*~H.G.O.R.C. #547~*- $~Invites Only~$ - Page 12

main ne Dad ko bohot pareshan kiya on ki BD wale din, lol

6th july❤️

wo daily call karte hain mujhe, os din bhe ki or onhon ne note kiya ke mere loser se bete ne wish he nahi kiya mujhe, to kuch batain karne ke baad kehne lage * aj 6 july hai mosam acha tha, to kal ka pata nahi* main samjh geya ke Dad mujhe yaad dila rahe hain :$ main ne tab bhe baat nahi ki or topic change kar diya,

then again on ki call ayi or phir se onhon ne dekha ke ansar ne wish nahi kiya to onhon ne phir se yaad karwaya or kaha acha to phir aj 6 july hai, main ne tab bhe topic change kar diya or on ko wish nahi kiya,

mujhe hasi atey atey reh gayi, wo Naagin ke zehr ne mujh se meri hasi cheen li is liye nahi ayi thi :(

main ne sab ko mana kar diya tha ke koi bhe wish na kare Dad ko or eyse rehna jese kuch maloom he nahi,

but dosri taraf main ne Sis se keh kar sab kuch ready karwaya tha on ke ghar par,

surprise tha is liye,

Naagin ko 2015 me on ki BD pe jo surprise diya tha wo thora alag tha, on ko maloom tha ke ansar ko meri BD ka pata hai magar ye wish nahi karne wala, to main ne 11:55 PM pe on ko wish send kar ke surprise diya tha,

but Dad ke sath to baat he or thi, on ko feel karwaya hum sab ne ke hamain yaad he nahi, on ka face utar geya tha :(

phir sham ko Dad ko Sis ke ghar bulaya geya or samne video call pe meri horror si shakal nazar a rahi thi, phir sab ne 1 sath mil kar happy BD bola to on ki jaan me jaan ayi, lol

bohot khush hove they wo OMG,❤️ na jane kitne saal ke baad meri ankh se khushi ka ansu nikla tha on ko eyse khush dekh kar...❤️

phir main ne sorry bola on ko tang karne keyliye or wo bole mujhe yakeen nahi tha ke mera beta bhool sakta hai to main heraan tha, lol

main ne jitni chahat or muhabat se Naagin ko wish kiya blv me kabhe kisi or ko is duniya me kiya he nahi.

on ki BD wale din he main next year ka plan sochne lag jata hoon to is se zeyada or kya bolon main?

par mujhe bohot dukh hova tha,. dil bohot zeyada dukha tha jab main ne dekha ke onhon ne 2019 me bhe ignore kiya or 2020 me bhe, on ke eysa karne ke piche koi eyse baat nahi ho sakti thi ke wo ignore kar detin, i mean main ne na kuch manga, na koi req ki, na he koi galat baat to phir bhe eysa, lol on ko meri koi fikar nahi i know, kam se kam itna he soch leti ke on keyliye kuch karne wala koi hai. itna pathar ka dil main ne kabhe kisi ka nahi dekha main to on ko 2016 se keh raha hoon ke mujhe return thanks bhe na kehna, wo koi nafrat nahi hai meri, bus isi liye eyse kehta tha ke ye wish main thanks lene keyliye nahi karta is liye koi baat bhe na karna bus dekh lena, tab bhe onhon ne eysa kiya, its ok no problem :) main kabhe disturb nhi karne wala on ko life me kabhe bhe,! on ki ye nafrat sar ankhon pe :)

to main ne socha or khud se kaha ke jese naagin ko wish karta hoon theek wese he apni family me se kisi ko kar ke dekhon to main ne Dad ko wish kiya utni he muhabat , mehnat or chahat ke sath. on ko khushi hoi mujhe bhe acha laga❤️

mujh me or dosron me 1 fark hai, jab dosron ki koi tareef karta hai to on ko khushi hoti hai, meri koi tareef kare to mujhe nahi hoti,

mujhe acha feel hota hai jab koi mujhe dekhe or mere Dad ka naam le kar bole ke ansar tum on ke bete ho? tab mera sar uncha ho jata hai or mujhe khushi hoti hai..!

mere Dad ki ab tak ki life me kisi se koi narazgi, na koi fight, nothing kuch bhe nahi hai eysa, wo soft se insaan hain, dil se pyaar karne wale. insaniyat main to masters kiya hai onhon ne,

gahr me bhe Mama se kabhe koi fight nahi, meri to khuwiash thi ke dekhon kesa lagta hai jab kisi ke Mom Dad fight karte hain lekin chance he nahi mila kabhe :(

hamehsa main Mama ke kareeb raha tha, Dad ne kabhe mujhe kuch kaha bhe nahi tab bhe darta tha on se, meri awaaz nahi nikalti thi on ke samne, lol or abhe tak main on se darta hoon. shayed main ne galti ki mujhe Dad se dosti bohot pehle kar leni chahiye thi, lol

Mama ki death ke baad Naagin a gayin thin life me to Dad se dosti nahi ki thi main ne, phir Naagin ko naya ashiq mil geya or mujhe mere Dad mil gaye,❤️

is se achi dosti or kya ho sakti hai ke mere Dad ne Naagin ki 2018 wali BD mere sath mil kar celebrate ki thi, lol cake onhon ne he taste kiya tha pehle, kiyon kiya tha eysa.? meri waja se , on ko sab maloom hai to onhon ne meri khatir wesa kiya tha

ager meri Mama aj zinda hoti to main bilkul bhe sad na hota, har mushkil ka samna karne ki power hoti mujh me,

kahin na kahin main chotta reh geya hoon is cheez me, ke mujhe sath chahiye hota hai, like jese koi 2 saal ka bacha ho wese, or ager wo sath mere paas ho to main duniya se keh sakta hoon ke eysi ki tesi sab ki,!

or problem ye hai ke Mama ki jaga Naagin ne li thi or Naagin ke baad ab koi nahi le sakta is liye mera kuch nahi ho sakta,

or mera eysa hone ki waja shayed ye bhe hai ke mujhe bachpan se he bohot pyaar mila mere Mom Dad se, wo to pyaar he de rahe they lekin main weak raha, kabhe mushkil waqat dekha nahi tha to main wesa ban nahi saka jese dosre log hain

or ye sab keyliye bhe nahi hai ke koi bhe aye or mujhe ullu bana de, main Naagin ka fan isi liye to hoon ke wohi hai jis ne mujhe 2 saal tak ullu bana ke rakha, talent ki tareef karta hoon on ki main, warna or koi eysa soche bhe to main os ka plan fail kar deta hoon,

Naagin he hai jab man karta hai mujhe rula kar chali jati hai, koi or eysa kare os ki duniya badal ke rakh doon ga main,

hamari life or hamare parents ki life alag alag thi, jab wo hamari age me they to mobile nahi tha :) internet is tarhan se nahi tha, to on sab ko addat hai batain karne ki, wo chahte hain ke on ko koi time de, jese hum log online duniya main rehte hain wese he wo online life ke bina bhare hove to hamain chahiye ke on ko thora sa to time dain hum, or ager hum wo nahi kar sakte to kam se kam respect to deni chahiye,

pakistan me hote hove ager mere hath me mobile hai or mere Dad a jate they to main on ke samne mobile he use nahi karta tha ke wo kya sochain ge, meri nazar me ye on ki respect karne ka 1 andaaz hai,