~Ehsaas~ek mulaaqat.........SS....updated last part on page 16

First Previous

Page

Next Last

Frequent Posters

Archana

@Archi21

Sparkler

Posted: 11 years ago

#101

Originally posted by: ShagufElina
Thanks Archu...🤗

Woh toh ab aage hi pata chalega...tara ka izhaar...ya Mj ka intezaar...

ab aur kitna tadpana hai MJ ko

Quote

Shagufta

@ShagufElina

Rocker

Posted: 11 years ago

#102

Part 11...

Haan toh main kaha tha...

Hmmm hun toh yahi par mera dhyaan ab kahan hai... Tara ke papa aur bhaiyya aa gaye hai... Ab unki entry hogi aur meri exit...

Nahi nahi... Ab ki baar meri entry exit ke liye nahi hui... Iss baar permanent hai... Pichle baar usse haathon se jaane diya tha... Iss baar... no chance...

Jaise hi Sid ne kaha... Tara ke Papa aur Bhai ander aaye...

Main toh sharif hun... Par chehre par thodi aur sharafat aur saadgi le khada tha...

Woh fuaran Tara ke paas bhaag kar aaye... Woh hosh mein bhi thi... Apne Papa ko dekh thoda uthne ki koshish ki... Par unhone usse mana kiya... Aur lete rehne ko kaha...

Woh usske paas baith gaye... Aur uske sar par bht pyaar se haath phera aur... Pyaar bhari nazron se dekhne lage...

Usse haal khairiyat pucha... Phir poocha tumhe yahan kissne laaya...

Tara ne meri Taraf Ishara kiya... Ab uske Papa ki aur Bhai ki nazrein mujhpar thi...

Woh khade hue... Aur mere pass aakar mujhe gale se laga liya...

Aur phir mere donon haathon ko pakad kar kaha...

Tumhara shukriya kaise karun... Main nahi jaanta ... Tumne meri beti ki zindagi bachayi hai...

Tara ke Bhai ne bhi kaha... Thanks Bro... Tum nahi jaante tumne humare liye kya kiya hai...

Humari sabse qeemti cheez ki hifaazat ki hai...

Yeh toh main bhi jaanta hun... Tara kitni qeemti hai... Aap logon ke liye bhi aur mere liye bhi... Uss takleef ko Abhi saha hai... Kaise bhool sakta hoon...

Yeh sab baatein ho hi rahi thi... Itne mein uske Papa ne poocha...

"Beta aap kya tara ko jaante ho... "

Huhhh kya kahun... Kehna toh Na hi tha... Par socha ek baar uski taraf dekh lu...

Uski nazrein kya kehti hai aur kya ishaara deti hai...

Uski taraf jab dekha toh woh ishaaron mein Naa keh rahi thi...

Waah kya baat... Yeh toh ek dam meri marzi ka kar rahi hai...

Maine Naa kaha...

"Jee nahi main nahi jaanta... "

Tara ab hosh mein bhi thi aur bilkul thik bhi...

Uske Bhai ne... Sab bills wagaira check kiye...

Tab ussne Sidd se pooch liya... Par aap log toh Tara ko jaante nahi...

Phir yahan Tara naam kaise likha hai...

Maine jaldi se pohonch kar situation sambhali...

"Woh actually...jab Tara ko Car mein Hospital laa rahe the... Toh humne pooch tha... Woh sirf utna hi bata paayi... Ki her name is Tara...toh humne bhi yahi likha diya... "

Sidd ne bhi haami bhari... Aur haan kaha...

Thode bills ke baare mein baat karne ke baad... Maine kaha... We can sort it out... Baad mein... Pehle woh apni behen par dhyaan de...

Abhi Tara ko uski zyaada zarurat hai...

Yeh sab hote hue... Subah ke 4 baj gaye... Kal shaam se jo shuru hua... Ab sab thik hai...

Par thik kaise... Ab toh maamla sahi tarike se sambhalna hai... Pehle main akela tha...

Par ab... Woh log hai... Kya karun...

Tara ke paas ab woh log the main nahi...

Sidd coffee peene gaya... Main usse dhoondne ke liye gaya...

Woh ek table pe baitha coffee pee raha tha...

Main bhi uske paas jaa ke baith gaya...

Woh meri taraf bas dekhne laga... Aur kuch keh nahi raha tha...

Maine ishaare se poocha kya...

Ussne bhi isshare mein bhave utha kar kaha... Kya...

Mujhe gussa aaya main bol pada...

"Kya kehna chahta hai... "

Sidd:" Wahi toh main pooch raha hun... Kya Karna chahta hai... "

Main :" Pata nahi... Kuch socha nahi... "

Sidd:" Mere Bhai... Tune nahi socha... Par maine soch liya hai... "

Main... :" Achcha... Ab tu sochne bbi laga hai... Bakwaas mat kar... "

Sidd:" Dekh bhai... Main maanta hun... Tu mere se zyaada smart hai... Aur mujhe mere Yaar pe Naaz hai...

Par woh kya hai na... Aqalmand se Aqalmand ki budhdhi... Pyaar mein kaam karna band ho jaati hai... "

Main... :Achcha... Aur Kuch..."

Sidd: Haan mere Yaar... Dekh Banda saamne waale ki musibat ka hall nikaal sakta hai... Par khud ka waqt jab aata hai... Toh Batti gull ho jaati hai... Bolo tumhari hui hai na... "

Main.: haan yeh baat toh sahi hai...

Sidd: wahi toh keh raha hun mere Bhai... Maine ek full proof solid plan banaya hai...

When i m here no need to Fikar...

Haan main Nikamma sahi... Par yeh lovestory ka cupid toh main hi hun...

Jo karna hai... Woh tujhe karna hai mere dost... Main toh bas mufat ka adviser hun...

Main: kyun tujhe isske liye kya inaam chahiye...

Sidd: Haan haan... Ab itna mehnat... Phal toh banta hai...

Mujhe teri woh golden watch...

Tera fav waala Mp3 player...

Teri woh light blur shirt aur... Aur woh jo ek dam mehengi waali tie hai na woh...

Main uska kaan kheenchte hue...

"Aur koi farmaan hai janaab ke... Woh bhi batao... "

Woh aur main zor se hass pade...

Sidd: Mere liye Mere Yaar ki Yaari kaafi hai...

Aur ek dusre ko gale se laga liya...

Sidd: bas bas... No more talk abt our plan... Dewaar khidki... Table kursi sabke kaan hote hai...

Chalo... Chal ke dekho... Wahan kya haal hai...

Main aur Sidd phirse... Tara ke paas chal diye...

Wahan gaye... Toh Tara ke Papa aur hum... Corridor mein... Bahar khade ho baat karne lage... Woh mujhe sab poochne lage... Maine sab sab sach bataya... Ohhh lekin aadha sach... Jhoot maine kaha nahi... Aur pura Sach maine bataya nahi...

Phir unhone kaha...

"Beta ab aap jao... Aaram karo jaakar... Subah ke 5 baj gaye hai... Aapne humaari itni madad ki hai... Shukriya bht chota lafz hai kehne ko...

Sach keh raha hun... Agar zindagi mein kabhi bhi kisi bhi madad ki. Zaroorat ho... Bina jhijhak kehna... Hum hamesha tayyar hai... "

Mangna toh chahta hun... Aap ki wahi sabse qeemti cheez... ~~Tara~~

Lekin agar main kahunga... Toh aap sab galat samjhoge... Mujhe bhi... Aur mere jazbaat ko bhi... Aur main Tara ko kho dunga...

Issliye... Kuch nahi... Kehna...

Maine kaha kya main ek baar Tara se mil sakta hun... Unhone Haan kaha...

"Zaroor... Jao... "

Main ander gaya... Tara ki. Aankhen band thi... Woh so rahi thi... Socha jaga dun... Ki main jaa raha hun...

Maine khudse hi kaha...

Tara tumhare saamne khade ho aaj main apne aap se waada karta hun... Iss baar tumhe bina bataye jaa raha hun...

Par tumhe iss baar khudse door hone nahi doonga...usse bichadne phirse ek baar ehsaas hai... Par zyaada nahi... Kyunki iss baar kuch bhi pehle ki tarah nahi hoga...

Ab main... Apne aur tumhare iss dabe ehsaasat ko takmeel tak pohoncha kar rahunga...chaahe mujhe kuch bhi karna pade...

Main phir milunga Tara... Phirse... Jald hi... Mera intezaar karna...

Main zaroor aaunga...

Iss baar waaps aane ke liye jaa raha hun...

Sirf tumhare liye...

Mera Ehsaas... ~~Tara ~~..

Aur bas usse yunhi dekhte dekhte room se nikal gaya...

Usse chodte waqt achcha nahi laga... Par yeh mijhe karna tha... Kyunki main Uske Papa li nazar mein ajnabee hun... Aur ajnabee ka uss waqt wahan se jaan hi behtar hai...

Ek aakhiri nazar isse jee bhar ke dekh lun...

Jaane yeh manzar dobara kab naseeb ho...

Main bahar aakar... Uncle se Bye kaha... Aur phir main aur Sidd... Nikal gaye... Ghar ke liye...

Raaste bhar mujhe usska khayaal bechain kar raha tha...

par Sidd ke aage majboor tha...ussne mana kiya tha...

jaane woh kaunsa tikdam lagaane waala tha...woh paln kaam karne waala tha bhi ya nahi...

Usse yunh Akela chod ke jaane ka Mann na tha...par karna pada...

Doc ne kaha tha...2 din baad discharge hoga...dusre din meri meri meeting thi...oit of town...ussi din subah nikalna tha...

subah ke 6 toh baj gaye the...ek ghante mein mujhe nikalna tha...

maine jaldi se tayyar ho chala gaya...

Meeting ke beech mein ek baar Sidd ko call kar...tara ki haal khairiyat li...woh thik thi...

Aur phir raat 1 baje main ghar aaya...itna thak gaya tha...sirf do ghanta neend mili thi...meeting jaane se pehle...kal toh puri raat Tara ke saath beet gaya...

Ghar par Sidd tha...

jab usse poocha toh ussne bataya...Tara ka diacharge ho gaya...

Uss Naalayak ne sister se setting laga rakhi thi ...aur usse pehle hi pata tha...ki Tara aaj hi hospital se diacharge mil jaayega...ussne jaan boojh kar chupaya...

main usse ek mukka marna chahta tha...par woh bola...

Sidd: Bhai mere pehle meri baat toh sunn...

Ussne bataya...Tara ke Papa jab usse lene aaye toh unhone usse call kiya...bill related baat karne ke liye...kyunki woh Nurse ko apna no de aaya tha...

Wahan pohoncha toh Tara ka Bhai tha...aur Papa...kyunki Bill bhi ussi ne dekhe the toh wahi jaanta tha...

ussne Tara ke Bhai ko barabar se apni baaton ke jaal mein utara...bohot baatein ki usse...

Jab Tara ko le jaane ki baari aayi...toh Unki Car kharaab thi...

maine pucha matlab...

Sidd: "Matlab kya maine Car ek kharaab karwayi...hosp ke ek watchman ko pata liya tha...

Woh log ...ab Kaise ghar jaate... main tha Sharif Banda...maine unse kaha...aap log meri Car mein chale na...pls...mujhe Achcha lagega...

toh phir mere bhai...Tara aur Papa peeche ..aur main aur uska Bhai...aage..."

Main: Toh phir...

Sidd: Phir kya mere yaar...main unke ghar gaya...Nashta kiya...Khaana khaya...Ab itne imp shaks ko koi aise hi thodi na jaane deta hai...

Main: Kya yahan main marr raha hun...saale tu daawat uda raha hai woh bhi ussi ke ghar pe...

main usske peeche marne ko duada...hum donon thida masti kiye...thida mood fresh hua...

phir main change kiya...aur Sidd ne mujhe khana diya...

khaate waqt maine Tara ka haal poocha...

Sidd: Bhai woh bht zyaada udaas thi...unka chehra ek dam murjhaya hua tha...

ek toh aap usse mile bina gaye the na...ho sakta hai issliye...woh bass aapke hi baare mein soch rahi hogi...

Main khaakar apne bistar par lete hue ussi ke baare mein soch raha hun...whan woh pareshaan yahan main...

hum dono ka haal behaal hai...iss masle ka koi toh hall nikaana hoga...

woh bhi beqaraar aur main...

Yahan neend meri uddi hai...wahan usski...

par mere case mein...mujhe pata hai...woh mujhe chahti hai...mujhe iss baat ka toh sukoon hai...

pat usse yeh nahi pata ke mere ehsaas kya hai usske liye. ...

Jaane kab iss Ehsaas ki manzil ko kinaara milega...

Jaane kab hum do deewanon ko sahara milega...

Edited by ShagufElina - 11 years ago

Quote

Looks like you are new here. Register for free, learn and contribute.

Shagufta

@ShagufElina

Rocker

Posted: 11 years ago

#103

Part 12...

Abhi kuch waqt pehle mujhe woh mila tha...

Inn chand lamho mein itni bhi kya doori hai...

Aaj usse mile ek saal 4 mahine 13 din aur 2 ghante guzre hai...

pichle ek saal se mahine gina karti thi...par inn chaar mahinon se ab toh ghante bhi gina karti hun...

Uss haadse ko aaj 4 mahine beet gaye... Aur usse mile ek arsa beet gaya... Par main kya karun...

Jab paas tha tab usse roka nahi... Aur nahi hai... Toh bass ussi ki chaah hai... Kya kahu... Aur kya karun... Jo woh mere saamne aa jaye...

Aisi koi toh raah nazar aaye... Jiss raaste par chal mujhe woh Mile... Mrityunjay...

Bas ek naam.. Mere dil-o-dimaag par chaya hua hai...

Usse mile ek arsa beeta hai... Par uske saath bitaya ek ek lamha... Mere liye sabse behtar hai... Uss yaad ko sambhale... Sahej kar... Ek saal tak apne dil ke band kamre mein mehfooz rakha...

Uss ek saal mein... Aisa koi din nahi... Jab usska khayaal na aaya ho... Aisi koi shab nahi... Jab main usse bhool paayi ho...

Aisi koi baarish ki yaad nahi... Jab woh mujhe yaad na aaya ho...

Usske saath bitaya... Bas ek raat ka waqt... Mere ek saal ke arse ka sahara hai...

Pichle ek saal se... Har roz unn yaadon ko taaza karti hun...

Kiss tarah se main usse takraa gayi.. Ussne mujhe sambhala ... Kiss tarah se hum mile... Pehle anjaane mein... Phir yunhi zara si baat... Pehle mere aage phir mere saath...

Mera girna usska sambhalna...

Main jaa giri usspar... Moment thodaa sharamsaar tha... Par pata nahi... Mujhe bht ajeeb laga... Aur thodi sharam bhi aa gayi...

Phir ek gaana... Phir barsaat ki bheegi yaad... Usska bachana... Mera dard... Usski aah meri sisak...

Ek ek pal... Jinhe lafzon mein bayaan karna mushkil hai...

Uss ka gaana... Jisska ek ek lafz mere dil mein aaj bhi zinda hai...

Maine usse keh di... Apni awaaz iss kashish ko kabhi khona matt...

Woh Yug ka usse mere naam se chedna...

Uss jungle ki taraf jaate hue baar baar mud kar mujhe dekhna...

Yunh baarsih ko dekhte hue... Uss ped ke neeche kuch waqt bitana... Jab main na chalun chot se toh mujhe utha lena...

Apni Hifaazat mein rakhna... Apna coat pehna mujhe tahaffuz ka ehsaas dilana...

Koi hai jo meri khabar rakhta hai... Koi hai jo meri fikar rakhta hai...

Sab kuch bohot alag tha... Main nahi jaanti woh sab ek achanak kya tha...

Mujhe secretly coffee ke zariye muskurane ko kehna... Mere liye chocolate...

Main jaanti hun... Usse lagta hoga... Shayad main inn sab se bekhabar hun...

Usse toh mere dil mein chal rahi halchal ki khabar bhi na hogi... Woh ek raat mein mere liye kya ho gaya...

Usse kaise pata hoga... Khamoshi donon taraf thi... Na maine kuch kaha... Aur usse kehne ummeed main kaise karun...

Aakhir woh mujhe jaanta hi kitna hai...

Hum ladkiyan bhi na... Bohot bewakoof hoti hai... Zara sa... Ehsaas ko jagaane waala mila nahi ke...

Nahi... Zara sa nahi... Woh Zara se kuch zyaada tha... Woh Mrityunjay hai... Koi. Aisa waisa nahi...

Par mai kaise soch sakti hun... Woh bohot hi special hai...

Nahi ... Ussne mere liye kiya hi aisa hai... Chodo log toh bakwaas karte hai...

Ab woh special hai toh hai... Meri nazron ne toh aaj tak uss jaisa kisi ko na dekha...

Aur ab usske aage kuch dekhne ki chaah bhi nahi...

Mujhe bachane ke baad... Utne kam waqt mein... Ussne har mumkin koshish ki meri smile ke liye...

Usse mera kitna khyaal tha... ..

Mujhe hairaani iss baat par hoti hai... Kuch ghanton mein... Aisa kya tha... Jissne mujhe usse itna qareeb kiya tha...

Woh Mrityunjay ki khaamoshi ka ehsaas tha...

Usske khyaal rakhne ka andaaz tha...

Usski baaton ka... Lafzon ka... Awaaz ka... Nazron ka... Jaane kiss ka jaadoo tha... Jaane usske kaunse Ehsaas se main mutaasir ho... Bas wahi ki reh gayi...

Mere dil mein itna kuch hai... Par kehne ke liye zubaan par kuch nahi...

Usse lag raha hoga uss waqt main... Main uss barsaat ke haadse se pareshaan hun...

Par main toh bass Mrityunjay ki har baat aur har harkat ko... Badi gehraayi se dekhne ki koshish mein masroof thi...

Uss canteen mein baithe... Main bass yahi dekh rahi thi...

Usska dheeme se palkon ko jhapkana... Jab Yug usse chede toh halka sa muskura... Nazar andaaz karna...

Jab Vasu usse pukaare toh kitne pyaar se usski har baat sunna... Mana naa karna...

Aur Adi Meethi ke sarr par... Toh ek tarah...

Shafqat ki narm chadar...

Aur inn sab ke bawajood...

Main... Usse meri har Aahat ka khayal... Jab main usse dekhun toh nazrein pher lena...

Par main kya karti... Kya kehti... Ek mulaqaat mein... Aisa Asar mujhpar...

Maine uss waqt jo song gaya tha... Shayad meri kaifiyat par khara utar raha tha...

Na main usse jaanti thi... Na woh mujhe... Phir na jaane kaisa raabta tha...

Kyun Dil uski sohabat mein khil utha...

Kyun haadsaa hone par bhi... Mujhe uss hadse ke bajaaye... Sirf woh nazar aa raha tha...

Na jaane kaisa Raabtaa tha... Jo usse meri nazron se ojhal nahi hone deta...

Woh soch raha hoga... Main barsaat waale haadse se pareshaan thi...

Par main toh zindagi ki haqeeqat par hairaan thi... Koi itna haseen aur khoobsoorat pal... Uss barsaat mein... Jhaad ke neeche bitaaya hua kuch pal... Mujhe kitna pyaara lag raha tha... Uss mein main apni chot ko bhool...

Bas yeh sochne mein masroof thi... Aur gamzadaa bhi... Ab kuch palon mein... Isska haath mere haathon se choot jaayega...

Ussne mujhe thama tha... Kuch pal ke liye hi sahi... Par zindagi mein... Kisi ke aane se... Aur usske theherne ki khwaahish hui... Kaash woh theher jaata... Woh waqt... Woh lamhaa... Aur Mrityunjay...

Par aisa mumkin na tha...

Sabhi ko lag raha tha... Mere chehre pe muskaan aa jaaye... Par jisse bichadne ka na jaane mujhe afsos hone laga... Woh dard kuch aur hi shakal mein mere chehre par bayan tha... Aur sab usski marammat karne lage...

Aakhir Mrityunjay ki secret smile waali coffe se... Main khush ho gayi...

Bahane se sahi par dekhona... Usse mera kitna khyaal rakha...

Par usse yeh nahi pata... Ki main jaanti hun... Yeh sab kiya hua usska hai...

Bohot samjhaya khud ko par yeh dil maana nahi... Aur uss Ehsaas ko saath liye chal diya... Par phir ghante baad safar khatam hone pe tha...

Par mujhse raha na gaya... Aur maine ek tissue paper par... Kuch saada sa lafzon mein likh... Jaate waqt apni seat par rakh diya...

~Tere milne se hai yeh maine jaana~

~Koi apna lage hokar begaana~

~Tere pehlu mein tere baahon mein~

~Roshan ehsaas kya hai maine jaana~

Na jaane... Usse woh mila ya nahi...

Ussne padha ya nahi...

Usse mere ehsaas ka zara sa bhi andaaza hai nahi...

Main kuch nahi jaanti...

Mujhe kuch nahi pata... Usske naam ke siwaa... Par utna hi kaafi hai...

usse Alvida lete waqt meri aankhon mein aansun the...meri inn bheegi palkon aur aankhon ki nami ussne bhi dekhi...par usse kya ehsaas tha...mujhe usse bichadne ka kitna gham hai...jo meri palkon mein utar aaya tha...

Ek ehsaas jissne mujhe uss raat uss Ajnabee shaks se iss tarah bandha... Jiski dor aaj bhi mazboot hai...

Agar woh dor kamzor hoti toh shayd woh mujhe dobara na milta...woh mujhe phur mila...4 mahine pehle...mujhe nahi pata kaise mili...mera accident .aur phir usski Aamad...

Woh aaya toh...par kaise kuch nahi pata...main behosh thi...

jab Hospital mein aankhen kholi...toh saamne Mrityunjay ko paaya...

Ek pal ke liye laga...Yeh khwaab hai...meethi neend se jaagte hue...subah hone par aankh kholi toh Mrityunjay ko apne saamne paya...aksar khwaab mein usse dekha karti thi...

par woh koi sunehra khwaab na tha woh ek sunehti haqeeqat thi woh sach mein mere saamne tha...usse dekh hairaani hui...par main dil hi dil itni khush thi...main khud nahi jaanti ...

Woh kuch der mere paas baitha...mai usse dekh itni khush thi ki kehne ko lafz ho samjh na aa rahe the...aur main ro padi...mujhe accident se zyaada iss baat ko jaane mein dilchaspi thi ki main usse kaise mili...phir kya hua...par ussne zyaada kuch bataya nahi...

mujhe rota dekh phirse ussne kaha...kya tumhe yaad nahi...pata nahi aisa kya hua jo woh mujhe yaad dilaana chahta tha...par woh baat wahi khatam ho gayi...

par woh jab dobara mujhse milne aaya tab bhi maine poochi...jaana chahti thi aisa kya hua jo mujhe yaad nahi...kaash woh mujhe bata de...

par pata na chala...

usse itna khush mizaaj dekh maine bhi pooch li...jiss Mj ko main mili thi...woh khaamosh mizaaj tha...yeh rang kuch naya hai...

jab ussne kaha...toh mera dil ...dhak se hogaya...aisa laga mujhpar kehar toot pada...

ussne kaha Mohabbat...usse kisi se pyaar ho gaya...

woh kisi aur ka ho gaya...

par ussne toh kabhi na kaha...ki woh meri taraf se mutasir hai...woh toh main hi hun...jo Ehsaas ko seene se lagaaye aaj bhi unhi yaadon mein mubtela hun...

isse pehle aage kuch poochun...papa aa gaye...

yeh waqt bhi kitna galat hai...mujhe usse baat karne nahi deta...

phichle baar hum saath the...par baatein na thi...

ab baatein karni hai...toh saath mushkil ho raha tha...

Upar se adhoori baat...mujhe aur bechain karne lagi...

Papa kaafi der tak mere paas hi the...par mera dhyaan Mrityunjay Par...

Woh aisa kya keh gaya...mere hosh hawaas sab udd gaye...baar baar...ussi ka khayaal aa raha...

Thodi der baad woh phir aaya...papa usse poochne lage...aur yeh bhi poocha...ki woh mujhe jaanta hai ya nahi...

Main darr gayi...aur maine usse Naa kehne ka ishara kiya ...kya karti...Usse toh meri ragg ragg pehchanti hai...par main usse koi aur sawaal aur mushkilon nein nahi daalna chahti...waise bhi ussne mere liye kya kya nahi kiya hai...

Woh Phir yunhi Chala gaya...

main usski wahi Mohabbat waali baat sochte sochte so gayi...

ek woh din aur ek aaj ka din...usski shakal dobara dekhne ko naseeb na hui...

mauka toh aaya tha...Par woh nahi...Papa ne bill ke clearnce ke waqt usse bulaya the...par usska dost aaya tha...woh nahi...

Main bhi kitni bewakoof hun...Jisske Ehsaas ko aaj bhi zindaa rakhe ghoom rahi hun...usska toh koi pata nahi...

Woh kisi aur ki mohabbat mein mubtela hai...aur main ab bhi usse khudse baandhe ghoom rahi hun...

Har raat yahi sochti hun...Agar woh khaas na tha...toh main kyun uske baare mein sochti hun...usse mere ehsaas ka zara si bhi khabar nahi...zara sa bhi ehsaas nahi...

yeh jaanti hun...ab Woh nahi...phir bhi jaane kyun ussi ke baare mein sochti hun...ussi ke khwaab dekhti hun...Dil toota hai...sisak ke rehti hun...par apne haal-e-dil kisi par bhi ayaan nahi hone deti...

Ayaan kar karun bhi kya...jiss Ehsaas ka Mrityunjay ki zindagi mein wajood nahi...usse bayan karne ka kya faayeda...

jaane meri zindagi mujhe aur kya rang dikhaayegi...

mera dil toh abhi se rone ko ho raha hai...

Aaj mujhe usski bht yaad aa rahi hai...Bhai ne mera rishta ek jagah tai kiya hai...

mujhe nahi pata kisse...

Kal uss ladke se milne jaana hai...

Soch rahi hun...ab kya hoga...jinn ehsaas ko maine Mrityunjay ke liye mehsoos kiya...kya kisi aur ke liye kar paaungi...Mera Dil ro raha hai...par kisi ko khabar nahi...

Khidki par khade...inn sard hawaao mein...iss raat ke andhere mein khud se hi baat kar rahi hun...aur khud ke hi aansun poch rahi hun...

Ek Ehsaas ki dor thaame ho jiskaa nishaan mil nahi raha... Kal kisi ke bataye baaton pe amal karna hai...

Ehsaas ki Bandish mein ab bhi Giraft hun...

jo Rishta toot gaya uska wajood kahan dhundoo...

...

Edited by ShagufElina - 11 years ago

Quote

Shagufta

@ShagufElina

Rocker

Posted: 11 years ago

#104

Last Part...

Part a...

Subah nayi hai par aaj mere dil pe haazaar khanjar chalne waale hai...

Mujhe woh karna hai jo main nahi chahti...

Mujhe aaj shaam uss ladke se milna hai... Bhai ne apne frnd se mera rishta ko kaga hai... Papa ne haan kaha hai...

Aur Bhai aur Papa ke aage main kya kahun...

Yeh ki main kisi aur ke ishq mein giraftaar hun... Jisska mujhe yeh tak na pata woh kaha hai...

Ussdin ke baad kaha gaya nahi jaanti... Uss raat mujhse milna zaroori bhi na samjha...

Maine kaise bhi kar koshish kar usse bulwaya tha... Baar baar bill ke amount ko... Bhai ko yaad dila dila kar...usse bulwaya ... Par woh na aaya...

Kya kahun... Ek tarfa mohabbat ka shikaar hun... Jisska koi wajood nahi...

Jab main hi deewaani hui jaa rahi hun... Toh kya kahun apne iss deewanepan ke baare mein...

Khair ab aaj jo hona hai woh toh hoga hi...

Pata nahi... Kambakht ko ghar par milne se kya problem hai... Ghar par sab hote...zyaada waqt na bitana padta usske saath...

Par nahi... Bhai ke inn dost ko Cafe mein milna hai... Bada modern banege...

Aur Bhai... Aise toh bada reserved banta hai... Aur dekho... Apni nazuk si behen ko Cafe mein rishta tai karne ke liye bhej raha hai...

Ek minute... Yeh toh aur bhi achchi baat hai... Woh ghar par nahi aa raha hai...

Wahan kya hua kisse kya pata... Jo main ghar aa kar bataungi... Sab wahi maanenge... Ab main bataungi uss bhai ke pyaare se dost ko Tara kya cheez hai...

Bhai ne kaha hoga... Meri behen badi naazuk si... Pyaari si hai...

Par main usse atrange kapde pehen kar jaaungi... Ki woh mujhe dekh hairaan ho jaayega... Aisi bewakoofon jaisi baatein karungi ki sochne par majboor ho jaayega...

Kiss pagal se rishta kara rahe hai... Kuch nahi mila toh apni pagal behen se apne dost ko bandh raha hai...

main usse apna dusra avtar dikhaungi...

Aur main itni jaldi ummeed kyun chod rahi hun... Main Mrityunjay ko dhundungi...

Poochu toh kahan gayab ho gaya...

Par kya poochungi... Ki mujhse pyaar karte ho kya... Main tumhare liye tadap rahi hun...

Nahi nahi... Yeh nahi...

Poochungi... Mujhe bachane ke baad kaha gayab ho gaye... Aur usski uss mohabbat waali story ko thoda dig karne ki koshish karungi... Kaun hai... Jissko yeh dil baitha hai... Aur main usse...

Number uska hospital se mil jaayega... Ohhh god itne din se main so kyun rahi thi... Pehle kyun na khayaal aaya... Ussi par toh call kar usse bulwaya tha...

Ab aur der nahi karungi... Aaj hi number leke... Aaj hi usse milungi... Uss ladke se mipne se pehle...

Chal Tara jaldi se tayyar ho jaa... Aaj bphot saare marhale paar karne hai...

Par kya karun... Pehle Mrityunjay se milun ya pehle uss ladke se...

Ohhh God... Par aise kapde pehen ke Mrityunjay se nahi mil sakti...

Nahi main Pehle Mrityunjay se milungi... Phir Tara uss Bhai ke kabootar ko thikaane lagayegi...

Par Mj se pehle baat karni hai kisi bhi haal mein...

Jaldi Jaldi main tayyar hona shuru ho gayi...

20 min toh yunh sochne mein guzar gaya... Pehnu kya...

Phir Ek purple kurta aur creame chudidaar nikaali... Usspar chote se kaan ke bunde...

Haan... Itna kaafi hai... Thoda simple hi dikhna hai...

Aur unn janab ke liye... Atrange kapde rakh liya... Laal bhadkila kameez aur ajeeb se orangish shalwaar... Aur kala dupatta... Jissmein mein ek dam gandi lagun... Mj se milne ke baad muaka mila toh change kar lungi... Issliye bag mein rakh leti...

Ohhh God... Mj ka no hospital se lena hai... Phir usse baat kar bulana hai... Kaash woh mil hi jaaye... Aur inn sab se muaka mila toh uss bhai ke chune dulhe se milna hai...

Aur inn sab mein meri madad ko Ready... Vidhi... My school friend... ek wahi hai jisse maine Mj ke baare mein bataya hai...

Tayyar ho pehle usske hi ghar jana hai... Wahi mujhe har jagah pick and drop karegi... Bhai ko ussi ke naam se toh pataya hai...

Warna Bhai mujhe cafe bhi chodne chalta... Par yeh kya... Aaj itna meherbaan... Ussne haan keh diya... Bas Vidhi ke liye ek baar poochne ki deri thi...

Waah Tara... Aaj saare kaam ban rahe hai... Hope so... MJ bas ek baar mil jaaye aur uss ladke se peecha choot jaaye...

main jaldi se tayyar ho gayi aur ek baar mirror mein dekha...itni bhi buri nahi lag rahi...chalega...bass ek baar mulaaqat toh ho...

Maa aur Bhai ko keh nikal gayi...bhai toh pooch rahe the...Itna jaldi..

Maine bhi keh di...

Woh. Actually mere sar mein thoda dard hai...toh hospital ek baar follow up ke liye visit kar loon... Usske baad hum saath chale jaayenge...

Aur main Vidhi ke ghar ke liye... Sadak par Rickshaw ka wait karne lagi...

Yeh Rickshaw waale jaldi tayyar kyun nahi hote kahin bhi jaane ke liye... Apni hi mann maani karte hai...

Sochi thoda aage badh ke dekhun... Shayad signal ke aage waale road se mil jaaye...

Sadak par chal rahi thi... Aaj subah halki si baarish se kitna kichad ho gaya tha... Har jagah...

Ohhh God... Yeh kya... Kamine sadak par Car chalana nahi aata...

Chiii... Ewww...

Yeh kya... Mujh par ek Car waala kichad uchaal kar chala gaya... Mere poore kapde barbaad...

Purple kurte ka colour nazar na aa raha tha... Bas mitti dikhayi de rahi thi... Chudidaar ka toh kya kahun...

Ghat wapas jaaungi toh phir hospital jaane mein aur deri hogi... Already 1.30 baj chuke hai... Mujhe wahan jaana bhi hai... Aur shaam ko 7.30 uss Ulloo se Cafe mein milna bhi hai...

Kya karu... Ek Rickshaw aa kar ruka... Main baith gayi...

Aur Vidhi ke ghar jaa pohonchi...

Vidhi ne darwaaza khola... Aur mujhe dekh hairaan...aur zor zor se hassne lagi... Aisa huliya hi bana tha mera... Bechari woh bhi kya karti hassne ke siwa...

Maine kaha...

Ab kya karun... Ghar jaati toh late ho jaata... Aur main aaj koi der nahi karna chahti...

Vidhi:Ruk main kuch sochti hun... Mere dress try kar le... Zyaada faraq nahi hai... Humare size mein...

Par problem yeh hai... Mere paas saare western hai... Tu pehnegi...

Main: Nahi yaar... Western kaise pehen ke jaa sakti hun... Mere paas bag mein dress hai...

Vidhi: dress hai toh tension kiss baat ki...

Main: pehle dekh toh kya hai...

Maine kapda nikaal kar dikhaya

Vidhi : Ohhh god... Yeh kya combination utha kar laayi hai... Hosh mein toh hai... Aisa kapda... Aur woh bhi tu...

Nahi yaar... Maine sochi thi... Yeh uss ladke se milne ke waqt pehen lungi... Agar Mj se milne ke baad change karne ka mauka mila toh...

Par yahan toh sab gadbad ho gayi...

Vidhi: "Ek kaam kar... Pehle hum hospital se no lekar ghar aate hai... Phir dekhte hai... Kya karna hai... Pehle Mj se baat toh ho... Phir aage ka plan pata chalega...

Chal ab mera hi kapda pehen le..."

Maine uska carrot colour loose top... Aur black jeans pehen li... Aur koi option na tha...

Change karke... Hum hospital ke liye nikal gaye... Wahan pohonchne mein... Qareeb ek ghanta nikal gaya...

Humne sabse pehle reception pe poocha... Par woh busy thi... Aur Chaar mahina bhi ho gaya tha... Uss baat ko... Ussne wait karne ke liye kaha tha...

Wait karte karte 20 min ho gaye... Par ussne ab tak Mj ka number dhoond ke nahi diya...

Utne mein saamne se ek ward boy aaya... Aur bola...

"Aur Madam aap kaise ho... Ab thik ho... "

Arre yeh toh wahi hai... Jab main. Admitt thi tab duty par tha... Shayad isse pata ho... Kuch...

" Haan main thik hun... "

" thik hai... Apun chalta hai... "

Woh jaa raha tha... Yeh achha mauka hai ek baar poochne mein kya jaata hai...

" Suno"

"Haan Madam"

"Tumhe yaad hai... Jo sahab mujhe yahan le kar aaye the. ..."

"Mrityunjay Sahab"

"Haan... Wahi... Actually mujhe unka number chahiye... Reception ko kab se pooch rahi hun... Woh batati nahi...kya tum pls dhoind doge... "

" Arre Madam... Dhoondhe ki kya zarurat hai..."

"Matlab "

" Unka number mere paas hai... Bohot achcha aadmi hai... Ek dam naram dil... Aapke paas kaise nahi number... Woh toh humesha aapke baare mein mujhe poochte hai... "

" mere baare mein"

"Haan... Woh Sir chale gaye the... Uss raat... Par aapke discharge hone ke baad mujhe kitne baar phone kiya...woh toh har baar aapke follow up ke baare mein bhi poochte hai... Ki aap kab aaye...aapko nahi pata... "

" Follow up??? "

"Haan... Yeh lo no... "

Maine Number toh le li... Par uss ward boy ki baat sunn mere haath pair thande pad gaye...

Yahan main soch rahi hun... Woh gayab hai...usski zindagi mein mera koi wajood nahi... Aur woh yahan ward boy se mere aane jaane ki khabar rakh raha hai... Aakhir maajra kya hai... Pata karna hi hoga... Yeb sab chal kya raha hai...

Vidhi: Arre Tara... Ab chal bhi... Kya sochne lagi...

Main: soch rahi hun... Call abhi karun...

Vidhi : yahan nahi... Ghar chal kar aaram se karte hai... Bht time bach gaya... Iss ward boy ke wajah se... Abhi kya karenge... 3 baj raha hai... Sirf... Chal ghar ...

Main Vidhi ki baat suni... Aur hum Car mein baith gaye...

Vidhi ke ghar aate aate bhi main yahi soch rahi thi... Kya hai yeh Banda...ek taraf milta nahi... Dusri taraf meri khabar rakh raha hai... Isse main kya samjhun...

Vidhi ne mujhe kaha...

Vidhi: Ohhh khyaalon mein ghum Tara... Pehle yeh socho... Number toh mil gaya... Dress... Ka kya karna hai...

Tumhare Ghar chalun... "

" Nahi... Nahi... Agar ghar gayi toh pata nahi... Bhai koi aur plan bana le... Aur khud chodne aur pick karne ko kahe... Ghar nahi jaana...dresss ka dekhte hai...

Tumhare Ghar chalo pehle mera dimaag kaam nahi kar raha abhi"

Hum ghar pohonch gaye...

Jaldi se bedroom mein gaye... Aur mj ko call lagaya...

Ohhh god mera haath itna kaap raha hai... Sirf phone pe baat karne ke liye... Aur tayyari kar rahi hun milne jaane ki...

Pehle phone pe toh baat karne ki himmat juta lun... Phir aage ka sochun...

Vidhi: Ab phone lagayegi bhi...ki sochne mein hi shaam karna hai...

main: haan na lagati hun...ek toh itna darr lag raha hai...upar se tu...samjhane ke bajaye mujhe hi keh rahi hai...

Vidhi: tu kya chahti hai...hum donon ki bakwaas mein time paas ho...ya phir kaam aage bhi bane ...laga phone jaldi...

Maine himmat karke phone lagaya...

Ohhh ring ho raha hai...

Vidhi: Ab phone lagya hai toh ring toh bajegi na...

"Chup na tu...mujhe aur dara rahi hai..."

"HELLO..."

Mrityunjay...ussi ki awaaz hai...

ussne call toh pick kar liya...bolun kya itna darr gayi...usski awaaz sun kar hi meri bolyi band ho gayi...ussne 4 se 5 baar hello hello kaha...par main yaha se kuch na keb saki...gusse mein aa kar...Vidhi ne haath se mobile le liya...aur call cut kar diya...

Vidhi: Milne ka iraada hai ...aur baat karne ko tayyar nahi...baat nahi karegi toh milne kaise bulayegi...aur aaj tujhe milna hai...kaise bhi...ek kaam kar...thodi lambi lambi saans le...aur darr ko kam kar ke ...10 min baad phir call laga...

Main kya karun...sab chahti bhi hun...aur nervousness ki wajah se baat bhi nahi ki jaa rahi...

Maine thoda der sochi...phirse call lagaya...

iss baar phir se ring baji...aur ussne utha liya...

"Hello...Helllo...kaun..."

Ohhh God phirse nahi...iss baar bolna hai...

"Hello...aapko aawaaz nahi aa rahi ...ya baat karne ka iraada nahi hai...Hello..."

kya kahun...mere haath pair phirse kaapne lage...dil zor zor se dhadakne laga...aur Wahan Vidhi ishaare kar rahi hai ...bol...bol...kuch toh bol...

kya bolti usski awaaz sunn mujhe yakeen hi nahi aa raha woh hai...

Par phir maine himmat jutai...aur jaise hi woh cal cut karne jaa raha tha...

maine kaha...

"Hello...Mrityunjay"

"Tara..."

ussne mujhe ek baar mein pehchaan liya...pehli baar usse baat kar rahi hun...aur mujhe sirf Hello se pehchaan gaya ...main hun...

"Haan main..."

"Kahiye ...aap kaise..."

Aap kaise ka kya matlab hai...phone kiya hai...kuch achcha nahi bol sakta tha...mujhe gussa aa gaya...maine bhi seedha point ki baat kar di...lekin thida lehaaz se...gussa karti toh pata chala ...aane waala ho toh tab bhi na aaye...

"Woh maine issliye call kiya hai...mujhe aapse milna hai..."

"Mujhse par kyun?????"

Dekho toh zara sharafat...kyun pooch raha hai...mere peeche se meri khabar rakhta hai...aur jab milne keh rahi hun...toh kyun yaad aa gaya...

"Woh actually...aapne meri jaan bachayi aur main aapko shukriya bji nahi keh paayi...issliye ek baar milkar kar kehna chahti hun...par Aaj hi..."

"Kya aaj????"

"Haan...aaj hi...mere paas dusra mauka nahi hai...main sirf aaj hi mil sakti hun...toh bolo kahan miloge. ..."

"Trendy Cafe..."

Ohhh god trendy Cafe mein toh uss ladke se milne jaana hai...nahi nahi...waha nahi...

"Nahi...waha nahi..."

"Arre pehle baat toh suno...Trendy Cafe ke lane mein...ek restaurant hai...Spring restaurant...wahan mil lo..."

"Thik hai...par 6.00 baje aana...pls...main usse der nahi kar sakti..."

"6.30 to 7.00 tak aa paaunga...6.00 mushkil hai..."

"Achcha thik hai...bas tum aa jana pls..."

"Thik hai..main rakhta hun...bye..."

aur call rakh diya...thik hai main rakhta hun...bye...yeh koi tarika hua...mujhse baat karne ka...ek toh pehli baar usse baat kar rahi hun...upar se itni berukhi...mujhe bilkul pasand na aayi...

lag hi nahi raha tha...Mrityunjay baat kar raha hai...woh toh kitna zyaada living...caring...aur har ek baat ka khyaal rakhne waala hai...

Vidhi:" Ab jaane bhi de...sochna chod...aur jaane ki tayyarj kar...already 4.30 ho gaye hai...tere iss darr ke chakkar mein...

ab sunn meri baat...tere paas 3 option hai...dress ke..."

"Woh kya..."

"1st ...tu mera western dress pehen kar jaa...jo ki teri image ke khilaaf hai...

2nd...woh atranga dresss...jo tu uss bandar ke liye laayi thi..."

"aur 3rd??????"

"3rd ...ta-da!!!!!!!...yeh hai mera new dress...long gown...jo ki ab tu pehnegi..."

"Main nahi yaar...main yeh kaise pehen sakti hun..."

Vidhi:Kabse main yeh teri bakwaas si baatein aur darr dekh rahi hi hun...ab jo main kahungi karna padega...apne honton ko seal kar le ...

Vidhi ne mere lips par ungli rakh chup kara diya...aur mujhe tayyar karne lagi...

Maine Cream colour ka Long Gown pehna...jisspar...pura golden Zari se kaam kiya

hua tha...usski chudidaar sleeves pe golden zarri ke patch lage hue the...

usske upar...chota sa ek golden jacket...jisske gote...mere ghutnon tak jaa rahe the...

maine gale mein dupatta liya...

Ussne mujhe...smoky eye make up kiya...Coral rose lipstick lagayi...jisse mere honte toh chamakne lage...

Neon Pink Nail paint...aur phir usspar...chote chote se star ka nail Art kiya...

kaan ke liye mujhe kitne pyaare...kundan ke goden jhumke diye...jo uss dress par aur bhi zyaada pyaare lag rahe the...

Mere baalon ko neeche se curl kar unhe khula lehraane diya...

aur End mein single strip ki simple si golden sandal...

itna sab karne ke baad...ab ussne mujhe mirror ke saamne khada kiya...

ussne mujhe Tara se Chamkta hua...Roshan Sitara bana diya...main khud ko mirror mein dekh hairaan thi...

Vidhi: Ab main dekhun...kaun kisse propose karta hai...Tara Mrityunjay ko...ya Mriyunjay Tara ko...humari iss Nazuk.si Tara ko kisi ki Nazar na lage...

aur phir hum nikal pade...usse milne ke liye...

Car mein jaise hi baithe...baarish shuru ho gayi...dekhi ab hum waqt par pohonch paate hai bhi ya nahi...

Edited by ShagufElina - 11 years ago

Quote

Shagufta

@ShagufElina

Rocker

Posted: 11 years ago

#105

Last part on page 16...

Edited by ShagufElina - 11 years ago

Quote

Archana

@Archi21

Sparkler

Posted: 11 years ago

#106

Shagu ⭐️

Dil ne iss baar fix kar liya dilwale dulhaniya Le jayege 😃 👏

MJ ko sarafat dikhani padi 😛 bus ki kahani pata hoti too khud hi pata chal jata. .. humara MJ kitna sarif hai 😃

Sabki ankho ka Tara 😃

Arre ... waah 😃 nazaro se baate 👏 ⭐️
good 😉

MJ ... chalo time par pauch gaya. ..warna dono pakde jaate 😛

Sidd ... aisa yaar sabko mile 😃 ⭐️ 👏

Sahi kaha Sidd ne ... MJ ka dimag band hai ...pyar ke mamale mein
😆

Kya plan bana rahe hai cupid Sidd 😕 acha sa plan hoga koi 😃
koi sun naa le 😆

Milegi milegi Tara. .. thoda sabr. .. aur yaar par bharosa. ... phir milegi Tara 😉

~tumse juda ho kar hume dur jaana hai
pal bhar ki judai phir laut aana hai. ...~
Kuch aisa haal hai MJ ka 😃
Usska usse dekhna ... jane phir kab mile

Sidd ki jai ho
😃
kya plan banaya hai 👏

Haayee. ..ye judai ke lamhe

Awesome update ⭐️ 👏 👏

all shayri ⭐️ 👏 👏

ehsaas ⭐️ 😃
🤗

Quote

Archana

@Archi21

Sparkler

Posted: 11 years ago

#107

Shagu ⭐️

iss taraf bhi barabar ki aag lagi hai dil mein ⭐️
yaa zayada 😃 jo ek - ek pal gin rakha hai 👏

Har lamha sirf ussika khayal ⭐️ inti shidat se chaha usse ⭐️ 👏

Puree ehsaas ko phir se jiya humne ⭐️ 😃 👏

Aksar usse khawb mein dekha 😛 😃 😉

Mohobat. .. kise karta hai mj. . Jab pata chalega tab khushi ka thikana naa hoga 😃

Haayee. .ye tadap. ..
kal milega tumhe tumhara ehsaas 😃

bakhubi baya kiya hai Tara ka haal ⭐️ 👏 👏 👏
tadap. .. becheni ...gum 👏 👏 👏

Quote

Archana

@Archi21

Sparkler

Posted: 11 years ago

#108

Shagu ⭐️
last part 😛 yani milan karib hai innke ehsaas ka 😃

Uff. ... ye ishq. .. kitna zalim hai

Chali hai Tara namune se milne 😛

apna kaunsa roop dikhayegi 😕 ...

sab par gusa nikal rahi hai. ... sab baan baithe hai uski mohobat ka dusman
😆
Ladke ko pagalkhane bhejne ka pura intezam kiya hai Tara ne 🤣

Kya kapde chune hai 😆 👏

akhiri umeed liye milne chali hai mj se 😃

baat kitni karni hai ... par zuban kyu sil jati hai 😕

ha aye ... kitni khubsurat lag rahi hai Tara
Bhala ho uss car wale ka jisne kapde kharab kiye 😃

mj Tara ko dekhte hi kho jayega ⭐️

Vidhi jaisi dost ho too har muskil aasan 😃

Mj time par aana
😊

Jab 7:30 baje bhai ki pasand se milegi tab sare gile dur hoge. ... aisi umeed hai 😊

awesome update
⭐️ 👏 👏 👏

ehsaas 😃
update soon 😃

Quote

mahamalik

@princessmaha

Explorer

Posted: 11 years ago

#109

awesome update
excited to read next update
update soon 😊

Quote

Shagufta

@ShagufElina

Rocker

Posted: 11 years ago

#110

Originally posted by: Archi21
Shagu ⭐️

Dil ne iss baar fix kar liya dilwale dulhaniya Le jayege 😃 👏

MJ ko sarafat dikhani padi 😛 bus ki kahani pata hoti too khud hi pata chal jata. .. humara MJ kitna sarif hai 😃

Sabki ankho ka Tara 😃

Arre ... waah 😃 nazaro se baate 👏 ⭐️
good 😉

MJ ... chalo time par pauch gaya. ..warna dono pakde jaate 😛

Sidd ... aisa yaar sabko mile 😃 ⭐️ 👏

Sahi kaha Sidd ne ... MJ ka dimag band hai ...pyar ke mamale mein
😆

Kya plan bana rahe hai cupid Sidd 😕 acha sa plan hoga koi 😃
koi sun naa le 😆

Milegi milegi Tara. .. thoda sabr. .. aur yaar par bharosa. ... phir milegi Tara 😉

~tumse juda ho kar hume dur jaana hai
pal bhar ki judai phir laut aana hai. ...~
Kuch aisa haal hai MJ ka 😃
Usska usse dekhna ... jane phir kab mile

Sidd ki jai ho
😃
kya plan banaya hai 👏

Haayee. ..ye judai ke lamhe

Awesome update ⭐️ 👏 👏

all shayri ⭐️ 👏 👏

ehsaas ⭐️ 😃
🤗

Thanks Archu...
Yes Ehsaas😃

Quote

1 ... 9 10 11 12 13

~Ehsaas~ek mulaaqat.........SS....updated last part on page 16 - Page 11

Related Topics

Explore Topics