*~H.G.O.R.C. #542~*- $~Invites Only~$

First Previous

Page

115

Next Last

Frequent Posters

BeingABeast

@BeingABeast

Voyager

Posted: 7 years ago

#141

Originally posted by: -Useless-Toy-

kya main puch sakta hoon kya hova mere bhai ko?
same case hai? lol
aaon phir wahan? dono gale se lag ke 1 dosre ka pain sunte hain :P. lol

pata nahi ye life kahan le ayi hai bhai ...
sab theek hain apni jaga, main khud galat hoon. lekin os main meri koi galti nahi hai ke main weak hoon,

main to yaar bhai sidhi baat karta hoon. jo kehta hoon kar ke dikhata hoon. bus dosron ko chahiye ke mujh pe yakeen to rakhain ...

main wohi hoon jab kehta tha ke main kamyaab ho ke dikhaon ga. tab sab kehte they ke ZAROOR,! or ab jab main kehta hoon ke kuch bhe nahi hoga mujh se to sab kehte hain ke nahi tum galat ho? ary kiyon? lol main wohi hoon ansar hoon :P ager sab ye maan sakte they ke main sab kar sakta hoon to on ko ye bhe samjh jana chahiye ke ab kuch nahi ho sakta meri life main, jab tak sans hai eyse he kategi life ..
lekin bohot se log maan chuke hain . bohot koshish ki sab ne mujhe hasane ki. mind change karne ki lekin sab ke sab FAIL rahe.

--------

u know bhai meri life main jo eysa dard hai jo shayed kabhe na jaye wahan se mujhe pehle khushi bhe mili or bohot zeyada mili.. or baki ke jo gham hain on ki mujhe kabhe koi parwa nahi thi. wo chotte level ke they..

abhe dekho Meri Mama . jab main pakistan se indonesia geya tha tab onhon ne kaha tha ke tum jao beta. or jab wapis aaoge to main bilkul theek ho jaongi... ye sept 2013 ki baat hai.

on ke jo doc hai na wo mere Dad ke ache friend hain, USA bhe rahe hain 10 saal wo.
mere Dad mujhe ache se jante hain ke mera dil weak hai main koi sad baat ko dil pe le loon ga to wo mujhe sahi nahi batate they Mama ka, lol
is liye main doctor uncle se khud puchta tha.

onhon ne mujhe kaha ke ansar beta tention na lo, tumhari Mama bohot speed se sahi ho rahi hain or ye 1 khushi ki baat hai. or pehle se kafi behtar hain.
or mere liye ye sach main 1 good news thi.

bhai sachi main mera dil bohot he zeyada weak hai yaar. main yahan funny raha. sab ko hasaya bhe os ka ye hargiz matlab nahi tha ke main strong tha.. u know pakistan se jane ke baad 3 months tak main Mama se baat he nahi kar saka tha. wo jab bhe phone pe ati thin main sad ho jata tha or on se baat tak nahi kar saka.. on ki death se pehle main ne on se tab he baat ki thi jab main pakistan main tha. u know country se door tha. akela tha. to yaad ati thi, jab wo baat karna chahti thin to nahi hoti thi mujh se. 1 baar thori si ki thi. koi 10 se 20 sec, bus.

bhai main ne kabhe kisi keyliye jeena nahi sikha tha. apne liye bhe nahi. to Mama ki ye news sun ke meri to eid he ho gayi thi. or ye oct 2013 ki baat hai.

lekin phir 1 dam se 10th nov aya or wo zindagi se haar gayin... or on ki akhri sans tak on ki zubaan pe mera naam tha... or main on ke paas bhe nahi tha.

pehle khushi mili phir dukh mila . main os sab ko bardasht nahi kar saka tha or main ne keh diya tha ke main ab wapis ja raha hoon Pakistan, jo hoga hota rahe mujhe parwa nahi..

lekin onhi dino mere jiju ne mujh se help mangi, or kaha ke tumhara visa to 1 saal tak hai to zeyada nahi bus 4 se 5 months tak meri help kar do ager kar sakte ho to, main ne haan kardi.
mera khud ka koi irada nahi tha.

phir 2014 main mujhe 1 jeene ki waja mili :)
main ne bohot kaha ke mazakh nahi, serious ho ke socho. lekin dosri side se to eyse tha jese duniya badal sakti hai lekin wo nahi :P
to main galti kar betha apni zindagi ki or trust kar betha .

mujhe meri family ne pholon ki tarhan rakha tha. mujh se ghar se door rehna kafi mushkil tha. indonesia ka waqat mere liye bohot he mushkil tha bhai. sari raat main sota nahi tha. 3 Am to roz ki baat thi na. kabhe kabhe 6 AM tak bhe. lekin subha time se apni zimadari ko samjhta tha or mehnat ki main ne,

bohot baar dil main kheyal aya ke goli maro ansar sab ko kya kar rahe ho. lol lekin phir 1 kheyal dil main ata tha ke nahi.. aaj thora mushkil waqat hai lekin zindagi main khushi ayegi. tab meri family, meri zindagi ka sath, mera USA sab kuch sath hoga.

main ye baat phir se kahon ga ke wo mehnat maine apne liye nahi ki thi. main to Mama ki deth ke baad wapis jane ki soch raha tha. lol jo jeene ki waja mere paas thi os keyliye tha sab :) main ne apni life ko badal dala har tarhan se,!!

phir os ke theek 1 saal ke baad, jan 2015 se may 2015 tak, tab main ne thori himat karne ki koshish ki or socha ke jo main kar raha hoon wo sab theek hai. or main kar sakta hoon. mujhe aaj bhe blv hai ke main kar sakta tha. lekin mujhe os person pe yakeen nahi raha tha.!

or ye jo 5 months they bhai ye kafi mushkil they mere liye. meri zid thi ke mujhe akela rehna hai, or kisi or ki zid thi ke nahi rehna, main ne bohot koshish ki khud ko bachane ki lekin jab koi 1 tang pe khara ho jaye to bhai btao Ap meri jaga hote to kya karte? lol koi roz Ap ko manaye . sad hoke. har tarhan se to kya karte Ap?

tab mere paas 1 bohot he acha life jeene ka plan tha. jis se meri zindagi itni asaan ho jati ke koi soch bhe nahi sakta tha... or osi plan ka pehla hisa wo hai jo oper wali post main dikhaya.

lekin kisi ki zid ne mujhe jeet liya.or main haar geya.. phir june. july, kafi acha time guzra. or shayed os jesa pehla kabhe nahi tha meri life main :)

lekin jab aug 2015 aya to mujhe phir se feel hova ke main bus use ho raha hoon . is se zeyada kuch nahi. lekin main ne tab feel kiya ke ansar ab nahi. ab kafi deir ho chuki hai ab main khud akela nahi reh sakta :P mushkll ho gya tha alag hona :)
tab Jiju se bhe mujhe 1 achi news nahi mili thi to main ne 1 baar to haar maan li. or ye baat open sab se keh di ke ab main Dad keyliye he jeena chahta hoon. or meri life main koi mission/goal nahi hai.

phir meri BD 2015 wali, mujhe kisi ne pump kiya. or himat di. ke ansar kya hova? tum haar maan jaoge to sab kese hoga? os ne kaha ke os ko blv hai ke main kar sakta hoon sab.
bhai mujh main phir se wohi janoon zinda ho geya or main ne khud se kaha ke main kitna kamina hoon, lol eyse he haar maan li,? tab main ne apni puri takat laga di mehnat main. or jab oct aya to main kafi sochne lag geya tha.
kiyon ke wo eysa waqat tha ke ager main wait karta to tention nahi thi. lekin mujh se wait he nahi ho raha tha. tab 2 he kaam ho sakte they, ya to kamyaab. ya to buri tarhan se fail.. lekin tab fail ho bhe jata to mujhe tention nahi thi. kiyon ke jeene ki waja thi mere paas :P main phir se start karta. lekin wesa hova he nahi main kamyaab ho geya jo main ne socha tha wese he, :) main ne to june/july 2016 ka time rakha tha lekin pehle he ho geya :)

blv me bhai indonesia ke waqat main os din main puri nend soya tha. eysa feel hova ke sare kaam ho gaye life main. bus ab jeena baki hai...
jiju ne mujhe bulaya or kaha ke ticket nov ki chahiye ya dec ki. main to andar se khuhsi se pagal ho geya ke main USA ja raha hoon wo bhe 2015 main...
lekin jaldi se he main ne khud ko sambhala or jiju se kaha ke nahi, wait karain. main geya to piche se buisness Ap akele nahi sambhal sakte. meri jaga koi larka a jaye tab main jaon ga.
lekin bhai larke ne siraf ana he nahi tha. os ne kaam bhe seekhna tha. or hova wohi ke mera time wapis june 2016 main he chala geya. tab tak larke ne bhe a jana tha or sab seekh bhe jana tha. lekin meri problems to khatam thin. mujhe bus wait karna tha. mehnat nahi. lol

dec ka start mere liye bohot he acha tha. mera fav month bhe dec he hai na :) lekin ab nahi raha..
main pagal tha or wait nahi ho raha tha. dil karta tha ke sab ko btaon apni khushi. share karon. lekin socha nahi. 2016 ke pehle din btaon ga. or tab life main koi gham naam ki cheez nahi hogi.
main na jane daily kitne mesgs likh kar remove kar deta tha ke nahi 2016 tak wait karo ansar.

lekin main galat tha . khushi mili jitni os se zeyada dard mila or wo bhe mere fav month main. new year se 16 din pehle.

mere sath eysa salook kiya geya jesa kisi janwar ke sath bhe koi nahi karega.. main ne khud ki life ko barbaad hote dekha. khud ki khushiyon ko khatam hote dekha. main bohot roya tab. bohot zeyada mintain ki. lekin u know pathar ko kuch nahi hota jitna marzi Ap keh lo..

aaj 2 saal 6 months ke baad bhe mujhe eysa lagta hai ke sab aaj he hova. shayed Ap blv nahi karoge is baat pe. lekin yehi sach hai bhai. mera ye pain wesa he hai.

mujhe sab ne danta bhe ke tum kiyon nahi bahir a rahe in sab se. haan main shayed a jata ager main weak na hota. mujhe Khuda ne bohot talent diya hai bhai. itna kuch ata hai mujhe ke log heraan reh jate hain. lekin bus dil ki taraf se weak reh geya. abhe har insaan main kuch na kuch to kami hoti hai na :)
main ne apne doston ko hamesha khush rakha. sad waqat main on ka sath diya. lekin mujhe koi khush nahi kar sakta. kiyon ke main khud ko he nahi sambhal sakta..jab Mama zinda thin na to wo sambhal letin thin mujhe. ab koi nahi wesa.. or dil ke weak hone main meri kya galti bhai? main ne to nahi banaya na khud ka dil. ye acha hai. sab ki sochta hai. jo insaniyat keyliye main ne kaam kiye wo har koi nahi kar sakta. lekin weak hai...

Ap bhai khud ko meri jaga rakh ke sochoge na to jawab mil jayega ke main kiyon marne ki dua karta hoon :) ager Sid ban ke socho ke to jawab nahi milega, ansar ban ke socho to sahi :P

Ap ne mujhe WA pe mesgs kiye they, jan ke start main. kafi sad batain ho rahin thin, Ap ne ye mesg kia tha
( rona nahi yaar, sher bhai ho ap. koi nahi khelega bus, khilona hai kya mera bhai. utho pehle health theek karo phir hum agey sochain ge )

main Ap ke is mesg ka jawab aj bhe nahi de sakta bhai. kese rona band ho mera?
jab dosron ki baat ho to bakwas karte hain log ke HAMARI life hai hum jo marzi karain.
to kya jab wo khelte hain kisi ki life se tab nahi sochte ke on ki bhe life hai jis ke sath khel rahe hain...

haan meri life thi.. main ne koshish ki to thi khud ko bachane ki. mujhe sab kehte hain ke ansar khud ko sambhalo. os se koi ja ke kiyon nahi puchta kuch? ya os ne acha kaam kiya ,! kya aaj os se puchne wala koi nahi hai ke tab kya tha? mujhe kiyon nahi jane diya tha.! kis ne kaha tha os se ke 5 months tak mujhe ro kar dikhaye, zid kare, tab meri life nahi thi kya? thi na isi liye to soch raha tha ke bacha loon is ko :P
main Ap ko os ke summer 2015 wale or dec wale mesgs dikhaon na bhai to Ap kabhe maan he nahi sako ge ke ye same person hai,! challenge deta hoon is cheez ka Ap ko.,! Ap kabhe maan he nahi sakoge. ap kahoge ye dono alag alag hain :P
is se acha to mujhe goli he maar di hoti. 1 he baar mar jata. abhe to pal pal mar raha hoon, ye acha hai kya..
is ka matlab to khelna he hova na bhai.

jis ko dekho araam se keh deta hai sab theek ho jayega, ary kese hoga? mera wo waqat mujhe wapis dilaoge? ya mujhe wapis 2014 main le jaoge ke main wesa hone he na deta,! kese? lol kuch nahi ho sakta. main apni life ko behtar samjhta hoon. main janta hoon ye theek nahi hogi matlab nahi hogi,
ager kisi ko ye lagta hai ke main theek he nahi karna chahta to theek hai wo soch sakta hai. main khush hoon eyse he :) mujh se ye theek nahi hoi 2.5 saal main to ab kahan se hogi,! chalne do jesi hai.abhe nahi mar raha to its ok. kabhe to maron ga na.. jab bhe halat kharab hoti hai 1 khushi si feel hoti hai ke shayed is baar zinda na reh sakon. lekin abhe tak to meri zindagi he jeet rahi hai. lekin zeyada time tak nahi jeet sakegi.
or ye baat main baar baar kehta hoon. ke ager main gayeb ho geya, kisi ko nazar na aya to ye kabhe na sochna ke main bewafa hoon. Ap 100% yakeen kar lena ke main is duniya main nahi hoon.

lekin bhai jawab mangna to mera haq hai na? ye puchna to mera haq hai na ke eysa karne ki waja kya thi... main he mila tha khilona? apne jesa kiyon nahi dhonda os ne :P lekin dimaag hai os ka ye manta hoon. itna drama karna koi asaan kaam nahi hota. massom. or sweet ban ke drama karne wala dimaag se bohot tez hota hai :) os ne jab feel kiya ke ab ye door nahi reh sakega tab he kick kar diya mujhe. lol

----------------

bhai ye sab batain thori si hain, 2 saal ki batain batana mushkil hain. har 1 pal ki baat btaon na to Ap shayed samjh bhe sakoge. ke kya ho raha tha mere sath, or kya hona chahiye tha. lekin ho kya geya. or in sab ke piche kis ka hath hai,! or kesa dimag hai,
ager wo mere samne a jaye na bhai, mujh se mera gussa control nahi hona.! meri zindagi se khelne wale insaan ko maaf kese kar sakta hoon. main ne os ko 2 laga deni hain osi time.

-----

ye dono batain bata din Ap ko bhai. shayed itni detail se pehle kabhe Ap se baat nahi hoi is topic pe. Mama wali or dosri bhe. dono main he mujhe pehle khushi mili or baad main zindagi bhar keyliye dukh. Ap na mano lekin meri akhri sans tak ye pain meri jaan nahi chorega. mujhe khud ka pata hai :)
baki Ap ager read kar lo ge ye sab to shayed bhai Ap ko mere dard ka thora sa to idea hoga he . ke main ne kya kuch bardasht kiya hai. or bina kisi galti ke kar raha hoon.

main kuch din se ache dreams bhe nahi dekh raha. or aaj bohot pareshan raha sara din. Dad se baat ki on se keh raha tha ke Ap hamesha mere sath rahain ge wada karain. Mama ko kho diya Ap ko nahi khona chahta.. bohot sad din guzra aaj ka. busy bhe rakha khud ko lekin phir bhe kafi sad.

-------------------
pareshan or sad rehne se insaan beemar rehta hai bhai. main pakistan ja ke Ap ko apni file dikhaon ga hospital wali. Ap dekhna ke itna beemar raha.
meri speed jitni zeyada thi na bhai. girne pe nuksaan bhe utna he hova hai . kam hoti to shayed itna na hota ...
mere liye koi kuch nahi kar sakta bhai. main khud bhe nahi.
lekin shayed Ap samjh to sakoge meri halat ko . ansar ban ke samjhna to he samjhoge.

ditto same case bhai.

yaar ap aao na har bar bolke bhul jate ho. Ap aao fir btata hun sab. Number toh hai hi apke paas

same mere sath hua bhai kisika itna acha kiya but time ane pe na mujpe believe kiya

bhai mene dekha hhi nahi samjha bhi hai boht kam log hmari taklif samjhte ya feel krte family ya boht close friends baki sab advice dete hain but agar hum follow na kare to unka kuch nahi jata. Mein ab apni family ke liye n khud ke liye jeeta hu cz mene dekha jis phase meoin guzra abhi usse meri family ko kitni taklif hui. n muje apni family ko khush rakhna hai:)

bhai mein ese nahi keh sakta ki mujhe pta hai parent ko khone ka dukh cz mere pas dono hain mum dad. But mein unki value samajhta hu. n last time pe unke sath na hona usse bada dukh shayd nahi ho sakta. I am sorry.

same case mera bhai. mere parents bhi muje door nahi jaane dete. same yaar mujhe bhi akele hi rehna tha i knew kya hoga mene avoid karne ki bhi loshish ki boht zada. But mein bhi apki tarah fas gya. shit yar ap bilkul meri story bol rahe ho mera nov dec jan 2018 tak acha gya uske bad boht bura haal hua. ab muje meri sis ne smjaya ki muje use kiya gya. mere dimag ka ye haal tha ki hum psychiatrist ke pas bhi gye.

main bhi gya tha. minnatein karne 30th may se 2 june tak. 3 din ghar se gayab tha. mera dimag kam krna band ho gya tha. lekin jese apne kaha pathar pe koi asar nahi hota. so nahi hua. honeslty bhai tab mein apki jagah pe hi tha mene 5 pages ka suicide note bhi likha tha. muje kisine suicide ke level tak push kiya aur jab meri sis ne baat ki unse to bola kisi doc ko dikhao.

kuch log ese hi hote hain bhai dusre se khel ke maza ata hai. hum sirf itna kar skte hein ki unse door rahein kisi ko apne itna close na ane dein ki wo humein hurt kar sakein. Mujhe meri sis mum dad teeno ne sambhala warna shayd aj yaha nahi hota mein. tab muje family ka matlb samjh aya.

main samjta hoon bhai isse nikalna mushkil hai shayad kabhi na nikal pao. shayad mein bhi na niklu. but jeena toh hai khud ke liye nahi toh family ke liye.

ppl change bhai. main belv karta hoon apki baat pe cz mere sath bhi hua ese. logon ke boht rang hote hein shayd usne change kiya hoga. lol kuch thik nahi hoga bhai but time ke saath u wil learn to handle the pain. main samjhta hu kesa feel hua hoga apko.

Quote

BeingABeast

@BeingABeast

Voyager

Posted: 7 years ago

#142

Originally posted by: -Useless-Toy-

bhai Sid, Ap kehte they na baat kar liya karo hum se bhe ansar. lo phir 1 month ka HW de diya ap ko, lol

mujhe IF se zara break chahiye.
pakistan bhe jana hai wapis isi week.

or haan shayed main 1 baar phir USA jaon. kaam se 15 din keyliye. , jana bhe hai ya nahi ye abhe final he nahi hova hai. lekin 45 days main ho jayega . jana hai ke nahi.
main jeet geya to nahi jaona ga. Dad jeet gaye to chala jaon ga. dekhte hain Dad ki jeet hogi ya meri.

mere dost bhe pagal hain. dekho bhai point mar rahe hain,!

pehle wo keh rahe they ke ansar tum ne ana hai to wahan he rehna hai , lekin main ne yakeen dilaya ke nahi is baar kaam se ana hai or kahin or jana hai or wahan se he wapis, or ab wo keh rahe hain ke nahi tum wahan he jao pehle jahan last time gaye they.
dimaag kharab hai na in ka? lol

mera jane ka bohot dil hai. akhir mujhe pasand hai US :) lekin yaar wahan ja ke bohot zeyada sad raha tha to darta hoon is liye soch raha ke rehne doon...

chalo bye bye bhai. pata nahi kab ana hai ab wapis 🤗
RB aye to ab JB gayeb h gaye wese. lol

*** wil You hear me if i cry? ***
*** will You come before i die? ***

-------

❤️❤️❤️
acha song hai :)

[YOUTUBE]https://www.youtube.com/watch?v=iZnwG3m5wRs[/YOUTUBE]

ji karte raha karo baat bich bich mein:)

good milo doston se n kaam karo take care bhai🤗

Quote

Looks like you are new here. Register for free, learn and contribute.

ForgottenTOY

@Forgotten-Toy

Achiever

+ 2

Posted: 7 years ago

#143

aaj ki raat IF ke naam,

lekin abhe aya kuch time baad :) abhe dost soye nahi. lol

Quote

ForgottenTOY

@Forgotten-Toy

Achiever

+ 2

Posted: 7 years ago

#144

bhai ye Ubisoft walon ne kese kese log rakhe hain apne paas. on ke paas koi acha engineer nahi hai kya :x.! apne Ap ko sahi samjhte hain or mere jese ki baat he nahi sunte :( abhe on ko kese samjhaon meri taraf se problem nahi, main sab khud he fix karna janta hoon. lekin wo dhakan hain ke mante he nahi. main ne achi khasi bisti ki on ki. ab email ayi na to main ne or kar deni hai.

mujhe port forwarding sikha rahe hain. on se kaha hai ke main chotta sa tha tab se ata hai mujhe ye sab. agey bolo,! or os se agey on ko bhe nahi pata shayed ke kya karain,! sab ko eyse he deal kar rahe hain ye log, sab gusse se laal hain.

ubisoft nahi bugisoft naam hona chahiye in ka.

Quote

ForgottenTOY

@Forgotten-Toy

Achiever

+ 2

Posted: 7 years ago

#145

kahan se shoro karon.

Quote

ForgottenTOY

@Forgotten-Toy

Achiever

+ 2

Posted: 7 years ago

#146

june se le kar abhe tak koi aya he nahi yahan,

bhai koi apne dost he le aao yahan or cc ko active rakho. meri bohot si yadain hain is se ❤️

Quote

ForgottenTOY

@Forgotten-Toy

Achiever

+ 2

Posted: 7 years ago

#147

JB Ap ki BD hai.

chalo roko main wish karta hoon. aya he isi liye hoon :) warna nahi ana tha aaj . wahan to 14 kab ki ho gayi.

Quote

ForgottenTOY

@Forgotten-Toy

Achiever

+ 2

Posted: 7 years ago

#148

JB wish karon ya rona shoro kar doon? 1 saal kam ho geya Ap ki life ka

wese 14 aug yaar. aaj to pakistan bhe bana tha. lekin tail lene geya pakistan. mere bhai se acha kuch nahi filhaal :P. lol

mere yahn boht ache friends bane. phir freinds se bhai bane. lekin sab nahi. or jo bane wo is liye nahi ke main ne on ko choose kiya. wo is liye ke Ap main kuch hai , jis ka matlab yehi hai ke Ap ache ho :)

wese ager Ap larki hote to kya hota? simple Ap ko sis bana leta main.

shayed hum kabhe mil sakain bhai :) sach ye hai ke main duniya main kahin bhe ja sakta hoon :) lekin jab dil khush nahi to main kahan jaon. lekin jab bhe india aya zaroor milon ga :)
yaar main last time tab aya tha jab bollywood ki pehchaan Shahrukh khan ki don 2 ayi thi or main ne wo india main he dekhi thi . os ke baad abhe tak nahi geya.. 2016. or 2017 main paka tha lekin phir bhe nahi ja saka. apni health ki waja se or dil ke udass hone ki waja se. dil he nahi karta.

main ne hamesha BD ko funny baton se ya dil se nikalne wali batain bol ke wish kiya hai. funny abhe hongi nahi. or dil mera toot chuka hai. to kya bolon abhe kuch samjh he nahi raha .

koi baat nahi a rahi dimag main. haan bus purani yadain he hain. lekin on ko kitna yaad karwaon. lol wese bhe Ap kon sa bhule ho. or ager yaad karwa din aaj bhe to Ap ne kehna ye pagal hai.

Ap ki bhai main ne bohot respect ki hai. shayed aj tak kabhe ap pe gussa nahi aya or wo is liye nahi ke main ne kuch kiya. oper kaha na ke Ap he ache ho bohot ,main nahi.
Zola ki dost Jenny Aunty kal mujhe keh rahi thin ke ansar tumhare JB bilkul ache nahi hain :( balke bohot he ache hain wese bhai mujhe feelings a rahi hain ke Jenny aunty ko bohot gussa a raha hoga meri harkaton pe to bacha lena mujhe. main khud ko nahi bacha sakta na. weak insaan hoon. to bhai hone ke naate help karna meri ok.

ye raha Ap keyliye chotta sa cake.

is ko plz khana nahi . warna khatam ho jayega na . Ap bus is ko dekh he lo

oye ye cake to acha hai. chalo main bhe eysa order karon ga. 8 months ke baad phir mujhe badle main ''thanks alot'' mile ga

-------,-------,-------

or ye ap ko meri taraf se 1 achi si gun, ye meri fav hai. jab main india aya na to mujhe he goli maar ke test karna is ka,

M4 ❤️

[YOUTUBE]https://www.youtube.com/watch?v=JmMeY6VrdoI[/YOUTUBE]

Ap ne to use ki hogi na right?

----------

Ap se kuch batain karni thin bhai main ne :) lekin Ap aye he nahi os ke baad. lekin main FB pe Ap ko mesg karon ga. i hope wahan Ap reply do,! mujhe sachi kuch batain clear karni hain Ap dono ke sath, .. to plz 1 baar to baat karo mujh se,! ager FB pe nahi yahan nahi to WA pe a jao.. Sid bhai. Jenny Aunty, NB, kisi se bhe mera number le lena jab dil kiya :)

main yahan siraf or siraf Ap ko wish karne aya tha bhai. meri dua wese to mere liye he puri nahi ho rahi. lekin shayed Ap par ho jayein, :) meri dua hai ke Ap ki sab problems khatam ho jayein. or Ap hamesha khush raho. hamesha.

Khuda Ap ki zindagi main kisi tarhan ka bhe koi dard na de. chotti si life hai. is main gham ache nahi,

meri dua hai Ap ansar kabhe na bano :)

Ap bus hamesha khush raho yaar. ho sake to baat zaror karna mujh se.

🤗🤗🤗,🤗🤗🤗

Quote

ForgottenTOY

@Forgotten-Toy

Achiever

+ 2

Posted: 7 years ago

#149

wese ap ki bhe leg toot gayi thi na 2012 main? i think Ap ne btaya tha. ager main galt nahi to. or or or meri bhe tooti hoi hai, nani yaad a gayi thi. main bohot zeyada din tak apne bedroom main he nahi ja saka tha. oper wale, niche wala main raha phir.

maze ki baat hai jitne bhe accident hove na hamesha left side se he kuch hota hai :( 2001 main operation hova. left side pe :x. ear. arm. leg, or dil, sab left se he , abhe left side clear ho gayi, abhe right side ka number hai. ab is ko barbaad karna haidil nahi hai right side pe to pain zeyada nahi hoga na in sab main dil he nahi sambhala geya baki sab to main ne bohot brave ban ke cover kiya :)
meri harkatain he eysi rahi hain hamesha ke har saal kuch na kuch hota hai jab se main ne hosh sambhala hai. Mama mujhe kaha kartin thin ke beta jab tum chotte they to hum tumhari care karte they. or tumhain kuch nahi hota tha. or ab jab khud ko hosh aya hai to tab se he khud ko kuch na kuch karte rehte ho.! har saal kuch na kuch hota hai mujhe.
bhai main ne mout ko bohot baar kareeb se dekha hai. or tab main dar bhe geya tha bohot. 1 baar north side pe gaye they hum to hiking karte hove main girne laga tha. bus ye samjh lo ke mera 1 dost mujhe hath na deta to meri hadiyan bhe nahi milni thi. 2 sec late ho jata na to main geya tha.

ye 2011 ki baat hai shayed. or jab os ne mujhe bachaa liya to phir zor se mujhe thapar mara os ne. itna zor se ke main gir geya. or koi 4 hours tak to meri awaz he nahi nikli thi. itna dar geya tha main... or main kabhe itna dara nahi life main... sab mujhe mana kar rahe they. or main on se keh raha tha ke khatron se khelna chahiye. loool os ke baad main jab bhe geya ye log mujhe center main rakhte they ke ansar pagal hai is ko sambhal ke rakho. jese koi family jaye to chotte bachon ko Ap apne control main rakhte ho na wese he ye mujhe rakhte they . kiyon ke meri harkatain he wesi hain.
1 funny baat hai. 2015 main jab hum gaye to main ne na spray wala paint le liya. ke jo jaga achi mili wahan KSA likhna hai. or main ne likha bhe. lekin 1 jaga eysi thi jahan bohot khatra tha, main hoon he pagal main ne ja ke likh diya. lekin jab niche aney laga to niche dekh kar main dar geya. kiyon ke niche jane ki himat nahi ho rahi thi. phir in sab ne mujhe khoob danta or kaha ke abhe behte raho oper he koi nahi ayega help ko. or wahan 1 hour se zeyada time waste karwaya main ne. wo jaga hai he eysi ke jate hove feel nahi hove lekin atey hove dar lag geya. lol phir bohot mushkil se mujhe niche utara inhon ne or or or phir wo paint wali bottle phenk di mujh se cheen kar :( :(
bohot baar eysa hova ke main marte marte bach geya.

or baki jo zakhm mujhe milte hain wo har saaal milte he rehte hain. abhe 2018 main he april main mere paon pe knife gir gayi thi. oper se. or niche se bahir a gayi thi :( or wo bhe left side he thi 😳
wo theek hova to main ne apna accident karwa liya lekin sachi mujhe kuch bhe nahi hova tha. car ki jo halat ho gayi thi sab ne kaha ke ansar tum kese bach gaye. lol

ye meri life main 1 ajeeb se iteefaaq hai. sab se bura accident or mujhe 1% bhe kuch nahi hova tha. or hone ki waja ye thi ke drive karte hove 1 song a geya. or mera dheyan kahin or chala geya. kho geya tha main. bus hosh tab aya jab accident ho chuka tha.

os ke baad Dad ne mujhe mana kar diya drive karne se. or main jab tak pakistan raha main ne drive nahi ki. abhe yahan hoon to kar raha hoon . is ka dad ko pata nahi hai. lekin sachi yaar. pata nahi kya ho geya hai mujhe. mera dheyan. dil 1 he jaga pe rehta hai har time. wahan se nikalta he nahi. Ap khud he socho na ke drive karte waqat bhe mujhe hosh nahi.

main pagal hoon bhai. abhe kuch eysa ho na ke blood nikal aye to main os ko rokta nahi hoon. beth kar dekhta rehta hoon paglon ki tarhan ki kab tak nikle ga. or kitna. lol main enjoy karta hoon is tarhan ki pain ko. or ye sochta hoon ke ye pain zeyada hai ya dil wala. or dil wala he zeyada hai har tarhan se.. abhe eyse kaam pagal log karte hain na bhai? main pagal ho chuka hoon. maan lo ye baat

Quote

ForgottenTOY

@Forgotten-Toy

Achiever

+ 2

Posted: 7 years ago

#150

pyaare se bhai keyliye 1 or cake. is ko beshak kha lo ager kha sako to.

wese bhai winter main Ap aao na pakistan. mere sath rehna mere ghar mere mehmaan ban ke. Ap ko apne Bed room main jaga doon ga Ap ko north dikhaon ga. jo ke mere dost kehte hain ke switzerland utna khubsurat nahi. abhe main ne switzerland dekha nahi to idea nahi. lekin wo to kehte hain. a jao yaar. 2015 ke baad main bhe nahi geya.

baat to theek he lag rahi hain on ki... pakistan ka north switzerland ko takar de raha hai. nai maltba sachimain to samjhta tha ke switzerland duniya main sab se zeyada khubsurat hai

wese ye jo last wali pic hai na is ke ilawa baki sab jaga main ne dekhi hoin hain. waqat guzara hai wahan main ne.maybe last wali bhe dekhi ho lekin yaad nahi.

1st wali pic main jo pakistan ki hai wo to mere laptop main bhe hai. ye dekho. jaga wohi hai bus time ka fark hai. or jaga thori si change hai. or ye koi eysi wesi jaga nahi hai. top 10 main hai pure world main. oxygen yahan kam hai. raat ko sone main problem hoti hai kafi. or isi jaga pe atey hove main marne laga tha. 2011 main. jo oper btaya na ke hking karte hove girne laga tha. wo yahan atey hove he hova tha.

jitni khubsurat ye jaga hai yahan ana bhe utna he mushkil hai :) abhe isi 2018 ke winter ki baat hai france ki 1 team yahan phas gayi thi. to phir Pak army ne on ki help ki thi helicopter se,
jahan se main ne pic li, is se agey 1 or base camp hai, koi 4 hours hiking karne ke baad. os ke baad phir is ke top pe he jane ki jaga hai, camp koi nahi. or yahan se K2 nazar ati hai. jo pure world main 2nd number pe hai or thand yahan zarorat se zeyada hai. Ap bina jacket ke nahi reh sakte. or Ap yahan family ke sath aney ka soch bhe nahi sakte.

ye mere mobile ki hai. july 2015 ❤️ mujhe yaad hai camp se bahir ke subha subha main ne ye pic li thi. kiyon ke ye clear bohot mushkil se he dikhti hai. lol badal hote hain na :)

june main bhe yahan ice melt nahi hoti, july - aug main hoti hai itni thandi jaga hai.

ye jaga bhe top 10 main hai. or yahan aney wala jo road hai. jis ko jeep track kaha jata hai wo bhe duniya main top dangerous roads main se top 10 main he hai. or jo road china ko jata hai wo bhe isi ke kareeb se ho ke jata hai. or maze ki baat wo bhe top 10 main he hai. loool. coz itni zeyada height pe os level ka road hona na mumkin hai. lekin bana hova hai. os ko silk road or karakoram highway kaha jata hai. ye rahi mere mobile ki pics. ye hum china ke border tak gaye they. or jab wapis aye to landsliding ki waja se road ka ye haal ho chuka tha.

to phir hum ne 2 din wahan he guzare. or ye bohot galat time pe hova tha. meri pakistan se indonesia ki ticket confirm thi. 8 aug 2015 ki or 6 aug tak main wahan tha. lol 7 ko wapis aye. wo bhe late night. or 8 ko shoping ki. sab ko mila or phir airport keyliye, 2 din se nend he nahi puri hoi thi. pehle drive main, phir ready hone main. or nend main ne puri ki thi flight main 😳 or main date change nahi kar sakta tha. 10 aug ko jiju ne pakistan ana tha to mera wahan jana zarori tha. warna main ne cencel karwa ke date change kar leni thi. or ye jitna acha dikh raha hai road utna he dangerous bhe hai. fog. snow. or landsliding ki waja se yahan pe bohot mushkil samne ati rehti hain .

ye lake hai. ye 2010 se pehle nahi thi. ye jo road hai yahan se guzarta tha. lekin landsliding ki waja se 1 river block ho geya or phir wahan ye lake ban gayi is ki depth bohot zeyada hai. or ye road is ke andar se ho ke guzarta tha. to lake ban jane ki waja se phir onhon ne 25 KM ka road alag se banaya tha. or 2010 se le kar 2015 tak ye road kharab raha, os ki waja ye hai ke wo jaga he eysi hai ke wahan road banana mushkil tha. lekin china ne bana diya. tunnel bana ke. tab tak lake main he onhon ne wo ship type kuch rakha tha os main cars load kar ke dosri side pe le jate they. 14 aug 2015 ko road phir se open hova public keyliye :)
ye lake ki detail hai ye bhe mere mobile ki pic hai or 2nd wali google ki

or ye kuch pics google se lin hain. yahan bahir se bohot log atey hain. americans. canada se. UK, na jane kahan kahan se. lol
or meri khuwish thi is ke ke top pe jane ki. or main kar sakta tha. lekin meri zindagi main ab to kuch raha he nahi. to abhe koi khuwish puri nahi kar sakon ga main :) warna ye main ne kar ke dikhana tha life main. jab hum gaye they tab bhe bohot se log they. mera cousin kehta oye ansar wo rahe tumhare Americans. to main ne kaha baki sab ko goli maro. aao on ko tang karain. or hum koi 2 AM tak on ke sath bethe rahe they.
ye german ka flag hai. lol on ki team ayi hogi.

mere sare khuwab he mar gaye bhai... wese bhe abhe to meri health he itni zeyada kharab hai ke main hiking kabhe kar he nahi sakta. mujhe breath problem hai na. na mumkin hai ab to. main dec 2015 ke baad apna sab kuch kho chuka hoon :)

lekin ap a jao, hiking ke ilawa dekh to sakain ge na . in sab ko pics main dekhna eyse he hai fazool. real main jo hain wo camera main a he nahi sakta,. or wo feel, thandi hawa.. pholon ki khushbu... amazing..

ye lo dekh lo kuch or, mere he mobile ki hain . or ye sab 2015 wali hain. is se pehle ki jo hain wo is se bhe achi hain. lekin itni kese dikhaon abhe.

wahan1 bacha dikha mujhe, jo khel raha tha. to main ne os se os ki ball cheen li or khud khelna shoro kar diya. to os ne ja ke Apni Mama ko btaya to main bhaag geya wahan se , loool, mujhe bache bohot pyaare lagte hain. lekin on ko tang na karon to sakoon nahi milta❤️ 1 ke paas dairy milk thi. wo main ne le kar kaha thanks beta, or phir main gum geyaor apni masoom ankhon se mujhe dhondta he reh geya

@ye thi wo life, jis ko main ne khoob enjoy kiya 2015 tak.. os ke baad life he gum gayi... sahi life wohi thi. main kisi ko eysi life enjoy karwana chahta tha :) lekin nahi kar saka.

or ye pani na ice ka hai, melt ho ke a raha hai, or main is main bheeg geya tha. or blv me, 10 sec bhe nahi raha geya mujh se, sans he ruk geya tha. itna thanda pani tha. phir jaldi se car main ja ke kapre change kiye. warna mujhe kuch ho jana tha os din. video bhe banayi thi doston ne tab.