lage...!!! Aur vaise bhi barshat...hawa aur bijli ki awaz se hum us k kadmon ki aahat ko kabhi bhi dhundh nahin payenge...!!! Lekin hamare jeep ki awaz se vo jaan jayegi ki hum sab kahan hain...!!! Isiliye tum sab jeep main jayoge...Vikram par nazar rakhoge...!!! Sayad vo apne aur bhi jyada aadmiyon ko bula sakta hai...!!! Aur main akela paidal jungle k ander jayunga...!!! Vaise bhi Naina ko baht chot lagi hai...isiliye vo jyada dur tak nahin ja payi hogi...!!! Mai use jaldi dhundh nikalunga...!!! Aur ek baat tum log dhayan se sun lo...chahe kuch bhi ho jaye...Vikram k aadmiyon k sath koi pahle jhagda nahin karega...samjhe...!!!"
Aslam:- "Lekin bhai...hamare dil k armaan...
Rajveer:- "Us k liye aur bhi mauke milenge...Aslam...!!! Agar jarurat padi to sirf utna hi karna jitna minimum ho...jyada kuch mat karna...!!! Aur haan...jarurat padi to....varna bilkul nahin...!!!"
Vishal abhi bhi pareshan tha...!!! Vo Rajveer ko akela nahin jane dena chahta tha...!!!
Vishal:- "bhai...
Rajveer ne mushkurate hue us k kandhe par hath rakh kar kaha:- "Tu ghabra mat...Vishal ...!!! Mujhe kuch nahin hoga...!!! Tujh se vaada kiya hai na k teri shadi main nachunga...apna vaada jarur pura karunga...!!! Tu apna aur in sab ka khayal rakhna...!!! Apna gun mujhe de...!!!"
Vishal se us ka gun lene k baad us ne Vishal se kaha..."Take care"
Vishal:- "Bhai aap bhi apna khayal rakh na...!!! Lekin subah tak agar koi khabar nahin mili...to mai kuch bhi kar sakta hun...!!! Aur agar aap ko kharonch bhi aayi us Vikram ya us ki aadmiyoun ki wajah se to main sab ki gardan uda dunga...!!! Us se mujhe koi farq nahin padta ki agar mujhe phir se jail ho jaye to...!!!"
Rajveer:- "Daar mat...hum sab jaldi milenge...!!! Itna kah kar Rajveer us jungle k ander chala gaya...!!! Aur us k piche piche Vishal baki logon k sath us ore gaya jis taraf Vikram apne aadmiyon k sath gaya tha...!!!
Ins Arjun apne jeep main apne dono havaldaar k sath baithe sab kuch sun raha tha...!!! Ek havaldaar ne kaha:- "Sir ji...ab hum kya karen...!!!"
Ins Arjun apne sar se apna cap nikal kar side seat par rakhte hue kaha:- "Ab hum kar bhi kya sakte hain...??? Rajwadi thali to cancell ho hi chuka tha ab mithai ka prog bhi postponed ho gaya...!!! Achha sun....
Cut to d jungle......................................
Vikram ki jeep aa kar ruki...jungle k ander...!!! Ek aadmi us jeep main se bahar nikla...!!! Bahar barshat baht tez ho rahi thi andhera bhi baht ghana tha...!!! "Ab kya karenge saheb...!!! Andera itna jyada hai ki kuch bhi nahin dikhai de raha hai...!!! Aur vo to is tufan main kahin par bhi nazar nahin aa rahi hai...!!!" Us aadmi ne Vikram se kaha...!!!
Vikram ne apne cell phone se kisi ko phone kiya..."Gaurav...humain kuch aur aadmiyoun ki jarurat pad sakti hai...!!! Unhe jaldi se 'Baini jungle' k ore bhejo...hum yahin hain...!!!"
Us k baad vo vahan se chala gaya...!!! Thodi der vaad Vishal ki jeep bhi vahin par aaya..."Vishal ...vo raha Vikram ki jeep...!!!" Aslam ne kaha...!!! Vishal ki jeep Vikram k piche piche chal padi...!!!
Thodi der vaad............bijli jor se kadki...aur kuch seconds k liye us jagah ko ujala kar gayi...to dekha gaya...ki kuch hi duri par ek bade se paid(tree) k niche ek ladki apne ghutno k bal par baithi hui thi...!!! Us k hath us k ghutno par the...sar juhka hua...ankhen zameen ki ore niharti hui...!!! Barshat ki pani se puri tarah se bhigi hui baithi hui thi Naina...us k chehre par koi bhi xpression nahin tha...!!! Jaise ab kuch bhi nahin bacha tha us k paas...!!! Thode hi dino mai us ne baht kuch kho diya tha...!!! Jab yahan par aayi...to use laga tha ki sayad use phir se ek parivaar mil gaya...lekin yeh bhi galat tha...!!! Vo soch rahi thi ki...kya is duniya main power aur money hi sab kuch hai...!!! In sab k age insaan k jaan ki koi bhi keemat nahin hai...!!!
Vo bina palak jhap kaye...sirf zameen ko dekh rahi thi...!!! Pairon k chot se khun nikal raha tha...jo barshat k pani k sath milkar zameen par hi bah raha tha...!!! Naina ko ab kisi bhi chiz se daar nahin lag raha tha...na yeh ghana jungle...na yeh barshat...aur na hi bijli ki awaz...!!!
Vikram aur Vishal ki jeep us k thodi hi duri par se gujar kar gayi thi...!!! Naina ne un logon ki baat bhi suni thi...!!! Aur unhe pehchana bhi tha...lekin andhere ki wajah se vo sab Naina ko dekh nahin paye the...!!!
Thodi der vaad Naina vahan se uthi...aur jungle k aur ander jane lagi...!!! Use pata hi nahin tha ki vo kya kar rahi hai...!!! Vo to bas chal rahi thi...!!! Achanak us ka pair ek bade se patthar se takraya aur vo muh k bal giri...us cheek par chot lagi...!!! Use dard hua...vo rone lagi...us k ankhon main se anshun nikle...us k muh se sirf itna hi nikla..."Maa............
Kuch der vaad use aisa laga ki jaise koi us k piche khada hai...us ne chaunk kar piche dekha to Rajveer khada use dekh raha tha...!!!
Naina k samne ek sharp aur baht nukila patthar pada hua tha...!!! Naina ne vo patthar apne hathon main utha liya...!!!
Rajveer Naina k thoda kareeb aaya...!!! Aur dhire se kaha:- "Janta hun...maine tab jo bhi kiya tha...vo sab galat tha...!!! Lekin...
naina khadi ho gay aur gusse main kaha:- "Age mat badhna...!!! Varna achha nahin hoga...!!!"
Rajveer:- "plz Naina pahle meri baat sun lo................" Itna kah kar Rajveer age badha...!!!
Naina ne us sharp patthar se Rajveer k shoulder par vaar kar diya...!!! Us pathar ka nukila hissa Rajveer k shoulder k ander ghus gay...aur khun uchal kar bahar nikla...!!!
Naina vahan se daud kar chali gayi...!!! Rajveer ne apni chot ki parwah na karte hue...Naina k piche bhaga...!!!
Naina bhagte bhagte ek unche se teele k upar chad gayi...!!! Rajveer us k piche tha...!!! Us unche se teele k niche ek baht badi nadi (river) thi...!!!
Naina piche mudi aur kahne lagi:- "Age mat badhna...!!! Varana mai is nadi main kud jayungi...!!!"
Rajveer jahan tha...vohin ruk gaya...!!! "Thik hai...lekin tum pahle ek baar meri baat to sun lo...!!!"
Naina ne gusse main kaha:- "Nahin...mujhe kuch bhi nahin sun na...!!! Kyoun sunu mai tumhari baat...??? Tum hote koun hai mere...!!! Mujhe agar pahle pata hota ki mai jis se madad mang rahi thi vo insaan koi aur nahin Rajveer hai...to main tumhare paas kabhi nahin aati...!!! Vahan par ek taraf Vikram... mujh par apna haq jata raha tha aur tum... Vikram se apni dushmani nikal rahe the...!!! Tum dono hi mujhe le jana chate the...!!! Tum dono aise jhagad rahe the...jaise mai koi insaan nahin ek janwaar hun...!!! Aur tum dono ka mujh par haq hai...!!! Nahin hai to sirf mera mujh par haq nahin hai...!!! Aur phir mai tum par kyoun bharosha karun...!!! Nahin bhul sakti mai...vo jo tumne mere sath kiya tha...!!! Yeh zindagi meri hai rajveer...jeena ya marna mujh par depend karta hai...!!! Aur mai yeh achhi tarah se janti hun ki Vikram mujhe jeene nahin dega...!!! Aur mai tumhari daya se jeena nahin chahti...!!! Mai jhuk nahin sakti...Rajveer...kabhi nahin...!!! Agar meri zindagi par mera haq nahin hai to kam se kam mere maut par to mera haq hai...!!!"
Naina straightly piche ki aur jhuki...piche nadi thi...!!! Jo barshat ki wajah se pani se bhari hui thi...!!!
"NAINA.................."Rajveer jor se chillaya...!!!
%%%%%%%%%%%%%%%%%%%%%%%%%%%%%%%%%%%%
Ok frnds...is baar bhi thoda confused hue honge aap sab...!!! Lekin plz yaar thoda intezar to kar hi sakte ho na aap log...!!! RN k past life main jane se pahle mai un k present ko to secure ka lun...phir aap sab k confusions ko bhi dur karti hun...na...!!!
Waitinggggggggggggggg for ur comments...guys...!!!
Thanx😊
Real Estate
62