Posted:
Ab ka kahe dost logon...
Aaj phir se piano huya CTRL-SHIFT-DELETE.
Yeh Rajveer babua hai na...poore ke poore mom's sweet boy. I am sure GD must have sung in his bachpan: Chanda hai tu mera suraj hai tu...o meri ankhon ka contact lens hai tu...
Aur wahan ja bhidi Hamari Bahu. Bhala mera pallo tere pallo se lamba kaise? Geeta ka gaan shuru hogaya. Inhe to bhashan dene ke liye internet ki bhi zaroorat nahi padti. Peechhe background music kya tha..poora ka poora BR Chopra ka Mahabharat shuru. Mahaaa...bharat...Ath shri mahabharat katha...
Kamre main aayi to miyan phir se files kholkar baithe the. Mujhe to daya aa gayi. Aisa chehra to hum maths ka paper dekhakar banate the. Biwi ne poochha, apne dil par haath rakhkar kasam khayiye...ab RV to apna right hand dil par rakh nahi sakte (sling main hai ji...) aur left ko rakhna mushkil file jo pakadi hai...Nandini bahut chunt ho ji.
Phir se RV ne music ki file kholi, Aur politics ki file bina save kiye band kar di.
Ghar main naukro ki meeting. Nandini ji, itne phoolon ka aap kya karengi? ha...ghar decorate karne ke kaam aayenge na...
Wahan Beauty Chachi aur Snooty Bhabhi pareshan. Inki koi sunta hai nahi. Ab kya karein. Sab ko maloom hai ki reporting line badalne wali hai...to abhi se dal badal liya.
Kya grievance lekar pahunch gaye GD ke pass. GD soch rahi thi, meri hi nahi sunati to inki kya sunegi? Aur politician ki tarah jawab dediya. Hum ek baar unse baat karenge. Saare politician aise hi wade karte hai na...
Yahan RV ne biwi ko khoob support kiya. Lage raho Munnabhai.
Aur phir Matron ka B'day. Kya instant cake banaya Nandini ne. Humare muh main paani aagaya. Matron ka naam nahi padha sake. Shayad ek hi maid ka naam yaad rakh sakte hai ji.
Ooper se RV bhi tashreef le aaye...kehte hai, you are one of a kind. Kyoun nahi, kyoun nahi...Aap ki mummy ki pasand hai na.
Phir Nandini the great pahunchi Lakshmi Bai ke ghar. Wahan kya punja ladaya. Aakhir itni practice jo hai GD et al se bhidne ki. Achha lecture de daala...
Kaash yahan Khatar-naak miyan hote. Achhi publicity ho jaati.
Kya bhashan diya aapne. Issi pehle AA main kaam karti thi kya? ya phir kissi satsung main? Aur agar sirf aapki awaaz sunane se alcohol ki bimaari chhut jaaye to kaisa ho? Sharaabi Mahoday ne bottle youn phenk di, hume laga ki ab maachis aur tilli bhi jalaenge...
Khair hum sabhi khush. Mogambo khush hua. Ab chaliye, kaam pe...
Precap: Chugalkhor Chachi aur Snooty Bhabhi ne Daadi sa ke kaam bhare. Aur daadi sa chali poochhne, kisski izaazet se...bhai ab Raghuvanshi mansion koi school hai kya, jahan school se bahar jaane ke liye principal ki permission leni padti hai?
Avatar and Signatures Shop
