CID - Adaalat crossover story : Salunkhe suspended! (COMPLETE)

Page

Next Last

visrom

@visrom

Stunner

+ 4

Posted: 9 years ago

Clinching evidence - 2

Scene : Bureau

Daya and Abhijeet walk in with the culprit Rajesh.

Daya slaps Rajesh and he lands on the confession chair.

Abhijeet: Bataao, Ravi ka khoon kyon kiya?

Rajesh: Maine Ravi ka khoon nahi kiya. Tum log mujhe bina saboot phasa rahe ho. Mujhe apne vakil se baat karni hai.

Abhijeet: Hum log bina wajah kisi ko arrest nahi karte! Humare paas forensic department ka saboot hai.

Rajesh: Sab jhoot! Tum logon ne forensic ka report manipulate kiya hai. Asli khooni ko nahi pakad sake toh kisi par jhoota ilzaam lagaakar yeh saabit karna chahte ho ki case kitna jaldi solve kiya! Media ki shabaashi chahte ho tum log!

Abhijeet: Daya, lock up mein daal do ise. Hum kal subah ise court mein pesh karenge.

ACP walks in.

ACP: Abhijeet, Daya, kya hua? Kuch bataya isne?

Abhijeet: Nahi sir, kehta hai ki bekasoor hai.

Rajesh: Toh aap hain ACP Pradyuman. Mujhe apne vakil se baat karni hai. Aaap mujhe is tarah lock up mein nahi daal sakte!

ACP(looks at duo with an expression saying he's right, we have to allow that'): Theek hai. Lekin jo karna hai jaldi karo. Tumhare khilaaf humare paas saboot hai aur hum un sabooton ko court mein subah pesh karenge.

Rajesh is left alone in an interrogation room while trio walk out.

ACP: Forensic report kya kehta hai?

Daya: Sir, main isko arrest karne se pehle Salunkhe sir se mila tha. Unka kehna hai ki murder spot kar jo 2 daru ke glasses mile the - ek par mare hue Ravi ka saliva hai. Aur doosre par is Rajesh ka saliva hai. .

ACP: Aur CCTV footage?

Abhijeet: Sir woh bhi mil gaya hai building ke entrance se. Theek 9 baje Rajesh Sterling apartments mein ghusa aur 11:45 ko baahar aaya.

Daya: Salunkhe sir ka kehna hai ki khoon lagbhag 11 baje ke aas paas hua hai.

ACP: Building ke register mein isne apna naam enter kiya hai?

Abhijeet: Haan sir. Register bhi humare evidence list mein hai. Aur watchman ko bhi humne court mein bulaya hai kal, gavah ke taur par.

Daya: Sir, lekin sir itne saboot uske khilaaf hone ke bawajood yeh keh raha hai ki isne khoon nahi kiya. Kehta hai ki apne vakil se baat karega.

ACP: Hmm...kuch zyada hi confident lag raha hai. Humare sare saboot pakke hain na?

Daya: Haan sir, Salunke sir ne kaha ki ek-do tests aur baaki hai. uske baad woh report ka copy hume denge jo hum humare report ke saath court mein submit kar sakte hain.

ACP: Chalo, lab mein chalkar dekhte hain.

Daya; haan sir, chaliye.

ACP leaves the bureau, Daya follows. when Daya reaches the exit, he realises that Abhijeet isn't following. He comes back towards Abhijeet.

Daya: Kya hua boss, lab nahi chal rahe ho?

Abhijeet (expression serious): Nahi Daya, tum jaao.

Daya: Achanak kya ho gaya tumhe?

Abhijeet: kuch nahi, mujhe is case ka report tayyar karna hai. (turns away)

Daya: Oh, tum Salunkhe sir ko avoid kar rahe ho?

Abhijeet: Nahi, aisi koi baat nahi hai. Tum jaao, main yahin rukta hoon.

Flashback:

Scene: Lab

Salunkhe: Yeh pant tumhe kahan se mili?

Tarika: sir, Abhi..Abhijeet ne diya

Salunkhe: Abhijeet, Abhijeet, CID mein jo bhi galat kaam hota hai, usme is aadmi ka naam kyon juda jaata hai!

usne yeh pant mujhe kyon nahi di?

Tarika: Pata nahi

Salunkhe: Yeh pant kiski ha - pata nahi. Pant par laga khoon kiska hai - pata nahi, yeh pant Salukhe ke paas kyon nahi hai - pata nahi! toh tumhe kya pata hai Dr, Tarika! 😡

A couple of days later

Scene : Lab

Salunkhe: Kallu par goli chalayi Abhijeet ne!

ACP is shocked.

Salunkhe: Ab main woh bataane jaa raha hoon, jiske wajah se main in sab ko baahar bhejna chahta tha

ACP's phone rings

ACP: Abhijeet, kahan ho? Isi waqt lab mein chale aao. It's an order

Abhijeet: Sir, jab tak yeh pata nahi chalta ki uss raat ko kya hua tha, main nahi aaoonga.

ACP: Mere khilaf jaaoge Abhijeet?

Abhijeet: Main aapke khilaaf nahi jaa raha hoon sir, jab tak sach ka pata nahi chalta main waapas nahi aa saktaa

(cuts the call)

ACP is shocked.

Salunkhe: Mana kar diya na?

Aapke honest, brilliant, intelligent officer ne aapka order manne se mana kar diya, ACP saab?

Main jaanta tha Pradyuman, yeh Abhijeet ek na ek dinn poori CID ke liye woh machli saabit hoga jo poore taalab ko ganda kar deti hai.

Is Abhijeet ki wajah se CID team badnaam ho rahi hai!

Kalank hai. Yeh Abhijeet poore CID team par ek dhabba hai!

Tarika: Bas kijiye sir! Kita bura kahenge aap!

Salunkhe: Main toh bas kar doonga Tarika, lekin yeh report? iska kya karogi?

Jaante ho Pradyuman iss report mein kya hai?

ACP: Kya hai Salukhe?

Salunkhe: Daya par goli tumhare honest, brilliant, intelligent officer Abhijeet na chalayi hai.

ACP: Kya? 😲

Salunkhe: Daya Abhijeet ke goli ka shikaaar hua hai Pradyuman!

(the story is set around the time Giraftaar series was aired)

Back to present:

Daya: Boss, main samajh sakta hoon, lekin us waqt shayad woh gusse mein the kyonki tum gaayab the!

Abhijeet: Haan, tum toh yahi kahoge. Tumhare liye pareshaan the woh. Ek baar yeh nahi socha ki report mein jo dikh raha hai, woh galat bhi ho sakta hai...itne saal mere saath kaam karne ke baad bhi yeh khayal unke mann mein nahi aaya ki Abhijeet kabhi Daya par goli chala sakta hai kya? (voice chokes)

Daya: Dekho Abhijeet, main samajh sakta hoon ki Salunkhe sir ko tumpar shaq nahi karna chahiye tha. Lekin hum sab ek family ki tarah hain... Aapas mein baat karke suljhana chahiye.

Abhijeet: Sirf shaq kiya? Pata hai? Unhone mujhe CID ka kalank kaha.

Daya: Lekin tumhe yeh baat kisne bataayi?

Abhijeet: Maine Nikhil aur Pankaj ki baatein chupkar sun liya.

Daya:

(he had asked Nikhil and Pankaj to keep quiet about it)

Gusse mein keh diya hoga...ACP sir bhi bohot baar gussa karte hain na? Unki baaton ka kabhi bura nahi maante ho tum! Main Salunkhe sir se baat karta hoon. Unhe apne galti ka ehsaas dilaoonga.

Abhijeet: Rehne do Daya. Tumhare baat karne se kya hoga? Yeh baat khud unki samajh mein aana chahiye. Ab yeh sab chodo. ACP saab intezaar kar rahe honge. Lab mein jaao aur DNA report le aao.

Aur haan, kisi se iss baat ka zikr mat karna.

Daya: theek hai boss, jaisi tumhari marzi.

Scene : Lab

ACP and Daya walk in.

Salunkhe: Aao Pradyuman, report tayyar hai.

(looks behind ACP and Daya)

ACP: Kya hua Salunkhe, kise dhoond rahe ho?

Salunkhe: Kuch nahi...humesha poore team ke saath aate ho...aaj sirf tum dono?

Daya: Bas sir aise hi...sirf report leni thi, uske liye poori team ki kya zaroorat hai?

Salunkhe: Haan...main toh...yuh hi pooch raha tha.

ACP: Report mein kya hai Salunkhe?

Salunkhe: Rajesh ke ghar se tumne jo jala hua kapda laaye ho, woh darasal gloves ka tukda hai. Aur us gloves ke tukde par usii drinks ke boonde mile jo Ravi ke ghar par mile glasses mein hain.

ACP: Iska matlab Rajesh ne wohi gloves pehenkar drinks piya tha?

Salunkhe: Haan.

ACP: Gloves par koi fingerprints ya khoon nahi mila?

Salunkhe: Nahi boss, gloves ka woh hissa jal gaya.

Daya: Rajesh ne hi jalaane ki koshish ki hai. Usi ke ghar se toh mile yeh gloves. Yeh khoon usi ne kiya hai sir.

ACP: Koi aur pakka saboot nahi mila, Salunkhe?

Salunkhe: Aur kya chahiye Pradyuman? Mare hue aadmi ke ghar mein do glasses - dono mein saliva hai - ek hai Ravi ka aur doosra Rajesh ka. Ek glass par Ravi ke fingerprints hain, aur doosre par kisi ka bhi nahi. Isse saaf hota hai ki jo doosre glass se drinks pee raha tha, usne gloves pehen rakhi thi.

Murder weapon bhi humaare pass hai...uspar bhi fingerprints nahi. Matlab jisne gloves pehna tha - wohi khoon bhi kiya.

Rajesh ke ghar mein jale hue gloves mile - jinpar wohi drinks ke boonde hain jo yeh dono murder spot baithkar pee rahe the.

Tarika walks in.

Tarika: Sir, woh fibre bhi match hua hai.

Salunkhe: Lo, aur ek saboot. Chaku ke oopar kuch cotton fibres mile the, khoon ke saath. Woh bhi isi gloves ke fibres hain. Matlab isi glove ko pehenkar khoon kiya gaya tha.

ACP: Hmm...theek hai. Aur woh CCTV footage? Use bhi certify karvana hai ki usse koi ched chaad nahi hui hai.

Salunkhe: Haan boss...woh bhi aadhe ghante mein ho jaayega.

Daya's phone rings.

Daya: Haan Abhijeet...?
...
...

KYA?😲 Oh...tab toh hume aur savdhaan rehna chahiye.

...

...
Kal subah? Theek hai, 7 baje main bhi aata hoon tumhare saath.

(cuts)

Daya: Sir, ek problem hai.

ACP: Kya?

Daya: Aap jaante hain is Rajesh ka defence lawyer kaun hai?

ACP: Kaun?

Daya: KD Pathak.

ACP: 😲 KD? Lekin woh kabhi kisi khooni ko bachane ki koshish nahi karta. Humesha sachhayi ka hi saath deta hai.

Daya: Haan sir.

ACP: Pata nahi kyon, mujhe is case mein kuch gadbad lag rahi hai. Pehle us Rajesh ka confidence...aur ab KD ka is case mein ghusna...kahin humse koi galti toh nahi hui hai?

Daya: Sir humne bohot achchi tarah se investigate kiya hai. Aapki tasalli ke liye phir se murder spot chalein?

ACP: Ghar jaane se pehle ek baar tum aur Abhijeet jaakar dekh lo.

Salunkhe: Daya, aadhi raat ko koi saboot mila toh mujhe phone zaroor karna. Main aa jaaonga. Main Ravi ke khooni ko andar karke hi chodoonga. 😡

Daya: Kyon sir? Is case ko itna personally kyon le rahe hain aap?

Salunkhe: Woh...bas aise hi...

ACP and Daya leave.

Scene : Court (Next day)

Abhijeet and Daya were in a serious discussion with Jaiswal.

Abhijeet: Jaiswal saab, aap aur ek baar reports dekhna chahte hain?

Jaiswal: 10 baar dekh chuka hoon...aap fikar mat kijiye...10 minute mein case khatam ho jayega aur Rajesh ko phaansi hogi. relax!

..and goes in.

Abhijeet(to Daya): Yeh Jaiswal bhi na...report theek se dekha bhi nahi! Chala gaya andar.

Daya: Ab kya kar sakte hain...yeh aadmi hai hi aisa.

Abhijeet: Lekin defence lawyer KD hai. Woh kabhi koi case haarta nahi.

Daya: Tum kuch nervous lag rahe ho...

Abhijeet: Pata nahi...mujhe kuch theek nahi lag raha hai iss case ke baare mein. KD aise hi kisi gunehgaar ko defend karne ke liye aage nahi aayega.

Daya(a little smile): Kal ACP sir bhi yehi keh rahe the.

KD comes towards them and shakes hands.

KD: Good morning. Iss baar hum pratipaksh mein hain, isliye good luck nahi keh sakta.😊

Abhijeet: KD, tum yeh case kyon lad rahe ho? Humare paas pakka saboot hai ki Rajesh khooni hai.

KD: Main sadaiv sachhayi ke paksh mein hoon. Main dono - Rajesh aur Ravi ko jaanta hoon. Woh dono mere paas kanooni paramarsh ke liye aate the. Mujhe vishwaas hai ki Rajesh kisi ki bhi hatya nahi kar sakta.

Daya: Lekin iss baar tum dhokha kha gaye, KD.

KD: Court mein is baat ka nischay hoga ki kise dhokha hua hai.

KD walks towards the court room...stops a minute and comes back.

KD: Main apne client ko bachane ke liye kuch aise pramaan prastut karoonga jisse aapko pareshaani ho sakti hai...kintu kisi bhi baat ko personally mat lena. 😊 It's only professional.

...and walks off with a smile.

Daya: Yeh KD kya keh raha hai? Kya pramaan...matlab...saboot mila hai use jo humare paas nahi hai?

The case begins.

Rajesh in the accused box, KD takes the place of the defence lawyer, Jaiswal the prosecutor. Abhijeet and Daya in the audience. Salunkhe joins them.

Judge: Case ki sunvai shuroo kijiye.

Jaiswal: Your honour, yeh ek seedha murder case hai. Iske liye sirf 5 minute ki zaroorat hai.

Rajesh, jo ek bohot hi successful businessman hai - apne dost Ravi ke ghar Jan 18 raat 9 baje gaye. Dono baithkar drinks piye. Uske baad dono ke beech mein jhagda hua, aur Rajesh ne paas pade chaku se Ravi ka khoon kar diya. Uske baad chaku ko apne ghar le gaya aur dustbin mein phenk diya. Phir gloves ko bhi jalane ki koshish ki.

Agle din Rajesh ne ek flight ka ticket book kiya aur airport gaya. Sheher chodkar bhaagne hi wala tha, lekin humare kaabil CID officers ne use airport mein hi arrest kar liya.

Main ab is case ke saare saboot pesh karta hoon. Sabse pehla witness hai Sterling apartments ka watchman.

Watchman comes and stands in witness box.

Jaiswal: Ramu, 18 January ke raat ko 9 baje tum hi Sterling apartments mein duty par the?

Ramu: Haan sir.

Jaiswal(shows a register): Your honour, yeh register dekhiye. Isme theek 9 baje ek entry hai. Visitor ka naam Rajesh hai.

(Hands it over to the judge)

Your honour, Ab main Sterling apartments ke gate mein lage CCTV ka footage dikhata hoon.

(The CCTV footage is played and it shows Rajesh going in at 9PM and coming out at 11:45PM.)

Your honour, data forensic department ne certify kiya hai ki is footage ke saath koi ched-chaad nahi hui hai.

Ab main forensic expert Dr Salunkhe ko witness box mein bulata hoon.

(Salunkhe comes)

Jaiswal: Dr Salunkhe, Ravi ka post mortem aap hi ne kiya?

Salunkhe: Ji haan.

Jaiswal: Ravi ki maut kab hui thi?

Salunkhe: Lagbhag raat ko 11 baje.

Dr Salunkhe, kya yeh glass (shows the glass) wohi glass hai jo aapko Ravi ke ghar se mila?

Salunkhe: Yes your honour.

Jaiswal: Iska DNA test aapne kiya?

Salunkhe: Ji haan

Jaiswal: Is glass par aapko kya mila?

Salunkhe: Ispar mujhe saliva ka sample mila jo Rajesh ke DNA ke saath match hua hai.

Jaiswal: Your honour iska matlab saaf hai. Rajesh Sterling apartments ke andar ghusa aur Ravi ke flat mein hi gaya tha.

CCTV footage se hume pata chalta hai ki Ravi 11:45 ko baahar aaya tha.

9 or 11:45 ke beech mein sirf do aur visitors aaye the jo flat no 305 aur no 111 mein gaye the. Lekin Ravi flat no 807 mein rehta tha. Aur 807 mein sirf ek visitor aaya tha - Rajesh. Iska matlab hai ki. Jab Ravi ki maut hui thi, uske flat mein yeh Rajesh hi tha, aur Rajesh ne hi Ravi ka khoon kiya hai.

KD: Objection your honour. Jaiswal saab keval paristhitijanya sakshyon .(circumstantial evidence) ke aadhar par mere muvakkil par hatya ka aarop laga rahe hain.

Judge: Sustained, aapke paas koi aur saboot hain Mr Jaiswal?

Jaiswal: Hai na your honour. Yeh dekhiye...(shows the knife)

Sir yeh chaku Sr Insp Abhijeet ne Rajesh ke ghar mein kachre ke dibbe se baramat kiya tha. Iske oopar khoon laga hua hai, jiska DNA report bhi Dr Salunkhe ne hi certify kiya.

Dr Salunkhe: Kya aap bata sakte hain ki is chaku par kiska DNA hai?

Salunkhe: Your honour, is chaku par lage hue khoon ka DNA mare hue Ravi ke DNA se match karta hai.

Jaiswal: Ravi par isi chaku se vaar kiya gaya tha?

Salunkhe: Yes your honour, is chaku par 5 cm tak khoon laga hua hai. Ravi ke chaati par ghaav bhi 5 cm gehra hai. Chaku aur ghaav ke measurements match kar rahe hain sir.

Jaiswal: Iska matlab saaf hai your honour. Khoon isi chaku se kiya gaya tha.

(Next he also presents the burnt glove and the fibre found on the handle of the knife.

And then concludes...)

Jaiswal: In sabooton se saabit hota hai ki Rajesh ne pehle khoon kiya, uske baat chaku uthakar bhaag gaya. Padke jaane ke darr se chaku ko kachre ke dibbe mein daal diya aur sheher se faraar hone ki koshish ki.

Ise IPC Sec 302 ke mutaabik phaasi ki sazaa di jaaye.

That's all your honour.

Jaiswal gives a big smile and sits down.

Judge: Defence, aapke koi witnesses?

KD: Ji haan your honour. Mujhe lagta hai ki prosecution aur CID ko is case ko sheeghr samapt karne ki jaldi hai. Isliye unhone poori tarah se is case ki tehkikaat nahi ki. Isliye unhe woh cheezein nahi dikhayi di jo hai aur woh dikhayi di jo nahi hai. 😉

Daya (agitated): Yeh kya keh rahe ho KD! 😡

Judge : Order, order!

Abhijeet: Baith jaao Daya, suspend hone ka shauk hai kya?

Daya: Woh keh raha hai ki humne investigation theek se nahi kiya.😡

Salunkhe: Mujhe pehle se pata tha ki yeh KD CID ko neecha dikhane ki koshish karega.

Abhijeet(not looking at Salunkhe directly): Unhe CID se koi dushmani nahi hai. Pehle hum sunn toh lein ki woh kya keh raha hai.

KD continues: Sir, sabse pehle main watchman Ramu ko katgare mein bulana chahta hoon

Ramu comes. KD nods at his assistant Varun who rushes out and returns with two men, head covered.

KD asks for the CCTV footage to be played.

KD (asks Ramu): Jab yeh aadmi Sterling apts ke andar gaya tha, tab tum duty par the?

Ramu: Ji haan sir.

KD: Kya tum tum us aadmi ko pehchaan sakte ho jo is footage mein dikhayi de raha hai?

Ramu: Sir yeh toh wohi aadmi hain sir jo uss katgare mein khade hain.

KD: Tumhe poora vishwaas hai?

Ramu: haan sir.

KD: Phir se dekh lo, kahin in dono mein se koi toh nahi?

(And points towards 2 other men who looked identical to Rajesh)

Ramu looks confused, and so are Abhijeet and Daya and so is Salunkhe.

KD: Your honour, jaisa aap dekh rahe hain, is court mein do aur log hain jinki shakal Rajesh se milti hai. Yeh humne ek professional makeup artist ki sahayata se kiya. Jo CCTV footage hume prapt hua hai uska resolution kam hai. Usme Rajesh ka chehra spasth dikhayi nahi de raha hai. Isliye iss CCTV footage se hum yeh nahi maan sakte ki jo vyakti andar gaya tha woh Rajesh hi hai.

Jaiswal: Lekin woh DNA?

KD: Maan lijiye aap apne dost ke ghar gaye aur drinks li.

Uske baad yadi Varun aapke dost ghar mein ghuskar woh glass uthakar mere ghar mein rakh diya, toh kya iska matlab yeh hai aapne mere saath bathkar drinks liya tha.

Jaiswal: Aapke saath drinks? Kabhi nahi. 😡

KD: Mujhe maloom tha, aap samajhdaar hain.😉

Jaiswal: 😕

KD: Your honour, keval Rajesh ka drinks glass Ravi ke ghar mein hone se yeh saabit nahi hota ki Rajesh ne Ravi ke saath baithkar drinks pi hai. Ho sakta hai Rajesh ne kahin aur drinks liya ho aur kisi ne woh glass uthakar Ravi ke ghar rakh diya. (looks at Jaiswal) Ho sakta hai na?

Jaiswal: Silent

KD(looks at CID team): Kyon Abhijeet, Daya, Dr Salunkhe??

Salunkhe: KD, hume Rajesh ke ghar mein murder weapon mila hai.

Judge:Order, order

KD: Woh bhi is glass ke tarah unke ghar mein rakha jaa sakta hai Dr Salunkhe.

Your honour, kisi ki hatya karne ke liye majboot kaaran ka hona avashyak hai(motive). Rajesh ke paas Ravi ka khoon karne ke liye koi kaaran nahi hai.Woh dono business partners the aur jahan tak mera jyaan hai unke beech mein koi tanaav nahi hai.

Jo saboot CID aur prosecution ne pesh kiya hai woh keval paristhithijanya hain.

Prosecution ne us register mein aur do logon ke naam bataaye the jinhone uss raat Sterling apartments mein aaye the. Main watchman Ramu se ek prashna karna chahta hoon - kya tumne un dono ka peecha karke yeh dekha ki woh dono kis flat mein jaa rahe hain? Kya tum har visitor ka peecha karte ho?

Ramu: Main sabka peecha kaise kar sakta hoon sir? Meri duty toh sirf gate ke paas hoti hai.

KD: Your honour, ho sakta hai hatyara register mein flat no 111 likh diya ho aur building mein ghusne ke baad flat no 807 mein jakar Ravi ki hatya kar diya ho. CID team ne iss case ko samapt karne ki jaldbaazi dikhayi hai.

Main is case mein ek mahatvapoorna saboot pesh karne ki anumati chahta hoon.

Judge: You may proceed.

KD brings a CD and plays it.

The video shows Rajesh walking out of Delhi airport.

KD: Sir yeh CCTV footage mujhe Delhi airport security se prapt hua hai. (thank you Abhijeet 😉)
Isme spasth dikhayi de raha hai ki Rajesh Delhi airport mein luggage belt no 2 se apna bag uthakar airport se baahar aa rahe hain. Yeh January 18 subah 9 baje ka footage hai.

Daya: Abhijeet, KD tumhe thanks kyon keh raha hai?

Abhijeet: Maine use kal yeh bataya...

Before he could finish, Jaiswal jumped up

Jaiswal: Objection your honour, jaise KD Pathak ne prosecution ke CCTV ko low resolution kaha tha, yeh footage bhi low resolution ka hai.

KD: Your honour, mujhe pata tha ki Jaiswal saab yeh avashya kahenge. Isliye maine kuch aur saboot prapt kiya hai. Rajesh shaam ko 7 baje Delhi ke Nuclear science centre ke andar gaye the. Andar jaane se pehle unhone entrance mein apna finger prints aur iris image diya tha. Delhi ke forensic scientist Dr Akash ne Rajesh ke Aadhar card data se uss finger prints aur Iris ko match kiya hai.

(refer http://uidai.gov.in/auth.html. Aadhar data stores iris and finger prints of all citizens of India)

Isse yeh saabit hota hai ki January 18 ke raat ko 7 baje Rajesh Delhi mein the aur meeting lagbhag 10 baje tak chali thi.

Rajesh ek ghante mein Delhi ke nuclear lab se Mumbai mein Ravi ke ghar jaakar unki hatya kar hi nahi sakte, your honour.

CID team : 😕

Daya: Yeh kaise ho sakta hai?

KD: Main Ravi ke personal assistant Ms Sophiya ko bulana chahta hoon.

Sophiya arrives.

KD: Ms Sophiya, kya aap Mr Salunkhe ko jaante hain?

Sophiya: Ji haa sir. Ravi ke pita aur Dr Salunkhe bohot achche dost the.

KD: Thank you Ms Sophiya.

Your honour, Ms Sophiya ke bayaan se hume yeh pata chalta hai ki Dr Salunkhe ko iss case mein personal interest hai. Unkhe dost ke bete ke hatyare ko jald se jald dhoond nikaalna chahte the, isliye unhone jaldbaazi dikhayi hai. Main court se nivedan karta hoon ki Dr Salunkhe ko iss case se baahar kiya jaaye aur kisi aur forensic doctor ko ye case diya jaaye.

Judge: Is case mein pesh kiye gaye gavah aur sabooton se hum is nateeje par pohonche hain ki iss case ki investigation theek se nahi hui hai.

CID team ko is case ko theek se investigate karne ke liye 1 hafte ka waqt diya jaata hai . Dr Salunkhe ko iss case se baahar kiya jaata hai,

Salunkhe storms out of the court. Daya runs after him.

Daya: Sir, please aap ruk jayiye

Salunkhe: Uss KD ne meri izzat mitti mein mila diya hai. Ab kya muh dikhaaonga kisi ko. Aur Abhijeet...uss Abhijeet ne hi yeh sab kiya hai. Dekha nah tumne...KD use thanks keh raha tha. 😡 Badla le raha hai mujhse. Main usse sorry kehna chahta tha, lekin usne...

Daya: Sir aap Abhijeet ko galat samajh rahe hain.

Salunkhe: Mujhe ab kuch nahi sunna hai. Chod do mujhe akele..

...and gets into his car and drives off.

to be continued...😉 (but only when I see enough comments that people are in suspense)

Edited by visrom - 9 years ago

Quote

Frequent Posters

visrom

@visrom

Stunner

+ 4

Posted: 9 years ago

PART 2

Scene : Court

Abhijeet watches Salunkhe leave in a huff. Daya follows him. Everyone leaves. He ponders over how it could be possible was Rajesh was in Delhi at the time of murder.

Flashback:

Scene : Murder spot(Ravi's flat)

All the neighbours had gathered in the corridor and CID team was investigating.

ACP: Sabse pehle laash kisne dekhi?

Milkman: Sir, maine. Main har roz doodh ka packet ek plastic cover mein daalkar jaata hoon jo darwaze ke handle par bandha hota hai. Aaj woh plastic cover nahi tha. Darwaze ko gaur se dekha toh dekha ki darawaza khula hai. Isliye maine socha ki doodha ka packet andar shoe rack ke paas rakh deta hoon. Andar aaya toh dekha ki Ravi saab zameen par pade hain.

ACP: Toh tumne kya kiya?

Milkman: Maine unhe uthane ki koshish ki par unka shareer thanda pad gaya tha...toh mujhe pata chala ki woh mar chuke hain. Maine watchman aur building secretary ko bulaya.

Daya: Sir, kahin yeh heart attack se toh nahi mara hai?

ACP: Yeh toh Salunkhe hi bata sakta hai.

Abhijeet(comes with 2 glasses): Sir! Yahan sharaab ke 2 glasses hain.

ACP: Iska matlab yahan koi aur tha.

Abhijeet: Doodh wala keh raha hai ki darwaza khula tha.

ACP: Matlab yahan jo bhi aaya tha...shayad Ravi ke marne ke baad baahar gaya. Agar uske jaane se samay Ravi zinda hota toh kum se kum darwaze tak aakar darwaza band toh karta..hai na?

ACP(to the lady who stays in the opposite flat): Kal raat aapne yahan kisi ko dekha?

Lady: Nahi sir. Maine kuch nahi dekha.

ACP: Daya, neeche security room mein guest register dekho ki kal raat is building mein kaun kaun aaya tha.

One maid comes forward.

Maid: Saab, main kuch kehna chahto hoon.

ACP: Tumne kuch dekha?

Maid: Haan saab...main oopar wale floor mein kaam karti hoon. Main kal raat ko 10 baje kaam khatam karke ghar jaa rahi thi...toh maine dekha ki yeh darwaza khula hai aur iss saab ke saath ek aur saab sofe par baithe hue the.

ACP: Achcha? Tumhe us doosre aadmi ka shakal yaad hai?

Maid: Theek se toh nahi...woh thode mote the, neele rang ke shirt pehne hue the aur...

ACP: Tum ek kaam karo...uske baare mein jo bhi yaad hai humare sketch artist ko bataao.

Scene: Bureau

Sketch is ready...a plump fair guy with french beard and black framed glasses.

Daya: Sir, kal raat ko 9 baje Rajesh flat #807 mein aaya tha. register mein entry hai (shows) Aur 11:45 ko baahar gaya tha.

Maine CCTV footage bhi mangwayi hai. Yeh dekhiye. Chehra zyada clear nahi hai, lekin jaise kaamwali ne bataaya. Iska bhi french beard hai...isne bhi neeli shirt pehen rakhi hai aur kaale rang ka chasma bhi hai.

ACP: Aadmi toh wohi hai. Is Rajesh ka pata lagaao.

After a while...

Daya: Sir, maine pata lagaya. Kal raat ko 8 baje Ravi ne Rajesh ko phone kiya tha. Kal raat 9 aur 11:45 ke beech Rajesh ke phone ka location bhi Ravi ke ghar mein hi tha.

Maine Rajesh ka number trace kiya hai. Iss waqt woh airport ki taraf jaa raha hai.

ACP: Shaayad sheher chodkar bhaagne ki koshish kar raha hai. Jaldi jaake arrest karo use.

Scene: Airport

CID Qualis rushes in and brakes hard. Duo run out.

Abhijeet: Kahan hai woh?

Daya(looks at the app): Boss woh toh parking mein hai. Abhi tak airport ke andar nahi gaya.

Abhijeet: Chalo jaldi

Abhijeet and Daya reach the parking lot to see Rajesh standing with a bag. Duo rush and arrest him.

Rajesh: Yeh kya kar rahe ho?! Kaun ho tum log???

Abhijeet: Khoon karke bhaag rahe ho, hain? You are under arrest.

Rajesh: Khoon! Maine koi khoon nahi kiya, tum log mujhe phasa rahe ho!

Daya: Sach sach bataao. Tum iss aadmi ko jaante ho?

Rajesh: Haan, yeh Ravi hai. Mera business partner.

Abhijeet: Kyon maara Ravi ko!

Rajesh: Ravi mar gaya?

Abhijeet: Wah! kya acting hai! Daya, yeh aisa nahi maanega. Bureau le chalte hain.

Flashback ends...back to present.

The judge leaves and Jaiswal is about to leave when Abhijeet runs towards him.

Abhijeet: Kya Jaiswal saab...kaise prosecutor hain aap? Aapne us kaamwali ko witness box mein kyon nahi bulaya jisne sketch banaya tha? Aur Rajesh ka mobile phone? Woh number Rajesh ke maan registered hai aur woh number kal raat Mumbai mein hi tha. Yeh point aapne nahi bataaya! Aise hi KD jo jeetne diya aapne.

Jaiswal: Wohh...main...mujhe pata hai...KD algi sunvayi mein koi aur point lekar aayega...main yeh dono points uss waqt bataaonga.

Abhijeet: Mujhe lagta hai aap yeh sab bhool gaye the. Main jaanta hoon. KD ko dekhkar nervous ho jaate hain aap. 😡

Jaiswal: Dekhiye Abhijeet saab, case kaise ladna hai, mujhe aapse sunne ki zaroorat nahi hai. Aap apna investigation kijiye...aur agli sunvayi ke ek dinn pehle mujhse miliye. Mujhe aur bhi cases ladne hai...main chalta hoon.

Jaiswal walks off. Abhijeet wonders how can a prosecutor be so dumb.

KD approaches Abhijeet.

Abhijeet: Kaafi khush lag rahe ho. CID team aur Salunkhe saab ko is tarah beizzat karne ki kya zaroorat thi?

KD: Sorry Abhijeet, maine pehli hi kaha tha...nothing personal. Mere client ko bachane ke liye yeh karna zaroori tha.

Abhijeet: KD, 19 saal se CID mein hoon. Khooni ko ek hi nazar se pehchaan sakta hoon. Rajesh ek khooni hai. Woh jhoot bol raha hai. Uska phone Mumbai mein hi tha. Woh Delhi mein ho hi nahi sakta. Woh Jaiswal yeh sab court mein bataana bhool gaya. Tum jaante ho na use.

KD: Abhijeet, Main Rajesh ko achchi tarah se jaanta hoon. Isliye mujhe jab pata chala ki woh khoon ke case mein phas gaya hai toh main Bangalore se bhaagte chala aaya. Airport se seedha court aa gaya.

Both of them see Rajesh walking out, getting into his car and leaving.

KD looks surprised and looks at Varun who had joined them.

Abhijeet: Kya hua?

KD: Kuch nahi...bas (and smiles)

Varun: Kamaal hai, ek thanks bhi nahi bola Rajesh ne!

Abhijeet is surprised as well.

Abhijeet moves away and calls Sachin.

Sachin: Hello sir.

Abhijeet: Rajesh abhi abhi court se nikla hai. Tum 24 ghante uspar nazar rakho. Khoon usi ne kiya hai. Sheher chodkar bhaagna nahi chahiye.

Scene: Bureau

ACP(disconnects the phone): Phone bhi switched off hai.

Daya: Sir, main Salunkhe sir ke ghar jaakar dekhta hoon.

ACP: Rehne do Daya. Kuch dinn use ghar mein hi baithne do. Yeh sab use dekha nahi jaayega.

CID team looks at the papers in front of them with the news Salunkhe suspended from CID' screaming at them.

Abhijeet(enters): Sir, maine Delhi nuclear lab se pata kiya. Unka kehna hai ki Rajesh Delhi mein hi tha.

ACP: Hmm...kuch toh gadbad hai Abhijeet. Ek aadmi dono jagah kaise ho sakta hai? Hume investigation phir se shuru karna padega.

Abhijeet: Theek hai sir...

...and is about to leave when he notices the papers. He looks at the articles which had written horrible things about Salunkhe.

Daya: Abhijeet...

Abhijeet(looks up from the papers): Haan, Daya???

Daya: mujhe tumse ek baat poochni hai.

Abhijeet: Kya?

Daya: Tumne KD ko aisa kya bataaya jiske liye usne tumse thanks kaha?

Abhijeet: Wohh

(...tries to recollect. )

Darasal mujhe bhi theek se yaad nahi hai...jab aap log lab gaye the, tab KD ne mujhe phone kiya. Mujhe pata bhi nahi tha ki woh Rajesh ka case lene wala hai. Usne achanak Rajesh ke case ke baare mein details poocha toh maine bata diya.

ACP: Kya bata diya tumne? Ki Salunkhe Ravi ke pita ka dost hai?

Abhijeet: Sir, yeh kya keh rahe hain aap...mujhe khud yeh baat court mein hi pata chala.

Daya: Toh KD ne tumhe thanks kyon kaha? Aisa kya bata diya tumne jisse use humare khilaf itna bada saboot mil gaya?

Abhijeet: Arey yaar, maine use wohi bataaya jo hum sabko iss case ke baare mein pata tha.

ACP: Abhijeet, main jaanta hoon tum Salunkhe se naraaz ho aur kuch dino se use avoid kar rahe ho...lab mein nahi aa rahe ho...kahin tum...???

Abhijeet: Sir, aapko lagta hai main aisa kar sakta hoon?

ACP: Nahi...phir bhi...

Abhijeet : Main jaa raha hoon sir.

Daya: Abhijeet, ruko...

...and runs after him, but finds Abhijeet driving off at full speed.

Scene : Bureau (next day)

ACP: Daya, Abhijeet nahi aaya?

Daya: Nahi sir...usne mujhe SMS bheja hai ki aaj nahi aayega.

ACP: 😡 Naya forensic doctor aaya kya?

Daya: Aaya nahi aayi hai sir. Dr, Niyati ko yahan temporarily appoint kiya gaya hai.

ACP: Achcha hai...koi naya aadmi aa gaya toh bohot mushkil ho jaata.

Scene : Bureau (2 days later)

ACP: Daya, Abhijeet ka kuch pata chala?

Daya: Sir woh parson Delhi gaya tha...shaayan us nuclear lab se kuch pata karne. Lekin uske baad uska phone band aa raha hai.

ACP: Aaj shaam tak kuch pata na chale toh tum Delhi chale jaao. Sirf 4 din hai agli sunvayi ke liye...aur abhi tak humare paas koi saboot nahi hai. Pata nahi Abhijeet ne apna phone band kyon rakha hai! Koi bhi naarazgi duty ke beech mein nahi aani chahiye.

Daya: Sir, main aur Purvi aaj hi Delhi chale jaate hain.

(continued in the next post)

Edited by visrom - 9 years ago

Quote

Looks like you are new here. Register for free, learn and contribute.

visrom

@visrom

Stunner

+ 4

Posted: 9 years ago

Continued...

Scene : Hotel in Delhi

Receptionist: Sir, yeh lijiye room key. Aapka kamra hai room no 307. Aur ma'am aapka kamra hai room no 310.

Daya: Ma'am kya parson yeh aadmi (shows Abhijeet) yahan aaya tha?

Receptionist: Sir mujhe sab logon ke chehre yaad nahi, lekin unka naam batayiye main check kari hoon.

Daya: Inka naam Abhijeet hai.

Receptionist(Checks the computer): Haan sir, inhone parson 4 baje check in kiya tha aur ab tak check out nahi kiya hai.

Daya: Kya? Kaunsa kamre mein hain yeh?

Receptionist: Sir room no 501.

Daya reaches room no 501 where there's a Do not Disturb' board on the latch. Daya knocks but there's no response. He calls the manager.

Manager: Ji sir kya baat hai?

Daya: Is kamre ko master key se kholiye

Manager: Sir, yahan toh Do not disturb' board laga hua hai. Hum nahi khol sakte sir...humare guests ke privacy sawaal hai...Aap samajh rahe hain na.😉

Daya: Main ek CID officer hoon...(shows the badge) aur jo aadmi iss kamre mein thehra hua hai, woh bhi ek CID officer hai. Aisa kuch nahi hai jo aap soch rahe hain. Bas aap kamra kholiye.

The manager hesitates for a few minutes and then opens the door. The room is completely dark and there's no power. The manager puts the access card in the slot and the power comes on.

They find Abhijeet's clothes and stuff scattered around the room.

Daya: Manager, aap log bahar jaayiye.

Purvi: Sir, yahan zaroor kuch gadbad hui hai. Yeh dekhiye...Abhijeet sir ka phone!

Daya goes to the washroom and switches on the light and finds Abhijeet unconscious. Daya pulls him out and sprinkles water on his face. Abhijeet slowly wakes up.

Abhijeet: Woh, nuclear lab...laash...

Daya: Abhijeet! Hosh mein aao...kya hua tha yahan?

Abhijeet: Daya, tum...yahan? Purvi???? Woh laash ko thikaane lagane se roko.

Daya: 😕 Purvi, lagta hai ise koi nashe ka injection diya hai...hospital le chalte hain.

Abhijeet: Nahi...main theek hoon. Paani...

A few minutes later Abhijeet had some strong coffee and was out of his delirium.

Daya: Ab bataao kya hua.

Abhijeet: Main parson Delhi aaya aur yahan check in karne ke baar nuclear lab chala gaya. KD ke mutabik Rajesh 7 baje nuclear lab ke andar gaya tha aur 10 baje baahar aaya. Maine records aur CCTV footage check kiya. Rajesh sachmuch yahan aaya tha.

Daya: Aise kaise ho sakta hai.

Abhijeet: Mujhe bhi hairaani hui. Maine nuclear lab ke scientist Dr. Sharma se poocha ki meeting ke baad yahan se kahan gaye the. Dr Sharma ne kaha ki nuclear lab ne unke liye taxi ka intezaam kiya tha. Maine taxi wale ko dhoondne ki koshish ki.

Tab mujhe pata chala ki taxi wala usi raat se gaayab hai.

Maine taxi wale ka number trace kiya toh pata chala ki woh Dwarka - sector 22 mein kisi bungalow mein hai. Main wahan chala gaya. Maine khidki se jhaankkar dekha toh taxi wala kamre mein ghayal pada hua tha. Main bungalow mein ghusa toh dekha ki ice ke slab par ek laash rakha hua tha aur woh taxi driver mar chuka tha.

Daya: Laash? Ice par? Taaki laash sad na jaaye!

Abhijeet: Haan.

Daya: Lekin laash kiski thi?

Abhijeet: Rajesh ki.

Daya: Kya? Rajesh ki maut ho gayi? Lekin Rajesh toh Mumbai mein hai. Sachin ko kaha tha ki uspar nazar rakhe!

Abhijeet: Sachin ko phone karke poocho.

Daya phones Sachin.

Daya: Abhijeet, Sachin Rajesh ke bungalow ke baahar hai. Woh toh wahin hai.

Purvi: Iska matlab 2 Rajesh hain?

Abhijeet: Mujhe bhi yahi lagta hai. Ek khoon karta hai aur doosra yahan alibi de raha hai.

Daya: Lekin tum yahan kaise pohonch gaye?

Abhijeet: Laash ko dekhte hi, mere sar par kisi ne waar kiya. Ek aurat thi...mujhe sirf itna sunayi diya ki do laashon ko thikaane lagana mushkil hai.

Daya: Do laash? Rajesh ki laash ko ice par rakha gaya tha taaki woh sade nahi...iska matlab woh aurat yeh keh rahi thi ki taxi wale aur tumhare laash - dono ki thikane lagana mushkil hai, isliye tumhe behosh karke yahan chod diya kisi ne.

Abhijeet: Haan, mujhe bhi yahi lagta hai. Agar tum log nahi aate toh main 2-3 din mein apne aap mar jaata.

Daya: Purvi, yahan ka CCTV footage check karo...aur dekho ki Abhijeet ko yahan kisne choda.

Purvi checks the footage. She sees a lady walking in with her husband (disguised with beard and moustache) telling the receptionist that her husband had too much of a drink and is feeling drowsy. The receptionist offers help but she declines. She takes him to room no 501, opens Abhijeet's room and goes in. She comes out with the access card, so that the room has no ventilation or AC, puts the Do not disturb' sign so that no one enters for a few days and walks off.

Purvi is shocked to see the face of the woman. It's none other than Sophiya the lady who had said in court about Salunkhe and Ravi's connection.

She comes to Abhijeet's room and tells duo about this.

Daya: Ise hum baad mein dhoondte hain. Pehle hume Rajesh ki laash ko Dwarka ka bungalow se haasil karna hoga, Abhijeet, tum chal sakte ho?

Abhijeet: Haan, main theek hoon.

Scene : Bungalow in Dwarka

Abhijeet, Daya and Purvi barge in and take control of the preserved dead body of Rajesh.

Sophiya tries to escape but Purvi catches her and gives a hard slap.

Abhijeet phones ACP.

ACP: Abhijeet, kaise ho...Daya ne bataaya ki tum...

Abhijeet: Main theek hoon sir. Hum ek laash ko lekar seedha forensic lab aa rahe hain. Dr Salunkhe tayyar rehne ko kahiye.

ACP: Salunkhe toh nahi aayega, Dr Niyati duty par hai. Lekin laash kiski hai?

Abhijeet: Yeh toh DNA test karne ke baad hi pata chalega sir.

ACP: 😕.

Abhijeet (calls KD): KD, tum shaam ko 5 baje forensic lab mein aa jaao.

KD: Lekin kyon?

Abhijeet: Tum aa jao...sab pata chalega.

Abhijeet(calls Sachin): Sachin, Rajesh ko arrest karo.

Sachin: Theek hai sir.

Scene : Lab

Abhijeet walks into the lab and almost bumps into Niyati. (He was away in Delhi when Niyati arrived, so he wasn't aware that she was here)

Abhijeet(blushes): Hi, aap yahan?

Niyati: Haan, aakhir meri zaroorat pad hi gayi CID team ko.

Abhijeet(looks around): Waise... lagta hai lab ka design hi badal gaya hai.

Niyati: Haan, mere kaam karne ka style alag hai. Mere computer ke liye koi jagah nahi chodi Salukhe sir ne. Isliye unke acid ke bottles ko maine hata diya.

Abhijeet: Achcha kiya aapne...mujhe bhi acids ke smells achche nahi lagte! 😉

ACP: Abhijeet, kaam ki baate karen?

Abhijeet: : Haan sir. Sachin Rajesh ...matlab zinda Rajesh ko laa raha hai. Aur Purvi bureau mein Sophiya se poochtach kar rahi hai.

ACP: Daya, Dr Salunkhe nahi aaye?

Daya: Nahi sir, maine unhe 2 baar bulaya lekin unhone aane se mana kiya.

KD walks in.

Abhijeet: Aao KD.

KD: Kya baat hai? Mujhe is prakaar lab mein kyon bulaya aapne?

Abhijeet: KD, zindagi mein pehli baar tumhe haar maanna padega.

KD: Kisi nirdosh vyakti ko kabhi dand nahi milni chahiye. Aur main bhi wohi case leta hoon jahan mujhe vishwaas hai ki mera muwakil nirdosh hai.

Abhijeet: Lekin iss baar tum haar gaye KD. Pehle iss laash ko dekho.

(and lifts the sheet off the dead Rajesh's face)

KD: 😲

Yeh toh Rajesh hai. Inki mrutyu kab hui?

Abhijeet: Yeh toh Dr Niyati hi bata sakti hai.

Niyati: Iski maut lagbhag 5 dinn pehle hui hai. Iska gardan toot gaya hai...isi wajah se iski maut ho gayi.

KD: Parantu 4 dinn pehle yeh court mein humare samaksh jeevit khade the.

Abhijeet: Woh isliye...kyonki humne iss Rajesh ko nahi balki uss Rajesh ko court mein dekha tha.

(and points to the door where Sachin was standing with the alive Rajesh)

KD: 😲 😲

Niyati: Sir maine inn dono ka DNA test kiya hai. Darasal yeh dono judwe bhai hain. Identical twins. Isliye inn dono ke DNA bhi identical hain.

(https://www.wired.com/2014/12/genetic-test-distinguishes-identical-twins-may-used-court-first-time/ - Scientists have now discovered a way to find differences in DNA of identical twins but it was first found in 2014. We can assume that the method was not in use in India at the time of this story)

Dr Salunkhe ne koi galti nahi ki. Drinks ke bottle par jo saliva mila hai, woh inn dono me se kisi ek ka hai. Aur kyonki hum nahi jaante the ki Rajesh ka ek judwa bhai hai Salunkhe sir ne report mein iss zinda Rajesh ko hi khooni declare kar diya.

Lekin identical twins ke fingerprints ek jaise nahi hote hain. Isliye Delhi ke nuclear lab mein jo fingerprints mile hain, woh iss mare hue Rajesh ke hain. Zinda Rajesh ke nahi. Isliye hum daave ke saath keh sakte hain ki Ravi ke ghar mein yeh zinda Rajesh hi tha.

Daya walks towards the alive Rajesh menacingly and gives him a hard slap. Bata...yeh chakkar kya hai'.

Rajesh: Mujhe phasaya jaa raha hai. KD...tum yahan tamaasha dekh rahe ho???

ACP: KD, Rajesh saalon se tumhara client hai...tum nahi jaante the ki Rajesh ka ek judwa bhai hai?

KD: Nahi ACP saab, main swayam ashcharya-chakit (hairaan) hoon. Rajesh ne kabhi mujhe apne kisi bhai ke baare mein nahi bataaya.

ACP: Toh ab pata kaise chalega ki kaun alsi Rajesh hai aur kaun uska judwa bhai?

KD thinks for a while, walks over to the dead body and looks at his fingers.

ACP: Kya dekh rahe ho. KD?

KD: Yehi hai asli Rajesh, jo mera client hua karta tha.

ACP: Itne yakeen ke saath kaisse keh sakte ho, KD?

KD: Kuch dinn pehle yahan elections hue the. Mujhe achchi tarah se yaad hai ki maine jab Rajesh se subah baat ki toh usne kaha ki woh polling booth mein khada hai. Uske baad woh mujhse milne aaya tha. Aur mujhe bohot achchi tarah se pata hai ko vyakti uss dinn jo mujhse milne aaya tha, woh asli Rajesh hai.

Yeh jo vyakti yahan khada hai, woh jaanta tha ki yadi mujhse 5 minute baat kiya toh mujhe pata chal jayega ki woh asli Rajesh nahi hai. Isliye jab woh arrest hua toh mujhse adhik samay tak baat nahi ki. Isliye mujhe Abhijeet ko phone karke poochna pada ki aakhir hua kya tha.

Aur keval itna hi nahi...court mein hearing ke pashchaat bhi mujhse mile bina hi chala gaya. Jiss Rajesh ko main jaanta tha, woh avashya mujhe dhanyavaad kehta. Main use pehchaan na loon, isliye court se bhaag gaya.

ACP sir, asli Rajesh ki mrutyu ho chuki hai. Aur yeh ko jeevit hai, yeh koi aur hai.

Daya(catches the (live) Rajesh by the collar and gives a hard slap): Bata... kaun hai tu aur Rajesh bankar yahan kab aur kyon aaya!

Rajesh: Nahi bataaoonga. Kar lo jo karna hai. 😡

Purvi comes in with Sophiya.

Purvi: Sir, isne mujhe sach bata diya.

ACP: Achcha, toh hume bhi sunao.

Rajesh: Sophiya...yeh kya kar rahi ho!

Sophiya is silent. Purvi lands another slap on Sophiya's face and she starts talking.

Sophiya: Inka (pointing to the live Rajesh) naam Jaggu hai...Jagdish. Hum dono Gurgaon mein drugs bechne ka business karte the. Ek dinn TV par humne Rajesh ko ek high profile meeting mein dekha. Hum hairan ho gaye, kyonki Jaggu ki shakal Rajesh se bilkul milti hai.

Hume pata chala ki Rajesh nuclear research ke liye components develop kar raha hai. Hum use dhoondte Mumbai aa gaye. Humne kisi tarah Rajesh ka ek baal haasil kiya aur DNA test kiya. Tab pata chala ki Rajesh Jaggu ka judwa bhai hai. Jaggu ke baap ne hume bataya ki uske 2 bete the aur paison ke liye usne ek - matlab Rajesh ko bech diya tha.

Humne plan banaya ki kisi tarah Jaggu Rajesh ki jagah le lega aur Rajesh ke saare paise bank se withdraw kar lega. Phir hum Rajesh ko maarkar faraar ho jayenge aur kisi ko kuch pata nahi chalega. Main 2 mahine pehle Ravi ke office mein aakar uski secretary baan gayi taki Ravi aur Rajesh par nazar rakh sakoon. Rajesh ke bohot saare videos nikaale maine, Jaggu ko Rajesh ke mannerisms seekhne ke liye.

Humara plan theek se chal raha tha, lekin hume pata chala ki Rajesh ke accounts joint names mein hai - Ravi ke saath. Isliye Rajesh Ravi se signature maangne ke liye uske ghar gaya. Ravi ne sign toh kar diya lekin pata nahi kyon - use shaq ho gaya. Isliye Ravi ko maarna pada. Jaggu ne socha ki DNA test se police ko lagega ki Rajesh ne khoon kiya hai. Hum agle din bank se amount withdraw karne hi wale the par hume pata chala ki police Rajesh ke peeche hai. Isliye Jaggu Delhi jaane ke liye airport gaya, lekin CID team ne use pakad li.

Agar Jaggu faraar hone me kaamyaab hota toh 3-4 dinn ke baad hum Rajesh ki laash ko Mumbai laakar yahin kahin fenk dete aur aap logon ko pata bhi nahi chalta ki Jaggu naam ka koi hai.

ACP: Wah, kya plan banaaya! Lekin CID se koi bhi bachkar nahi jaa sakta. Tum dono ko iski sazaa zaroor milegi. Sachin, Purvi le jaao inn dono ko.

KD(sighs): Pehli baar main ek case haar raha hoon.

ACP: Tum case haare nahi KD. Apna case waapas le lo.

KD: Haan, lekin main soch raha hoon ki mujhse yeh galti kaise ho gayi.

Abhijeet: Hum sab insaan hain...galtiyan zaroor hoti hai.

Waise mujhe ek baat poochni thi tumse.

KD: Kya?

Abhijeet: Tumne court mein mujhse thanks kyon kaha? Aisa kya bataaya maine?

KD: Kuch nahi...jaisa maine bataaya, Rajesh...matlab Jaggu ne mujhse theek se baat nahi ki. Tab maine tumhe phone kiya. Socha ki Rajesh pareshaan hai isliye kuch bol nahi paa raha hai.

Baaton baaton mein tumne mujhe bataya ki Rajesh keh raha hai ki woh kahin jaa nahi raha hai balki Delhi se aa raha hai jab tum logon ne use arrest kiya.

Abhijeet: Haan, jab humne use pakda toh yehi kaha usne! Lekin woh departure terminal ke baahar khada tha. Jhoot bol raha tha.

KD: Haan, lekin mujhe ek baat yaad aa gayi thi. Maine hatya ke dinn subah Rajesh ko phone kiya tha. Normally jab Mumbai mein kisi ka phone off hota hai toh Marathi mein message aati hi. Lekin uss din switch off message sirf English aur Hindi mein aaya. Toh mujhe yakeen ho gaya ki Rajesh Mumbai se baahar zaroor gaya hai. Isliye maine Delhi airport se footage mangwayi.

Abhijeet(to Daya and ACP): Sunn liya aapne? Maine Salunkhe sir ke khilaaf KD ko kuch nahi bataaya.

Daya: Abhijeet, humne aisa kab kaha?

Abhijeet: Rehne do, Daya. 😔

...and walks out of the lab.

Scene : Abhijeet's house - late evening

The bell rings and Abhijeet opens the door. It's none other than Salunkhe.

Salunkhe: Kya hua Abhijeet, main koi aatma nahi hoon. Salunkhe hoon. Andar aane ke liye nahi kahoge?

Abhijeet: Ayiye...

Salunkhe: Kaise ho Abhijeet, maine suna ki tum Delhi mein ghayal ho gaye, behosh ho gaye the.

Abhijeet: Yeh sab chalta hai Dr saab...humari duty hi aisi hai.

Salunkhe(awkward silence): Kuch chai-wai nahi pilaoge...adrak wali...???

Abhijeet: Haan, kyon nahi.

..and walks to the kitchen.

Abhijeet returns after a few minutes with a cup of tea and some snacks.

Salunkhe: Abhijeet...main jaanta hoon tum mujhse naraaz ho.

Abhijeet: (silent)

Salunkhe: Mujhe tumhare baare mein aisi baatein nahi kehni chahiye thi.

Abhijeet: Kaisi baatein?

Salunkhe: Woh...kuch nahi...(Salunkhe didnt know that Abhijeet had overheard Nikhil and Pankaj's conversation)

Salunkhe: Actually, Daya gaayab tha aur tumhare pant par Daya ka khoon mila.

Abhijeet: Haan toh?

Salunkhe: Tum bhi gaayab the.

Abhijeet: Toh aapko laga ki maine Daya ko goli maar di?

Salunkhe: Nahi, lekin hum sab gusse mein the ki aisi waqt mein tum kahan chale gaye.

Abhijeet: Dr saab, aapko lagta hai ki main kabhi Daya par goli chala sakta hoon?

Salunkhe: Nahi...

Abhijeet: Phir mujhe CID ki kalank kehne ki kya zaroorat thi?

Salunkhe: 😲 Tumhe kisne bataya?

Abhijeet: Sir, main ek CID officer hoon, kahin se pata laga leta hoon. Aap mujhse itni nafrat kyon karte hain? Isliye ki lab mein aapki taang kheenchta hoon, ya isliye ki Tarika ke saath thoda mazaak kar leta hoon.

Salunkhe: Nahi Abhijeet, aisi koi baat nahi hai...tum jaante ho pichle kuch dino se tumhe lab mein kitna miss kar raha tha?

Abhijeet: Toh kya baat hai Dr saab jiski wajah se aapne mujhe CID ka kalank kaha?

Salunkhe: Sorry Abhijeet...mujhe maaf kar do... bas thoda stressed out tha...aur naraaz tha ki tumne mujhe bataye bina Tarika ko pant par tests karne ke liye kaha.

Bas, apna gussa nikaal raha tha...aur koi baat nahi hai.

Abhijeet: (silent)

Salunkhe: Please Abhijeet, maaf kar do mujhe.

Abhijeet: Theek hai Dr saab...bhool jayiye iss kisse ko.

Salunkhe: Main jaanta tha...tum zaroor mujhe maaf kar doge. Daya ne bhi yehi kaha...

Abhijeet: Daya ne??? Maine use kaha tha ki iss bare mein aapse kuch na kahe...

Salunkhe: Arey yaar...main mazaak kar raha tha.😉 Ab Daya ko beech mein mat laao.

Abhijeet: 😒

Salunkhe: Chalo ab main chalta hoon. Waise,,,chai mein shakkar kum tha. 😉 Apna gussa bhi nikaal liya tumne mujhpar.

Abhijeet: Oh...Aapne mujhe bataya kyon nahi...?

Salunkhe: Rehne do...iss umar mein shakkar kam hi theek hai. 😛

Aur haan, maine suna ki tumhe Niyati ka arrangement zyada pasand hai. Mere acid ke bottles pasand nahi hai tumhe???? Main kal lab mein dekhta hoon tumhe. 😈

Abhijeet : 😆 😛

*** THE END ***

This story has been written in response to Angeliceye's request to write an OS of Salunkhe apologising to Abhijeet.

I wanted to write a story after a long time, so decided to incorporate it in the story.

I hope you are ok with this Angel. 😳

I wrote this story in a huge hurry as I am attending a course and not finding time. The next couple of months will be very hectic for me so I decided to fulfil my commitment somehow today.

Not sure when I'll write a story again. Hope it's not far off. 😊

-------------------------------------------------------------------

Promo of upcoming story - Salunkhe suspended!

for my reference

Edited by visrom - 9 years ago