RK FF:SITAM..Part 18,Page 25,14/03/2010 - Page 14

PART 13

SUCH A GOOD TIME

Parmindar--Bahenjee..bahut hi khushi ki baat hai..dono ki kanooni shaadi ho gayi..ab toh sirf rasme baaki hain jo nibhaani hai..

Yeh sun kar Raj ki Maa bahut khush hui..kaha ,"Haan jee,bilkul..maine socha hi nahi tha k is tarha sab kuchh hoga..par achha hua.."

Nirmal Kranti k pair me bandage baandh rahi thi aur Kranti k saamne yeh dono auratein aisi baatein kar rahi thi..Kranti bol rahi thi mann hi mann.."Mere pairon me itni badi chot aai..inko hosh hi nahi...apni apni dhoon gaa rahe hain.Rajveer..sab kuchh tumhari wajah se hai..dekhna tum..tumhara kyaa haal karti hoon.."

Raj baitha tha Kranti k bistar k paas rakhe chair par..dekh raha tha Kranti ko..bahut zor se lagi hai chot.Par aaj shaam ko jo kaarnama Kranti,The Great ne kia..usko lekar Rajveer kaafi pareshaan hai..usne kuchh aur hi socha tha aaj ki shaam k baare me,par usiki chaal ulti pad gayi..Kranti ne maan toh lia k Rajveer se usne shaadi ki hai..par usme bhi uski chaal thi.Ab jo hua...woh naa Raj se ugalte ban raha hai naa nigalte ban raha hai..

Nirmal--Tu us din Sanjay se itni naraz kyon ho rahi thi?

Kranti--Hai..kuchh wajah toh hai..Nirmal..Sanjay se poochhna tu...

Parmindar--Arre..Nirmal..tumko pata hai...in dono ne shaadi ki hai..

Nirmal--Kyaa?

Kranti--Beeji..aap sab zara baahar jaaiye..mujhe Nirmal se kuchh baat karni hai..please.. aap logon ko aage ki taiyyari bhi karni hai..

Rajveer ki Maa ko lekar Parmindar baahar gayi..Rajveer baitha raha..

Nirmal k saamne sab kuchh ek paheli hai..usne poochha ,"Yeh main kyaa sun rahi hoon..aur Sanjay se itni naraz tu kyon hai?"

Kranti ne Raj k farm house ka pura maamla bataya Nirmal ko..kis tarha Kunal ko mohra bana kar Raj ne Kranti ko majboor kia marriage paper par sign karne k lia..aur fir jab bataya k Sanjay ne kis tarha Police station me Kranti ko gumrah kia..Nirmal ne yakeen nahi kia..Kranti ne kaha ,"Meri baat ka yakeen nahi..toh in janab se poochh le..kyon Mr.Grewal..jhoot kaha maine?"

Raj chup raha..kyonki Kranti ne sach hi kaha hai..aur Nirmal k saamne Kranti se ulajhna koi samajhdaari ki baat nahi hai..aur abhi shuruat hai toh Kranti k aise tewar hain..Raj ne agar zara bhi choo chaa ki toh pata nahi baat kahan tak jaayegi..aur woh Kunal Kriplani.. kaafi ulte dimaag ka ladka maalum hota hai..agar kahi Kranti ne uske saamne zubaan khol di,toh pata nahi kaun si aafat aayegi..Nirmal ne choop chaap sab kuchh sun lia..sab kuchh sunne k baad Nirmal ne kaha ,"Okay..bandage kar dia hai..davai main saath laai thi..ussise kaam ho jaayega..and make sure that your injury doesn't get wet..aur haan..khana theek se khaa lena..high dose k antibiotics die hain..dard se bukhaar bhi chadh sakta hai issi lia.. so..take care.."

Nirmal ne Raj se kuchh nahi kaha..itne saalon se Nirmal Raj ko jaanti hai..pahle wahi Kranti ko samjhaati thi Raj k baare me..par aaj jo kuchh usne suna..Nirmal ko kaafi gussa aa gaya Rajveer par,humesha chaahti thi k Kranti ki shaadi Raj se ho..par is tarha nahi. Nirmal Kranti k kamre se baahar chali aai..par uske peechhe Raj bhi aaya...kaha, "Nirmal.. mujhe baat karni hai tumse.."

Nirmal--Ab kuchh baaki hai kahne ko?Aap ne toh kar dia kaam apna..but let me make it very clear to you..aapko kuchh bhi haasil nahi hoga..

Raj--Main majboor tha..mujhe Kranti se shaadi karni thi..aur woh maan nahi rahi thi..

Nirmal--Shaadi dono ki marzi se honi chahie..humesha aap jo chaahe wahi aapko mile, aisa zaroori nahi..agar Kranti aapse koi rishta rakhna nahi chaahti thi toh aapne kyon kia aisa?

Raj--Nirmal...I love her..

Nirmal--Ohh..please..jo pyaar karta hai is tarha blackmail toh nahi karta..aur aapko kyaa lagta hai?Aapki zindagi aasaan hogi?Nahi..abhi toh shuruat hai..aage aage dekhiyega.. aapki haalat kaisi banti hai..tamasha bana k rakh dia aapne Kranti ki zindagi ka..you know what..Kranti humesha kehti thi aapke baare me..k aap kitne bade self-centred hain..main hi yakeen nahi karti thi..and see..I was so wrong and she was so correct and mujhe sharam aa rahi hai k Sanjay ne aapka saath dia..

Raj--Kranti khud ko barbad karne pe tooli hui hai..I just want her to be fine..

Nirmal--Uske lia aisa karna zaroori tha?Pyaar ek tarfa nahi hota..shaadi kisi ek ki marzi se nahi hoti...rishta dono ko jodna padta hai..nibhana padta hai..aapne sara hisaab hi bigaad dia..and you know what..you will have to pay for it someday..

Raj--I mean,it's ridiculous..Nirmal..main chaahta hoon usko har khatre se door rakhoon.aur iske lia humesha mera uske saath rehna zaroori hai..woh nahi maan rahi thi..toh mujhe aisa kadam uthana pada..aur tum khud jaanti ho apne zid me woh kyaa kar sakti hai..

Nirmal--That doesn't make your action justified...I mean..you messed it up..aur ab se meri taraf se koi madad ki ummeed mat rakhna..

Raj--Ohh..really?Tumko lagta hai k mujhe,Rajveer Grewal ko kisi ki madad ki zaroorat hai?

Nirmal--Mere Pati ki madad ki toh zaroorat padegi na?Soch lena usse koi ulta seedha kaam karvane se pahle..kyonki agar mujhe zara bhi bhanak lagi is baat ki..then your friend is finish..

Raj--Kyaa kar logi..?Sanjay se maarpit karogi?

Nirmal--Nahi toh..zyada kuchh nahi karoongi..bas usko talak doongi..samajh gaye na?So.. har kadam soch samajh kar rakhna..aapki harkat aapke dost ki zindagi barbad kar sakti hai..good bye.

Nirmal neeche chali gayi..Raj ko yeh samajh me nahi aaya k woh neeche jaayega k Kranti k paas baithega..

**************************************

Parmindar ne Nirmal se kaha ,"Tu khana khaa kar hi jaa..Sanjay ko bula le yehi par.."

Nirmal--Aapne ghadi nahi dekhi?Bahut raat ho chuki hai..ab main chaloongi..

Nirmal ne Raj ki Maa se baat nahi ki aur chali gayi.Usko sach me bahut gussa aaya tha Rajveer par.He is such a selfish person!Sucha self-centred,egoistic character!And Sanjay.. Raj's side kick..

Sanjay ne darwaza khola..Nirmal khadi thi..aur Sanjay ne kaha ,"Tumne shaam ki news nahi dekhi hai na?Chalo..bahut hi kamaal ki news hai..."

Nirmal--Kyaa hua..fir bomb blast hua?

Sanjay--Tum chalo toh..

Nirmal ne repeat telecast dekha..jahan Kranti apni shaadi ki baat bata rahi hai press k saamne.Nirmal ko kaafi hairani hui...par Sanjay ki baaton se sab pata chala..kyonki Rajveer ne phone par usko bataya tha k Kranti ne kyaa kia hai press conference me..

Nirmal--I am too tired..abhi abhi Kranti ko dekh kar aa rahi hoon..she is injured..Rajveer tha wahan..

Sanjay--Ohh..

Nirmal--Sanjay..kabhi aisa mauka aaye k tumko choose karna pade..k Rajveer ki dosti yaa mujhse rishta..kyaa karoge?

Sanjay--Yeh kaisa sawaal hua?

Nirmal--Nahi..maan lo..aisa ho..

Sanjay--Aisa ho hi nahi sakta..aisa nahi hoga..tum is tarha kyon baat kar rahi ho?

Nirmal--Nahi..sochne me kyaa harj hai?

Sanjay--Nirmal..ab zyada ho raha hai..saaf saaf baat karo..

Nirmal--Well..mujhse agar kabhi ghalati ho jaaye k mere haathon koi jurm ho..aur case tumhare under aaye..will you covered me up..or you will proceed as per the law?

Sanjay--Arre..dono baaton me connection kyaa hai?

Nirmal--Nahi..batao..agar mere khilaaf case ho toh kyaa karoge?

Sanjay--I will follow the law..

Nirmal--Ohh...really..!!

Sanjay--Yes..hundred percent..

Nirmal--Mujhe neend aa rahi hai..sona hai..good night..

Sanjay ko kuchh bhi samajh me nahi aaya..woh bhi so gaya..agle din subha Sanjay ko jaana pada zaroori kaam se..special duty hai..Home Ministry ki taraf se usko bheja gaya Bhopal..Nirmal se uski baat nahi ho paai..Bhopal k sarkari bunglow me Sanjay k rookne ka intezam kia gaya tha..shaam ko jab Sanjay lauta us bunglow me..usne socha Raj se phone par baat kar le..aur Raj ko phone kia Sanjay ne..

Raj se jo kuchh bhi suna Sanjay ne,uska sar chakra gaya..Nirmal k saamne Kranti ne sab ugal dia..yeh Kranti bhi na..usko kissi bhi baat se chain nahi aata..Nirmal ko bhi uski hawa lag gayi..ab kyaa hoga?

Sanjay ne tabhi Nirmal ko phone kia...

Nirmal--Hello..

Sanjay--Main hoon..

Nirmal--Haan..bolo..

Sanjay--Tum is waqt kahan ho?

Nirmal--Main,court me hoon..mujhe zaroori kaam hai..main baad me phone karti hoon... abhi rakhti hoon..bye..

Sanjay--Hello..Nirmal..meri baat suno..arre..

Phone kat gaya..Sanjay k sar par haath..ab kyaa hoga?Nirmal toh court tak pahooch bhi gayi..

Kranti apne kamre me padi hai zakhmi haalat me.Raj apne office me pareshaan baitha hai..Nirmal court me hai..aur Sanjay hakka bakka baitha hai Bhopal me.

Nirmal court gayi thi ek case ki gavah ban kar..ek dowry case k silsile me..burn case.. Nirmal ne hi us ladki ko attend kia tha..55% burnt case..it's very critical now.Ussi waqt Sanjay ka phone aa gaya..aur Nirmal ne usko bataya k woh court me hai.

Grewal House me shaadi ki taiyyari zoron shoron se shuru ho chuki hai.Kanooni shaadi ho chuki hai.,..ab sirf rasme baaki hai..Rajveer ek lauti aulad hai..uski shaadi yaadgar shaadi honi chahie..Kranti se Raj pyaar karta tha humesha se..Raj khush hoga.par jin dono k lia yeh sab kuchh ho raha hai undono k dil me zara bhi chain nahi hai.Kranti is baat se naraz hai k Rajveer ne is tarha usko blackmail kia.Raj ko is baat ki pareshaani hai k Kranti ne abhi yeh kia hai..pata nahi iske baad kaun sa roop dhaaran karegi..Kranti kis tarha apna gussa dikhaati hai Raj pahle bhi dekh chuka hai.College me bina chappal k Kranti ka aana..Raj abhi tak bhool nahi paaya hai.

Kunal k lia yeh khabar bilkul nayi hai..k Kranti aur Raj ki registered marriage ho chuki hai.Kunal seedhe Kranti k ghar aaya..Parmindar se mila..Parmindar ne Kunal ko Kranti k kamre me bheja..Kunal ne dekha Kranti ko...

Kranti--Aa...baith..

Kunal--Woh toh main baithoonga hi..par aap bolo..yeh kyaa news hai?Mr.Grewal aur ..

Kranti--Shaadi hi toh ki hai..kaun sa bomb phoda hai Bhai?

Kunal--Achanak..?

Kranti--Meri zindagi me sab kuchh aise achanak hi hota hai..tu tension mat le..

Kunal--Isme tension ki baat kahan se aai?

Kranti--Haan..woh bhi hai..par tu rahega..shaadi k do din pahle se..bol deti hoon..

Kunal--Yeh bhi kahne ki baat hai kya?Par ek baat hai ..shaadi ki baat samne aate hi Dayal ki sitti pitti ghoom ho gayi..

Kranti(mann hi mann)--Sitti pitti meri ghoom ho gayi hai..is ghanchakkar ko Dayal ki padi hai..

Kunal--Didi...hua kyaa?Kuchh bolo..

Kranti--Kyaa boloon..?

****************************************************

Sanjay Bhopal se lauta aur Nirmal se mila seedhe nursing home jaa kar.Nirmal ek patient ka operation kar rahi thi..Sanjay do ghante baitha raha Nirmal k cabin me,Nirmal aai..aur chauk gayi Sanjay ko dekh kar,poochha ,"Yehan kaise?"

Sanjay--Kyon?Nahi aana chahie tha?

Nirmal--Maine aisa kab kaha?

Sanjay--Anyways..Raj se tumne kyaa kaha hai?

Nirmal--Bada hi chugalkhor dost hai tumhara..ghatia harkat karte waqt sharam nahi aati usko..upar se chugli bhi karta hai..wow!

Sanjay--Nirmal..problem un dono me hai..uske beech humare rishtey ko kyon laa rahi ho?

Nirmal--Exactly..un dono me problem hai..tum kyon beech me aaye?Agar Kranti shaadi nahi karna chaahti thi Raj se..how could Raj went for a forced marriage?Rather a blackmailed allience?This is so shameful Sanjay..aur is naatak me tumne Raj ka saath dia..kyon?Jab k tum bhi jaante ho sach kyaa hai..Kranti ki zindagi ka sab se bada haadsa, uske father ki death..tum bhool kaise sakte ho?

Sanjay--Tum bhi toh Raj ko support kia karti thi..

Nirmal--Abhi tak main support karti thi..kyonki Raj ek had me tha..par ab jo usne kia hai.. maine socha tha Raj kuchh din Kranti k peechhe ghoomega ,fir Kranti k inkaar ko accept karega..aur apne raaste jaayega..par yeh toh bahut bada cheez nikla..trust me Sanjay.. mujhe abhi tak yakeen nahi aa raha hai k tumne Raj ka saath dia..aur Raj ne Dayal se haath milaya hai..jaante toh hoge tum..Dayal k saath mil kar akhbar me woh bribe ki kahani rachi hai Raj ne ,Kranti k khilaaf..aur issi baat se bachne k lia Kranti ne Raj se apni shaadi ki baat ko press k saamne keh dia..

Sanjay--Tum se kisne kaha?

Nirmal--Khud,Kranti ne..tum ab toh zaroor samajh rahe ho k is rishtey ki buniad kitni kumzor hai?Sanjay..this relation is not at all going to work..mark my words..Kranti k sar par junoon sawaar hai..uske gusse ki aag se ab tak Raj door tha..ab usko bhi us aag ki lapet me aana hoga..aur Kranti ka dosh nahi hai..Raj ne khud apne lia yeh raasta chuna hai.

Sanjay--Aur,tumne Raj se yeh bhi bola k..anyways..whatever the situation takes place..how can you talk about divorce?

Nirmal--You have to choose Sanjay..Raj se tumhari dosti se mujhe kabhi koi problem nahi hai..par uske ulte seedhe kaam me tum uska saath doge,toh Kranti se meri dosti zaroor kharab hogi..aur yeh main nahi chaahti..jaise tumhe apni dosti pyaari hai..waise mujhe bhi apni dosti ka khayaal toh karna hi padega..Raj se dosti nibhaao..par Kranti k khilaaf kuchh nahi karoge..that's all..

Sanjay--Tumko bhi yehi lagta hai k Kranti k father k death k peechhe kahi na kahi Rajveer involved tha?

Nirmal--May be..

Sanjay-He was in England..Nirmal..

Nirmal--So?India se baahar reh kar yehan par crime nahi karvaya jaa sakta?Varna is Dayal se Raj ki itni dosti kaise hui?Aur Raj ne jis tarha Kranti ko jhoote case me frame kia..usse toh ..koi bhi yehi keh sakta hai..

Sanjay--Nirmal..please..abhi bahut zyada bol rahi ho tum..

Nirmal--Theek hai..main nahi bolti..but tum meri baat yaad rakhna..Raj k ghalat kaam me uska saath dena hai..toh mujhe bhool jaao..

Sanjay--Tum court kyon gayi thi?

Nirmal--Abhi divorce petition file karne nahi gayi thi..ek dowry burn case ki gavah ban kar gayi thi..that's all...

Sanjay--Nirmal..I am telling you for the last time..never talk about divorce..

Nirmal--Then stop backing up your friend..simple deal..abhi ghar jaao..mujhe bahut kaam hai yehan..

********************************************

Kunal se jab pata chala Rajveer Grewal k saath Kranti ki shaadi k baare me..tab Jayant Kriplani ko bahut bada jhatka laga.Grewals ki taraf se jo missing link tha ..ab jaa kar woh mila hai..the circle has been completed now.Aur Kranti ussise shaadi karne jaa rahi hai..in fact woh shaadi kar chuki hai..asli shaadi,kanooni shaadi..ab is Rajveer Grewal se kaun bachaayega Kranti ko?

Chaudhury Kulvindar Singh..yaani Kranti k Baojee ka nazara abhi tak bhool nahi paaye Jayant Kriplani..jis bedardi se unki hatya ki gayi thi,aaj bhi yaad karte hue darr lagta hai.Dayal usse pahle London gaya tha..Hoshiyarpur Project report ki ek copy le kar..par Kranti sab jaante hue kyon ussi aag me chhalaang laga rahi hai?Kranti ne ek baar kaha tha k "Kisika udhaar nahi rakhoongi..sood samet waapas karna hai sab ko sab kuchh.."..

Jayant ne Kranti ko bulaya...Kranti milne bhi aai..

Kranti--Kahiye Bhaijee..

Jayant--Kranti..jis din tere Baojee ki jaan gayi thi ..ussi din teri aur teri Maa ki jaan bhi jaanewali thi..agar ahen mauke par maine tum dono ko mere paas nahi roka hota toh..us din main pahooch gaya tha waqt par..ho sakta hai agli baar naa pahooch sakoon..

Kranti--Party high command k paas file jama karani hai..

Jayant--Itne din se main bhi ussi koshish me tha..hua kyaa?Mujh par bhi jaanlewa humla hua..tu bhool jaa sab kuchh..aur Rajveer Grewal se shaadi karne ka plan chhod..

Kranti--Arre..main marriage papers par sign kar chuki hoon..

Jayant--Kyon kia tune sign?

Kranti--Kunal..

Jayant--Kyaa?

Kranti ne saari baat batai Jayant ko.Yeh bhi kaha k Kunal ki jaan ko aage bhi khatra ho sakta hai.

Jayant--Mere hi paapon ki saza hai..mere Bete k sar par talwar latak rahi hai..achha khasa businessman tha..kaun si manhoos ghadi thi jab maine politics join kar li..

Kranti--Agar Rajveer Grewal khud apni maut ko gale lagane aage aa raha hai..hum kaun hote hain usko roknewale?Relax Bhaijee..

Jayant--Tu karna kyaa chaahti hai?

Kranti--Apne Baojee ka koochla hua chehra..khoon se latpat unki laash..unki chitaah..main kuchh bhi nahi bhooli hoon..

Jayant--Main ab bhi yehi kahoonga..sirf ek wajah se apni zibdagi is tarha barbad mat kar..

too good very well ritten dear next part jalidi likna so many tuist n turns woowwww.

i guess things will start improving between raj and kranti once they start living together . but now nirmal and sanjay are fighting like cats and dogs. what a violent love story if it is a love story i am having my doubts. hope things are more pleasant in the next update.

o god, i think Kranti is thinking dangerous here. btw, wonderful part. but, i want more of Raj-Kranti in the next part.😳 please update soon.😳😃

Keep on the work dear.....

Welldone as always ananya, I'm a little confused, did raj really have hand in kranti's father's murder? plz make it no, or else it's a big charge against him, how can he do such a silly thing....plz clarify it for me dear, and badly waiting for next part.

once again great update..... with lots of twist and turns....Kranti actually thinks that Raj was involved in her father s murder....strange....wondering wat comes next....and when story is moving at such pace....this calls for faster next update...do it soon....i hope this forum continues
as there is a big twist in MRD too....such a turn that it came close to end...
feeling sad about that....wonder wat ll happen to this forum....

i am really sorry yaar ananya i am replying so late.
actually i was really depressed
and i hope you can understand this.

anyways,
it is awesome part but very less raj krantii.
but i am worried about raj now .
how could krantii think that raj is involved in her father's murder.
raj toh kuch bhi nahi janta tha uske father ki death ke bare men.

i think somewhere raj's father involve in the murder mystry.

well this is going to be dangerous now.
but i am enjoying .
i love mysterious and thriller stories.


post next part ASAP.

ananya
me waiting for next part.....
want to know if K wants to kill R..she said sumthing like he himself landing in trap...isnt it.........the game getting dangerous now...
plz update soon

Originally posted by: sam111222

o god, i think Kranti is thinking dangerous here. btw, wonderful part. but, i want more of Raj-Kranti in the next part.😳 please update soon.😳😃